ياشباب أنا أبسافر بكره لأبها من يعرف أماكن زينه للشباب ...؟؟

[نوماس سدير]

السلام عليكم ورحمة الله وبركاته



يا شباب من يعرف اماكن زينه للشباب في أبها وخاصة للنوم لأن تعرفون الشباب والقعاطه يبون ينامون في هالجو الزين


الله الله بالردود السريعة لأني مسافر بكره على خير



وعذرا على تأخري في الموضوع




أخوكم ومحبكم في الله

وسيع صدر :good:

[نوماس سدير]

وأيضا ياليت تخبروني عن المقاطع اللي في الطريق


لأن على حد علمي أن المقطعة الكبيرة بعد الوادي



فياليتكم تفيدوني


الله لا يهينكم


أخوكم ضايق الصدر من قلة الوقت:D

[أبوالعيـال]

السلام عليكم

الاخ وسيع الصدر تروحون وترجعون بالسلامة

انا حقيقة ما اعرف اماكن بالتحديد لكن اللي اسويه اني دايم احاول اكتشف وقد اسأل اهل المنطقة عن الاماكن لكن غالبا ابتعد عن الاماكن الرسمية والمجهزة فأجد أفضل الاماكن وأكون على كيفي

والسلام عليكم

[ابوفزعه]

المحلات واجد


بس فيه نقطه مهمه ان اكثر المناطق الزينه حول القرى الصغيره مثل منتزه دلغان والمسقي والقرعاء

وفيه منتزه الحبله بس فيه زحمة بشر ماهي طبيعيه

بعدين اخوي انتبهوا من القرود لاتروحون وتخلون العزبه لان شباب جو العام وخلوا عزبتهم وراحو

يتمشون يوم رجعوا لقو عزبتهم محيوسه من القرود

ملاحظه: اكثر المنتزهات عوايل بس فيه حولهن مكان تقدرون تجلسون به

واتمنى لكم رحله سعيده

[مسافر90]

تاصل بالسلامة

والاستكشاف طيب.

[نوماس سدير]

هلا والله بأبوالعيال >>>>>> اللي يسمعني يقول هذا أبومرته :D



الله يجزاك خير


وطبعا هذا من طبعي الأستكشاف وحب البعد عن الناس



بس قلت يمكن أحد الشباب راح لبها ولقى شي زين فهذا اللي حرصني



يعطيك العافية وماقصرت












أبوفزعه >>>>>> على أسمك والله :)




يعطيك العافية ونصائحك محل إهتمامي




فلك مني جزيل الشكر والتقدير














مسافر 90 >>>>>> حبي وتقديري لك



الله يسلمك ويحفظك من كل سوء ومكروه



وأشكرك على هذا الشعور الطيب













نستودعكم الله الذي لا تضيع ودائعه



أنا الآن على ابواب السفر



ولعل يكون بيننا لقاء ثاني

وصور ابدع بإذن الله






أخوكم ومحبكم في الله

وسيع صدر

[ابو شكاع]

بالسلامة وانا اخوك

قبل 4 ايام انا في ابها لقيت شباب من الجبيل

يقولون وين ما رحنا لقينا عوايل ........ صار ما لنا الا الحبلة او بلوت بالشقة