استفسار من ابومها وسرهيد ولايهونون باقي الربع بخصوص القز الصيني

[المريعي]

ياجماعة شريت القز ابوعينين الصيني وفيه مشكلة يطلع زي البخار غاز مدري وش المشكلة زي الدخنة وهذي صورته
http://www.mekshat.com/pix/upload03/images120/mk87009_dfdd1.jpg
http://www.mekshat.com/pix/upload03/images120/mk87009_dasd2.jpg

[ابو عبدالملك 2]

حياك الله اخوي المريعي

انا اببدي رأيي المتواضع اللين يجون الخبراء

انكانه توك شاريه فالمعروف الشي الجديد يدخن ويطلع له ريحه بس تروح مع الاستعمال مره او مرتين وان كان قديم ففيه احتمال ان يكون مكبوب عليه شي وانا اشوف فيه شي مكبوب عليه

تقبل تحياتي وتقديري

[المريعي]

حياك الله اخوي المريعي

انا اببدي رأيي المتواضع اللين يجون الخبراء

انكانه توك شاريه فالمعروف الشي الجديد يدخن ويطلع له ريحه بس تروح مع الاستعمال مره او مرتين وان كان قديم ففيه احتمال ان يكون مكبوب عليه شي وانا اشوف فيه شي مكبوب عليه

تقبل تحياتي وتقديري
مساك الله بالخير

القز له يومين ولازال يطلع غاز زي الدخان اذا فتحت الغاز

والمكبوب عليه موية من الابريق مدري وش العلة

[ابو عبدالملك 2]

مساك الله بالخير

القز له يومين ولازال يطلع غاز زي الدخان اذا فتحت الغاز

والمكبوب عليه موية من الابريق مدري وش العلة


حياك الله اخوي

هل انت قالب دبة الغاز اذا كانت الاجابة نعم فهذي هي المشكله لانه يطلع لك الغاز السايل

فما عليك الا انك ترفعها ثم تشوف ضبط والا لا

[قناص خلاوي]

اخوي تأكد من ( الماما، الممة) إبرة الغاز
احتمال تكون مغيره بحجم أكبر أو موسعة فتحتها بشكل خاطي

[أبو مها]

مرحبا بالغالي الاخ المريعي
ياليت يكون توضيحك أكثر ومفصل
حيث ان هذا الموقد قد إستخدم ويتضح ذلك
من عينين الموقد، فإذا كان الموقد يعمل بشكل سليم
وملاحظتك عليه هي في بداية تشغيلة وقبل الاشتعال فالامر بسيط:
1- هل يخرج الغاز مثل البخار ،، يعني اذا فتحتة من المحبس
يخرج من الشربوبش بشكل البخار اذا كان الاجابة نعم،، يكون السبب
أن دبة الغاز مليانه وغاصة بالغاز مما يجعل خروج الغاز بشكل
مكثف وشبيه بالحاله السائلة



هذا مجرد توقع حيث ان مشكلتك تحتاج تفصيل أكثر منك أخي المريعي
والله أعلم

[سرهيد]

السلام عليكم

هلا بك

اعتقد والله اعلم ان الغاز مباشر

يعني لو تعطيني صورة للدبة لكي اؤكد الامر

حيث انه اذا كان مباشر في هذه الحالة يكون سائل مما يجعل الغاز يظهر بهذه الصورة

طبعا في مثل هذه الحالات تجد اغلب القزوز التي تستخدم الغاز المباشر فيها اداة تسخين الغاز قبل الوصول الى الشعلة لكي يكون ساخن .

ايضا يجب ان لا تكون الدبة مائلة يعني تكون على وضعها الطبيعي

ازيد على ذلك مثل ما قال الاخ العزيز ابو مها ان الدبة في حالة امتلاءها في البداية يظهر مثل ذلك لكون الغاز يكون سائل ولا يعطي فرصة ليتحول الى غاز

اتمنى تزويدي بصور اخرى

كل ما قلت اجتهاد قابل للرد

تقبل احترامي

[المريعي]

مساكم الله بالخير
اخوي سرهيد الدبة اللي استخدمها بريمس هندي 10 رطل
وهذي صورتها
http://www.mekshat.com/pix/upload03/images120/mk87009_wejw.jpg

[ابوفهيدان]

المريعي
انا ماازيد علي كلام الاخوان
بس مشكلتك بسيطة ومايحتاج لها حل
الراس اللي انت مركبه بالدبة مايصلح لها القزوز
واكيد راح يطلع معاك بخار ابيض وصوت غاز قوي
ومايشتعل معاك لو تولعه وانتبه تولعه غصب
الراس اللي مخصص لهالقزوز شفه بالصورة اللي انت حاطها للدبة تحت علي اليمين ولونه يجي ازرق وايطالي ركبه وراح يولع معك انشالله
وتري الشعله لك عليها لانها مصممة لشعلات بسيطة

[المريعي]

اخواني

ابوعبد الملك2

قناص خلاوي

ابومها

سرهيد

ابو فهيدان

الله يعطيكم العافية على الرد السريع والاستفادة من الخبرات

تم تبديل الراس واسطوانة الغاز بوحدة فيها نص ومشى كل شي تمام لاهنتو على المرور

[سرهيد]

السلام عليكم

الحمد لله ان المشكلة زالت

اتمنى ان تجرب تضع محول عادي مثل محولات البيت وجربه مع الدبة المليان وعطنا النتيجة .

تقبل احترامي