ارجو جميع الاعضاء الدخول والمشاركه (رايكم يهمني جدا ياهل مكشات)..

[âBü AًBDULLAH]

السلام عليكم ورحمه الله وبركاته


كيف الحال يالربع وش علومكم وش اخباركم والله ما تدرون كيف وصلت وشاركة معكم بعد تعب لي شهر وعليها مشارك ولا اعرف افعل لا عضويه ولا اعرف اي شئ نهائي المهم قلت يابو عبدالله سوي اضافه للرجال يمكن ينفعونك وسويت اضافه وفعلآ ماقصرو الرجال نفعوني اخوي صياد سكاكا واخوي قرناص واشكرهم من اعماق شريان قلبي تعبتهم معي قسم بالله جميل ما انساه لهم المهم مالكم في الطويله

حـــبيت انزل لكم اول مشاركه في منتديات مكشات

ذا الذيخ هندل العمر 3 سنوات ابوه زين وامه زينه ابوه عند رجال شرواكم في مكه اشراف وامه عند عتبان وان شاء الله اصوره لكم كذا صوره :o :confused: :confused:
1-
http://www.almlf.com/get-8-2009-almlf_com_5dbwhy71.jpg (http://www.almlf.com)


وذا السلوقي شاروب بس للاسف انسرق العمر يوم انسرق سنه ونص وله مسروق سبعه شهور يعني وصل السنتين اذا هو عايش واذا ميت الله يرحمه سلوقي زين واوفل يمكن ما تعرفون وش معني اوفل يعني اريش :mad: :mad:

2-
http://www.almlf.com/get-8-2009-almlf_com_gd2cumya.jpg (http://www.almlf.com)

وذا السلوقي غني عن الكلام والوصف السلوقي جاني هديه من امير وعمر السلوقي 4 سنوات والسلوقي حاليآ في الجنوب يقنص ارنب ومعه هندل طبعآ راعي السلقان منثبر في البيت بسبب ظروف الجامعه وابي رايكم بكل صراحه فيه.. :)

1
http://www.almlf.com/get-8-2009-almlf_com_i9aum0hl.jpg (http://www.almlf.com)


2
http://www.almlf.com/get-8-2009-almlf_com_ew5q4i7m.jpg (http://www.almlf.com)


3
http://www.almlf.com/get-8-2009-almlf_com_gjyv0t8d.jpg (http://www.almlf.com)

ابي رايكم بكل صراحه وبدون مجامله في السلقان
واللي عنده اي تعليق يحطه واذا عيال عمي صورو المقناص تصوير جوال حطيت الصور ان شاء الله هم معهم كاميرات فديو قلت لهم ابي كم صوره بالجوال ان شاء الله يجي الخير ونشوف بيض وجهي لعبان وهندل ولا لا اسف على الطاله ننتظر الردود :p

[@قرناص@]

السلام عليكم ،،

هاذا واجبنا يالغالي ،،

والحقيقه سلقانك كلها طييييبه وخااصه لعبان ماشاء الله

تاكل من صيده وفالك الظبي ،،

وحيــاك الله بين ربعك واخوانك ولاتحرمنا من الصور والعلوم الطيبه //

لآهـنت ..

[âBü AًBDULLAH]

اخوي قرناص شاكر لك المرور ويعطيك العافيه


وابشر بعزك بالصور اللي تسر الخاطر

:)

[عزيز2100]

وعليكم السلام يا ابو عبدالله

بالنسبة للسلق بدوووون مجاملة

سلق ممتازة وخاصة هندل

صراحة خيالي ما شاء الله

والله يرزقك من صيدهن

تقبل مروري

[âBü AًBDULLAH]

اخوي عزيز مشكور وماقصرت

على مرورك في موضوع نورته وعطرته


لك ودي وتحياتي اخوك ابو عبدالله :)

[الخماش111]

ماشاء الله عليها تاكل من صيدها

[âBü AًBDULLAH]

الخماش

منور موضوعي الله يسعدك

[الدرب البعيد]

ومشكور اخو ابو عبدالله
وبالنسبه السلقان كلها طيبه بدون مجامله
ولكن من وجهة نظري افضلها لعبان ثم هندل واخيرا شاروب
ولاتنسانا من مقاطع وصور مقناص الاصايل الله ترانا نتظرك ......

[âBü AًBDULLAH]

اخوي الدرب البعيد

شاكر لك مرورك العطر

تقول افضلها لعبان شوف اخوي الدرب البعيد , لعبان جاني قبل اسبوعين

اما هندل انا رحت فيه كذا مره وشفت كيف علومه

السلوقي زين ومنشعف ولا يترك صيدته حتي لو طفيت عنه النور اذا كنت

اجربع ولا حصني يجلس ينبح ويناقز يدور وين راحت الصيده ويكفى بعد

هندل ينزل من الموتر واكون ماشي 30 وينقز ويطرد وشارك في هدد

وجاب الثالث :mad:


اما لعبان....

في الجنوب الرجال معي جوال يقولون السلوقي زين .....


يقولون ماشاء الله عليه صادق الا مسمي السلوقي لعبان يقولون يلعب مع الارنب ما يطرد من قلبه

اذا انا جربته ابي احكم عليه ولا شفت التصوير ومقاطع الفديو

مشكور اخوي الدرب البعيد :)

تحياتي لك

[الصارم1]

الله يا كلك من صيده

ما شالله عليهم كل واحد
افضل من الثاني
خاصه الاسود

[نبهاوي صميم]

ماشاء الله تاكل من صيدهن ان شاءالله
وتقبل مرووري

[âBü AًBDULLAH]

اخوي الصارم مشكور على مرورك العطر


اخوي نبهاوي صميم الله يسمع منك

ومشكور على مرورك يالذيب

[وافي زمانه]

السلق طيبه وفاله الظبي
تقبل مروري

[أبو أمين]

ماشاء الله تبارك الرحمن
الذيخ الاول لونه مسكت

[عروق الدهنا]

ابوعبدالله
حي هالشوف وحي ماجبت

انت تقول بدون مجامل

بالنسبة للسلق من ناحية القطعه
هندل زين بالحيل وقطعته متناسقة وعليه فخذ وساق ماشاء الله

اما لعبان قطعته عاديه جداً

ومن ناحية الفعل انت ابخص بحلالك
وانا متاكد انك ما تقني الا السبوق

الله يطرح بهن البركه

وفالهن الظبي الخريش


تحياتي

[الرعد99]

ماشا الله السلقان طيبه

[راعي صلفه]

بدون مجامله مهي قد كذه ومايجوز الرحمه على الكلب الله يهديك

[فيصل الدشاش]

مشاء الله ..

كلام اخوي .. عروق الدهناا .. صحيح

.. برب

[âBü AًBDULLAH]

وافي زمانه مرورك اطيب يالغلا

(ابو امين تسلم على مرورك العطر عيونك الطيبه )


(اخوي عروق الدهنا)


البقى ويحيك اخوي
شوف اخوي هندل سلوقي زين وابوه عند رجال شرواك وشروي الرجال اللي في المنتدى عمر الرجال اللي عنده ابو هندل 45 سنه

رجال كبير وفاهم لسلق وابو هندل مثل هندل مايفرق فيه شئ ابد
بس السلق زين وفعله زين لا تخاف من ناحيه لعبان صادق اخوي عروق الدهنا لعبان سلوقي
يوم تناديه مستحيل يجيك يقرب منك بس مستحيل مستحيل تمسكه بيدك الا اذا كان مربوط اذا
في البر لا تنزل له ينحاش ويبعد يوم تقول له اركب اركب يطمر الموتر
يعني السلوقي فيه خوف بس اذا شاف شئ ماشاء الله عليه ما جربته انا ذا كلام
مرافق الامير يعلمني الكلام ذا
وعلى شكله تري السلوقي مو شكل يا عروق السلوقي فعل وتري يوم صورته كان مريض لعاب فيه القراد لعب

اما الحين لو تشوفه ما تنزل عينك منه الصور هذي اول ما اخذته
وبصراحه من احسن الاعضاء اللي دخلو الموضوع ولا يهينو الشباب وباين عليك انك رجال فاهم وراعي سلق ولا يهينو الشباب

وانبسطت من علومك وتعليقك ياعروض
وفالك الخير يالذيب :)

[âBü AًBDULLAH]

(الرعد 99)


مشكور على مرورك عيونك الطيبه ونظرتك الطيبه يالغالي

(راعي صلفه)

اخوي اول شئ اشكرك على مرورك لموضوعي

ثاني شئ انت تقول الصراحه السلقان مب زينه

طيب اعرض سلقانك ونبي نشوف الزين

واذا ما عندك سلقان ولا انت راعي سلق

وتجلس تحكم تقول السلق مب زين هذي صراحه مشكله

لا تفكر اني زعلت من كلآمك اخوي

بس بصراحه عطني شئ فيه عيب في هندل

ولا في لعبان ولا ريشان اللي تقول ما يجوز تترحم على

على الحيوانات انت صادق ما يجوز بس انا قصدي من باب المزح اخوي

ابيك تعلق وتقول السلوقي فيه كذا وكذا عادي

اما تجي وتقول السلقان مب زينه الله يستر لا يكون

انت مو فاهم شئ في السلق وترمي كلام على الفاضي :mad:




تحياتي لك....


(فيصل الدشاش)

لا هنت على مروك في موضوعي

وصح لسانك كلام اخوي عروق الدهنا 100%100

وانبسطت انا من كلآمه ويعطيك العافيه

لك ودي وتحياتي

[جزاع العتيبي]

الذيخ الاول ماعليه كلم سلوقي بمعنا الكلمه
اما الاسود ذنبه تقل ذنب ضراوي وراسه زين



تقبل مروري

[âBü AًBDULLAH]

(اخوي جزاع العتيبي )

مشكور على مرورك العطر

وكلآمك عين الصواب

الذيخ لعبان صادق ذنبه في الصوره


تقول ذنب جعر تدري ليش اخوي ؟ القراد لعب فيه وذنبه كله قراد

ولا السلوقي اوفل وصورته اول ما اخذته من الرجال ابشر اذا رجع سالم

غانم من المقناص اصوره وتشوف اذنبه :)


ومشكور على مرورك تقبل تحياتي اخوك

ابو عبدالله :) :)

[الأكيدر]

ماشاء الله عليهن موفق بهن انشاء الله

[âBü AًBDULLAH]

الآكيدر

ماشاء الله عليك انت وعلى مرورك العطر

تحياتي لك

:)

[طلو]

صراحه الذيخ الاول اوصافه زين ويمكن انه سبوق وانت ادرا به
بس انا صراحه ما عجبني لونه بدون زعل وكل له ذوقه بس اذا انه يلحق ما يهم اللون
ارجو تقبلك مروري والسلقان الثانيه ماشاء الله عليهن وخصوصا الاسود يذكرني بسلقان الرفيعه
اخوك ابو نايف

[راعي الهدبا99]

سلقان ززينه والله يمليك بركتها

[âBü AًBDULLAH]

ابو نايف
ياهلا وسهلا منور يالله حي اهل الدوامي
الذيخ هندل طيب وسبوق بالعكس لونه يا طلو

كل واحد له ذوقه في لون السلق انا بالعكس احب السلوقي اللي لونه ازرق

والذيخ الاسود سلوقي زين

مشكور على مرورك العطر

اخوك ابو عبدالله :) :)

[âBü AًBDULLAH]

راعي الهديا 99

تسلم على مرورك
امين يارب ويسمع منك
اخوك ابو عبدالله

[معالي الكعبي]

سلقان طيبه ياخوي والفعل انت ادرابه

والسموحه تقبل مروري

[راعي عدلى]

مشاء الله بتارك الله
الله لا يضرها و يرجعل سلوقيك نفل مادري وشو المهم مالي حيل انط و اقرا اسمه
تاكل من صيدهن
تقبل خطمتي

[قرناس شماالي]

السلام عليكم ،،

هاذا واجبنا يالغالي ،،

والحقيقه سلقانك كلها طييييبه وخااصه لعبان ماشاء الله

تاكل من صيده وفالك الظبي ،،

وحيــاك الله بين ربعك واخوانك ولاتحرمنا من الصور والعلوم الطيبه //

[âBü AًBDULLAH]

معالي الكعبي

تسلم يالغالي مرورك الطيب ونور موضوعي

الفعل ماشاء الله عليها

عاشق صاهود
تسلم اخوي والله يسمع منك يارب

صياد سكاكا
تسلم ويا مرحبا ومسهلا
عيونك الطيبه يالغالي
الله يبقيك ويسلمك وابشر بالي يبيض وجهك
تحياتي لكم جميع :)

[سلطان العوني]

ما شاء الله تبارك الله


رأيي في السلق ما شاء الله عليهن في الذيخ شاروب والذيخ الاسود اتوقع ان مستواهن اطيب من الذيخ هندل من ناحية السبق
لكن من ناحية السد اتوقع الذيخ هندل بالرغم من اني متوفع ان فيه عرق خارجي ولله اعلم

والله يبارك لك في حلالك ويعقل عليك شاروب

[حمودي المنسم]

الصراحة اخوي معليش اذا اني ازعجتك (سلقانك ضعيفة يعني بيئة خصبة للامراض واقل شي القراد والديدان) انتبه للسلق لأنها حسافة وطيبة وتاكل من صيدهن .

[âBü AًBDULLAH]

ما شاء الله تبارك الله

رأيي في السلق ما شاء الله عليهن في الذيخ شاروب والذيخ الاسود اتوقع ان مستواهن اطيب من الذيخ هندل من ناحية السبق
لكن من ناحية السد اتوقع الذيخ هندل بالرغم من اني متوفع ان فيه عرق خارجي ولله اعلم
والله يبارك لك في حلالك ويعقل عليك شاروب

اخو سلطان العوني

مشكور على مرورك وانشهد انك رجال فاهم في السلق
هندل في نسله يقولون فيه عرق من سوريا
وكلآمك صحيح اخوي وعلى العين والراس
وشاكر لك مرورك

[âBü AًBDULLAH]

الصراحة اخوي معليش اذا اني ازعجتك (سلقانك ضعيفة يعني بيئة خصبة للامراض واقل شي القراد والديدان) انتبه للسلق لأنها حسافة وطيبة وتاكل من صيدهن .



بالعكس اخوي مافي اي ازعاج ولا في اي زعل


رايك وكلامك على العين والراس


شاكر لك مرورك

[ابوحمد16]

السلام عليكم ،،

هاذا واجبنا يالغالي ،،

والحقيقه سلقانك كلها طييييبه وخااصه لعبان ماشاء الله

تاكل من صيده وفالك الظبي ،،

وحيــاك الله بين ربعك واخوانك ولاتحرمنا من الصور والعلوم الطيبه //

لآهـنت ..

[âBü AًBDULLAH]

ابو حمد مشكور على مرورك


وتسلم يالبى قلبك


عيونك الطيبه ومشاركة في موضوعي اللى اطيب



شاكر كثير الشكر على مرورك

[عاشق المطاليع]

السلام علكم والله مشالله تبارك الله مع اني ما جربت الصيد بسلق ولا اعرف لها ولكن اشوفها مع ناس اعرفهم ووالله مشالله ومن يوم شفتها ذاك اليوم وانا بدا قلبي يميل لها ولاقول الى فالها الضبي الشرود مع رجال شرواكم يالطيبين تقبل تحيات عاشق المطاليع

[راعي السيزو]

ما شالله عليهم ولله انهم سلق كفو وتا كل من صيده

[âBü AًBDULLAH]

السلام علكم والله مشالله تبارك الله مع اني ما جربت الصيد بسلق ولا اعرف لها ولكن اشوفها مع ناس اعرفهم ووالله مشالله ومن يوم شفتها ذاك اليوم وانا بدا قلبي يميل لها ولاقول الى فالها الضبي الشرود مع رجال شرواكم يالطيبين تقبل تحيات عاشق المطاليع


تسلم اخوي عاشق شاكر لك مرورك الطيب

[âBü AًBDULLAH]

ما شالله عليهم ولله انهم سلق كفو وتا كل من صيده



والله مرورك الكفو وانت الكفو يالذيب