الجره لمن

[راعي الشلفاء]

السلام عليكم

من الصبح ونت علا جره يوم ترفعت ويلا الرجاجيل يقصون حباراك
طبعن هم مادرو عنك كل منكم يقول الحبارى لي

السؤال الحبارى (لمن)

[الصقار برهوش]

السلام عليكم ورحمة الله وبركاته

][آكييد آلحبآره لك][..

[@قرناص@]

للي شـافها اول ،،

وانا اقوول اذا الدعوه فيهـا مشـاكل اتركها والله بيعوضك بالجايـات ،،

[نايف الخالدي]

هلا بك اخوي
ان كانهم مايدرون عنك فالحبارى لهم

[رامي التراب]

بالنسبة لي انا اذا عينت ثرها ودريت انها ليلية ابعد وروح على وجهتها التأكد قطعت
واي لمعت موتر اروحله وعطية خبر عشان يكون عندة علم ويعلم ربعة الي معة

[أبتسم دائما]

السلام عليكم


من الصبح ونت علا جره يوم ترفعت ويلا الرجاجيل يقصون حباراك
طبعن هم مادرو عنك كل منكم يقول الحبارى لي

السؤال الحبارى (لمن)

في الباديه مافيه شي اسمه احباراك

فيها والله شيمة الرجال وهل العلم الغانم

والحباري لمن قسمة له

[الباهي]

في الباديه مافيه شي اسمه احباراك

فيها والله شيمة الرجال وهل العلم الغانم

والحباري لمن قسمة له

يارجال هذا كلام نسمعه بس والله انه كلام تعال وشف وش يسوون كان تغسل يدك منهم الا من رحم ربي

[حامد الحنيني]

الحبارى للي لقى الجره الاول
ويروح للي جو عقبه ويعلمهم السالفه :) وان كانو يعرفون السلوم يخلونها ويمشون وان شفت ماشفت
وبتصير مشاكل مالله حادك ارفع نفسك عن هالامور وترها بالاخير كومة ريش هذا رايي وبه من يأيدني وبه من يعارضني.

[المغرز]

لمن ضحك وقا انا
ومع السلامه

[ر مطلب البعيد]

السلام عليكم


من الصبح ونت علا جره يوم ترفعت ويلا الرجاجيل يقصون حباراك
طبعن هم مادرو عنك كل منكم يقول الحبارى لي

السؤال الحبارى (لمن)



مساك الله بل خير اخوي راعي الشلفاء اذ كنت انت اول من لقا جرتها والحبارى ما بدلت لأن بعض الحباري تبدل كيلو كيلوين طبعا في غير وقت العبور اذا مابدلت وانت الي قاصها الاول فهي لك ومافيها شك لاكن اذا بدلت وحتى لو كيلو وعلى وجهتها فا تصير للي لقاها الاول عقب مطباحها وتقبل مرورري وتحياتي ...

[صاحب نوماس]

الحبارى للي لقى الجره الاول

ويروح للي جو عقبه ويعلمهم السالفه :) وان كانو يعرفون السلوم يخلونها ويمشون وان شفت ماشفت

وبتصير مشاكل مالله حادك ارفع نفسك عن هالامور وترها بالاخير كومة ريش هذا رايي وبه من يأيدني وبه من يعارضني.

:good: :good: :good: :good: :good: :good: :good: :good: :good: :good:

[قرناس ارامكو]

مساك الله بل خير اخوي راعي الشلفاء اذ كنت انت اول من لقا جرتها والحبارى ما بدلت لأن بعض الحباري تبدل كيلو كيلوين طبعا في غير وقت العبور اذا مابدلت وانت الي قاصها الاول فهي لك ومافيها شك لاكن اذا بدلت وحتى لو كيلو وعلى وجهتها فا تصير للي لقاها الاول عقب مطباحها وتقبل مرورري وتحياتي ...


أخوي ر مطلب البعيد
كلامة صحيح لكن وين الي عندهم شيم
بعض الصقاقير يشوفك تقص الحبارى ويقوم ويخطم عليك ويشرف وهو يطلع وأذا طارت الحبارى هد وقال مدريت وقام يقسم ويحلف أيمان أنة مايدري , وهو مارك بعد 10 أمتار :no2:
وهالحركة مايسويها ألى الخلوي

[راعي غضبان]

اوعليك السلام وشف اخوي الجره للي لاقاها الاول الا ان كانها امبدله وطاح فيها غيره بعيده منه تصير له لان الي ماعنده شيمه ولما يشوفك تقص يحط بينك وبينه جو ويطمن عنك هنا المشكله لو كل واحد لما يشوف احد يقص يبعد عن وجهته كان ماصارت مشاكل والله يهديهم انشاء الله ولا احديرضى احد يدعي عليه ويتحسب عليه والله مايعين خير ولايشوف البركه فيها وكل السبب حبارى خله هو وحباره وابعد والله كريم يرزق عبد ه من حيث لايحتسب ان زين نيته الله يالي تقرون الردود زينوا النيه والله يرزقكم انشاء الله احس من انك تخطم على واحد وتهد على حباره تحسبه بيسكت بيدعي عليك ويتحسب وانت غني عن هذه الحبارى الله يرززققك بغيرها واخوانا المكشاتيين ماقصروا بينوا لكم الخطاء ومضاره ودعوت الناس عليكم وانشاء الله يستفيدون منه اخونا من داخل المنتدى ومن خارجها وياخذون عظه من الناس الي يخطون على الناس وش يحصلون مايحصلون الا الدعوات الي تضرهم وسواد اوجيهم والله يبيض اوجيه اخوانا في كل مكان ويهديهم الى سواء السبيل وانشاء الله الي قد اخطاء على احد الله يهديه وان الله هو الغفور الرحيم واشكر اخوي على هذا الموضوع والله يجزاك خير وتقبل مروررررررررري

[501]

انا يا الخـــــــــــــــوي مع ر مطلب بعيد وراعـــــــــــــي غضبان
و
الحكمه في ها المواقع زينه

وياما راح تشوف الاجيال الجايه الله يستر

[شَعَّـاااال]

شيمة عرب
وأطيــبهم اللي يشيم نفسه
ولا هي غاديه عنــد الله وخــلق الله
بيلقى العوض ان شاء الله في ماله وعياله


..



أما يجي عيني عينك ويخــطم علي


ويقصها قدامي وهو يشوفني اقص هذي والله ما تصير لا


ولا له لوااااا


ان مارتد بالطيب يردونه الرجال
باللي مهو طيب
.
تحياتي

[ر مطلب البعيد]

أخوي ر مطلب البعيد

كلامة صحيح لكن وين الي عندهم شيم
بعض الصقاقير يشوفك تقص الحبارى ويقوم ويخطم عليك ويشرف وهو يطلع وأذا طارت الحبارى هد وقال مدريت وقام يقسم ويحلف أيمان أنة مايدري , وهو مارك بعد 10 أمتار :no2:

وهالحركة مايسويها ألى الخلوي

مساك الله با الخير اخوي قرناس ارامكو صحيح كلامك وانا اعاني من هذا الشئ وكتبت موضوع عن هذه المشكله لاكن انا اقصد في ردي ان الموضوع كان الجره لمن ..

فا حبيت ابدي رأيي في الوضوع لاكن الي يهد عليك والامور هذه صراحتا تجيب الظغط يالله لقيتها ومتخسر وتعبان وبعد يجيك واحد مهبول وضعيف شخصيه يبتليك في نفسك ...

وانا كتبت رد على اخوي غضــبان في الموضوع الي كتبته يعني يعجز السان والكتابه عن ذكر قصص ضعيفين النفوس وما تقول الا الشكوا لله ولله يهديهم والف شكر اخوي قرناس ارامكو على هذه الكتابه الممتازه ولك احترامي وتقديــــــــــــــــري ...

[بدران123]

بارك الله فيك موضوع مهم صراحه وكثير طرح لكن الرجال اللي يقدر ويعرف السلوم ماعليك بيعاونك عليها وكنك خويه...
والحمدلله اذا لقيت ربع اقص واعاونهم واستانس معهم واليا صادوا اخذنا معهم فنجال ودعناهم...


بدران

[راعي الشلفاء]

السلام عليكم

ياجماعه الله يجزاكم خير علا الردود

الرجااء عدم الخلط بين الي يجيك وانت علاالجره وبين الي ماعنده علم عنك يعني انت بنقره وهو بنقره

[كلما نسنس]

السلام عليكم ..
طرح طيب اخوي راعي الشلفاء
الحباري لك بماانك انت لقيتها الأول طبعاً بسلم الرجال الي تعرف السلوم
لكن يمالك من (( اشباه الرجال ))
وتقبل مروري
أخوك كلمانسنس

[ابو نووووره]

من سبق لبق

[لعّاب المنايا]

صارت العام معي وعطيتها الرياجيل الله يستر عليهم
لانحسّتهم على الحبارى ولاشي قلتلهم ابد هدوا وهي لكم
هدوا وصادوا وجاء واحد منهم يعزم ويحلف بالعشاء وانا على فالي ومن اصبحنا قنصنا وهم معي على الموجه وهم يقنصون القاع وحالفين انهم لاحصلوا حبارى انه انا اللي بهد عليها
وسبحان الله جابها الله لي حمراااااااء ويطلع عليها الطير ويصيدها
والحمدلله ربي عوضني ,,, حصلتها وطلع عليها طيري ,,,

[ابو ندا]

والله لخليه لهم عز نفسك
والله يوفقنا واياهم

[عوق الخريش]

بسم الله الرحمن الرحيم,,,
وعليكم السلام ورحمة الله وبركاتة :
حيااااك الله أخوي الغالي : رااعي الشلفاااء ,,
يعطيك العاااافية والله يبيض وجهك ياااكحيلآن على الموضوع المتألق ,,,
والله موضوعك شوي حسااس ولة أكثر من جوااب طااال عمرك !!!؟؟؟
باالنسبة للحباري أذا كانت جرتها جديدة يعني حقت أخر الليل والفجر وحصلتها أنت من بداية فلوهاا فااليل وقصيتة كيلو وحصلت نااس يقصونهااا قدامك وجويمك من أسلوم ديارنااا طبعاّ المصافيط بين الرياجيل عاد حداكم يهد ,
ولآكن أذاصاار ماااصاااار تشوف قصصهم أذا كان أقل من كيلو فى الحبارا لك وأذا كاان أكثر من الكيلو فى الحبارا لهم هذا المعروف لأن الحبارا جديدة وكلكم قصيتوهاا يعني أللى محصلها ألأول يبان طبعاّ هذا مودليل قاااطع ,,
ولكن تبي الصرااحة للقيت جرة وصار ماصار خلها وروح يرزقك الله ببرك منها (من ترك شي لله عاضة الله ببرك منة )
لآهنتـــ على الموضوع وكثر الله من أمثالكـ ولآتحرمناااا من مواااضيعك ياالذيب ,,,
تحياتي لكـ........وشكراّ,,

أخوكـ

( عوق الخريش )

[عوق الخريش]

اوعليك السلام وشف اخوي الجره للي لاقاها الاول الا ان كانها امبدله وطاح فيها غيره بعيده منه تصير له لان الي ماعنده شيمه ولما يشوفك تقص يحط بينك وبينه جو ويطمن عنك هنا المشكله لو كل واحد لما يشوف احد يقص يبعد عن وجهته كان ماصارت مشاكل والله يهديهم انشاء الله ولا احديرضى احد يدعي عليه ويتحسب عليه والله مايعين خير ولايشوف البركه فيها وكل السبب حبارى خله هو وحباره وابعد والله كريم يرزق عبد ه من حيث لايحتسب ان زين نيته الله يالي تقرون الردود زينوا النيه والله يرزقكم انشاء الله احس من انك تخطم على واحد وتهد على حباره تحسبه بيسكت بيدعي عليك ويتحسب وانت غني عن هذه الحبارى الله يرززققك بغيرها واخوانا المكشاتيين ماقصروا بينوا لكم الخطاء ومضاره ودعوت الناس عليكم وانشاء الله يستفيدون منه اخونا من داخل المنتدى ومن خارجها وياخذون عظه من الناس الي يخطون على الناس وش يحصلون مايحصلون الا الدعوات الي تضرهم وسواد اوجيهم والله يبيض اوجيه اخوانا في كل مكان ويهديهم الى سواء السبيل وانشاء الله الي قد اخطاء على احد الله يهديه وان الله هو الغفور الرحيم واشكر اخوي على هذا الموضوع والله يجزاك خير وتقبل مروررررررررري


ماآقول ألآ الله يكثر من أمثالك يابعد راسي درر درر درر حروفك وكلامك من ذهب ,,,


أخوكـ الصغير


( عوق الخريش )

[صقرالشعلان]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[راعي القرطى]

وعليكم السلام

والله يالاخو هم مايدرون انك انت اللي لقيتها قبلهم

لاكن بالحاله خلك مفرع الطير وترقب الوضع عن كثب

والقسمه للطير اللي يطلع عليها اول واحد

واما الشيمه ماعاد فيها شيمه حشاكم الا الناس القليلين

وانا اعرف 12 رجال تهاوشو على حبارى كلن يقول الحبارى لي

[البدراني11]

للتعديل على حديث الرسول صلى الله عليه وسلم :

( من ترك شيئا لله عوضه الله خيرا منه )

وشكرا خاص لعوق الخريش... وعام للجميع

[sss123]

على قولت المثل القديم
الصيــــد لمــــن صاده وليس لــــــمن نفجه
تقبل مرورى

[shaheen70]

في مثل هالأمور عليك بالعلم الطيب وأحسن واللي قصها وشاف ناس يقصونها قدامه من حظهم والي علية أنه يقول لهم أول الهدد لكم والثاني لي لو ماصاد
(كل واحد يصلح سيارتةههههه)

[ابو امنه]

اللة يعطيك العافية كلام الاخوان صحيح اتركها واكسب العلم الغانم ويعوضك اللة بخير منها

[بن عيد1]

السلام عليكم


من الصبح ونت علا جره يوم ترفعت ويلا الرجاجيل يقصون حباراك
طبعن هم مادرو عنك كل منكم يقول الحبارى لي

السؤال الحبارى (لمن)

والله فيه فرق بين الصقاقير الاولين والجيل التالي

أهل الصقاره وأهل العلم الطيب علومهم زينه وابشر بالخير حولهم وبتاخذ منهم كل علم طيب

أما الشباب التالي والله لاشيمه ولاقيمه . .

لكن لاشفت أحد يقص نفس الحبارى أكيد انك بتعرف متى قصوها . . وبتعطيهم العلم عن مكان الجره وانت تتبعها لين وصلتهم

ان صدقوك وتركوها زين على زين . . وان ماصدقوك عطهم بالتي هي أحسن . . والا أترك الداب وشجرته . .
تصدقون من وقاحة الجيل التالي : مره أطرد لي قمريه بالسياره الا ذاك الورع الي معه ربع ويسبقني ويرمي هو واخوياه على صيدتي طياااار وانا أشوف

مثل اللي يقول من سبق لبق . . وهذي وقاحه وقلة أدب في سلوم الصيد

لكن

[ابو سلطان898]

انا مع كلام اخوي راعي غضبان قلباً وقالباً

كلام سليم ومنطق عقل وكلها كومة ريش

[شقرااااان]

مساكم الله بالخير جميعا

ياطويل العمر حنا سمعنا منك بس ماسمعنا منهم

وكلامك انشالله انه ثقه جعلني ماخلامنك


خصومك وش يقولون وش وجهة نظرهم

[كلما نسنس]

السلام عليكم...
بعد اذنك اخوي راعي الشلفاء
رد علي اخوي بن عيد1..
اخوي كلامك مردود عليك والله ممتحنا الي جيل الأولين ((ربعك ))
بعدين انت فريت الموضوع الطرح عن الحباري مو عن القميري وتمثلي بجيب ربع وورع
وكم مره صارة معنا ومع ربعنا الي نعرف مايشغلك الي جيل الأولين الي انت منهم اي سلوم واي كلام فارغ
قال ايش جيل الأولين قال
وشكراً