اقدم اعتذاري لاخوي وصديقي صياد حوران

[ولد الغربية]

السلام عليكم ورحمة الله وبركاته

اقدم لك اعتذاري يا صياد حوران ومنك السموحه على الي صار

والاعضاء طبعا انتو ما تدرون شو السالفه بس بخبركم شو هي السالفه

السالفه يا اخواني ان صياد حوران عطا واحد من اقربائي كلب سلق الله يعزكم من نوع القريهند

وطبعا عطانا الكلب على اساس ان بياخذه بعد كم يوم

لكن الي صار يا اخوااااان ان الكلب انسرق من يومين ولين الحين اقربائي يدورون عليه لكن مافي فايده والكلب امانه عندنا ولازم نحافظ عليه ولكن انسرق

ما عرف شو اقول لخوي وصديقي صياد حوران اطلب منك السموحه يا خوي

وسامحني واي شي تطلبه انا حاظر ....... اطلب اي شي وانا بلبي

وسامحني

[ولد الغربية]

؟؟؟؟؟؟؟؟؟؟؟؟؟؟؟؟؟؟؟

[star22]

الله يعوض عليه

[الخماش111]

الله يعقله

[راعي عدلى]

الله يعقله
الله لا يهينك ياليت تعطينا صور للكلب عشان لو شفناه ولا شي نخبركم

[ولد الغربية]

يا خوك نحن بالامارات موجودين والكلب ظايع في بوظبي ف منطقة المشرف

[راعي فزاع]

حياك الله يالغالي
صياد حوران عينه مليانه ان شاء الله ونت بإذن الله صادق
اعتذارك ان شاء الله بيوصله
ونا معك ان بغى له ذيخ اطيب منه جبناه لك
ماتسوى تفرق الرجاجيل عشان كلب
اخوك
ابوعبدالله

[فيصل الدشاش]

؟؟ الشخص الي يزعل .. على خويه ؟؟ والسبب كلــب ..

أتوقع .. خويك .. يبي يعطيك .. كلب غيرره وافي صياد .. حوران

[ولد الغربية]

تسلمون كفيتو ووفيتو وانا اقربائي كلهم يدورون الكلب وانا كنت مسافر سويسرا واول ما رجعت انسرق الكلب وانشالله بكره بروح لصياد حوران وبكلمه وبدور له كلب

[الصارم1]

سهلات هالامور

الله يعقله وتلقاه انشالله

[@قرناص@]

الله يعقله ان شاء الله ..

ويعوضكم باطيب منه

[معالي الكعبي]

الله يعقله ان شاء الله

[راعي نمران]

الله يعقله ان شاء الله

[محمد ابوبيادر]

المشكله الكلب اللي ينسرق صعبه تلاقيه لانو بيد سارق ويحاول انو يبادل فيه من خارج المنطقه

اما الضايع يمكن يطيح بيد ناس تخاف الله ويدورون راعيه او لو احد نشدهم ماينكرونه

وانشاء الله تلاقيه
او يعوض راعيه بخير منه

[راعي وذف]

يارجال بدال الجعري جعري غيره
لاكن مابدال الرجال رجال....
وتقبل مرووووريـ..بكل صدر رحب

[الشيرازي]

يعوضه الله بازين منه
واتمنى انه اللي يضيع منهم كلابي يقولون كذا
الحمد لله ماضاع لي كلاب لكن ماتوقع الرد بيكون كذا
وليت اللي ضاع غير القريهند كان اقول ابشر بالعوض
بس القريهند ماشوفه ابد
تقبل مروري

[صياد حوران]

اول اسف على التاخير

وثاني شي اشكرك كثير على اهتمامك الطيب وياخوي مابينا اعتذارات فداك و بيكفي انك رجال تفهم بل اصول العربيه العريقه

وثالث شي انا روحت لعند مايد شان يخدمني ما هو اجه وطلب السلوقي يقنص فيه او شي ثاني تقبل تحياتي اخوي عبدالله ومعرفتك ومعرفت لرجال الطيبه مكسب بنسبه الي


اما من ناحيه السلوقي يا اخواني الاعضاء للحين مفقود ولي يعرف عنه شي يخبرني وياخذ بداله اللي يبيه سلوقي سوري سلوقي عربي انا جاهز او اللي بخاطره انا مابقصر معاه لون السلوقي احمر بريطاني وختم ورقم السلوقي موجود بااذنو من الداخل ومشكورين على مروركم

[تركي الرماي]

الله يعوضه له