خبراء رمي الطيار :::أبعد مسافة تستطيع أن ترمي فيها الطير وتصيده ؟؟؟

[Mekshaati@]

السلام عليكم ورحمة الله وبركاته


ودي أعرف أبعد مدى ممكن تصيد فيه طيار ؟

وماهو أفضل نوع فشق يسوق بعيد ..؟؟

أبي أعرف من خلال خبراتكم وتجاربكم ياليت تفيدوننا بشكل مفصل .

.
.
.
.
:rolleyes:

[Mekshaati@]

:D محد يعرف

[New Benelli]

والله يا أخي سؤالك محتاج موضوع كامل للإجابه عليه

رمي الطيار فن لا يتقنه إلا القليل ... معظم اللي تشوف مقاطع الفيديو الخاصه بهم يرمون الموقع والبندق اللي بيده شوزل !!!

رماية الطيار تختلف من موقع لآخر ... فيه أماكن يكون العبور فيها قريب وفيه أماكن العبور فيها بعيد ... قريب يعني حوالي 20 إلى 35 متر و بعيد بمعنى 40 إلى 55 متر

بالنسبة للقريب محتاج تركب شوك رقم 3 ... مناسب جداً لهالمسافات
بالنسبة للبعيد محتاج تركب شوك رقم 1 أو أكسترا فل

يبقى تحدد ما نوع الطريده المرغوب بصيدها ... الكرك غير البصو ... كل نوع له ضغوطه و جراماته المناسبه و حجم الخردق المناسب

[Mekshaati@]

والله يا أخي سؤالك محتاج موضوع كامل للإجابه عليه

رمي الطيار فن لا يتقنه إلا القليل ... معظم اللي تشوف مقاطع الفيديو الخاصه بهم يرمون الموقع والبندق اللي بيده شوزل !!!

رماية الطيار تختلف من موقع لآخر ... فيه أماكن يكون العبور فيها قريب وفيه أماكن العبور فيها بعيد ... قريب يعني حوالي 20 إلى 35 متر و بعيد بمعنى 40 إلى 55 متر

بالنسبة للقريب محتاج تركب شوك رقم 3 ... مناسب جداً لهالمسافات
بالنسبة للبعيد محتاج تركب شوك رقم 1 أو أكسترا فل

يبقى تحدد ما نوع الطريده المرغوب بصيدها ... الكرك غير البصو ... كل نوع له ضغوطه و جراماته المناسبه و حجم الخردق المناسب




فعلاً اخوي رمي الطيار قليل من يتقنة والمعلومات عنه قليلة و أهنيك على المعلومات اللي تدل على خبرتك الواسعة وهذا فخر لنا بمنتدى مكشات

واشكرك بالفعل استفدت كثير من كلامك ويعطيك الف عافية وتقبل تحياتي.

[أبوأحمد2006]

ماقصرو الاخـــــــوان كفـــــو ووفــــــــــو

[باخص]

السلام عليكم ورحمة الله و بركاته

سؤالك اخوي عائم وغير واضح....واقرب ما يكون لغرض السواليف

السؤال الفعلي_بعد اذنك_

هو كيف اختار الفشق والتشك المناسب للطريدة اللي انا ابغاها.

ابعطيك مثال..

الكرك..: الكرك طائر حذر و يتحمل الصواب ومحتاج فشق ثقيل حتى تحقق اصابة قاتلة

اعتقد من تجربة متواضعة ان انسب شي له هو 4/0 38 تشك رقم2

مثلا الفري(السمان)
سريع وغير حذر واي فشقه تقطه...تشك 3-4

2/1 9 24 افضل فش له

الحمام (الفاخت)

سريع تحتاج ترميه ومن مسافات بعيده

عندك الفشق 2/1 7 32 تشك فل *







رمي الطيار فن لا يتقنه إلا القليل



اعتقد لو فيه مجال عندنا في السعودية من نوادي ومسابقات

كان حققنا المراكز المتقدمه .....



..
. معظم اللي تشوف مقاطع الفيديو الخاصه بهم يرمون الموقع والبندق اللي بيده شوزل !!!




اخوي لو كل قميرية لقيتها طيرتها بعدين رميتها يبي يضيع وقتي ما صدت شي

تبي تقولي ام صتمه....ام صتمه ...الي (لو يهب الهوا الي ما يغث البق ) ما تدري وين يروح الصتم

وكل رميتين متغيره الوزنية و بعدين وقت الموسم محد بيحتريك تقعد تفهق جت الصتمه تحته جت فوقه



خلنا واقعيين كلن يبي يلحق رزقه



تبي تشوف الرمي الي بالنجوم....سير على مزارع السلمان ولا اسأل عن مكان تحدي شف رمي القوقسي من وين.....




تحياتي واتمنى اني افدت ولا ثقلت

[Mekshaati@]

باخص
سؤالك اخوي عائم وغير واضح....واقرب ما يكون لغرض السواليف

اللي قبلك فهم السؤال لكن للأسف انت ما فهمته

سؤالي واضح لاهو عايم ولا يطفو على السطح

وانا ما دخلت المنتدى الا عشان اسولف وافيد واستفيد


السؤال اذا ما فهمته هو كم المسافة يعني تجاوبني تقولي 20 , 30 , 40 , متر تقريبأ فهمت الحين؟؟


واعتقد انت راعي السواليف والدليل اجابتك

باخص

اعتقد لو فيه مجال عندنا في السعودية من نوادي ومسابقات

كان حققنا المراكز المتقدمه ....

اخوي لو كل قميرية لقيتها طيرتها بعدين رميتها يبي يضيع وقتي ما صدت شي

تبي تقولي ام صتمه....ام صتمه ...الي (لو يهب الهوا الي ما يغث البق ) ما تدري وين يروح الصتم

وكل رميتين متغيره الوزنية و بعدين وقت الموسم محد بيحتريك تقعد تفهق جت الصتمه تحته جت فوقه


خلنا واقعيين كلن يبي يلحق رزقه



تبي تشوف الرمي الي بالنجوم....سير على مزارع السلمان ولا اسأل عن مكان تحدي شف رمي القوقسي من وين.....

[باخص]

اول شي اذكر ربك........وراك معصب :rolleyes:



سؤالك:بصراحه ما له رد.....

اقدر اجيب لك فشقة درج تسوق 300 متر...وارمي بالهوا...لكن وش فعالية هالفشقة بالصيد.

وجواب اخوي نيو بنلي. .......نفس كلامي (يبقى تحدد ما نوع الطريده المرغوب بصيدها )

لكنه وسع صدرك شوي( فيه أماكن يكون العبور فيها قريب وفيه أماكن العبور فيها بعيد ... قريب يعني حوالي 20 إلى 35 متر و بعيد بمعنى 40 إلى 55 متر
)




بعدين سواليفي ما كانت معك :) كانت رد على اقتباس من اخوي نيو بنلي.


اعتذر منك اذا كان كلامي استفزك....لكن هل لك نقد على مظمون الكلام.

[أبو فروة]

اذكروا الله ... ووسعوا صدوركم

تهاوشتوا على شان سئوال

تقبلوا تحياتي

[سوبر بنلي.]

اقوى فشق
وابعد فشق ياصل ارسي 1 و6
طيب بالحيل وانا استعمله

[ابو زمه]

اخووي اخوااني الطياار صعب تحكم عليه يعني يمكن ترمي الطريده 20 متر ولا تصيبه ويمكن ترميه 70 متر وتصيبه

على حسب تكراار الرمي من الرمااي واحسن شي ترووح مزارع السلمان او الصوامع على كلام اخووي باخص وجررب انا عن نفسي اطيح فووق 60 او 70 مترر

ولكن احسسن شي تجرررب وفي نااس يطيحوون اعلا مني بكثيرررر

[ابو امنه]

موفق خير يالغالي

[قناص المخواه]

وما رميت اذ رميت ولكن الله رمى

يا اصحاب الشوزن حطو هالمعلومه بروسك او بالاحرى الايه الكريمه
انا عن نفسي ماقد تفلسفت في نوع الفشق
اتعنى على بال ما الاقي كم حبه
والحمد لله ماقد رميت واخطيت
وعلى قولة الاخ باخص لو يفتحون لنا مجال بالسعوديه
بالمختصرمالها اللا رجالها ولايهون الحاضرين
بس عطو سداح فرصه

[ابو زمه]

يارجاال عسااهم بس ما يحرموننا من الصييد

[سفاح القميري]

انا ابا اسهلك الموضوع الطيار يحتاج فشق قوي وبس................

[Mekshaati@]

مشكورين يا اخوان على الاجابات والردود الطيبة وجزاكم الله خير.

[مطعس بهمر]

من 20 ؛40 ؛ 60 متر البرته

[النشمى22]

الطيار يبغاله فشق سريع وبس

[تركي الرماي]

مااقصرو الاخوان

[فرخ الجني]

السلام عليكم اولا موضوع حلو وجميل ولا احد يقعد يتفلسف لا تقولي 36 رقم 6 ولا غيره كل صيد وله فشقه لاكن على العموم الفشق حق الطيار اللي ما يختلف عليه اثنين واتحداء اي واحد يقول غير ها لكلام هو 24 رقم 7 ونص واللي جرب الفشق يعرف السر اقدر ارمي به قميري وقوقسي وصفار ودرج وكراويين وفري ( السمان ) وكل الطيور المتوسطه والصغيره لاكن النحم والقطاء والكرك والحبارى هذولي كل وحده وله فشقه اما المسافه فاقول ما احد يقدر تحديد المسافه لانه فيه عوامل تؤثر على الفشقه وهي الهواء والحراره وغيره وهذا ما عندي واترك لكم التعليق وشكرا