طيري به عرجة ويش المشكلة يالرجاجيل [الأرشيف]

مشاهدة النسخة كاملة : طيري به عرجة ويش المشكلة يالرجاجيل

منسر الطير

06/08/2009, 05:19 PM

السلام عليكم ورحمة الله وبركاته

اخواني المكشاتين..

عندي مشكلة بطيري, طير يا خوان به عرجة في رجله اليمين
وما يقدر يوقف على رجله اليمين
دايم يعتمد على اليسار
واذا مشى شوي عرج

ويش المشكلة ؟؟

مع العلم شفت ارجوله من تحت ما فيها شي !!

ارجوا افادتي..

وجزاكم الله خير..

غرام طيور

06/08/2009, 05:57 PM

ممكن يكون طيرك مملوع اذا كنت رابطه بسبق واحد او يكون مجروح جرح من الساق او الفخذ ومغطي عليه الريش ومابين تاكد وانا اخوك ولا تهمل الطير

والاخوان يفيدونك بعد

حامد الحنيني

06/08/2009, 06:00 PM

اخووووي منسر الطير طيرك به كسر قبل برجله اليمين اولا او تو صارتبه العرجه؟
ويمكن ملع كانك رابطه بمسباق واحد.

@قرناص@

06/08/2009, 06:14 PM

تاكد من سبوق الطير لاتكون مشدوده على رجله الي يعرج منها ..

وليت صور لساق الطير ورجله

والله يشفي طيرك //

alajmi110

06/08/2009, 06:34 PM

الله يشفيه ان شاء الله

يمكن الجرير مفتر على فخذ الطير وجايه ملع

الكف الي يعرج منها اطير فك سبقها وخله على سبق واحد

اريح ليده ولا له شر ان شاء الله

منسر الطير

06/08/2009, 07:48 PM

ممكن يكون طيرك مملوع اذا كنت رابطه بسبق واحد او يكون مجروح جرح من الساق او الفخذ ومغطي عليه الريش ومابين تاكد وانا اخوك ولا تهمل الطير

والاخوان يفيدونك بعد
حياك الله أخوي..
انا رابط سبوق واحد بس في رجله الأيسر..
وهو يعرج بالأيمن..
وما اظن انه مجروح لانه على الوكر 24 ساعة واذا طار طار في الغرفة..

اخووووي منسر الطير طيرك به كسر قبل برجله اليمين اولا او تو صارتبه العرجه؟
ويمكن ملع كانك رابطه بمسباق واحد.
حياك الله اخوي..
ما به كسر الحمد لله..
العرجة توها صارت لها كم يوم..

تاكد من سبوق الطير لاتكون مشدوده على رجله الي يعرج منها ..

وليت صور لساق الطير ورجله

والله يشفي طيرك //
يا هلا أخوي..
لا ما هي مشدودة.. بالعكس محلولة وتدور حول ساقه..
وان شاء الله بجيب الصور..
بس مدري كيف راح أصور رجوله من تحت..
مع اني حاولت أشوف رجله من تحت وما فيه شي..

لكن تدري اخوي قرناص..
قبل كم يوم وقف الطير على فوطة (إزار) وطار بها
وكانت عالقة في مخلبه الخلفي لنفس الساق إللي يشتكي منها
وبعدها حسيت انه به عرجة
لكن أشوفه الآن ما يقدر يوقف على رجله اليسار ودايم واقف على اليمين وحاط اليسار بشويش على الأرض..
هل ممكن يكون مملوع في رجله اليسار بسبب الفوطة..؟؟

الله يشفيه ان شاء الله

يمكن الجرير مفتر على فخذ الطير وجايه ملع

الكف الي يعرج منها اطير فك سبقها وخله على سبق واحد

اريح ليده ولا له شر ان شاء الله
آمين..
حياك الله أخوي..
أنا احس انه من كفه.. والله مدري بس كذا احس..
بس سبوقه إللي في رجله العرجة مفكوكة..

وفي انتظار شورتكم..

راعي غضبان

06/08/2009, 08:25 PM

وعليك السلام انشاء الله ماغير ملع وبيروح مادام ايديه سليمه من الحفى انشالله ايام ويروح الملع الله يستر عليه وتقبل مروررررررررررررررررري

منسر الطير

10/08/2009, 07:25 AM

النت عندي تعطل كم يوم وما قدرت أتواصل معكم..

مشكور اخوي راعي غضبان..

للحين باقي مملوع..

قريت في بعض المواضيع ان علاج الملع الشب والموميا

وش رايكم

والشب الأبيض ولا الأسود

وكيف اعطيه الشب والموميا

بدران123

10/08/2009, 12:23 PM

صقار ال عاطف

10/08/2009, 12:49 PM

ممكن يكون طيرك مملوع اذا كنت رابطه بسبق واحد او يكون مجروح جرح من الساق او الفخذ ومغطي عليه الريش ومابين تاكد وانا اخوك ولا تهمل الطير

والاخوان يفيدونك بعد قالك اخوي غرام الطير

دلوع الهوى

10/08/2009, 12:56 PM

هلا بك اخوى يمكن ان السبق لف على رجلة ومسك الدم وحبسة حط ماى وملح ودهن رجل الطير وفك سبق وين رجل الطير لي يوجعة ويكوووووووووون احسن اذا فكيت خل الطير يطير في غرفة يعنى هدة خلة يطير يحرك رجلة وسموووووووووووحة على الاطالة

falconer-kw

10/08/2009, 01:04 PM

السلام عليكم اخي منسر الطير

تلمس فخذالطير اذا مافيه تفخ ولا جرح ممكن يكون مملوع وبالنسبه للموميا والشب اناااااا ما اايدها لكن تقدر تخلط حلبه ورشاد ولكن تكون نسبه الحلبه اكبر وذرها على العلف بس حاول انه الطير ياكل قبل لا يحس بطعم الحلبه لانه بعض الطيور ماتستصيغها :j والعلاج يكون لمده اسبوع وان شاء الله بتشوف تغير وللعلم ان الخلطه هذي تفيد ما تضر عن تجربه حتى الطيور بعد المقيض وفي اول وقت الهدد نعطيها الخلطه هذي علشان ماتنملع واسال الله ان يشفي طيرك ويرزقك الصيد وسامحني على القصور

شبراق

10/08/2009, 01:37 PM

مايشوف شر ان شاءالله

اكشف عليه بالمستشفى وعطة شب ابيض ومميان اسود وشوي حلب مطحون بس انتبه لا تكثر المميان حطله مقدار راس عود الكبريت والشب الابيض ربع مالعقه صغيره والحلب ربع ملعقه صغيرة اخلطهن مع العلف لمده اسبوع ونشاءالله ما يشوف شر

بو هاشم

10/08/2009, 01:38 PM

السلام عليكم ورحمة الله وبركاته
الله يعافيه ويشافيه
انا اشور عليك انك تشيل طيرك وتوديه للدكتور وهو بعلمك العله
لان العرجه اسبابه واجد ماودك تتطبب فيه
وهذا شوري وانا خوك تقبل خالص تحياتي

البراء آل عثمان

10/08/2009, 02:53 PM

السلام عليكم ورحمة الله وبركاته أمسيت بالخير
عندي عدة أسأله وأرجوا إنك تنبهني على الخاص في حالة ردك عليها
من متى لاحظت العرج
أحتاج صورة وهو واقف عشان أشوف زين وين العلة
وإذا فيه منطفة زراق ولاحمار حولين القدم أرجوا إنت تورينا
وهل الطير مقيض ربط ولا هدد

مع التحية
أخوك د.البراء محمد عبدالله ال عثمان

منسر الطير

10/08/2009, 07:55 PM

ارحب اخوي جس ساق وفخذ الطير زين وتاكد ان مافيه ظربه او انتفاخ او زراق اوو ماشبه غير كذا يمكن الطير متعور وان مادريت عنه مالك الااتاكد وبعد علمنا بارك الله فيك..

لا تنسا جس ياق الطير وفخذه وصواويده.......

بدران
حياكم الله يالنشامى..
ما تقصرون..

جسيت ساقهما فيه ولا شي غير ان فخذه يوم ألمسه في البداية احس انه يتألم..

قالك اخوي غرام الطير

هلا بك اخوى يمكن ان السبق لف على رجلة ومسك الدم وحبسة حط ماى وملح ودهن رجل الطير وفك سبق وين رجل الطير لي يوجعة ويكوووووووووون احسن اذا فكيت خل الطير يطير في غرفة يعنى هدة خلة يطير يحرك رجلة وسموووووووووووحة على الاطالة
للأسف اخوي فكيته الحين ويوم بغي يطير ما قدر طلعت مشكلة ثانية..

السلام عليكم اخي منسر الطير

تلمس فخذالطير اذا مافيه تفخ ولا جرح ممكن يكون مملوع وبالنسبه للموميا والشب اناااااا ما اايدها لكن تقدر تخلط حلبه ورشاد ولكن تكون نسبه الحلبه اكبر وذرها على العلف بس حاول انه الطير ياكل قبل لا يحس بطعم الحلبه لانه بعض الطيور ماتستصيغها :j والعلاج يكون لمده اسبوع وان شاء الله بتشوف تغير وللعلم ان الخلطه هذي تفيد ما تضر عن تجربه حتى الطيور بعد المقيض وفي اول وقت الهدد نعطيها الخلطه هذي علشان ماتنملع واسال الله ان يشفي طيرك ويرزقك الصيد وسامحني على القصور

أبشر اخوي بجربها إن شاء الله..
وجزاك الله خير..

مايشوف شر ان شاءالله

اكشف عليه بالمستشفى وعطة شب ابيض ومميان اسود وشوي حلب مطحون بس انتبه لا تكثر المميان حطله مقدار راس عود الكبريت والشب الابيض ربع مالعقه صغيره والحلب ربع ملعقه صغيرة اخلطهن مع العلف لمده اسبوع ونشاءالله ما يشوف شر
والله ياخوي ما اعرف مستشفى عندنا في مكة..
ولكن في صيدليات وللأسف ما عندهم علوم الطيور بس غللي عندهم حق الغنم والدجاج..
وبجرب الخلطة بس أبغى أنتهي بكل الأفكار وإن شاء الله بجرب..

السلام عليكم ورحمة الله وبركاته
الله يعافيه ويشافيه
انا اشور عليك انك تشيل طيرك وتوديه للدكتور وهو بعلمك العله
لان العرجه اسبابه واجد ماودك تتطبب فيه
وهذا شوري وانا خوك تقبل خالص تحياتي
مثل خلت اخوي المشكلة ما ؟أعرف مستشفى عندنا..

السلام عليكم ورحمة الله وبركاته أمسيت بالخير
عندي عدة أسأله وأرجوا إنك تنبهني على الخاص في حالة ردك عليها
من متى لاحظت العرج
أحتاج صورة وهو واقف عشان أشوف زين وين العلة
وإذا فيه منطفة زراق ولاحمار حولين القدم أرجوا إنت تورينا
وهل الطير مقيض ربط ولا هدد

مع التحية
أخوك د.البراء محمد عبدالله ال عثمان
وعليكم السلام ورحمة الله وبركاته..
حياك الله اخوي..
لا حظت العرج من قبل أسبوع تقريبا..
واليوم اكتشفت انه ما يقدر يطير جناحه اليسار مسدول وراح يبان في الصورة..
وما فيه حمار أو زراق الحمد لله..

وهذي الصور
رجله اليمين تعبانة وجناحه اليسار مسدولة وما يقدر يطير تمام
مع العلم انه أليوم اكتشفت إنه ما يطير..
ولكن قبل أربعة أيام فلته وطار..

http://up1.mlfnt.net/images/xheftjue0e2722v5qpc.jpg (http://up1.mlfnt.net/)

http://up1.mlfnt.net/images/n2vbbmrv6w1tvqpaofd.jpg (http://up1.mlfnt.net/)

http://up1.mlfnt.net/images/ab7qntyenxfr8l394.jpg (http://up1.mlfnt.net/)

http://up1.mlfnt.net/images/ca0k6faoqvvifxfxj2h.jpg (http://up1.mlfnt.net/)

والله يجزاكم بالخير..
وفي انتظار شورتكم..

منسر الطير

10/08/2009, 07:56 PM

وتراه يمسك اللحم وياكل بس ما يقدر يوقف عليها..

الهواوي 502

10/08/2009, 09:01 PM

اخوي منسر الطير...

ان بغيت نصيحتي.. وده اقرب مستشفى طيوووووور وافحص عليه

تحياتي

الحركساب

10/08/2009, 09:11 PM

hawwamT

10/08/2009, 09:24 PM

وده للمستشفى اللي في الرياض...واختصر على نفسك التجارب قي الطير...واعتقد من خبرتي الخاصة ان طيرك كان مربوط ب سبق واحد وكافخ حتى تملع...والملوع باختصار هو تمزق في انسجة العضلات..ويسبب التهاب في عضلات الفخذ...قد يكون سيئا جدا...ويطول علاجه..وقد يكون خفيف وعلاجه مايطول...والخفيف هذا يحتاج ان الطير ياخذ علاج ويرتاح قرابة الشهرين الى الثلاثة راحة تامة...أما الالتهاب والتمزق الشديد ف مع العلاج يحتاج الى راحة تامة قرابة 7 الى 8 شهور ..يعني مقيظ كامل....الله يشفي طيرك ولا يريك مكروه فيه..آمين

البراء آل عثمان

10/08/2009, 11:37 PM

السلام عليكم ورحمة الله وبركاته
شفت الصور أخوي لكن الصور مهي بذيك الوضوح
وأتوقع إنه يحتاج صورة أشعة
وأتوقع إنه بعد في شي بجناحة اليسار
عموم هو يحتاج فحص جسدي
لازم توديه أقرب مستشفى لك
أو حياك
الأحساء
جامعة الملك فيصل-كلية الطب البيطري-العيادات الخارجيه-قسم طب وأمراض الطيور

جار طويق..

11/08/2009, 12:20 AM

ماوراه ان شاء الله الا العافية ..ومايشوف شر..

وان شاء الله ينومسك .. اذا جاء وقت الهدد..

ابو امنه

11/08/2009, 06:40 PM

اللة يشفي طيرك
افادوك الاخوان
والاحسن تنقلة العيادة