المساعد الشخصي الرقمي

مشاهدة النسخة كاملة : كذا الدوافير ولا بلاش


Khalid AlGhamdi
25/07/2004, 01:06 PM
السلام عليكم ورحمة الله وبركاته

اليوم غايب عن الدوام بسبب وعكه صحية :o

لكن مليت من قعدة البيت ولذلك قمت احوم بمحلات ادوات الرحلات

ولقيت لكم دافور مسكككككت

حجمه وهو داخل الشنطة اللي تجي معاه كبر كف اليد

http://www.mekshat.com/pix/upload/images5/mk6097_dafor01.jpg

لانه يجي مصفّط على بعضه

http://www.mekshat.com/pix/upload/images5/mk6097_dafor02.jpg



وبالصورة هذي
http://www.mekshat.com/pix/upload/images5/mk6097_dafor03.jpg

اللي محدد بالدائره البيضاء هذا اللي ترفع وتقصر معاه للدافور

واللي محدد بالدائره الحمراء هذا اللي يعطي الشرارة اذا بغيت تشب

ولقيت عندهم بعد بالمحل هالتحويلة هذي

http://www.mekshat.com/pix/upload/images5/mk6097_dafor04.jpg

وفايدتها انك تقدر توصل الدافور الصغير هذا بالدبة الكبيره الزرقا

طبعا بتقول لاصار عندي الدافور الكبير وش ابي بالصغير هذا

اقول لك لان الدافور الصغير هذا ناره اقوى وارسى قواعد من الدافور الكبير ولو بغيت تذريه بشي ماتحتاج شي كبير بعد

وش رايكم اصلح اشتغل مسوق ؟؟

طبعا الدافور حقه غالي نسبة لحجمه لكن بالنسبة لي ماقدرت اقاوم وشريته

قيمة الدافور 200 ريال نوعه Primus

وفيه نوع ثاني منه صيني نفس الشكل لكن طريقة صفطة مختلفه وناره زينه بس ماهي بقوة هذا

وقيمته 150 ريال


طبعا الدبه اغلبكم يعرف قيمتها 15 ريال

والتحويله 20 ريال

الدبه اعطوني اياها مجاناً والتحويلة دفعوني قيمتها :rolleyes:

طلع المجموع 220 ريال وبالهناء والشفا
الربذي
25/07/2004, 02:46 PM
اولا سلامتك من الوعكات والحمد لله على السلامة وعليك بالبرتقال تراه مسكت لحالاتك هذى لانة غني بفيتامين سي وخفف من دشوش الفجور:D
وش الحلى الي جايب معاك تصدق تصلح علية شاهيك وهو بمخباتك ياحليولوة :p ودنا من غير شر كل ماهذا تنوعك عشان تطلعنا على كل جديد تصدق مابقي الا تشبكة على الولاعة وياهلا بك وتسلم ولاباس واذا ناوي تبيع ;)
واحنا بانتظار وعكاتك الجاية على احر من الجمر :(
اخوك الربذي
مارشال
25/07/2004, 03:02 PM
الله الله مبين ان فيك وعكه صحيه - شف يدك وشلون قايله لا كن على الأجر ان شاء الله
قشاع الرمث
25/07/2004, 03:03 PM
السلام عليكم ورحمة الله وبركاته

ما تشوف شر . ولا تنسى الليمون والبصل :p
ما فيه شك الزين غالي بس عندي سؤال هذا يصلح
للطبخ والا حق قهوه وشاهي لانه صراحه صغير ما تقل
انه ولاعه :D . لا تصير مثل واحد سالته نفس السؤال عن
دافور صغير قال ابولعه وحط يدك وشف هو زين والا لا .

لاكن صرا حه اذا ما معك الدبه الايطاليه الزرقاء
وقز ابو عينين ما تستريح ...

مع الشكر الجزيل .
Khalid AlGhamdi
25/07/2004, 05:44 PM
الله يسلمك يالربذي توني جاي والله من اسواق الروابي مشتري برتقال وليمون :D

وماعليك ان شاء الله نوافيك بالجديد بوعكه وبدون :good:

جراش جزاك الله خير :)

قشاع الرمث وعليكم السلام ورحمة الله وبركاته

والله ام العيال ماهي مقصرة بصل وبرتقال وثوم ومره وانواع الطب الشعبي :D

انا والله من اول حاكر هالدوافير الصغيره ومازلت لكن هذا وانا اخوك اذا فتحته يطلع جمه بنفس حجم العين اللي تجي على الدافور العادي يعني بالراحة تركد قدرك عليه وناره ماشاء الله مايحتاج الله ينجينا واياكم من النار



:good:
الروضة
26/07/2004, 09:01 AM
السلام عليكم ورحمة الله وبركاته
ماتشوف شر اخوي
وبالنسبة للدافور مشكور على هذه الصورة وإذا ماني واهم قد شفت هذا الدافور في هذا المنتدى المتجدد
وأقترح انه مايصلح إلا للشاهي والقهوة أما القدر فأعتقد مايتحمل الحرارة
لكن خله معك وخل معك رأس الدافور العادي والتحويلة وإذا أردت إستعمال القدر ركب التحويلة والرأس الأصلي وذلك كي ماياخذ مكان في العفش ( أقصد الصغير)
والسلام
الكشات
26/07/2004, 11:05 AM
السلام عليكم ورحمة الله وبركاته


ماتشوف شر بإذن الله:)

اما الدافور ماعليه كلام بس فيه ملاحظه اذا كنت تبي تطبخ عليه يبيللك تنتبه للولاع(القداح)

لانه يذوب مع الحراره:confused: وهذا من واقع تجربه واتمنى ان لاتحصل مع احد من الاخوان لان لحد

الان لم يتوفر له قطع غيار عند الوكيل0
الجيب الربع
26/07/2004, 12:10 PM
السلام عليكم ورحمة الله وبركاته


أخي MaxPower

أولا ماتشوف شر ان شاء الله

ثانيا:

الدافور صراحة حلـــــــــــــــــوووو

تحياتي
بــرق الشمال
26/07/2004, 12:15 PM
الله يعطيك العافيه اخوي العزيز على هالمشاركه الحلوه
وانا شاري الدلفور قبل سنه بــ160 ريال بس عز الله انه
ممتاز جدا وفي احد الكشتات قضى الدافور الكبير وكملت الطبخ
عليه...على العموم انه البريموس كوجود الان في القصيم وبــ160 ريال
تقريبا:good:
الربذي
26/07/2004, 12:41 PM
السلام عليكم ورحمة الله وبركاته
اخوي MaxPower اثنا الطبخ علية واذا كان قدرك كبير نوعا ماء فعليك بوضع قصدير بين القداحة والنار لان المسافة قريبة وانا دورت علية هنا وماحصلتة 00000ومعاذ الله ان اتمني لك غير الخير ياوش الخير :D وزين مافيةانك ماتقول نسيت الكبريت ومن هاكلام ويودي الغرض واهم شي الحجم بصراحة مهبول!!!!
Khalid AlGhamdi
26/07/2004, 12:58 PM
عليكم السلام ورحمة الله وبركاته
الروضة المعذرة ان كاننا كررنا الموضوع لكن ماشفته من اول

وبالنسبة للدافور فهو ممتاز للشاي والقهوه وللطبخ الخفافي ، يعني ماتركد عليه قدر الذبيحه وبعدين تقول ماش مايتحمل حرارة :D

--------------------------

الكشات مايجيك الشر يالغالي:cool:

وبالنسبة للقداح اتوقع ممكن ترهمه ؟ وبعدين اعتقد مافيه كاشت مامعه كبريت ولا قداحه

البريموس من وكيله بالرياض ؟؟

ومشكور على الملاحظة :good:

--------------------------

الجيب الربع جزاك الله خير وانت احلى ;)

--------------------------

برق الشمال جزاك الله خير
اجل لعبوا علي بالسعر :( لكن هين هين يالضبان ماعاد والله اشري منهم لو بلاش :mad:

--------------------------

الربذي مايجي منك الا الخير
الدافور وراعيه تحت امرك ومشكووور على النصيحه عز الله انك جبتها بخلي القصدير معاه بالشنطة

:good:
أبو يوسف
01/08/2004, 12:47 AM
دافور رائع


وجولة موفقة اخوي ماكس بور في يوم التغيب عن الدوام :)



تحياتي
غطاس
03/08/2004, 01:42 PM
السلام عليكم ورحمة الله وبركاته

دافور جيد :good:

لاكن وين اقدر اشتري مثلة

ياريت توصفلي المحل الي يبيعة :what:

ومشكور مشاركة عجيبة من نوعها
الرماي
06/08/2004, 11:28 AM
اجر وعافيه


ومشكور على هذا الموضوع
الكشات
09/08/2004, 10:35 PM
السلام عليكم ورحمة الله وبركاته

الاخMaxPowerآسف على التأخير بالنسبه لوكيل بريموس هو بادحمان بشارع السباله اما الملاحظه لأن

القداح من اهم مميزات الدافور ;)
شاص
11/08/2004, 01:26 AM
الله الله هذا البريموس لكن ترى فيه تعديل يصلح عليه ويصير يركب على دبة الدافور العادية سويته عندي وصار ياسلام سلم وطبخت عليه لحمة حاشي
ابو وليم
11/08/2004, 05:51 AM
لالا دافور زين
يعطيك العافية والحمدلله عل السلامة
هاوي مقناص
11/08/2004, 06:50 AM
بسم الله الرحمن الرحيم.......................



اخي ماكس باور ،ماتشوف شر يالغالي .


والبضاعه حليوه .

ومشكوووووووور وماقصرت علي هالمعلومه الطيبه.





اخوك :الخشف
حبل الموده
22/04/2007, 02:20 PM
يسلمووووووووووووووووووووووو
aahhhh2
22/04/2007, 03:02 PM
السلام عليكم ورحمة الله وبركاته
جزاك الله خير
سرهيد
22/04/2007, 03:43 PM
قبل كل شيء الحمد لله على السلامة وما تشوف شر وطهور

وثانيا ، من وين اشتريتها حدد الوصف بالضبط وياليت الاحداثية :) اههه تقول ابي موقع بري .

ما شاء الله تبارك الله

والله انه هالقز حلوووووووووووو بس عذروبة الغلا وفي نفس الوقت لا يوجد قطع غيار ، لأني مربت الوكيل با دحمان في شارع السبالة وسألته قل ما عندنا له اي قطع

كذلك للآسف سعرة غالي ولا تكرموا علينا بصندوق يحمي القز من اي شيء فكما تلاحظون كيس عادي لو رصيت عفشك والا شيء يمكن ينعفط

مع انه صناعة روعة وما يمكن ينعفط بسهولة ، ولكن تمنيانا ان يكون له صندوق كحماية كما في الكوري

كذلك لاحظت ان نار الكوري اقوي واكثر شعلة من البرايمس

ولكن تبي الصدق جودة لا يعلى عليها

لاحظ في الصور التالية صغر حجم القز وصندوقة اللي باللون الاصفر وعلى فكرة سعر الكوري 135 اشتريته من برق الحيا واكيد عند السنيدي باقل

http://www.kovea.co.kr/shop/editor/uploaded/img/1162606826.jpg
حنوش
22/04/2007, 03:53 PM
ماتشوف شر وشكرا على الافادة وترى فيه نوع اسمه( كوفيا )وصناعته كوري وممتاز جدا وقوته زي البريموس زي اللي عارضه اخونا سرهيد
for
22/04/2007, 10:02 PM
ماتلاحظون هالموضوع من ثلاث سنين :confused:

جزاك الله خير
مارشال
26/04/2007, 01:21 AM
ياهو موضوع مغبر

لكن الأهم من ذلك اخونا راعي الموضوع وينه ....... من فتره طويله وماله خبر
سيل عرمرم
26/04/2007, 05:24 AM
الحمد لله على السلامة ، ومشكور على اختيارك الرائع

والشكر موصول لسرهيد الساحات العربية على إضافته الجميلة

سيل عرمرم
الجندي2005
26/04/2007, 03:13 PM
تسلم .........................................
الرهدن
26/04/2007, 05:23 PM
ردك الأول يامارشال :

الله الله مبين ان فيك وعكه صحيه - شف يدك وشلون قايله لا كن على الأجر ان شاء الله

ردك الثاني :
ياهو موضوع مغبر
لكن الأهم من ذلك اخونا راعي الموضوع وينه ....... من فتره طويله وماله خبر

أخشى إن الرجال راح فيها00 الله يستر عليه
عيييييييييييييييييييين :D فاذكر الله يامارشال :p وبرك على إيديت أخونا ;)

.
حمدبوحسان
26/04/2007, 05:38 PM
الدافور ممتاز جدا وأنا عندي واحد مثله شريته من سنه بنفس السعر من السنيدي ، واذا بغيت توفر في الغاز ممكن تشتري تحويله من محل (برق الحيا ) في الرياض ب8 ريال وتركب عليه علبة الغاز اللي قيمتها 3 ريال بدال ماتشتري علبة الغاز اللي 12
رعد النجدي
26/04/2007, 08:04 PM
اللي يبي البريموس بكل اشكاله يلقاه عند محلات اليابس في الديره
ابو نوااف
27/04/2007, 03:16 AM
اجر وعافيه ولعل الله يكتب لك الشفاء بدعوة صادقه
اسال الله العظيم رب العرش العظيم بهذي الليله المباركه الجمعه ان يتم نعمته عليك وان يشفينا ويشفيك وان يديم عافيته علينا وعلى امه لااله الاالله
مارشال
27/04/2007, 11:18 PM
اجر وعافيه ولعل الله يكتب لك الشفاء بدعوة صادقه
اسال الله العظيم رب العرش العظيم بهذي الليله المباركه الجمعه ان يتم نعمته عليك وان يشفينا ويشفيك وان يديم عافيته علينا وعلى امه لااله الاالله

الله يجمع لك بين الأجر والعافية
مارشال
27/04/2007, 11:19 PM
أخوي الرهدن ............ ماقول الا ماشاء الله عليك, صدتني

ابشر والله

ماشاء الله تبارك الله