المساعد الشخصي الرقمي

مشاهدة النسخة كاملة : وين اهل القصيم . سؤال ؟


قشاع الرمث
26/07/2004, 02:43 PM
السلام عليكم ورحمة الله وبركاته

انا من سكان الرياض وشكلي يوم الربوع
ابزرق القصيم وفيه محل اسمه عروق الشمال
جديد وبصراحه ما ادله وابي وصف دقيق له من
اول ما ادخل القصيم وامسك الدائري . والله لا يهينكم
تراني عجل .

مع الشكر .
الجيب الربع
26/07/2004, 07:46 PM
السلام عليكم ورحمة الله وبركاته

ماأنصحك يالحبيب لان المحل عادي جدا ومافيه حاجة مميزه عليك بالسنيدي كان تبي تشوف السنع

وماراح تندم يالطيب

بالنسبة للمكان اسأل أي أحد عن شارع الآستاد وتلقا عروق الشمال باخره من شمال


تحياتي
قشاع الرمث
26/07/2004, 11:40 PM
السلام عليكم ورحمة الله وبركاته

الجيب الربع حياك الله بس انا ابفصل
تانكي ماء المونيوم وهم شغلهم نظيف بالحيل
وعلى شغلهم ظمان من الصدى لمدة خمس سنوات
غير انهم ما هم غالين يعني السعر معقول .

يا ليتكم تعطوني الوصف.

مع الشكر الجزيل ..
الروضة
27/07/2004, 10:12 AM
أخوي قشاع الرمث حفظه الله
السلام عليكم ورحمة الله وبركاته
بالنسبة لمكان عروق الشمال للرحلات هو شمال بريدة يعني جنوب شرق الأستاد الرياضي على نفس الشارع يعني إذا ماأنت داخل بريدة وأنت جاي من الرياض ( حفظك الله ) أمسك الدائري الشرقي وطول معه إلى أن تشاهد لوحة الأستاد الرياضي يعني كنك رايح للأستاذ والدائري الشرقي أول مخرج على يمينك بعد مخرج الشماسية بـ حوالي 20كيلو
أرجو أن تكون قد حصلت مرادك
وحفظك الله في حلك وترحالك
والسلام عليكم ورحمة الله وبركاته
قشاع الرمث
27/07/2004, 10:59 AM
السلام عليكم ورحمة الله وبركاته

مشكور اخوي الروضة وما قصرت.


تحياتي ..
بــرق الشمال
27/07/2004, 01:44 PM
اخي العزيز المكان بشارع الاستاذ بعد محطه الرواف
وأسأل عن المحطه او الشارع ويدلونك مباشره
وبالنسبه لكلام اخوي الجيب الربع عن عروق الشمال مع احترامي
مبالغ فيه انا معامل السنيدي من ايام قديمه جدا جدا ولكن عروق الشمال
اقل سعر واللي تبغاه تلقاه عنده واذا كانه مو موجود يسويه لك مع العلم
ان اخلاق اللي بالمحل بشوشه ولا احسن وشكر لكم جميعا:what:
نمر بن حثلين
27/07/2004, 09:08 PM
رقم تلفونهم

3855666 - 06
قشاع الرمث
30/07/2004, 08:28 PM
السلام عليكم ورحمة الله وبركاته

مشكورين وما قصرتو .
وبالنسبه للمحل توي جاي اليوم من القصيم
المحل زين واسعاره زينه بالحيل .
واكثر ما اعجبني هو الظمان على التوانك اللي
يسونهن عشر سنوات عن الصدى والتنسيم
وتغيير طعم الماء غير كذا رخيصين بالمره
سويت تانكي المنيوم 145لتر ب700ريال
والجلب واللحام المنيوم والسده بلاستك
ولبسوه تلبيسه من ثلاث طبقات العلويه
شراع بلاستك ياباني وبالوسط عازل حراري
ومن داخل الشراع الازرق . يعني شغل ما فيه بعده
وكل هذا حسبوه لي ب80 ريال .
وانا سالت بالرياض عن الخزان بنفس المواصفات
وقالوا لي يكلف 1200 ريال .

قلت اعلمكم للفائده .

تقبلوا تحياتي .
الجيب الربع
30/07/2004, 10:10 PM
الحمدلله على السلامه أخوي قشاع الرمث ومبروك التانكي والله يبارك له فيه

ماقلت وش نوع السيارة اللي ركبت لها التانكي؟

لك تحياتي
قشاع الرمث
31/07/2004, 12:38 AM
السلام عليكم ورحمة الله وبركاته

الله يسلمك ويبارك فيك يالجيب الربع .
السياره جيب نيسان 2000باب واحد .
وحطيته ورا الراكب والسواق على كل الحوض
لاني شايل المراتب الوراويه .

تحياتي .
متاخر
31/07/2004, 06:53 AM
مبروك اخوي
وليتك تحط لنا صورة التانكي عشان نشوف شغلهم
قشاع الرمث
31/07/2004, 12:50 PM
السلام عليكم ورحمة الله وبركاته

صراحه ودي بس للاسف ما عندي كمره
( للحين على ام فلم:D ) ان شاالله ابشري كمره
وعلى طول انزل الصور .