اللي معه بروانق يتفضل ويعطيني اجابات

[ابو ريري]

السلام عليكم ورحمة الله وبركاته


انا جديد بالمنتدى وابي استتفسر عن بعض الامور لا هنتم…

اولا : عطوني معلومات عن البروانق

ثانيا : ابي اسئل عن الرصاص رقم صفر الخاص بالبراونق
¬
يأثر على ماصورة السلاح والا لا عطوني خبر تكفوووووون يالاجاويد وتقبلو تحياتي


أبو ريري

[سنـــــــــام]

بنسبة لسؤالك أذا يأثر على الماصورة أكيد يخربها لك ويمكن يكسرها لان الرصاص قوي

على البراونق ... ومعلومات أكثر تحصلها على قووقل أكتب معلومات عن بندق البراونق يطلعلك شي وشويات

وأسمحلي علي القصووور .

[عاشق النحم]

اخوي سؤالك مهب هنا مكانه......

عندك خيمة الاسلحة فيها مواضيع لمثل الأسئلة..

ثانيا لازم تحدد نوع البراوننق وشي ....فيه اوتو 5(ام شجره والمونتريال)

عندك القولد هنتر الفيوجن والايفلوف و غيره....حدد ويجيك الجواب الشافي

بعدين حتى الاوتو 5 وهي اقدم براونينق واضعفها تحمل نسبيا

تتحمل الصفر... الحكم مب على نوع الرش الحكم على وزن الرش يعني فيه 0 66
وفيه 0 32 قرام.... حدد اسألتك ونبي نفيدك باذن الله

[ألأطلسي]

والله يااخي اناعندي براوننق متعبتني كثير ماهي زي اول ماتنتش احياناواحياناماتنظم الفشق وهي بلجيكيه

[ابو ريري]

السلام عليكم ورحمة الله وبركاتة
الله يعطيك العافيه ياسنام...الأطلسي...عاشق النحم بانسبه لعاشق النحم تراها ام شجر
ولكم مني جزيل الشكر والعرفان

[عاشق النحم]

طيب ........مدام الي معك ام شجره...
ام شجره أسم شعبي...اسم البندق براونينق اوتو 5

فيه منها رقم 1ورقم 2

رقم واحد ماصورته على حد علمي 30/32 انش

رقم 2 وهي نادره ماصورته 28 انش وتكون نهاية الماصورة اوسع

..
ام شجره
رميها حار جدا لدرجة ان الناس ياخذون ماصورته ويركبونه على السوبر بنلي

رجفها قوي وصوتها كذلك و قطعها الداخليه كثيره وتحتاج تنظيف بعد كل فتره

لكن ارجع واقول ان رميها ممتاز و 10/10

نجي لموضوع الفشق

البلجيك ام شجره نوعين.. لايت=4/3 2 ...و..مقنم 3 وهذا تحصله مكتوب على الماصوره

اذا كانت لايت...فالمفضل انك ترمي ب 32 قرام وتحت واقصى حد لك ال36 قرام ولا تكثر منه...اما اذا كانت مقنم فارم ب36 ما عندك مشكله وتقدر ترمي 40 قرام لكن ما تكثر منه

موضوع الصفر والواحد وغيره ما له فرق اذا مانزلنا تحت الصفر 1/0-2/0(تأثيره على
نهاية الماسوره لأنها ظيقه بزياده)

الخلاصه:انها ترمي الصفر 36 والصفر 32 ولا تحرص دايم على ال36 حتى برقم 6

اي استفسار انا حاضر

[عاشق النحم]

والله يااخي اناعندي براوننق متعبتني كثير ماهي زي اول ماتنتش احياناواحياناماتنظم الفشق وهي بلجيكيه


شكلك مبطي ما نظفتها......وهذا شي عادي فيها وطبعا كل شي يبي له مداراة

واذا نظفتها ...لا ترمي بفشق ابو غزال :) لانه كبير حجمه شوي و يلك عشانه ينتفش بعد الرمي.