راع المهيلات
04/08/2004, 05:54 PM
هذه القصيده قيلت في الابل لشاعر ناهس العتيبي
يامل قلبً بين عذال ومشير= في بيعنا للابل وفي مشتراها
واليا نويت البيع جاني حواشير= وازريت لاسطي فرقها من غلاها
هواي فالدنيا سهاف المعاشير=امشيبها دام الحياه وطراها
سودً جنوبيات والا مغاتـــيـــر=ماتستريح النفس كود بهواها
الابل مشهات العيال المناعير=لا وخسارة ويلدً ماشراها
يكود مايقدر ثمنها هذا غير=مايلحقه مشروه لو ماقناها
يازينها عند الوجيه المسافير=لا دافعو مقهورها مع قفاها
ويازين لجتها على طيةالبير=وسانيةً تقفي وتقبل علاها
ويازين حس فحولها فالمسافير=يالله لاتقطع رجا من بغاها
ويازين دفع عيالها فاالنهابير=في خبتن راعي الغنم ماوطاها
في خايعن جاين علاها شخاتير=لين اكتمل نبت الزهر في ثراها
لها عليه حق ولها مقادير=وماقد حطيت العقل في يداها
يتلونها رعيانها بالمقاهير=ولا قط لجلجت البواري علاها
امشيبها في نجد وقت المخاظير=والقيظ اوديها ديارً تباها
في عبلة البره اليا ماقف النير= والا جنوباً من سويقا وراها
لشافت الصاقب وراس اقهب الطير=سمحت وهي قصرت في خطاها
ويازين بني البيت وسط الدواوير= في وسط ربعً ماتبين رداها
وليا بنيت البيت جاني مسايير=وفرحت يوم العين جاها مناها
وقلطت محماسً وباشرت بالخير=وشبيت نارً مسوً ذراها
وسويت فنجالً بقر وتفاكيــــر=يبري ضرم من جالها وشتهاها
وليا تقهووا رحت يم التجاجير=مربيت حيل الغنم لعملاهـــــا
واخذ ت لي حايل بخمشة دنانير=ماني بحاسب رخصها من غلاها
والله يدبرنا بحسن التدابير= وانه يبيح أنفوسنا من أخطاها
لشاعر ناهس العتيبي
أمل أن تنال رضاكم
وياليت مشرفنا الغالي ينسقها
نسقت بواسطة ابو عايد
يامل قلبً بين عذال ومشير= في بيعنا للابل وفي مشتراها
واليا نويت البيع جاني حواشير= وازريت لاسطي فرقها من غلاها
هواي فالدنيا سهاف المعاشير=امشيبها دام الحياه وطراها
سودً جنوبيات والا مغاتـــيـــر=ماتستريح النفس كود بهواها
الابل مشهات العيال المناعير=لا وخسارة ويلدً ماشراها
يكود مايقدر ثمنها هذا غير=مايلحقه مشروه لو ماقناها
يازينها عند الوجيه المسافير=لا دافعو مقهورها مع قفاها
ويازين لجتها على طيةالبير=وسانيةً تقفي وتقبل علاها
ويازين حس فحولها فالمسافير=يالله لاتقطع رجا من بغاها
ويازين دفع عيالها فاالنهابير=في خبتن راعي الغنم ماوطاها
في خايعن جاين علاها شخاتير=لين اكتمل نبت الزهر في ثراها
لها عليه حق ولها مقادير=وماقد حطيت العقل في يداها
يتلونها رعيانها بالمقاهير=ولا قط لجلجت البواري علاها
امشيبها في نجد وقت المخاظير=والقيظ اوديها ديارً تباها
في عبلة البره اليا ماقف النير= والا جنوباً من سويقا وراها
لشافت الصاقب وراس اقهب الطير=سمحت وهي قصرت في خطاها
ويازين بني البيت وسط الدواوير= في وسط ربعً ماتبين رداها
وليا بنيت البيت جاني مسايير=وفرحت يوم العين جاها مناها
وقلطت محماسً وباشرت بالخير=وشبيت نارً مسوً ذراها
وسويت فنجالً بقر وتفاكيــــر=يبري ضرم من جالها وشتهاها
وليا تقهووا رحت يم التجاجير=مربيت حيل الغنم لعملاهـــــا
واخذ ت لي حايل بخمشة دنانير=ماني بحاسب رخصها من غلاها
والله يدبرنا بحسن التدابير= وانه يبيح أنفوسنا من أخطاها
لشاعر ناهس العتيبي
أمل أن تنال رضاكم
وياليت مشرفنا الغالي ينسقها
نسقت بواسطة ابو عايد