كيف تدري عن طيرك طلع على الحبارى دعوه للنقاش .....صقار الأسياح [الأرشيف]

مشاهدة النسخة كاملة : كيف تدري عن طيرك طلع على الحبارى دعوه للنقاش .....صقار الأسياح

صقار الأسياح

13/08/2009, 04:22 PM

السلام عليكم ورحمة الله وبركاته
فيه موضوع وقت هالقيض ودنا ندردش به نفيد ونستفيد من فطاحلة الصقاره بهذا المنتدى
واتوقع الموضوع خاص للوحوش التفريخ يالله تطيرها من القاع له ويمكن ما يشوفها بعد هههههههههههه
نعود الموضوع اللي هو الطلع كيف تدري ان طيرك طلع انا احب الطير الطلع لاكن الطيور اللي مرت علي يختلف طلعها عن بعض
واحد يكفخ اذا طلع واحد يقطع سبوقه اما احد الطيور اذا طلع براسه وهو ما يتحرك لين تاخذ من التكيه على يدك وتطلعه مع الدريشه ويهد وهو على التكيه ما يتحرك يهز براسه فقط
ودي نناقش هالموضوع المهم
وكلن يعطينا خبرته بالطلع اللي مر عليه ودمتم

اخوكم

صقار الأسياح

ربع خالي

13/08/2009, 04:33 PM

(الموضوع خاص للوحوش التفريخ يالله تطيرها من القاع له ويمكن ما يشوفها بعد هههههههههههه ),, احرجتنا ,, والله انك داري وصابك ماصابنا هههههههههههه,,
حياك يا صقار الاسياح , وبالنسبه للطلع انت تعلم الطير على الركاده على التكايه ويتعلم الطير ولكن يا اخوي سبحان الله الطيور اطباع وكل طير له تصرف خاص فيه عند مايطلع الصيده بمعنى لو كان عندك طير طلاع وراكد وانا عندي بالمثل طير طلاع وراكد ولكن لا استطيع اعلم طيري على طبوع طيرك في التصرف حين الطلع وانت بالمثل لاتستطيع تعلم طيرك على طبوع طيري ,,,, واعيد واكرر لكل طيرطبع وتصرف سوا في الطلع او الطرد وحنا ياصقاقير ماعلينا الا نعلمه على الركاده فقط لاغير,,,,
تقبل مروري
تحياتي

بو غازي

13/08/2009, 04:44 PM

السلام عليكم ورحمه الله وبركاته
صقار الأسياح:جعلك تسلم على الموضوع كان عندي طير ياسبحان الله مايطلع من الدريشة الا اذا فتحتها له ولامنه اطلع يدور على التكية ويروج ويجي يتقطع قلبه يبي يطلع بس واذا وقفت افتح الدريش ويطلع من كيفه والطير مثل ماقال اخوي الربع الخالي كل طير له طبع وتصرف ومن ناحية طلع الحبارة احس انه يختلف عن طلع اي شي ثاني عير الحبارى اذا طلع الطير على الحبارة تعرف انه مطلع على حبارة يتغير فيه طلع ويتغير جناحه سبحان الله مدري هو من الطير ولا مني والعلم عند الله.

ابو امنه

13/08/2009, 05:43 PM

اللة يجزاك خير موضوع جميل بس للاسف ماجنيت الطبر الطلع
موفق خير يالغالي

راعى شاهين

13/08/2009, 06:52 PM

عندى طير ياطلع على الحبارى يقوم يهابد برجلينه تقل عسكرى ههههههههههههههههههههه

عروق الدهنا

13/08/2009, 07:10 PM

صقار الاسياح

ومثل ماقالو الاخوان
طيور الطلع انواع
شيئاً يصفق الدرايش لاطلع
وشيئاً مايرفع يرف جناحه الا لافتحت الدريشة
وشيئأً يدور على التكايه لين تعقد سبوقه من القهر
وشيئاً طلعه حمام:D
الله لايطيحه بيدي

تقبل مروري المتواضع

تحياتي

راعي غضبان

13/08/2009, 07:19 PM

قرناس ارامكو

13/08/2009, 07:45 PM

هلا اخوي والله انك صادق والطيور ماهي سواء بعض الطيور اجودي راكد ولما يشوف الحبارى ينبهك ويغز لين يتئكد ويطلب وانت مارتعت وبعضهن يشوف الحبارى وهو راكد بس مايعرف يطلع مع الدريشه وبعضهن يهبلبك من يشوفها سواء درج والا طيار يكفخ على زوره ولاعاد يرجع على التكيه واكثر هذه دائما تكسر ذنيباه وخاصه الي تبي تبرقعه وتهد غيره مستحيل تبرقعه لين تضفه وتبرقعه والله كان عندي ولما ابرقعه بالقوه انه ينقز ببرقعه ويصيح صيحات متقطعه يندبك يقول تكفى فكني وانت تبي تهد غيره وبعضهن وجهن مبارك ان شاف الحبارى يمديك تبرقعه عادي وتهد غيره والف شكر لك واكثر اطيور وجهن مبارك

أخوي راعي غضبان ماقصر عن جميع أنواع الطيور وطريقة طلعها ,
وبنسبة للطلع الحبارى , أذا شاف الحبارى درج تشوف الطير يغز على أتجاة الحبارى وتنمغط ارقبتة وتنفص عينة وتلقاة واقف على اصابعة , ويزين وجهة .
وأذا شافها أطيار يصفق في القزازة على طول .
وعسى الله يجيب ذيك الساعة لنا كلنا يصقاقير مكشات .

عوق الخريش

13/08/2009, 08:08 PM

بسم الله الرحمن الرحيم ,,
السلام عليكم ورحمة الله وبركاتة:
حيااك الله أخوي الغالي : صقاار ألاسياااح ,,
يعطيك العاافية والله يبيض وجهك على اثارة الموضوع ياكحيلآن .....لآهنتــــــ,,,,
وانا رأي ومعلوماااتي مع راي أخوي الكبيررااعي غضبااااان ,,,,

تحياتي لكـ...وشكراّ,,,

أخوكـ

( عوق الخريش )

هلا اخوي والله انك صادق والطيور ماهي سواء بعض الطيور اجودي راكد ولما يشوف الحبارى ينبهك ويغز لين يتئكد ويطلب وانت مارتعت وبعضهن يشوف الحبارى وهو راكد بس مايعرف يطلع مع الدريشه وبعضهن يهبلبك من يشوفها سواء درج والا طيار يكفخ على زوره ولاعاد يرجع على التكيه واكثر هذه دائما تكسر ذنيباه وخاصه الي تبي تبرقعه وتهد غيره مستحيل تبرقعه لين تضفه وتبرقعه والله كان عندي ولما ابرقعه بالقوه انه ينقز ببرقعه ويصيح صيحات متقطعه يندبك يقول تكفى فكني وانت تبي تهد غيره وبعضهن وجهن مبارك ان شاف الحبارى يمديك تبرقعه عادي وتهد غيره والف شكر لك واكثر اطيور وجهن مبارك

لآهنت يارااعي غضباااااان ,,,

قلب ذيب

13/08/2009, 10:17 PM

شكرا لك .
طيور الطلع تختلف منها طلع التكايه , ومنها طلع اليد , ومنها مايوضع على غمارة السياره !
المهم القانص مايقدر يطلع طيره في الحبل , ومن قنصوا ذيك الديره يعرفون الاسباب !

falconer-kw

13/08/2009, 11:41 PM

السلام عليكم ومشكور ياخوي على الموضوع الطيب
انا كان عندي طير اذا طلع على حباره لازم من القزاز الخلفي والله مره كفخت من قدامنا حباره وعجزت اسحبه ابي اطلعه من القزاز الامامي معييي الا القزاز الخلفي وله ماني طالع بعدها عرفتله اذا يبي يطلع افتحله القزاز وهو يدبر حاله :D

صقار الأسياح

14/08/2009, 02:21 AM

مشكورين على إثراء الموضوع بأراءكم المميزه للفايده

حامد الحنيني

14/08/2009, 02:41 AM

السلام عليكم
اكيد تختلف الطيور بالطلع
منها اللي يصيح ليا شافها
ومنها اللي على طول يم الدريشه
ومنها اللي يتركد ويتحقق من طلعه
ومنها اللي مايطلع على الدرج بس طيار
ومنها اللي لياشفها تحس انه انخبل لو تبرقعه يصيح ويكفخ
ومنها اللي يدور على التكيه ويصيح
وغيره وغيره كثير .....

أبو أمين

14/08/2009, 03:09 AM

انا طيري تفريخ ويطلع ياصقار الاسياح

لتصحيح معلومتك فقط.

اما المشاركه بالموضوع انت خصيت الوحوش ولاعندي شئ اضيفه

الجراح11

14/08/2009, 04:58 AM

مشكور اخوي صقار الاسياح على الموضوع.
كان عندي طير طيب ( ودع ) كان طلعه وكاد ..... راكد على التكيه واذا شفها طيار صبخ القزازه واذا شافها درج تغير حجمه من 17 في 17 الى 16 في 16 وصار سبحان الله كانة حصاه و اذا تاكد من طلعه طلع مع الدريشه

قرناس حائل

14/08/2009, 02:08 PM

حياكم الله الجميع

مثل ماقالوا الاخوان ولا أزيد عليهم كل طير وله طريقه في الطلع

بالنسبه للطيري : طلع على كل شي من حمام طيار وارانب بالرمله نفيج وطيور ماء

وغيرها لكن طلع الحبارى غير

يعني أني ياشفته فرد جنحانه وزان وجهه تراها عندك

تقبلوا تحياتي