خشم الحصان
27/07/2004, 12:21 AM
الاخوه الغالين
السلام عليكم
اخواني لشك ان البعض منا يطلع الي البر حتي ولو في عز طباخ التمر القيظ وذالك لشي في نفسه الله يعلمه
وعند وصوله الي البر او الشعيب قام الحبيب ونزل العده من مجاميعوه وسفهل الحبيب هو والي معه لو تجي وتشتري منهم ذيك الجلسه بمال مابعوك لو تنقز واذا جاء يوم الرجعه الي البيت ونزل العده من السياره لتشيك عليها او اي واحد في الدار نزلها مهيب المشكله في التنزيل العفش المشكله في مايحمله العفش وش يحمل العفش ماتدري وش فيه لئنك لاتعلم مامر علي عفشك وانت نايم او داله مع الربع وش الي دخل في شنطة العده او الفراش او اي شي حملته قربما دخلة عقرب او حيه لا قدر الله وانت غافل وعند تنزيل العفش في الليل
لكي تشيك عليه في الصباح ولكن هذا الزئرين قد يتسللان الي البيت بدون اذن منك وغصب عليك طيب وش السوات معهم هل نتصل علي اخونا( شقردي ) المتخصص في صيد القوام والحييا وقد حصلة لاحد الاخوان بذالك.
ومره وانا منسهل في المشراق والجيب قدامي والعده فيه والي مزينها ان ذاك اليوم تعيجزت عن تنزيل العده من السياره ولا هاك العقرب الصفراء يوم دبجة من السياره عينك عينك افا يالله الخيره ولا مازها الاخت احسب انها بتنكسر رجلها او بتعور لا ولا الاخت ماشيه ونهو له تبي تقضب الساس حق السور كان انقز وجيب هاك الزبيريه ورصعها ولكن ماش قمت اهوجس ودخلني الماء ليا في الموتر شي ولايا من قبل في البيت شي وخذ هوجيس وهموم نتفت شعر راسي غدة الدمجه تقول غضاره منسفيه ياشين الهوجاس ياخوان الله ياهو يقلق الواحد ومع الهواجيس طرة علي فكره تدورن وشي كان انقز لم الدكان وجيب 3 علب ريد من النوع الاصلي وبخ مندخل السياره بعد فتح شنطة العده وياء الفراش في وسط السياره وسكر القزاز وحط السياره تحت الشمس وانا مبعد بعيد عنها خوقتي تولع مع الحراره وتقب ويوم جاء باسر وانا لبس كنادر خلطة السميت وتسوس الي بيشوفني بيقول الاخ عامل مناجم تدرون وش لقيت ماتصدقون انوع الحشرات من خنافس
وعقربين غير الي ذبحتها وقبابين ومشاطت القامه غير الحشرات الطائره كان انزل العده وحطها في السور وغطيها بشراع ازرق ورصه دار مدارببلك وخليها في الشمس 3 ايام لين تاكت ان ان شاء الله معاد فيه شي
بلا خسارة درزن فليت تعب 3 ايام احسن من اتصال من العائله وانت برا البيت وخاصه اذا كانت ام العيال من النوع الركد (الو الو وانت السلام عليكم نعم ردت الحبيبه اقول انهج ربيه الحق علينا شفنا في سطح الخزان يبنت الحلال وشفيك اركدي وين تبيني اركد معه ماشفة الي انا شفته وانت تحسب ان البيت فيه حرامي وثم تلقط روحك من العجله واذا دخلت البيت ورقيت لسطح الخزان وشفت الربع ولا كنهم يطيرون حمام سلامات وش الي حاصل ردت الحبيبه انت منتاب فاكنا من شرك انت وبرك يوم عقرب ويوم قامه ويوم خنفس تدري ودني بيت هلي معاد ني قاعده عندك هذا ذا فككم الله ومنقرص احد من اهل البيت ادري ان البعض بيقول طريقك مهيب حل في عملية بخ السياره وحط العده في الشمس لمدة ثلاث ايام بعد البخ بس وش الحل لئنكم خابرين ان بزرانا الي يحبون اي شي يشفونه يتحرك يلقطونه وين علي طول الي الفم تخيل تدخل وتشوف خنفس او قبون في فم بزرك او اي شي لئن الي يحبون الله يصلحهم مكانس البيت اذا فقت شي تلقاه في بطنه
يعني مكاين شفط.
اخوكم
خشم الحصان
السلام عليكم
اخواني لشك ان البعض منا يطلع الي البر حتي ولو في عز طباخ التمر القيظ وذالك لشي في نفسه الله يعلمه
وعند وصوله الي البر او الشعيب قام الحبيب ونزل العده من مجاميعوه وسفهل الحبيب هو والي معه لو تجي وتشتري منهم ذيك الجلسه بمال مابعوك لو تنقز واذا جاء يوم الرجعه الي البيت ونزل العده من السياره لتشيك عليها او اي واحد في الدار نزلها مهيب المشكله في التنزيل العفش المشكله في مايحمله العفش وش يحمل العفش ماتدري وش فيه لئنك لاتعلم مامر علي عفشك وانت نايم او داله مع الربع وش الي دخل في شنطة العده او الفراش او اي شي حملته قربما دخلة عقرب او حيه لا قدر الله وانت غافل وعند تنزيل العفش في الليل
لكي تشيك عليه في الصباح ولكن هذا الزئرين قد يتسللان الي البيت بدون اذن منك وغصب عليك طيب وش السوات معهم هل نتصل علي اخونا( شقردي ) المتخصص في صيد القوام والحييا وقد حصلة لاحد الاخوان بذالك.
ومره وانا منسهل في المشراق والجيب قدامي والعده فيه والي مزينها ان ذاك اليوم تعيجزت عن تنزيل العده من السياره ولا هاك العقرب الصفراء يوم دبجة من السياره عينك عينك افا يالله الخيره ولا مازها الاخت احسب انها بتنكسر رجلها او بتعور لا ولا الاخت ماشيه ونهو له تبي تقضب الساس حق السور كان انقز وجيب هاك الزبيريه ورصعها ولكن ماش قمت اهوجس ودخلني الماء ليا في الموتر شي ولايا من قبل في البيت شي وخذ هوجيس وهموم نتفت شعر راسي غدة الدمجه تقول غضاره منسفيه ياشين الهوجاس ياخوان الله ياهو يقلق الواحد ومع الهواجيس طرة علي فكره تدورن وشي كان انقز لم الدكان وجيب 3 علب ريد من النوع الاصلي وبخ مندخل السياره بعد فتح شنطة العده وياء الفراش في وسط السياره وسكر القزاز وحط السياره تحت الشمس وانا مبعد بعيد عنها خوقتي تولع مع الحراره وتقب ويوم جاء باسر وانا لبس كنادر خلطة السميت وتسوس الي بيشوفني بيقول الاخ عامل مناجم تدرون وش لقيت ماتصدقون انوع الحشرات من خنافس
وعقربين غير الي ذبحتها وقبابين ومشاطت القامه غير الحشرات الطائره كان انزل العده وحطها في السور وغطيها بشراع ازرق ورصه دار مدارببلك وخليها في الشمس 3 ايام لين تاكت ان ان شاء الله معاد فيه شي
بلا خسارة درزن فليت تعب 3 ايام احسن من اتصال من العائله وانت برا البيت وخاصه اذا كانت ام العيال من النوع الركد (الو الو وانت السلام عليكم نعم ردت الحبيبه اقول انهج ربيه الحق علينا شفنا في سطح الخزان يبنت الحلال وشفيك اركدي وين تبيني اركد معه ماشفة الي انا شفته وانت تحسب ان البيت فيه حرامي وثم تلقط روحك من العجله واذا دخلت البيت ورقيت لسطح الخزان وشفت الربع ولا كنهم يطيرون حمام سلامات وش الي حاصل ردت الحبيبه انت منتاب فاكنا من شرك انت وبرك يوم عقرب ويوم قامه ويوم خنفس تدري ودني بيت هلي معاد ني قاعده عندك هذا ذا فككم الله ومنقرص احد من اهل البيت ادري ان البعض بيقول طريقك مهيب حل في عملية بخ السياره وحط العده في الشمس لمدة ثلاث ايام بعد البخ بس وش الحل لئنكم خابرين ان بزرانا الي يحبون اي شي يشفونه يتحرك يلقطونه وين علي طول الي الفم تخيل تدخل وتشوف خنفس او قبون في فم بزرك او اي شي لئن الي يحبون الله يصلحهم مكانس البيت اذا فقت شي تلقاه في بطنه
يعني مكاين شفط.
اخوكم
خشم الحصان