طلــــــــــــــــب ضروري

[تمياط]

بسم الله الرحمن الرحيم

السلام عليكم ورحمة الله وبركاته

ياشباب انا عندي اقارب الان رايحين رحله لسودان
وانا ابجيب طيور مناك اقدر اجيب 10 او 20طير بس وش الشروط

اللي عنده معلومات اضافيه يدلنى

وشكرااااااااا

[جـرح الشمـال]

اتوقع الشروط تعجيزية

[حامد الحنيني]

هلا اخوووي عاصم انشاء الله الاخوان مايقصرون.

[مفتون الشمال]

عليكم السلام
مرحبا فيك أخوي عاصم
اللي اعرفه انك تقدر تجيبهن تهريب عن طريق البحر
وفيه ناس متخصصه بالطريقه
والله يرزقك

[hawwamT]

مالك الا التهريب والله يعينك على المهاد يبغالك 20 مهاد وتخدير وشغلة لكن الله يوفقك وراسلني اذا جبت طيور ترى لي رغبة في الشراء

[تمياط]

لاياشباب مابي تهريب ابي شوط الخروج صقور من السودان وش الطريقه وش الشروط

[الهواوي 502]

عااصم ماتقدر الا على 3.4 بس

[تمياط]

طيب وش الشروط الله لايهينكـــــــــــم

[راعي غضبان]

يفيدونك الشباب الي يعرفون كيف استخراج الرخصه والله يوفققك

[نهار تميم]

الشباب يفدونك ان شاء الله----تحياتى للجميع

[منصور بن محمد]

عليكم السلام ورحمة الله وبركاته


هلابك يا ولد عمي



اسمع انا اخوك


فيه رجال اعرفه بالسفاره السودانيه عندنا


ورقمه مهوب معي ، لكن ابشر بعزك بكره وانا رايح للعمل بجيب رقمه واخذ منه العلوم


واذا ماقدر انشاء الله عنده واسطه .


وتزين الامور ، بكره اجيبلك خبره :good:


انشاء الله اذا زانت الامور بوصيك على كم طير من السودان :D

[قرناس ارامكو]

هلا اخوووي عاصم
الشروط أنك تاخذ تصريح أستيراد أطيور من حماية البيئة في الرياض

[منصور بن محمد]

هلابك ياولد عمي :)

انشاء الله الامور زينه :good:

كلمة الرجال ابشرك ;)

وعلومه زينه

تجيك رساله على الخاص

فيها العلوم الغانمه :good2:

[تمياط]

تسلم ياركان

[عاشق التوام]

الله يقويك أنت وأقاربك ياخوي عاصم
الموضوع هذا عليه شروك عفواً شروط:D واجده وقبل مايضيع عليك شي أمش على هذي الشروك عفوأ شروط :D بند بند أولاً تبدأ عن طريق تطبيق الشروك لاحول ولا قوة إلا بالله الشروط اللي داخل المملكة وأخذا الخاصه بذلك ومن ثم طبق شروط الجهه اللي بتستورد منها لأن شروط إستيراد الطيور عندنا طويله ماهي بشوي وهذا اللي أدناه مقتطف من أحد مواضيع الخيمة لأحد الإخوان بالمنتدى ولكن هل مازال على نفس النظام أو حصل فيه تعديل مأدري والله يعينك أنت وأقاربك ونصيحة إهتم بإنهاء طلبات الاستيراد بالمملكه أول وأما الباقيه عندهم إخوان السودان تزحلق أمورها وغيري بيفيدك فيها إن شاء الله.

موافقة المقام السامي برفع الحظر عن دخول الصقور بشروطالهيئة الوطنية لحماية الحياة الفطرية وإنمائها تبدأ في السماح بدخول الصقورللمملكة 23 شعبان 1427هـ



* الرياض - عبدالله الجبيري- سلطانالمواش:
صدرت موافقة المقام السامي الكريم برفع الحظر على دخول صقور الصيدللمملكة والسماح بدخولها بعد فحصها والتأكد من سلامتها صحياً واكتمال مستنداتهاالنظامية.. صرح بذلك صاحب السمو الأمين العام للهيئة الوطنية لحماية الحياة الفطريةوإنمائها الأمير بندر بن سعود بن محمد آل سعود، وأوضح سموه بأن موافقة المقامالسامي جاءت بعد أن رأت وزارة الزراعة رفع الحظر نظراً لأن هواية القنص بالصقور منتراثنا العربي ويزاولها كثير من مواطني المملكة وحرصاً من حكومتنا الرشيدة على ماينفع المواطن ويسهل له مزاولة الأنشطة المحبوبة لديه إضافة إلى قيام وزارة الزراعةمشكورة بتوفير أجهزة تشخيص حديثة تمكنها من إجراء الاختبارات اللازمة للفحص عن مرضأنفلونزا الطيور خلال فترة وجيزة.
وأشار سموه إلى أن دخول الصقور المرخص لهاإلى المملكة سوف يبدأ اعتباراً من يوم السبت 23-8-1427هـ الموافق 16-9- 2006م وسوفيكون متقصراً على مطار الملك خالد الدولي بالرياض نظراً لقيام وزارة الزراعة بإنشاءمحجر بيطري مخصص للصقور بالمطار، وسيتم الإعلان عن منافذ أخرى في المستقبل إن شاءالله.
ودعا سموه الراغبين بدخول صقورهم للمملكة ضرورة استيفائهم المتطلباتواتباع التعليمات التي حددتها إدارة التعاون الدولي والتراخيص بالهيئة، وهي علىالنحو التالي:
1 - التقدم بطلب إذن استيراد خطي موقع من صاحب الطلب يحدد به عددوأنواع الصقور المراد استيرادها والغرض من الاستيراد مع تحديد منفذ الدخول، وترفقبه المسوغات التالية:
- نسخة من ترخيص سلطات الحياة الفطرية (مكتب سايتس Cites) في دولة المنشأ ولا تعتبر دولة العبور دولة مصدرة أو دولة منشأ.
- صورة واضحةلهوية صاحب الطلب.
- العنوان البريدي الكامل للمستورد ورقم الهاتف.
- العنوان البريدي الكامل للمصدر ورقم الهاتف.
2 - بالنسبة للصقور المنماة تحتالأسر (الصقور المفرخة) فيجب كتابة رقم شريحة التعريف الإلكترونية (ميكروتشب) ورقمالحلقة المعدنية المثبتة عل الصقر ضمن الطلب.
3 - بالنسبة للصقور المدرجة فيالملحق الأول لاتفاقية سايتس مثل صقور الجير والشاهين وكذلك الصقور المهجنة من أحدهذه الأنواع، تمنح الهيئة موافقة مبدئية على الاستيراد لتقديمها لمكتب ساتيس فيالدولة المصدرة التي بموجبها يمنح الترخيص النهائي بالتصدير والذي بموجبه تمنحالهيئة الترخيص النهائي بالموافقة على الاستيراد.
4 - بالنسبة للراغبين فياستيراد الصقور لأغراض تجارية فيتعين تزويد الهيئة بنسخة من السجل التجاري الذييمارس بموجبه هذا النشاط.
5 - تستغرق إجراءات إصدار أي ترخيص استيراد أو تصديرللصقور مدة تصل إلى أسبوع واحد من تلقي الهيئة الطلب مع كامل مسوغاته المشار إليها،علماً بأنه لن يكون من الممكن فسح أي صقور للدخول إلى المملكة عند وصولها قبلالحصول على الترخيص المسبق بالاستيراد وسيتم تطبيق الأنظمة والتعليمات في حق من لميتقيد بالتعليمات دون استثناء.


وسامحني على الإطالة للفائدة

[@قرناص@]

اقول خل عنك ...

تبي تجيب وكارى من السودان؟؟

ترى تكلفت دخولها ووصولها غاليه ،،

انصحك بس تاخذلك من السووووق ،،

والاخوان ماقصرو ،/