المساعد الشخصي الرقمي

مشاهدة النسخة كاملة : استفسار عن طراد هامور 23 قدم (صوره)


ابوفهيدان
02/08/2009, 04:34 AM
السلام عليكم
اخواني انا شفت لي طراد واعجبني كله
ودخل مزاجي اشتري لي واحد مثله
بس المشكلة مدري وين مصنعه
ناس قالوا لي بالامارات وناس قالوا بعمان وناس قالوا بالبحرين
المهم الطراد انا شفته فوق سطحه ومشحون ترانزيت ومكتوب عليه (هامور 23 قدم)وعليه مكينة 85


انا بالكويت وودي اعرف استعماله كيف
يعني بالموج وبالمطرح وهل الطراد يشط او يدق بالممشي
افيدوني قبل لا اندبس
وكم سعر القرف جديد
http://www.mekshat.com/pix/upload03/images120/mk63246__8kpew4sc19.jpg
A B D U L L A H
02/08/2009, 04:37 AM
ان شاء الله يفيدنوك الآعضاء ... الخبيرين بالطرادات

:)
ابوفهيدان
02/08/2009, 07:20 AM
وين اهل الطراريد؟
أبو إبراهيم !!
02/08/2009, 12:30 PM
أن شاء الله راح يفيدونكـ اهل الخبرهـ ...
ابوفهيدان
02/08/2009, 10:57 PM
علي الاقل واحد يقول هاذي سفينة
DIVE STAR
02/08/2009, 11:05 PM
سفينه

ههههه

والله يا اخي انواع الطرادات المفضله في الشرقيه والخليج

تختلف عن المفضله في البحر الاحمر

هذا على حسب خبرتي

عندنا نفضل رويال كرافت و كيلوو والفارس وانواع اخرى

طبعا فيه بعد الضاعن والدرازي

اعتقد افضل شي يفيدونك اهل الخليج بمطلوبك

واسف اخوي اذا ما قدمت لك معلومه مناسبه

واذا يهمك عندنا طراد 23 قدم عرض 6.5 قدم وعليه ياماها 75 ونوعه رويال كرافت 2300

ما خلصت اموره الا قريب وصلحنا المكينه ونزلناه البحر يوم الجمعه مساء

والى الان ما جربته لكن يمدحونه بالحيل

انشا الله افيدك بس عطني فرصه نجرب ممشاه وكسرته للموج ونجرب وقفته واجيب لك خبره ان شا الله

تحياتي لك
محآآآآآآآآآآر
02/08/2009, 11:14 PM
والله يا أبوفهيدان ودي أفيدك لكن ما أعرف نوع الطراد هذا
وسمعت معلومة عنه لكن ماني متأكد إنه مصنوع في البحرين
لكن عموماً كل طراد يجي فية قطعة حديد صغيرة في آخر الطراد من جوه مكتوب عليها معلومات الطراد
ممكن تفيدك عن مصدر الطراد ومعلومات أخراى
وإنت قبل لا تشتري شوف لك واحد عنده زي هذا الطراد وأسأله
وحاول إنك تجربه يكون أفصل
أخوك
محآآآآآآآآر
ابوفهيدان
02/08/2009, 11:17 PM
هادر لاهنت بس انا هذا دخل مزاجي

محار المشكلة ماعاد شفت له ثاني ومحد يعرف عنه والمتوقع انه اماراتي

وننتظر اهل الخبرة
DIVE STAR
02/08/2009, 11:27 PM
اذا كان نفس اللي في الصوره اللي نزلتها في الموضوع

فاقرب ماله رويال كرافت

وهذي صورته اللي عندي ويشبه كثيرا صبة اللي في الصوره عندك طبعا هذي صورته قبل الصيانه ( عند الشراء)

http://www.al-baharh.net/uploader/files/1050.jpg (http://www.al-baharh.net/uploader/index.php?action=viewfile&id=1050)

من زاويه اخرى بعد الاصلاحات

http://www.al-baharh.net/uploader/files/1064.jpg (http://www.al-baharh.net/uploader/index.php?action=viewfile&id=1064)

نزلت لك الصور حتى تكون الصوره اوضح لك الله يسلمك

تحياتي لك
A B D U L L A H
03/08/2009, 12:17 AM
ههههههههههه اما سفينه ... الله يرج ابليسك

الله يوفقك اخوي ... للي تبيه

بس لاتستعجل وانا خوك ... وتقول عجبك ودخل مزاجك

يمكن فيه عيوب ... وكثير اشخاص اشتروآ وتوهقوآ بالطراد من عيوبه وخراباته

آسآل هنا بالمنتدى ... وروح آقرب مرسى لك ... وشوف المسؤول هناك وآسئله بعد هو

وخذ منه ارقام اصحاب الطرادات اللي تشوف انها ممتازه ... وتسآلهم عنها وعن عيوبها إذا وجد

والله يوفقك يآرب ... وخبرنا بالجديد ... وإن شاء الله نكون من اول المباركين لك

ولاتنسانا عاد من التقارير ... والصيد ... :)
ابوفهيدان
03/08/2009, 01:00 AM
اخوي هادر لاهنت
بس اللي بالصورة باي بلد يتصنع شكله يقارب للمطلوب
بوراشد911
03/08/2009, 08:45 AM
اخوي بوفهيدان بعد السلام والتحيه
انا كان عندي هامور 27 قدم كان ممتاز عليه مكاين ثنتين 115 وكان ماشالله عليه طياره من خف وزنه وفي الموج عجيب ناطح فيه الموج ولا يهمك بس العيب الوحيد هو انه يدق ودقته قوه خصوصا اذا انت مسرع فيه اما عن الطراد بشكل عام فهو ممتاز ولا عليه كلام ويعجبك في المياه الضحله يعني البحر لين الركبه يمشي ماعنده مشاكل .
تقبل مروري
ابوفهيدان
03/08/2009, 06:53 PM
لاهنت يابو راشد علي المعلومة وشكله مبين انه حق خوارير ومياه ضحله
بس تري الطراريد من 25 وفوق وخاصة اللي تجي للحداق معروف انها تدق يعني الطراد لاصار طويل مرة يدق ولما تركب مكاين اكبر يدق اكثر مثل الدرازي 25 والضاعن 24 كلهم يدقون
عقام الرايس
03/08/2009, 07:04 PM
الدق لا بد منه كلما طال القارب زاد الدق

وفي المقابل كلما كان القارب مسيف الصدر كلما خفف الدق وصار يشق الموج وهذا القارب في الصورة مالي خبرة فيه ولكن يبدو أنه مسيف بخلاف بعض القوارب واعتقد ان دقه خفيف الا اذا كان مسيف ووزنه خفيف جدا فهذا يسبب دق جامد

وبما ان اخونا بو راشد صاحب تجربه فخذ كلامه وبالله التوفيق
الوعب
04/08/2009, 12:18 AM
الطراد كاني ماني غلطان .. هامور ،، المصنع الي يصنعه اسمه اليوسف .. وهو اكيد صناعه الامارات .. ابحث بالانتر نت عن شركه اليوسف .. اتوقع انه هو ... الطراد هذا يرضخ في البحر اكثر مايستخدمونه الهنود الي يدخلون البحر تجاره ... لانه خفيف و قوي و اي مكينه تمشيه.. اتوقه لو تغير افضل.
وانا انصحك بطراد صناعه البحرين اسمه الدرازي ٢٥ قدم تركب عليه مكينتين يماها ٨٥ وتكلفه الطراد مع خزان بترول ٤٠٠ لتر هي ١٨ الف ريال .. لكن ماعليه كلام
طوله ٢٥ قدم وعرضه ٧.٥ قدم
ابوفهيدان
04/08/2009, 04:31 AM
الطراد طلع اماراتي بس مادري من اي مصنع
حظي الي بكاني
06/08/2009, 01:05 AM
الله يعطيكم العافيه
ابوفهيدان
06/08/2009, 02:46 PM
ياهل الخبرة
مافي احد من الامارات يفيدنا
مزيغ البحر
06/08/2009, 06:54 PM
مرحبا اخواني اهل الخليج هذا الطراد اسمه هامور وكان منه 18.23.27.30 قدم وكان يصنعه مصنع دبي مارين الي في مدينة عجمان في التسعينيات وانا شخصيا كان عندي ال 23 قدم .... اخوي المصنع وقف عن تصنيعه من فتره طويله بس هناك شبيه لنفس القالب في مصنع مرينا الشارقه وبعد يصنعونه اهل عمان ... الطراد الغالي جرفه قوي جدا لكنه مب للموي يعني خيران او ايامات الخواهر ...الدرازي البحريني زين لكن يزورج ويا الموي .... اخوي في مصنعين في مدينة راس الخيمه عندنا في الامارات واحد اسمه النعمان (سندباد) والثاني اسمه بن ظبوي اسعارهن حلوه واداء قوي ... اذا بغيت تزورنا في الامارات العين تشلك قبل الراس .
ابوفهيدان
07/08/2009, 06:08 AM
مزيغ البحر لاهنت وانت اللي كنت انتظر الاجابه منه ولايهونون الاخوان
بس ماقلت لي شلون استخدامه معاك
ووين احصله بالضبط وموقع الشركة او رقم تلفونهم وكم سعره ان امكن ال23 قدم هامور

وماقصرت علي كلامك الطيب
غوااص رابغ
07/08/2009, 04:05 PM
السلام عليكم يا اخوانا انا عندي معلومة انشالله تفيدكم اللي اعرفه اهم شي في الهوري(الطراد)نوع الفيبر وصدر الهوري وافضل نوع عندي الكايللو لانو خفيف في البحر ومن ناحية الدقدقه قصدك اللي تجيك من تحت الهوري فهاذا شي طبيعي عند الموج
وارجو اني افدتك
مزيغ البحر
07/08/2009, 10:39 PM
مرحبا اخوي .. والله الطراد الي كان عندي استعماله حلو في ايام الخواهر لكن في الموي يزورج ويرش بطريقه اغرب من الغريبه .........ومن ناحية المصنع الغالي هذا المصنع وقف عن الطرادات تحول الى اليخوت بس في مصنع يديد اسمه ارابيان كرافت في ام القيوين عنده نفس الطرادات وان شاء الله بييب لك رقمهم ,حاضرين للطيبين .
ابوفهيدان
09/08/2009, 01:35 PM
لاهنت يامزيغ البحر
وبانتظارك
مزيغ البحر
09/08/2009, 11:15 PM
اخوي الوعب سامحني على القصور عزيزي السندباد يعتبر من افضل الطرادات الرخيصه مقارنة بالباراكودا استعماله ولا اروع خفيف ما يرش لكن مثل ما تعرف اخوي الطرادات الي تكون خفيفه تزورج شوي في الدابر... وسعر ال 27 قدم اليوم مع تانكي 60 جالون المونيوم ب 22 الف درهم اماراتي .... اما يا اخوي الريان فه1ا مصنع يديد قالبه تقريبا نفس الباراكودا العادي هذا القالب قلده واحد في الشارقه بس ما نجح (يغوص) في الدابر بس الريان عدل السلايد لكنه بعد لك عليه وسعر القدم عندهم الف درهم .... واذا حد يسألني عن الباراكودا قيا اخواني هذا الطراد من اكره الطرادات عندي ولو انه قوي ويستحمل كراف سنين طويله لكني اكرهه لانه وااااااايد يغوص في الدابر . وسامحوني على القصور .