سؤاااااااااااال مهم للصقاقير وكلن يدلي برأيه.......

[حامد الحنيني]

السلام عليكم ورحمة الله وبركاته
مساء الخير و مرحبا بكم جميع
اخواني هذا الموضوع جاء فكرته من احد الاعضاء وهو لم يكتبه موضوع بل مشاركه بموضوع من مواضيع
البروفسر
والصراحه سؤااال مهم:
واعجبني وانا اعطيته رايي لاكن لم يعطيه باقي الاعضاء رايهم
وهذا الموضوع يتطلب ارائكم جميعا;) :
السؤال هو:
الان الواحد يجرد طيره من بداية الموسم بالملواح والحمام والسحب بالسياره وطرق كثيره
المهم توصل الطير على الملوح بعض الاحيان يتعدى 100 او اكثر
ولاكن عندمى تلقى كروان او حبارى وتهد عليها وتكون الصيده بالارض والطير يبدا يطق
مستحيل انه يتعدى 20 طقه وهو مريح مثل راحته على الملواح
وتحس لياقته مو ذاك الزود:eek:
وش السبب؟؟؟؟؟:confused:

[ااوسكار]

انا واعوذ ومن كلمت انا اشوف الرجال يركضون ساعه لياقه وساعه حديد وساعه سباحه


بس لو يتهاوش مع رجال دقيقه وان زاد 3 دقايق ويفتر
عسى ان تكون وصلت المعلومه وشكرا طرح مميز

[صقار ال عاطف]

الطير طال عمرك على الملواح مريح ما يضرب احساب مثل مايضرب احساب عند ما يشوف الحبارى الان بتعافس وياها اما الملواح لحمه جاهزه ما تبي تفكير وخوف من الي بصير لانه داري انه بياخذه من الملواح بدون معركه وتقبل مروري

[وشــــام]

السلام عليكم :

اعتقد ان السبب هو بالهرمونات والحالة النفسية للطير فالادرينالين لو قست نسبته بالحظة هذي يبي يكون واصل لاعلى مستوياته والطير ذكي يعرف قبيله ...

تقبل تحياتي

[المري]

مرحبا اخوي الحنيني

كما ذكر اوسكار وصقار العاطف وخشم الهامل على الملواح على الراحة ولا هوب حرص وعجل

وخايف من الصيده لاتروح .. يعنى على الصيده يتعب كل اعضاء الطير

وتسلم على هذا الموضوع الطيب

[دلوع الهوى]

جزاااااااااااهم اللة خير الاخواااااان ماقصرووووووووووو ومشكوووور يا الغالى على الموضوع

[شَعَّـاااال]

سؤاااااال وجيه اخوي حامد


بجاوب عليه من وجهة نظري


اتوقع انه ارهاق من كثر الجرد


الواحد منا حريص بيرفع لياقة الطير لكن النتيجه تكون عكسيه عند الهدد
يوميا يتعب الطير بالجرد حتى وحنا قنوص
ماتشوف اللاعبين يريحون قبل المباراه يوم او يومين:D


زد على ذلك ما تفظلوا به الاخوان من ان حماس الطير على اللوح ليس مثل حماسه على الصيد


والله اعلم




تحياتي للجميع

[@قرناص@]

ماقصرو الاخواان ،،