طير مغلطاني !!!! [الأرشيف]

يوسف الصريخ

14/08/2009, 12:36 AM

السلام عليكم ورحمته الله وبركاته

مساكم الله بالخير جميعاً

يأخوان بغيت معني طير مغلطاني

مافهمت وش طير مغلطاني

ودمتم بكل خير

أبو يزيد 11

14/08/2009, 12:49 AM

وعليكم السلام ورحمه الله وبركاتة
الطير المغلطانى والعلم عند الله هو الطير اللى يختلفون علية الصقاقير وتختلف أراءهم حولة سوا لنوع الطير أو حجم الطير أو عمر الطير
فمثلا
أختلاف بنوع الطير :يأتى طير ويختلفون علية الصقاقير منهم من يقول حر أصيل ومنهم من يقول تفريخ او تهجين
أختلاف بحجم الطير: يأتى طير ويختلفون علية الصقاقير منهم من يقول وافى وكامل ومنهم من يقول مثلوث
أختلاف بعمر الطير :يأتى طير ويختلفون علية الصقاقير منهم من يقول فرخ ومنهم من يقول قرناس
مع ملاحظة أن التسمية المغلطانى فى الغالب تأتى عند الاختلاف بنوع الطير

وأن شاء الله الاخوان يفيدونك أكثر

سنافي

14/08/2009, 12:50 AM

السلام عليكم

الطير المغلطاني
تسميه اهل نجد للطير الذي يغالطون فيه من ناحية حجمة وقد يحتار فيه الكثير فلا يعرف هل هو ( وافي او مثلوث ) وعادة يكون رأس وأرض الطير المغلطاني وافيه اما حجم الطير فيكون صغير ولذا سمي في نجد مغلطاني وعند أهل الخليج فسمي ( قرموشة حرار )
والله اعلم

راعي ندقان

14/08/2009, 12:53 AM

مرحبابك الطير المغلطاني هو الطير المثلوث والله اعلم

هذا حنا نسميه اهل نجد

hawwamT

14/08/2009, 12:59 AM

الطير المغلطاني هو تام والا مثلوث ؟

ربع خالي

14/08/2009, 12:59 AM

يوسف الصريخ حياك الله يا اخوي ,,, اما معنى كلمة مغلطاني في نوعين ::::
النوع الاول تطلق على الطير الذي يحتار الصقاقير في تصنيف لون ريشته مثلا يجيك لون الطير بين الاشعل والاشقر أو بين الادهم والاسود ...
والنوع الثاني تطلق على نوع الطير بشرط تكون من فصيله وحده,,, مثلا فصيلة الحرار ؛ أحيانا يجيك حر يكون حجمه اقل من المعهود في حجم الحرار ويحتار في الصقاقير فمنهم من يقول حر ومنهم من يقول ربع حرار (يمكن عندكم يطلقون عليه مثلوث حرار)..
وهذا اللي عندي من معلومات عن كلمة مغلطاني و إن شاءالله يدلون بدلوهم الصقاقير اهل الخبره ونستفيد من تحليلهم من هذه الكلمه .
تقبل مروري
تحياتي

أبوناصر_1

14/08/2009, 01:02 AM

السلام عليكم ورحمة الله

أضــافة الى ماذكره الاخوان

يقال هذا طير مغالطي عند مشاهدة مثلآ ( الجليميه ).......

نوع منها كبير الحجم طيرانه مثل طيران الشيهانه وخاصه اذا كانت المسافة بعده منه

لكن تتأكد منه اذا قربت منه او أذا واقع

وبالتوفيق

أبو أمين

14/08/2009, 01:34 AM

المغلطاني

حسب ما اعرف هو الطير الي يختلفون عليه الصقاقير مابين تام او مثلوث
مثال:

طير مقاسه 16 طول وعرض بالنسبه للحرار بس بوزه بوز المثلوث وراسه وارضيته

روووح

14/08/2009, 01:40 AM

الطير المغلطاني

هو اللي الصقاقير ما يتفقون عليه بعلم واحد

yasser1389

14/08/2009, 01:53 AM

الطير المغلطاني هو اللي يكون طوله 16 لكن ارضيته زينه وبوزه وافي وطير مواصفاته مواصفات الطير المطلوب من جميع النواحي لاصار كذا يتممونه ويباع بقيمة الحر التام وليس بمثلوث

ابو امنه

14/08/2009, 02:29 AM

موفق خير يالغالي

هواي داورد

14/08/2009, 02:31 AM

حتى في التسمية إختلفوا

حامد الحنيني

14/08/2009, 02:33 AM

السلام عليكم
عطاك العلم اخوي ابو نادر ولايهونون الاخواان...

راعي غضبان

14/08/2009, 02:45 AM

السلام عليكم

الطير المغلطاني
تسميه اهل نجد للطير الذي يغالطون فيه من ناحية حجمة وقد يحتار فيه الكثير فلا يعرف هل هو ( وافي او مثلوث ) وعادة يكون رأس وأرض الطير المغلطاني وافيه اما حجم الطير فيكون صغير ولذا سمي في نجد مغلطاني وعند أهل الخليج فسمي ( قرموشة حرار )
والله اعلم والف شكر لك اخوي انا معك وهذا الصحيح
والف شكرلك اخوي على الموضوع

أبو رداد

14/08/2009, 02:51 AM

ماقصروا الاخوان ....
الطير المغلطاني هو الي يغالط الصقار .. له أكثر من نظره لان فيه صفات مشتركه
سواء في الحجم أو الريشه

قرناس ارامكو

14/08/2009, 01:42 PM

السلام عليكم

الطير المغلطاني
تسميه اهل نجد للطير الذي يغالطون فيه من ناحية حجمة وقد يحتار فيه الكثير فلا يعرف هل هو ( وافي او مثلوث ) وعادة يكون رأس وأرض الطير المغلطاني وافيه اما حجم الطير فيكون صغير ولذا سمي في نجد مغلطاني وعند أهل الخليج فسمي ( قرموشة حرار )
والله اعلم

أخوي السنافي وفى وكفى
وعندي أضافة بسيطة وهي :
بعض الطيور حجمة صغير لكن فية جميع مواري الوافي , وفية طير يجيك حجمة كبير شوي ولا هو متناسق أرضيتة ومنسرة وموارية مواري المثلوث .
ويفرق بين الوافي والمثلوث بثلاث أشياء :
1- أرضية الطير أذا كبيرة أو صغيرة .
2- منسر الطير أذا كبيرة أو صغيرة .
3- فحص الطير في المستشفى هو الفاصل النهائي.
وتقبل مروري

راعي الشلفاء

14/08/2009, 03:04 PM

السلام عليكم

كلن قام يجيب من راسه صوت

تبي العلم المغلطاني هو الي يجيك مقاسه من (5-15)وفيها والراس والمنسر راس مثلوث

والارضيه ارضية وافي خذ العلم من صقار

مشبر البران

14/08/2009, 03:29 PM

والله ما عندي علم
لكن يفيدونك الأخوان

ربع خالي

14/08/2009, 04:11 PM

راعي الشلفاء (http://www.mekshat.com/vb/member.php?u=35300) http://www.mekshat.com/vb/images/statusicon/user_offline.gif
مكشاتي متقدم
تاريخ التسجيل: Oct 2006
الإقامة: فوق هام السحب
المشاركات: 225
http://www.mekshat.com/vb/images/reputation/reputation_pos.gif

رد: طير مغلطاني !!!!

السلام عليكم

كلن قام يجيب من راسه صوت

تبي العلم المغلطاني هو الي يجيك مقاسه من (5-15)وفيها والراس والمنسر راسمثلوث

والارضيه ارضية وافي خذ العلم من صقار

,,,,,,,,,,,, حياك الله يا راعي الشلفاء ليتك تركت السطر الاولي وخليتك على إفادتنا حنا والسائل حتى نستفيد منك ,,, ولاقصور في كل من شارك وتأكد ياخوي ترا كلهم صقاقير وكل اللي جابوه ماهو صوت من راس , ياغير من تجارب ومن مجالس الرجال والعلوم الغانمه ولابك قصور,,,
تحياتي

الفيتو

14/08/2009, 06:04 PM

بسم الله الرحمن الرحيم
السلام عليكم ورحمة الله وبركاته
مساء الخير ياخوي/ يوسف الصريخ

هو الطير اللي يختلفون فيه الصقاقير بين بكر وفرح
وعادة تكون فالطيور الحمران الكاشفه

مشكور
*
والسلام
الفيتو
الحجاز
23/8/1430هـ

ديوان العرب

13/12/2011, 04:00 AM

شوف بقولك معلومه واعتقد انها اقرب لصواب المغلطاني راسه ويديه مهي على حجمه يجي راسه ويديه كبار مثل الوافي وحجمه حجم مثلوث فيه بعض الناس يشوف الطيور اليبيه يحسبها مثاليث وهي تعتبر وافيه والمعروف ان الصقر يفرخ ثلاث فروخ النادر والزيز والتبه الي حنا نسميه مثلوث لو تقارن بالحجم بين الطير المنغولي او الروسي باليبي تلاحض فرق بالاحجام تختلف الطيور بالاحجام وبالقياس النادر المنغولي بعضها تجي فوق 17 والنادر اليبي ماياصل 17 من 16 الا 17 مايتعداها وهاذ على حسب ماكر الطير

شرهان 4449

13/12/2011, 10:28 AM

المغلطاني بين الحر والمثلوث وأتوقع والله أعلم لا يدخل النادر بهذا التصنيف جينيا..لماذا ؟ الجواب سأذكره إن شاء الله في قصة واقعية ..تقبلو مروري

ولد الجنوب

13/12/2011, 11:32 AM

الموضوع قديم يالربع من 2009

قرناس ثالث

13/12/2011, 11:41 AM

افادوك الاخوان يعطيك العافية على الطرح الطيب

ســـبــار ربــعـــه

13/12/2011, 05:50 PM

يالربع المغلطاني في لون الريشه فقط وعند اهل البل الناقه المغلطانيه هي الي يغلطون في لونها مثل الشعلا المغلطانيه وهي الي يجي فيها شعره سودا اما في الذيل او في شعفة السنام البعض يقول لها صفرا والبعض الاخر يقول لها شعلا. وهذا يقاس على الطير فالمغلطاني هو الي اختلفو في لون ريشته تقبل مروري.

رعبوب الشمال

15/12/2011, 07:12 AM

افادوك الاخوان

بحرة حوشان

15/12/2011, 01:33 PM

المغلطاني الطير الي يختلفون على ريشته وجنسه
اما الوفا مايختلفون عليه اثنين

الذحاح

15/12/2011, 08:40 PM

المغلطاني

حسب ما اعرف هو الطير الي يختلفون عليه الصقاقير مابين تام او مثلوث
مثال:

طير مقاسه 16 طول وعرض بالنسبه للحرار بس بوزه بوز المثلوث وراسه وارضيته

كلام ابو امين صح لان العادة المثلوث يكون ذكر والتام يكون انثى والمثلوث يكون عادة ذكر وارضيته كفه يعني كبير وراسه كبير لكن المغلطاني تلقاه 16 واحيان 16.5 لكن مع ذلك ما تقدر تحكم فمقاسه مقاس انثى لكن كفة وراسه راس ذكر ولكن ممكن تجد تام 17 ويكون ذكر وعندما يتزوج بتام انثى 17 او 17 .5 ينتج لنا فروخ نادرة مقاساها 18 والله اعلم

خالدالشمال

15/12/2011, 08:52 PM

أختلاف بحجم الطير: يأتى طير ويختلفون علية الصقاقير منهم من يقول وافى وكامل ومنهم من يقول مثلوث

صقر الرحيبة

15/12/2011, 09:39 PM

السلام عليكم ورحمة الله وبركاته:
انا بالنسبة لي وحسب ماسمعت من الوالد الله يرحمه ومن شيباننا تجار الرحيبة انه المغلطاني هو اللي يختلف على نوع الطير مابين حر او شاهين فتلقى مثلا" بعض الطيور راسه راس حر وجسمه اقرب للشاهين او مثلا" يجمع بين صفات الحر والشاهين ان في لون الريشة او الدقة او مفرعه اوذيله الخ...
وهذي صورة ربما تكون لطير من الطيور المغلطانية
http://www11.0zz0.com/2011/12/15/18/997073202.jpg (http://www.0zz0.com)

قناص2000

16/12/2011, 09:33 PM

افادوك الاخوان الله يعطيهم العافية واضيف بعد ان يكون ارضيته وراسه وبوز الطير حر تام والحجم مثلوث.