تل قلبي تلت الطير السبوقي

[الرقعي]

تل قلبي تلت الطير السبوقي شاف خربن وتل سبقه ولاحصله اخواني الاعضاء امس قلت هاالبيتن وعجزة اكملهم نبي منك المشاركه ودعوه كلها وناسه وتقزير وقت وشكرن

[garah]

وصبر قلبي على فراق خلي ومعشوقي = يزيد بصبري على البعد ولاامله

[ناصر الحمد]

أرحب يابو مشعل يامرحبا ابشر بس عطني وقت

[ر مطلب البعيد]

مشكور اخوي الرقعي على هذا الموضوع مير ليتني شاعر اقدر اكملها وتقبل مرووووورري

[جـرح الشمـال]

للاسف مانب شاعر ولا راح اكمله 1000 بيت هههههه لكن شف ابو مشهور هواللي يكمله
صح انا فاقده تعرف عنه شي

[النـادر]

بعد اذنك اخي بعدل وزنة البيت الاول


تل قلبي تلت الطير السبوقي=شاف خرب وتل سبق ولا حصله



والأن خذ كمالته من عندي


قام يكفخ لين هدته الفتوقي=الحبارى شلعت والليل حله
صاحبه يسمع عن طيور ٍ تتوقي=قبل تكفخ مادرى انه فيه غله
شافها ناير على حد الشفوقي=تل لكن سبق رجلينه يتله
كل ماتل امزعنه هالسبوقي=مثل ماتل الخفوق على المدله
تل لكن ماقوى مزع العروقي=يوم شاف الزين مجدوله يفله
جادل ٍ طرقا وهي شفي وذوقي=طفلة ٍ ماجربت طعم المذله
.



.



.واترك للاخوان اكمال الباقي

[سلطان 1]

صح اللسانك يالنااااااااااااااااااادر

[هماش]

السلام عليكم

صح السان كل شاعر

[عاشق]

والله الواحد شكله بياخذ على نفسه مواعيد وشروط انه مايفتح مكشات
لانه اذا فتح مكشات لقا الرجاجيل الي عليه الكلام الى تنقل العلم
ماشالته الارض ووده انه يروح لطيره وينقله لاكن الله يصبرنا
ومشكور على الموضوع ودي اكون شاعر لاكن البركه بالاعضاء

[راعي غضبان]

الله يكثر من امثالك ويكثر شعارنا وصح لسانك واخويانا ماقصروا

[النداوي HZ2AF]

صح السانك يا الغالي

[راعى شاهين]

النادر والله انك شاعر مو بسيط تل لكن سبق رجلينه يتله ووووووووصح لسانك

[الرقعي]

صح لسانك يالنادر ونبي مشاركات اخوانا الاعضاء

[ابوسعد 3]

صح لسانك
ننتضر المزيد ..

[شَعَّـاااال]

صح لسانك يالنادر


وتسلم يالرقعي على الموضوع


ولي عوده باذن الله


تحياتي

[الرقعي]

تل قلبي تلت الطير السبوقي = شاف خربن وتل سبقه ولاحصله = صاقره ورعن غشيمن بدروبي = يطلب الهده ولاهو فاطنله =

[ريف النشاما]

بعد اذنك اخي بعدل وزنة البيت الاول


تل قلبي تلت الطير السبوقي=شاف خرب وتل سبق ولا حصله



والأن خذ كمالته من عندي


قام يكفخ لين هدته الفتوقي=الحبارى شلعت والليل حله
صاحبه يسمع عن طيور ٍ تتوقي=قبل تكفخ مادرى انه فيه غله
شافها ناير على حد الشفوقي=تل لكن سبق رجلينه يتله
كل ماتل امزعنه هالسبوقي=مثل ماتل الخفوق على المدله
تل لكن ماقوى مزع العروقي=يوم شاف الزين مجدوله يفله
جادل ٍ طرقا وهي شفي وذوقي=طفلة ٍ ماجربت طعم المذله
.

.
.واترك للاخوان اكمال الباقي


:p :p
لكن الرجال صبار رفوقي = وكلّ أمره وأعتصم في قوة الله
وساق جيبه يم هاتيك العروقي = لين عدى الجيب له في راس تله:D
وطب مثل الذيب شغله مايعوقي =نزل الفرشات والعزبة ودله:cool:
:j

[صقر الشبهه]

ماشاء الله عليكم قول وفعل

[عروق الدهنا]

بيض الله وجهك على هالطرح



وجد قلبه وجد من شاف معشوقي __ نطح عينه بس مايقدر يأصل له
حرً اشقر طاح بيديً الطفوقي __ جاهلً مقرود وفلوسه تجله
تل سبقه ناويً قبل الشفوقي __ يدمي كفوفه وكف غيره يتله
عزي لحاله ماعطاه السبوقي __يمسي بـ غبنه بعد ذاق المذله


واعذورنا على القصور اللي بالابيات

تحياتي

[لعيون مكشات]

صح لسانك البيت عن قصيد وفالك البيرق

[زلفاوي015]

صح لسانك يا النادر

[بدران123]

بيض الله وجيهكم وعزالله انكم كفيتم وفيتم ...



بدران

[رفيع]

:p :p
لكن الرجال صبار رفوقي = وكلّ أمره وأعتصم في قوة الله
وساق جيبه يم هاتيك العروقي = لين عدى الجيب له في راس تله:D
وطب مثل الذيب شغله مايعوقي =نزل الفرشات والعزبة ودله:cool:
:j

وجاب له طاسه بها حلو الغبوقي.. وغط من تمرن حساوي ما يمله ..
وشال موالٍ على زين الطروقي ... سامرٍ ونجوم ليله سمرت له ..
ذا هوى الي ما طمع ربحٍ بسوقي .. شاري له من هوى نفسه دوىله ..

[شَعَّـاااال]

:p :p
لكن الرجال صبار رفوقي = وكلّ أمره وأعتصم في قوة الله
وساق جيبه يم هاتيك العروقي = لين عدى الجيب له في راس تله:D
وطب مثل الذيب شغله مايعوقي =نزل الفرشات والعزبة ودله:cool:
:j


مآ فيك حيله ههههههه كنك ابعدت تاليها شوي :director:
يالله تحيي خويي القديم . وصح لسآنُك ..
أستلموا هآالبيوت يا لغآلين ..

البيت الاول .. يخص اخونا الرقعي ..
تل قلبي تلت الطير السبوقي ** شاف خربن وتل سبقه ولاحصله


كأني شفت في البيت الاول تشبيه بوضعيت تلت الطير وليس المقصود وصفها فتغير الموضوع في ذهني نوعاً ما
ولكني رجعت له مره ثانيه >>مآلي قلب.:D جت معي كذا


وهذي كمآلتها من عندي


وأعذرونا عن القصور


صاح صيحآت المنادي بالبروقي ( =) بالصباح وبالمساء ما تجـهله


من عنودٍ هيضت قلب الشفوقي ( =) فالمنازل ما عرفنا مـنزله


مسكنه بالقلب في وسط الخفوقي (=) الخفوق اللي بصدري مدهله


ما يفيد الطــب في يدَّه عروقي (=) ول مادري ياعرب من مرسله


أشهدوا ياناس في قلبي سروقي (=) النظام اليوم عـفوه يشمله :D
الحباري ياعرب ربحت بسوقي (=) رغم قل الصيد عيـآ يهمله


نحمد الله ما هِـنا شي يعوقي (=) والصعايب بأمر ربي مذلـله


جيبنا جاهز وربآنه يسوقي (=) يابن عمي لا عدمتك مرجله


المولع ما عليه من النعوقي (=) مــــا تغطى ـآ الشمس بمنخله


ليت جمَّـاع الدراهم يــفـوقي (=) الرزق رب الــبــرايا يكفله


نسأله ينشي من الغربي حقوقي (=) يشمل أرض المسلمين بأكمله


.




تحيآتي لكم


..

[النـادر]

:p :p
لكن الرجال صبار رفوقي = وكلّ أمره وأعتصم في قوة الله
وساق جيبه يم هاتيك العروقي = لين عدى الجيب له في راس تله:D
وطب مثل الذيب شغله مايعوقي =نزل الفرشات والعزبة ودله:cool:
:j



ريف النشاما
دامك نحيت به عن وجع قلبه الى مشراف استلم الله لايهينك


وزين الدله معا جني العذوقي=من خلاص الخرج شيئ مايمله
وركد البراد وشويه يروقي =عن لهبها جنبه في جال مله
وارتكى ثم قام يجذبها الطروقي=مونسٍ فالقلب من مشهاه عله
عام الاول واعده يادي الحقوقي=والوعد قفا ولا جاله بحله
لو بغى يطلبه للقضوه تعوقي=هرجة الشامت وتباع المزله

[alajmi110]

الله لا يهينك يا ابو مشعل

انت بلا شك متهيض وناوي نيه الموسم هذا

ما قصرو الربع كلهم وافين ما شاء الله

الله يبيض وجيهكم جميع

[صاحب نوماس]

الله يعطيك العافية يالرقعي على هالموضوع

والاخوان ماتركوا لنا شي كفو ووفوا

[الرقعي]

اشكر الجميع ونبي مشاركة من بعض الاعضاء لكي يتحفونا بما لديهم

[المغرز]

صح لسانك يالغالي
ومع السلامه

[اليناوي 1]

ياتـل قـلبي من عراويه تلـــــي تـلت اسبوق الطير وان لاحله شي
الارض خصبه والمغيرب تدلى ويخاف راعي الطير لايصدفه شي

[الرقعي]

تل قلبي تلت الطير السبوقي شاف خربن وتل سبقه ولاحصله صاقره ورعن غشيمن بدروبي يطلب الهده ولاهو فاطنله قام يكفخ لين هدته الملوعي الحباري روحت وليل حله