هل تقوم النص شوزن مقام الشوزن الكامل في صيد الطيور المهاجرة دعوة للمشاركة

[Mekshaati@]

السلام عليكم ورحمة الله وبركاته

مساء الخير أخواني الأعزاء

ابطرح سؤال وأتمنى كل من له رأي لا يبخل علينا فيه مع الشكر مقدماً.

س / هل تقوم النص شوزن مقام الشوزن الكامل

في صيد الطيور المهاجرة ذوات الحجم المتوسط مثل :

القمري , الصفاري, الحجل, القطا, الخ.. ؟ حلوة ألخ !!

أرجوا من لديه إجابة كافية المشاركة وذكر سبب

تفضيلة للنص شوزن او الشوزن الكامل ..

إضافة ذات صلة :

واحد من اللي يفضلون النص شوزن يحلف انه لاقط ثمان قميريات من تحت طلحة راميها بطلقة نص شوزن أمريكية ستفنس
.
.
.
.
:cool:

[قناص خلاوي]

حسب تجربتي
النص الشوزن ماهيب شينة تقوم باللازم لكن إذا جاء الجد ماتبرد الخاطر
ولا تقارن بالشوزن الكاملة من ناحية السوق وقوة الفشق

نص الشوزن اكثر ما تصلح لصغار السن واللي ما يحبون ( رجف ) البنادق
او ما تعودوا على الشوزن .

من عيوبها : ما تبرد خاطرك بالمرمى البعيد لازم تكوي كوي من قريب

فشقها قليل وغالي أغلى من فشق الشوزن

[ابو صقر 111]

اسأل مجرب - فالأمر يعتمد على البندقية بالدرجة الأولى فممالاشك فيه ان الشوزن الكامله اذا كانت من نوعية ممتازه تسوق ابعد وتفرش بحيث تراجل ولكن قد يسعف الحظ ببندق نصف تسوق قريبة من مدى الشوزن وأذكر انني اشتريت نصف شوزن ام خمس رمنجتون جديده كانت لاتخطيء ابدا وأخذها احد الأصدقاء بالشراء بعد ان رأى سوقها ودقتها في التصويب وذهبت للسوق واشتريت نفس النوعيه جديده ولكن لم تكن مثلها بالسوق ودقة التصويب والماركه واحده لذلك اذا جربت بندقيه سواء شوزن كامله او نصف شوزن وكانت ممتازه فعليك بالحرص عليها وعدم بيعها لأن البنادق تختلف وهي من ماركه واحده

[الكوبرا 652]

حسب تجربتي
النص الشوزن ماهيب شينة تقوم باللازم لكن إذا جاء الجد ماتبرد الخاطر
ولا تقارن بالشوزن الكاملة من ناحية السوق وقوة الفشق

نص الشوزن اكثر ما تصلح لصغار السن واللي ما يحبون ( رجف ) البنادق
او ما تعودوا على الشوزن .

من عيوبها : ما تبرد خاطرك بالمرمى البعيد لازم تكوي كوي من قريب

فشقها قليل وغالي أغلى من فشق الشوزن

ماقصر اخووي قناص خلاوي لاكن اللي اعرفه ودارج عند الناس ان النص تسوق اكثر من الشوزن وزي ماقال فشقها غالي وقليل

[البرحه]

تقوم مقام الكامل احيانا

لكن ما ينصح بها .. فشقها قليل وغالي بعد

[جـرح الشمـال]

المشكلة فشقها قليل وغالي زي ربع الشوزن

[أبوأحمد2006]

حسب تجربتي
النص الشوزن ماهيب شينة تقوم باللازم لكن إذا جاء الجد ماتبرد الخاطر
ولا تقارن بالشوزن الكاملة من ناحية السوق وقوة الفشق

نص الشوزن اكثر ما تصلح لصغار السن واللي ما يحبون ( رجف ) البنادق
او ما تعودوا على الشوزن .

من عيوبها : ما تبرد خاطرك بالمرمى البعيد لازم تكوي كوي من قريب

فشقها قليل وغالي أغلى من فشق الشوزن
مــــاقصـــر أخــــوي قنـــاص خلاوي كــــلام سليم 100%
تقبــــــل تحيــــاتي

[لاح البرق]

جدا ممتازه للطيور المتوسطه و خاصة الايطاليه الطويله اللي تنكسر كامله و بصراحه رمينا فيها مسافه ماتوقعناها و ذبحت القميريه و كانت بعيده شوي , و أما من ناحية اللي ذبح ثمان فهو صادق لأن واحد من الشباب مد النص على سبع قميريات و طاحن كلهن

وتقبلوا مروري

[المستفهم]

نص الشوزل هي نفس الشوزل الكامل لا فرق بينهما بل على العكس استخدم النص أكثر من أم خمس


أما من ناحية المسافة فنص الشوزل والشوزل الكامل نفس بعض


فشق نص الشوزل سعره نفس سعر الشوزل وهو متوفر .
عندي إيطالية اللي تنكسر كاملة وهي روعه لا سوق ولافرش ولله الحمد

[عقاب11]

السلام عليكم
عندي نصف أم خمس رمنتونق وعندي شوزن أم خمس
القمري من خمس وجاي أفضل النصف أما الطيور مثل القرقس الكرك والبط
شلها أحسن لك وفشقها متوفر ونفس سعر فشق الكاملة

[المقاطي1985]

انا مجرب الشوزن الربع لكن النص ما جربتها



الربع رميها ضعيف شوي لازم تكون قريب من الطير

وقد جربت رمي طيار من قريب ولكن لا حياة لمن تنادي

بس في الليل افضل بكثيير علشان اذا قربت من الهدف ما تلعب في الحمامه مثل الكامل ولا تسوق ذاك البعد


لكن عطية الله الكامل وسلامتكم

[Mekshaati@]

أشكركم يا اخوان على الاجابات الوافية ماقصرتوا بيض الله وجيهكم

[ذيب اجا]

مشكورين على المعلومات

[باخص]

نص الشوزل هي نفس الشوزل الكامل لا فرق بينهما بل على العكس استخدم النص أكثر من أم خمس



أما من ناحية المسافة فنص الشوزل والشوزل الكامل نفس بعض


فشق نص الشوزل سعره نفس سعر الشوزل وهو متوفر .

عندي إيطالية اللي تنكسر كاملة وهي روعه لا سوق ولافرش ولله الحمد



القيج 410 هي نفس القيج 12...............يعني مافيه فرق بتاتا البته.........:rolleyes:

طيب ليش متعبين ارواحهم وصانعينه......وليش النص بالسوق ب700 والكامل بالسوق اذا لقيت 1500 تعال اشريه منك.

على قولة خشم الحصان الله يذكره بالخير

نغزه:راجع معلوماتك

دقشه: لا تفتي بما لا تعلم

صدمه: انصحك تقرا عن الشوزن اكثر شكلك ما تعرفه


والله من وراء القصد

[Mekshaati@]

((باخص)) هاه فهمت السؤال والا عايم بعد ؟؟

[المستفهم]

القيج 410 هي نفس القيج 12...............يعني مافيه فرق بتاتا البته.........:rolleyes:





طيب ليش متعبين ارواحهم وصانعينه......وليش النص بالسوق ب700 والكامل بالسوق اذا لقيت 1500 تعال اشريه منك.


على قولة خشم الحصان الله يذكره بالخير


نغزه:راجع معلوماتك


دقشه: لا تفتي بما لا تعلم


صدمه: انصحك تقرا عن الشوزن اكثر شكلك ما تعرفه




والله من وراء القصد



منكم نستفيد
سؤال
كم يسوق الشوزل الكامل
وكم يسوق نص الشوزل



إذا كانت النص بـــ 700
أحجز لي وحده الله لا يهينك

[باخص]

منكم نستفيد

سؤال
كم يسوق الشوزل الكامل
وكم يسوق نص الشوزل



إذا كانت النص بـــ 700

أحجز لي وحده الله لا يهينك



اعتقد اخوي ان كلامك الي بحاجه الى اثبات مو كلامي...........فانت علمني كم تسوق النص و كم تسوق الشوزن....

استفنز ام فشقه بالسوق قبل الموسم انا واقفن عليه بسوق الجرده راحت ب700.... الحين موسم ولا ادري كم سعره.

[قناص خلاوي]

الله عرفناه بالعقل يالربع ما شفناه سبحانه

خلونا بالشوزن الكاملة واتركوا النص
لو رمينا بفشق 28 قرام و 32 و 36 و40 و 56 و66 و72
هل الرمي والسوق وانتشار الحلبي واحد ؟؟
اللي يقول انه واحد أكيد ما جرب !!

سوق البندق يعتمد على امور كثيرة
كمية البارود ، حجم الحلبي ، ماصورة البندق ، التشوكات ( المضاويق)

واللي يقارن بين فشق الشوزن وفشق النص يشوف بعينه
صغر حجم الفشقة وحجم الحلبي وقلة البارود في النص عن الشوزن الكاملة.

[رعد سدير]

النص بالعربي حقت قمري وصفاري ...ااااااه ذكريات لها ....

[المستفهم]

اعتقد اخوي ان كلامك الي بحاجه الى اثبات مو كلامي...........فانت علمني كم تسوق النص و كم تسوق الشوزن....

استفنز ام فشقه بالسوق قبل الموسم انا واقفن عليه بسوق الجرده راحت ب700.... الحين موسم ولا ادري كم سعره.


كلامي قلته لك وعلقت عليه أنت بأنه خطأ


وأنا لم أقل أن كلامي صحيح


وأريد أن أستفيد من خبرتك الطويلة بالأسلحة


فأنت مرجع لنا في مثل هذه الأمور


وسبق وقلت لك منك نستفيد



إذا لقيت نص شوزل بسعر 700 بموسم أو غيره أحجزها لي لو تكرمت

[المستفهم]

الله عرفناه بالعقل يالربع ما شفناه سبحانه

خلونا بالشوزن الكاملة واتركوا النص
لو رمينا بفشق 28 قرام و 32 و 36 و40 و 56 و66 و72
هل الرمي والسوق وانتشار الحلبي واحد ؟؟
اللي يقول انه واحد أكيد ما جرب !!

سوق البندق يعتمد على امور كثيرة
كمية البارود ، حجم الحلبي ، ماصورة البندق ، التشوكات ( المضاويق)

واللي يقارن بين فشق الشوزن وفشق النص يشوف بعينه
صغر حجم الفشقة وحجم الحلبي وقلة البارود في النص عن الشوزن الكاملة.


كلامك صحيح
وكلامي خطأ



أنا أتكلم بسوق البندق ( المسافه ) كم بين نص الشوزل والشوزل الكامل ( فشق النص كذلك يجي ضغوط مختلفه ) مع ملاحظة النسبه والتناسب بين كمية البارود والحلبي بالنص والكامل .

يعني لو جبنا فشق نص وفشق كامل نفس الضغط
كم المسافه بين النص والكامل هذا هو سؤالي
الحقيقة قلت رأيي وتجربتي بأنه ليس هناك فرق يذكر
لكن أخوي باخص يقول كلامي خطأ
وحبيت أتأكد ممكن يصير كلامي خطأ ليش لا
فكلنا نخطأ ونصيب .

[السلطان2011]

عندي نص ام كلتش امريكية والله العظيم طارح فيها قطاة "كدرية" لكن من مسافة قريبة وأصيب فيها دايم وخطاها قليل لدرجة إنا رامين مرة خاضور ب(بيكال) روسية خشب أكثر من رمية طيار واخطيناه لكن يوم مدينا عليه النص طرحناه من أول رميه لكن اللي يعيب النص مثل ما قالوا الاخوان الأفاضل رصاصها نادر وغالي
_الشوزن تسوق أكثر من النص
_النص البرازيلية يمدحونها الناس من ناحية السوق لكن أنا ماجربتها

[حامد الحنيني]

افاااادوك الاخوان...

[أبو فروة]

النص لاتقوم مقام الشوزن واعتبرها ( اي النص) بندق الشيبان اللي ما قدروا يخلون الصيد ولا يقدرون على الشوزن الكامل

النص جيده لبعض المواقف مثل القريب او القميري فأقل
لكن مشكلتها غلاء وقلة الفشق لها واحيانا اغلى من فشق الشوزن وتلاقيه نوع رديء

هذا ما لدي والله وأعلم

[ولد يام]

يا شباب ابي اطرح عليكم سؤال ابي وين احصل جهاز الفري او السمان بالكويت وبسعر زين

[Mekshaati@]

مشكورين يا اخوان على الردود والاجابات الطيبة جزاكم الله خير.

[قناص جبل شمر]

اهلا اخوي انا عندي نص شوزن والله تصيد لك كل شي المهاجر صدنا السنه الي راحت قطا فيها وانا انصحك اشتريها بس اشتري نص شوزن ام وحدة لا تشتري ام خمس لان امخمس تنشب ال طلقه

[صياد الليل]

النص شوزن روعه بكل ماتعنيه الكلمه
وخاصة الايطاليه ام طلقه !
ولكن لايمكن أن تقوم مقام الشوزن الكامل او عيار 12

اهم عيب في نص الشوزن هوعدم توفر فشقها بشكل دائم

وموفق خير أن شاء الله

[ابوصالح3]

النص شوزن من افضل البنادق اللي اقنيها لصيد القميري والصفار والجرجس


ووالله الذي لااله الاهو اني صايد فيها ارنب

وعليكم بالبرازيليه والا الروسية

وفيه نوع جديد توه جاينا بالشمال هو نص ام وحده تركيه عليها خفة ومنظر بس الفعل ماادري عنه

[بيكال الوشم]

سؤال واحد و مثل ما قال احد الأخوان قبلي
لو جبنا فشقة شوزن كاملة 28g و فشقة شوزن نص 28g هل كمية البارود وحدة ؟
لاحظو ثقل الفشقتين كلهن وحدة 28g يعني ثقل الحلبي بالرصاصتين واحد
هل الفعل بيكون واحد على مسافة ٤٠ متر ؟

[س ل ط ا ن sul]

يا حماعة انتم فاهمين خطاء

البارود في جميع الفشق الخاص بالشوزن واحد ما يختلف من ضغط لضغط

المقصود بالضغط هو وزن الحلبي يعني فشقة ضغط 32 الحلبي فيها يكون أقل من الفشقة ضغط 36 والعكس صحيح

[صقار محترف]

اذا كنت محتار تشتري نص او كامله
انا انصحك تاخذ الكامله وانت مغمض
حتى لو النص زينه وجيده ورهيبه وعجيبه
يبقى الفرق بينها وبين الكامله مثل الفرق بين الثرا والثريا

[The Big shark]

وأنا أأيد كلام أخوي

حسب تجربتي
النص الشوزن ماهيب شينة تقوم باللازم لكن إذا جاء الجد ماتبرد الخاطر
ولا تقارن بالشوزن الكاملة من ناحية السوق وقوة الفشق

نص الشوزن اكثر ما تصلح لصغار السن واللي ما يحبون ( رجف ) البنادق
او ما تعودوا على الشوزن .

من عيوبها : ما تبرد خاطرك بالمرمى البعيد لازم تكوي كوي من قريب

فشقها قليل وغالي أغلى من فشق الشوزن

[Mekshaati@]

مشكورين يا اخوان على التفاعل والمرور