المساعد الشخصي الرقمي

مشاهدة النسخة كاملة : شاشة السيارة و Gps طريقة التركيب .


الرقمي
29/07/2009, 11:55 PM
السلام عليكم ورحمة الله وبركاتة

تحية عطرة للجميع

اخواني

انا بغيت شاشة للسوناتا مع GPS ودرت الغرابي كلة

لقت سعرها 1300 بدون GPS , ومع GPS حوالي 2250 وهذي صورتها0

http://salehssj.googlepages.com/13042009003.jpg



ولقيت نوع ثاني مشابة تمام للنوع الاول بس الاختلاف في فتحة ال SD الامامية ( الذاكرة )

الاول فية فتحين SD امامية الي في الصورة فوق

اما النوع الثاني فية فتحة واحدة ولقيتها عند مملكة الخرايط 1700 ريال بدون GPS وهي صورتها

http://www.assayyarat.com/forums/images/statusicon/wol_error.gifهذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 864x487 .http://www.in-futian.com/ch1/shsat/DSCF1599.JPG


وتراني دخت من كثر اليمنية ماتدري من الصادق والكذوب

افضل محل يبيع شاشة سوناتا وين احصلهم ..؟





هذا بالنسبة للشاشة

اما GPS فحيرونا اليمنية الي بغرابي الي يقول ترها ماتنفع تركب خرايط والثاني يقول اذا ركبت تقفل عليك بعد شهر

هل الطريقة السليمة اني اشتري شاشة وانا اروح اركبلها GPS

وش رايكم ..!!

هل يمكنني ان اركب على الشاشة GPS بنفسي بدون كذب هل اليمنية ..؟

في انتظاركم
الرقمي
30/07/2009, 01:42 AM
بأنتظاركم ...
محسن اليامي
30/07/2009, 03:28 AM
وعليكم السلام ورحمة الله وبركاته

والله يالغالي ماني خبير في ذالشاشات إن شاءالله الشباب يفيدونك
الرقمي
30/07/2009, 04:14 PM
ننتظر اهل الخبرة والمجربين
حمود مناور
31/07/2009, 02:26 AM
بسم الله الرحمن الرحيم
اخوي السلام عليكم ورحمة الله وبركاته
انا شريت شاشه للجيب 2008 م طبعاً فيها مدخل يو اس بي ومدخلين واحده لذاكرة الجوال والثانية للخرائط مثل بعض وفيها جي بي اس ومدخل سي دي طبعاً هذا كله خلف الشاشه والصناعه تايوان
المهم الخرائط ما فيه غير خرائط المدن الكبرى مثل الرياض وبريده ...... الخ
اما بعض المدن مثل المجمعه والزلفي و.....الخ ما يوجد فيها الا الخط الرئيسي
طبعاً مافيها خرائط صحراء ولا غيره ورحت يم دار موجه ببريده وقالوا ان الخرايط اللي عندهم ماتركب عليه
واهم شي ان الجي بي سي وجوده مثل عدمه يعني اكثر الاحيان ما يلتقط واحيانا وانت تمشي على الخط السريع تلقاه مطلعك بالخريطة انت بالرادميه والخط بعيد عنك مره يجيك الخط يمين ومره يصير الخط على يدك اليسار
والقهر سعره 2600 ريال
واعطيته واحد من قرايبي يبيه للكامري 1500 ريال ورجعت لقارمن الجوال
واذا بغيت تركب الرجاء التاكد من التقاط الجي بي سي للاشارة ممتاز واشترط عليه وان يسجلها بالفاتوره اذا ماصار الالتقاط ممتاز انك تراجعه وتاكد انك تقدر تحدث الخرائط ويضمنون لك ذلك
وآسف على الاطاله
والسلام
الرقمي
31/07/2009, 07:46 AM
الله يعافية اخوي حمود

والله استفت منك

والله يرضى عليك

شاكر ومقدر

ونتظر من عندة خبر في تركيب الجي بي اس
حمود مناور
31/07/2009, 11:23 AM
اخوي الرقمي العفو
الواحد يبي الخير للناس مثل ما يبيه لنفسه