ابي اعرف سبب الرائحه

[كلي فخر]

ياشباب الله لايهينكم
(1) ماقصرتوا مع من اول والحين ابي استشارتكم عندي طير له ريحه كريهه من فمه الطير اكله طيب ومكانه نظيف بس باللايام الاخير ه صرت اشم الريحه منه كل ماتنسم عندي
ابي الاعلاج ياجماعه

(2) الفتمينات لو اعطيها الطير بدون وصفه ولافيه شي تظر او لا

[أبو__خــالــد او الوافي]

هلا والله
اخوي اذا في فمه شي ابيض يعني انه فيه قلاع والله العالم وفي له حبوب عند محل الصقور حبوب قلاع

[راعي اللزقز]

السلام عليكم اخوي
ان كان انك تلاحظ في الطير قلاع مع العلم ان اغلب الروائح في الطيور الاصيله من القلاع
عطه حبوب قلاع الحمام حبوب لونهاا اخضر كل يوم عطه ثنتين واذا نشف القلاع شله
والحبوب تلقاها في الصيدليه البيطريه اسمها حبوب قلاع الحمام لونها اخضر وتراها
مجربه ووكويسه للطير اذا مانفعت ماضرت اما الفيتامينات تراها من طير لا طير يعني
لاتهوووووووووور وخاصه الطير اذا كان معه ريش ماحذفه

[hawwamT]

الاخوان الافاضل عطوك التشخيص الصحيح...ضف الطير وافتح فمه وتأكد..لزيادة الاطمئنان والا هو مثل ماقالوا...

[النداوي712]

الله يشفي طيرك اللهم امين

[المرجله]

قلاع والله العالم

[صقار مبتدئ]

هذا الله يسلمك قلاع
بس ودي اسألك كم سؤال
1- اذا انك تعلف طيرك حمام هل تكشف على الحمام و تعرف المريضه من السليمه
2- هل الطير يشرب ماء
3- لما تعلف الطير تعطيه الداخليه للحمام(الامعاء )

[الطبيق 88]

اخوي الغالي
كلي فخر

الله يشفي طيرك اول شي
ثاني شي حاول تشوف داخل فم الطير هو فيه قرحات او حب طري
وبعدين ترى يمكن انك تعطي طيرك طعام بارد او بايت
اسمع فيه حبوب على مااضن اسمهن كنكر لونهن بنفسجي
وانتبه تعطيه علف بارد !

[كلي فخر]

الله يعطيكم العافيه جميعاً
ولاكن والله ياشباب فتحت فمه ولافيه شي غريب فم الطير طبيعي فانا اعلف سمان مبرد ولحم ولاكن ما اعلفه الا بعد مايكون طبيعي اي انه مو بارد واحط عنده ماء ولا ادري

[..@القناص@..]

والله اتوقع قلاع .. لاكن ان شاء الله مافيه الا العافيه

[رأعي الخرشه]

السلام عليكم ورحمة الله وبركاته
ماشاء الله على الشباب الله يعطيهم العافيه ماقصررو ... اكثر ماتكون الرائحه بسبب اقلاع ( وفي سبب ثاني اذا الطير ضعيف اكيد يكون خزين عظم السمان ) يعني الطير له فتره ( ماحذف روباج ) هذا اكثر شي تكون الرائحه في الطير .... وان شاء الله مافيه الا العافيه ( ملاحظه ... اذا طيرك سليم من التهاب الامعاء ومن هذي الامراض عطه سكر نبات حل بطن الطير وشوف بعدين كيف رائحة الطير ) واهم شي الماء يكون قريب عند الطير بعد ماتعطيه سكر نبات
تقبل مرروري

[شَعَّـاااال]

قد يكون الطير يحتفض بالروباجه وتسوي ريحه كريهه لنسم الطير


يسويها اذا كان الطير ضعيف نتيجة التهاب او ماشابه


حتى لوكان في المربط


لكن اذا وزن الطير طيب فهذا مستبعد



وأرجح اللي قالوا الاخوان يكون قلااع والله اعلم



فيه حبوب المستشفى قويه وفعاله


واذا ما هي متوفره مثل ما قال لك اخوي راعي اللزقز


عند البيطري اسمها سبارتركس علبتها وقصديرتها خضراء
تعطيه حبتين يوميا


وهي عباره عن مضاد حيوي


واذا كانت المشكله قلاع لازم تلاحظ تحسن خلال ثلاث ايام
اذا ما تحسن معناه في مشكله ثانيه


وعسااه معاافا ان شاء الله

[سبع الصحراء]

قبل العلاج يا اخي الكريم

الرائحة سببها تعفن العلف في معلف الطير والله اعلم

تاكد ان الطير يروبج ..... وإذا ما روبج معناتها هناك علف متعفن في معلف الطير
ضب الطير وتفحص المعلف وانصحك مر به على العويدي

انا متأكد أن معلف طيرك فيه علف متعفن .........

[راعي غضبان]

افادوك الشباب وماقصروا الله يبيض اوجيهم وتقبل مروررررررررررري

[لعيون مكشات]

الله يشفيه
والله مالي فيها علم والاخوان ماقصروا

[بدران123]

السلام عليكم ورحمة الله وبركاته
ماشاء الله على الشباب الله يعطيهم العافيه ماقصررو ... اكثر ماتكون الرائحه بسبب اقلاع ( وفي سبب ثاني اذا الطير ضعيف اكيد يكون خزين عظم السمان ) يعني الطير له فتره ( ماحذف روباج ) هذا اكثر شي تكون الرائحه في الطير .... وان شاء الله مافيه الا العافيه ( ملاحظه ... اذا طيرك سليم من التهاب الامعاء ومن هذي الامراض عطه سكر نبات حل بطن الطير وشوف بعدين كيف رائحة الطير ) واهم شي الماء يكون قريب عند الطير بعد ماتعطيه سكر نبات
تقبل مرروري



انا مع راعي الخرشه جعل يمينه مايجيها العطب..

لكن انتبه من السمان ولابد تعطي الطير ياجربوع ياريش لا زم كل اسبوع يحذف الروباجه...

بدران

[ها وي الطير]

اخوي الغالي على قلوبنا هذا الله يسلمك قلاع .. لاكن ان شاء الله مافيه الا العافيه
تحياتي لك

[falconer-kw]

السلام عليكم اخي الكريم الشباب ماقصروا وبيض الله وجههم كفوا ووفوا
ولكن ودي انوه على نقطه انه ممكن انك تفتح اثم الطير ولا تشوف القلاع لانه ممكن يكون قلاع داخلي
لذلك انصحك تاخذ الطير الى البيطري وتفحصه هذا افضل شي واذا افادك انه فيه قلاع يوجد نوع من الحبوب كبسوله اصفر وابيض عن تجربه وكذالك الدواء اللي وصفوه الاخوان ولكن الكبسوله هذي اقوي من الحبه واسال الله ان يشفي طيرك ويرزققك الصيد وسامحني على القصور

[بو فواز]

انه عندي شاهين مر بالحاله هذي وسبب قلاع بس ماهو بفم الطير او بالمعلفه لا يكون داخل الجسم في دواء اسمه gamba-tabs-r هذا اسم دواء وهذا المرض يعرفه الدكتور او من لديهم خبره فالعلاج لانه بالفحص العادي ما يبين شي لانه ماهو قلاع خارجي هذا قلاع داخلي حتى يصيب الحمام والطيور الداجنه وهذا الدواء فعال 100% وهذاالمرض من الامراض الجهاز التنفسي يعني اذا اهملته يصيب الطير تنفس وتدمع عينه والنشله والقلاع الخارجي والتهاب العين هذا كله تحت مسما الجهاز التنفسي وانشاء الله اكون وصلت المعلومه وسمحلي على الاطاله

[الجراح11]

اخوي اشكرك واشكر الاخواة على ردودهم الطيبه والمفيدة وبعد اذنهم ...... ابختصر الموضوع . اذا كان الطير صنيع وحالة و وجهه زيين فعندك ثلاث حاجات
(1) قلاع اكتف الطير زين وانتبه لريشة زين لان بعض الريش دم وافحصه واذا شفت القلاع عالجة
(2 ) عظام وريش بزوحنة الطير لازم تطلعها بتعليف الطير جرابيع لان الجربوع ينظف زوحنة الطير
(3) الطير يكون صنيع وانت تكثر عليه العلف فا ما يصرف الطير العلف ويتعفن
...............................................
اذا كان الطير ضعيف وده للمستشفى واتكل على اللة

[ابو عبدالملك 2]

اقول يا اخوي انا مالي خبره بها الاشياء بس السمان احيانا يكون قديم ويصير له ريحه ما تشمها يمكن تكون هي السبب

[ابو ندا]

الله يشفي طيرك والاخوان ما قصروا

[كلي فخر]

بارك الله فيكم جميعاً
وين المستشفى الزين او الشخص الا يعرفه انه مريض او غيره

الله لايهينكم

[طلعة التمياط]

الى الاخ كلى فخر الله والعالم انه من علف السماااان المبرد
ومثل ماقالوا الشباب الله يعطيهم العافية افحصه من القلاع اذا مابه ترى من العلف البارد
انا هالشي مجربه على طير لى العام وبعد فترة طلعت منه رائحه كريهه من نفسه فغيرت العلف فورااااا
كل يوم اعطيه شي حااااااااااااار طازج وراحت الرائحه على طول
او قد يكون فيه دود كمان افحص عن الدود ترى يسبب رائحه
والله يشفيه ويهنيك به

[فيصل الدشاش]

الي له خبرره يبي يفيدك يابعدي
.. بررب

[وراد.]

ياأخي العزيز إذا ما فيه مرض كثر له الروابيج

[كلي فخر]

ياأخي العزيز إذا ما فيه مرض كثر له الروابيج
كيف يعني ياخوك

[طلعة التمياط]

يعنى اعطه حمام او جرابيع يعنى اكل فيه ريش وعظم عشان يروبج
واذا ماطلعت منه الروباجه فهناك مشكله وقد تكون هى سبب رائحة طيرك ماعليش ردينا عن
الاخ وراد ارجو ان تكون قد فهمتهاااااااااااا ونحن دائمااااااااا معك

[ابوعبدالله 00]

اخوي ماقصرو الاخوان اكيد قلاع عطه حبوب وانشالله طيب وحاول تفتح بوز الطير وتتاكد بنفسك