المساعد الشخصي الرقمي

مشاهدة النسخة كاملة : للي جرب الخرازه الروسيه تولا ممكن تدخل!


خيال وبروق
31/07/2009, 01:22 AM
السلام عليكم ورحمت الله وبركاته
اخواني
انا ادورلي خرازه روسيه تولا تماتيك
ومحتاراشتريها ولا لا اخاف اتوهق فيه , ناس تمدح وناس تسبها!
ولا عليكم امر الي جربها يحط تجربته ...وبكم شراه ومتا شراها
واسف على الاطاله
:) شكرا
ألأطلسي
31/07/2009, 03:11 AM
والله يااخي نصيحتي انك اتدورلك برنو اتشيكيه ولومستعمله لانهامعروفه وامجربه هذه نصيحتي
لعيون مكشات
31/07/2009, 03:53 AM
برنو هي الطيبه والباقي ماجريتهن والله يوفقك
القطاوي 2008
31/07/2009, 05:56 AM
هلابك أخوي خيال وبروق
طلبك هذا ماتحصلة بخيمة الصيد البري
تحصلة أن شاء الله بخيمة أدوات الصيد
الله يوفقك بالخرازة اللي في بالك
أرجو أني أفدتك يالغالي
تقبل مروري
ابو ندا
31/07/2009, 08:01 AM
والله ما عندي خلفيه عنها
افادوك الاخوان
الخماش111
31/07/2009, 11:27 AM
ياخوي انا عندي برنو وروسيه البرنو اطيب ونصيحتي اشتر برنو كزخ
خيال وبروق
31/07/2009, 12:49 PM
اخواني اشكركم على مروركم العطر
بنسبه للبرنو انا ادري انها اطيب مافيه شك لاكن وين تحصل الجديد ونضيف
وبعدين وين الرخص عنها
راس مالي اربع الاف ببيع برنو مستعمله بربع الاف.. مديل تسعين طيبه بس اكلا عليها الدهر وشرب. وبشتري ثوب خراز ب500وفيها
والباقي بطق لي الروسيه كما سمعت انها مهي غاليه بلحيل بحدود3500 فل كامل بقراطيسها
وفرق لما تشتري سلاح استخدمه عشرة رجاجيل قبلك ...بسلاح انت اول من فككه من قراطيسه.
...........
انا ابي رجال جربهاهل هي وقع وتسوق واسعارها وهل هي فعلن تما تيك
..............اخوي الخماش111 ياليت تفيدنا اكثر لاهنت ؟؟؟؟
نون التوكيد
31/07/2009, 12:59 PM
^^^^^^^^^^^^^^^^^^^^^
وانا مثلـكـ يـعلم الله اني متردد نآآس تسبها وناس تمدحها ،،

وياليت اللي جربها ياخوان لا يبخل علينا بذكر عيوبها ومميزاتها

شاكر لكـ اخي الكريم
r.juve
31/07/2009, 01:58 PM
طيب وين القى الخرازه الجديده
أبوأحمد2006
31/07/2009, 02:22 PM
هلا بك أخوي
عليك بالبرنو التشكيه؟
العارض
31/07/2009, 02:39 PM
حياك الله يا خيال وبروق

البرنو مايحتاج ماعليها كلام

من ناحية تجربتي للثنتين

عندي برنو مديل 99 جديده وغاليه علي وجتني روسيه تولا هديه من احد زملاي فقررت اني اجرب الثنتين لقيت ان الروسية التولا اطيب من البرنو في السوق مع ان الروسية اقصر سبطانه من البرنو

رميت بهن بنفس الفشق واستخدمت فشق ستنقر لقيت الرومسية اطيب من البرنو في السوق مع ان كلها جديده

انصحك باالروسية التولا لانها خفيفه وطيبه بالحيل ان كانك ماتقدر على البرنو
نون التوكيد
31/07/2009, 04:14 PM
سلام عليكم
هلابك اخوي العارض
بما انك تملك الخرازه الروسيه حبيت اسألك سؤال
هل يركب عليها دربيل ولا لا ؟
لاني كني سمعت انه لازم تفصلها قواعد او حاجه زي كذا لكن مدري ايش هي بالضبط .
فانا ان شاء الله ناويلي على وحده . لا تبخل علينا بنصايحك اخـوي .

بالتوفيق اخوي وعسى الله يعطيك خيرها ويكفيك شرها
والسلام خير ختام
قناص خلاوي
31/07/2009, 06:45 PM
دايم الناس تخاف من الشي الجديد
الروسية ممتازة وعملية وسعرها فيها ومعقول
كثير من اللي جربوها يمدحونها واللي يذمها قليل
توكل على الله وخذها اخوي
سعر الجديدة منها يختلف من منطقة لمنطقة
لكن بحدود 2900 إلى 3500 ريال ما يزيد
والله يوفقك للصالح
عاشق السناف
31/07/2009, 06:52 PM
كفو و وفوا الشباب
ابوحفصه
31/07/2009, 07:05 PM
السلام عليكم
ان جربت البرنو 94 وجربت البرازيلية ميقتك 7022 مافي مقارنة البرازيلية افضل

من البرنو اخف وزن واقصر وسوق ودقة اصابة ونص تماتيك تشيل عشر

عزالله انها خوش بندق وعدد الحلزوان الي داخل السبطانة 8 بينما البرنوا 6

خذ برازيلية تدعيلي وقيمتها من 2800 الي 3100 جديدة

الله يرزق البندق الي تاكل من صيدها
الخماش111
31/07/2009, 08:04 PM
ونا اخوك الروسيه عندي جديده واذا رميت اكثر من 30 ور بعض ماتروح مسافه وترتد تهتز
خيال وبروق
31/07/2009, 11:10 PM
مشاء الله ما قصرتو بس لا زلت محتار
............
ياشباب انا ادري البرنو ما تقارنها بتولا
اولن البرنو من 15سنه متداوله يعني بخاصينها الرجال
مشكلت التولا انها لسا جديده له سنتين بس عندنا على ما اعتقد يعني لو نقالنا رجال مقتنيها سنتين عس الله هو الي
عنده العلم ولا قصورن فيكم عزالله ماقصرتو
.............
اخوي الخماش111 توضيح اكثر تكفاء
وهل الخرازه الي معك نفس الي برابط ادناه وهل هي تماتيك
http://www.albreah.org/up2/uploads/images/albreah.com-643d5fa8b3.jpg
الخماش111
01/08/2009, 06:02 PM
الله الله نفسها نصحيتي اشتر برنو ولا تشاور ولو تزيد الف ولا الفين من قيمت الروسيه
أبوقزاز
01/08/2009, 10:18 PM
اقووول يالذيب خذ الراااي الي يجمد على الشااارب..

النااس تعذرب كل شي جديد هذاهم يعذربوون في البرنو الجديد موديل 98 و99 وفووووق

يعني النااس تسب الي تجهله وهي ماتدري وين الله حاطهااا بس حب فهاامه.!!:mad:

اناا مجرب الروسيه والتشيكيه البرنو كلهن طيبااات ومابهن خلاف بس الروسيه تسووق اكثر من التشيكيه..

بس العيب الي في الروسيه ان وزنهاا يبيله احتراااف..;)(بس ركب دربيل وتنحل امورك بآذن الله)

والروسيه التولا هي عادي مثل البرنو مهيب توماتيك ويجي معهاا مخزنين ياخذن10 ومخزنين ياخذن 5

وخذ العلم ونخووكـ خذهاا وكدهاا وتبي تجي معكـ ان شاء الله


تحياتي يالذيب،،

في آمآن الله
ابو رمزي
02/08/2009, 11:52 AM
فعلا مثل ماذكر بعض الاخوة

التولا عشقتها بعد اول نضرة
وبعد التجربة عشقتها اكثر وجنيتها واضفتها مع دفتر العائلة
حقيقة هذه بندق رااائعه جدا
وتتميز عن البرنو
خفتها ــ قصرها ــ سوقها رائع ومن تجربتي لها مع عدة خرازات برنو اكتشفت انها اقوى في المدى (الاختراق) بشيء بسيط
بسبب جهاز الترباس وكتمه للغاز اكثر من البرنو
ومن يعارض كلامي .. الميدان ياحميدان .. ويوجد مواضيع عنها في النت .. لملاحضة قوة الاختراق بالصور والتفصيل مع البرنو

وتناسب قانص الضلع تمام لملائمة حجمها وعدم طولها وخفتها

انا لا أضلم البرنو
بالعكس من المحببة لدي وهي عندي منذ 10 سنوات ولا زالت موجودة

ولاكن عندنا عادة

وهي اي شيء جديد في السوق يسبونه ويخوفون منه

لو رجعت الى قبل 15 سنة لرأيت البرنو اول مانزلت السوق كان سعرها لايتجاوز الا 1200 ريال
وكان الكثير متخوف منها ويحذر منها (لانها جديدة على السوق) والان هي التي متصدره في البيع وهي الي ماسكة قيمتها
لما كشفت لها هذه السنوات وشهدت لها بالمتانة والصبر واصبحت حديث القناصة في المقناص

صحيح ان نيشان البرنو افضل وأدق من نيشان التولا
ولاكن اذا ركبت الدربيل الجيد على التولا سوف تبدع بها ولن تفرط بها

رأي شخصي

شكرا لكم
الخماش111
03/08/2009, 02:14 AM
فعلا مثل ماذكر بعض الاخوة




التولا عشقتها بعد اول نضرة
وبعد التجربة عشقتها اكثر وجنيتها واضفتها مع دفتر العائلة
حقيقة هذه بندق رااائعه جدا
وتتميز عن البرنو
خفتها ــ قصرها ــ سوقها رائع ومن تجربتي لها مع عدة خرازات برنو اكتشفت انها اقوى في المدى (الاختراق) بشيء بسيط
بسبب جهاز الترباس وكتمه للغاز اكثر من البرنو
ومن يعارض كلامي .. الميدان ياحميدان .. ويوجد مواضيع عنها في النت .. لملاحضة قوة الاختراق بالصور والتفصيل مع البرنو


وتناسب قانص الضلع تمام لملائمة حجمها وعدم طولها وخفتها


انا لا أضلم البرنو
بالعكس من المحببة لدي وهي عندي منذ 10 سنوات ولا زالت موجودة


ولاكن عندنا عادة


وهي اي شيء جديد في السوق يسبونه ويخوفون منه


لو رجعت الى قبل 15 سنة لرأيت البرنو اول مانزلت السوق كان سعرها لايتجاوز الا 1200 ريال
وكان الكثير متخوف منها ويحذر منها (لانها جديدة على السوق) والان هي التي متصدره في البيع وهي الي ماسكة قيمتها
لما كشفت لها هذه السنوات وشهدت لها بالمتانة والصبر واصبحت حديث القناصة في المقناص


صحيح ان نيشان البرنو افضل وأدق من نيشان التولا
ولاكن اذا ركبت الدربيل الجيد على التولا سوف تبدع بها ولن تفرط بها


رأي شخصي



شكرا لكم

يابو رمزي اتحدا ان الروسيه اطيب من البرنو انا عندي الثنتين والبرنو اطيب تسوق مسافه ماتسوقها الروسيه ونيشان البرنواطيب والروسيه بعض الاحيان ماتنفل الصفره تعلق
ابو رمزي
03/08/2009, 11:17 AM
اخي
انا لاقول انها اطيب من البرنو ولا ذكرت ذلك


ارجو القراءة بتمعن اكثر


قولي هو بأن الجميع دقتهما ممتازة بالنسبة لوجود الدربيل
وبالنيشان تكون دقة البرنو اكثر لان نيشانها اوضع وادق تركيز من التولا


ولا كن في قوة اختراق الهدف تفوق التولا بشيء بسيط


شاهد هذه التجربة ..
اضغط هنا (http://www.albreah.com/vb/t6031.html)


وبعد مشاهدتي لتلك العملية قمت بالتجربة وتبين معي ان التولا اقوى بشيء يسير في الاختراق


واي شخص يختلف على كلامي انا مستعد ان آتي بجميع البندقيتين وسيرى النتيجة بعينة


شكرا لكم
خيال وبروق
04/08/2009, 12:01 AM
كفو والله العلم الوكاد عندكم يارجال كفيتو وفيتو
ابو قزازه ابو رمزي الخماش111
كلامكم على عيني وعلى راسي ما قصرتو
........
اليوم قابلت رجل شرواكم من القارب له خبره طويله بلخرازات
وسالته ورد.. التولا منافسه للبرنو والامانيه
والتولا قديمه لاكن انقطعت فتره وعادت وبقوه.
وصراح يمدح الخرازات الروسيه بشكل عجيب ويقول عنده خرازه قديمه تقريبن 15سنه روسيه بس نسيت اسمها غريب
ويقول متانه وسوق رهيبه.
مدحه لروسيات ما خش مزاجي صراحه
وعلى فكره التول يقول الرجال ما تعدا الثلاثه الاف ابد ابد ابد في هذه الفتره لاكن اصبر شوي خلها تستخد من الناس وراح تلاحظ الفرق بتطير(وشريطيه ما يحتاج)
.............
الا
وش رايكم برصاص عادي بليزر امريكي ثوب 550 زين............. بلله الي يعرف رد تكفاء
..

شطح
خيال وبروق
09/08/2009, 09:26 AM
ياربع اسف اني رديت الموضوع بس والله الحيره شقت مخي
اليوم وانا ابحث بنت طحت بمنتدئ صديق موضوعه مدعم بصور وبادله يقول

الخرازه التولا الموجوده عندنا هي صناعه صينيه 100% ياليل
ويقول ان الصينين تقليد ميه ميه يغني صعب عليك تفرق بينها وبين الروسيه

عطونا العلم
والله مشكله
ابو رمزي
09/08/2009, 12:08 PM
لايهمك من يقول
الناس الي جديد عليها الشيء تبدأ تعذرب فيه

..
مثال ..
الشوزل الروسية البيكال اول ماطلع اشتبهو فيها انها تركية وهي روسية بس بعد الكرف اتضحت بصبرها وتحملها

وللمعلومة ..الصين الان اصبحت اكبر منافس للصناعة .. بل واصبحت تنتج ماراكات بمواصفات عالمية تنافس الكثير من الشركات الاخرى

وكل شيء جايز في هالدنيا
خيال وبروق
10/08/2009, 07:21 AM
طيب ياخوك انا بحثت بنت في موقع التولا الروسيه ما حصلت شبيهه بلي عندنا مثل الي بصور
هذيhttp://www.albreah.org/up/files/9735.jpg
خيال وبروق
10/08/2009, 07:22 AM
الي يحصلها ياليت لو يضعها هنا
ابن طاحوس
20/08/2009, 03:14 PM
اقووول يالذيب خذ الراااي الي يجمد على الشااارب..

النااس تعذرب كل شي جديد هذاهم يعذربوون في البرنو الجديد موديل 98 و99 وفووووق

يعني النااس تسب الي تجهله وهي ماتدري وين الله حاطهااا بس حب فهاامه.!!:mad:

اناا مجرب الروسيه والتشيكيه البرنو كلهن طيبااات ومابهن خلاف بس الروسيه تسووق اكثر من التشيكيه..

بس العيب الي في الروسيه ان وزنهاا يبيله احتراااف..;)(بس ركب دربيل وتنحل امورك بآذن الله)

والروسيه التولا هي عادي مثل البرنو مهيب توماتيك ويجي معهاا مخزنين ياخذن10 ومخزنين ياخذن 5

وخذ العلم ونخووكـ خذهاا وكدهاا وتبي تجي معكـ ان شاء الله


تحياتي يالذيب،،

في آمآن الله



هذا الكلام !!!
عريق الدسم2
17/04/2013, 11:24 AM
هذا الكلام !!!



الي بسوق الان اعتقد صيني هل هو عملي او ما نفع بريال
مدمن نزل
19/04/2013, 01:32 AM
ياعريق الدسم الموضوع من 2009