سؤال لي اهل الدمام

[مهوس صيد]

السلام عليكم
ابي اعرف وين احسن مكان في الشرقيه للسنوركل وصيد المسدس او اذا في امكان في الهافمون او العزيزيه

[مهوس صيد]

معقوله ما في احد من اهل الشرقيه

[شاهين2007]

وعليكم السلام
اخوي انا راح اقولك لك تقريبا كل الاماكن اللي اعرفها
مينا الدمام - ممنوع ويبيلك واو
فرضة متعب عند منزل الطراريد بكرنيش الدمام - ممنوع والماي لك عليه
الجعيمه بين ارامكو وسكيكو منطقه فوق الوصف لاكن يبي لك تصريح
كاسر الامواج بغزلان هوامير عجيبه لكن ممنوع
فرضة القوات البحريه براس الغار كان مسموح الحداق فيها وكنا ننزل من تحت ليتحت لكن الحين ماتقدر تقرب هذا اللي سمعته
العزيزيه بين القصور في صخور داخل على عمق 7 امتاروفيها هوامير عجيبه لكن ممنوع :)
عندك الفرضه اللي قريب من شاليه القصيبي فيها هوامير اكن غزيره شوي 12 متر
قدام حرس حدود بوريقط صخور متهدمه وانت وحظك مع الحرس
الصخور المحيطه بمنتجع درة الخبر اللي تحت الانشاء في صافي وسبيطي وشعوم والماي مهب غزير
الصخور اللي عند شبك جامعه الملك فيصل والراس يمتد داخل البحر لمسافه مهب بسيطه وكل مابعدت كل مازادت الفرصه بانك تحصل هامور والافضل انك تجي لاخر الراس الصخري بالطراد من داخل البحر
في هافمون اماكن تعند على الاصابع وصعب انك تنزل لهم سنوركل للعمق اللي يتراوح بين 7 الى 10 متر والامكان هي عباره عن سيارات وريف صناعي
الصخور المحيطه بقرية الخليج
الصخور اللي تكون على يمين راس اللوه قدام حرس حدود الزبنه بس الله يعينك على الحرس قشران ومقاريد :)
راس قريه اللي في غرفتين واللي يكون قريب من مرسى سلاح الحدود وهو يعتبر اخر الزبنه باتجاه قريه منطقه طيبه وصخور متنوعه والعمق من 1-3 متر
صخور متفرقه لكن ميته قدام حرس حدود قريه
صخور متفرقه وتحتلف من ناحية العمق وكمية الصخور وكمية الاسماك تمتد من شبك كهربا سكيكو بالقريه الى راس الحربه بالعقير ولكن طبعا افضلها هو راس الحربه بالعقير من بعد مركز القصار وانت رايح جنوب لكن ممنوع :)
هذا مايعني ان الاماكن اللي من القصار وشمال مهب زينه بالعكس فيها شعري وشبيطي لكن قليل والمشكله الثانيه الرق يعني يبي لك تمشي شوي على ماتوصل غزر

واذا عندك اي استفسار انا حاضر وبالتوفيق

[مهوس صيد]

مشكور اخوي شاهين اجل دام السالفه كذا خلني اروح ارجع المسدس قبل ما استخدمه

[قلب القرش]

هلا فيك طبعاً ممنوع صيد في المنطقة الشرقية بشكل عام
بس كانك من هواة التمتع في المناطر الجميله عندك اكثر من جزيرة فيها الشعاب والطيور والسلاحف
مثل
جزيرة جناء
جزيرة جريد
جزيرة كران
جزيرة العربية
جزيرة جنه
وماراح تندم ابد طبعا كل الرحلات تطلع من الجبيل

[abuufahad]

اي والله رجع مسدسك اصرف ورح لسوق السمك اشتر اللي تبي :)

كل شي ممنوووووووووع عندنا سبحان الله !!!!

[JoFeR]

اي والله ملينا كل شي مممممممممممممممممممممنوع قهر

[مهوس صيد]

للسف ان اي مكان فيه صيد وسمك يكون ممنوع

[abuufahad]

بس مسموح للهنود والنقاليه والدليل رح سوق السمك بعد العصر وشوف شلون ماسحين ابو البحر مسسسسسسسسسسسسسسسسسسح