المساعد الشخصي الرقمي

مشاهدة النسخة كاملة : ماهو الجركل المناسب لتحمل البنزين


ms662
14/08/2009, 11:57 PM
السلام عليكم اخواني
سؤالي ماهو الجركل لتحمل البنزين حيث اني ارغب ان نقل البنزين معي في السياره في الطلعات البرية الطويله لكن ماأدري اي الجراكل الي يتحمل البنزين
وماهي افضل طريقه لتعبية السياره منه وخاصة اني حريص انه يكون اقل شي اربعين لتر يعني لايمكن اقدر ارفعه واعبي السياره منه
وشكرا
النوخذة الأحسائي
15/08/2009, 01:00 AM
والله نفس الشي .. .. أنا أحتاج البنزين للفورتشنر في الرحلات البرية ..ومايقل عن ال40 لتر ..

أغلب اللي شفته 10 لتر أو حول ال20 لتر ..

الحجم مهم جدا للجركل ..

يعني ماودنا بأي جركل فالجراكل ماليه السوق .. ودنا بجركل حجم حلو وياخذ لترات أكثر ..


والله يجزا صاحب الموضوع خير الجزاء على موضوعه المهم والله
كهلان
15/08/2009, 01:49 PM
فيه عند المحطات ومحلات البلاستيك جركل أسود
ويجي مقاسات 50 لتر و100 و200 لتر
أعتقد 50 لتر مناسب لك
وسعره معقول
the dark half
15/08/2009, 03:59 PM
هذا موضوع للأخ الخبير أبو مها كافي وشافي


http://www.mekshat.com/vb/showthread.php?t=218356
دغيم1
15/08/2009, 08:13 PM
السلام عليكم ورحمة الله وبركاته
حياك الله أخوي
يوجد في المحلات المتخصصة للرحلات
جيك حديد مثل اللي يركب على الباترول من الخلف
وهي من مخلفات حرب الخليج وجديدة ومضمونه
ولها غطاء محكم
أسعارها في المحلات والغرابي
غالية تصل إلى 100 ريال بدون قاعدة
وفيه محل في الغرابي بجوار فندق أبا الخيل
محل يبعها بحدود 25 ريال
وسعته 20 لتر
وهذه صورة تقريب له


http://www.mekshat.com/pix/upload/images17/mk6519_wer.jpg


تقبل تحياتي
ms662
16/08/2009, 12:16 AM
شكرا للاخوان على تفاعلهم
وبالنسبة للاخ الي ذكر الجيك الاسود هذا معروف اخوي ومقاساته ممتازه وسعره في اليد مهوب غالي لاكن اذا تركت البنزين فيه يوم يومين مايذوب؟؟؟؟؟؟؟؟؟؟؟؟؟؟؟؟؟؟؟؟؟؟؟
والاخ الي حاط صورة الجركل الاحمر العشرين لتر وانا اخوك عندي زي حق الباترول رصاصي لونه او فضي ماأدري بالضبط بس عيبه ماياخذ شي ومهوب معقوله اخذ معي جيكين او ثلاثة (اذا كثرت دبرت)
امل ان اجد حل لجركل يصلح
ترهيم
16/08/2009, 03:53 AM
الاسود مايذوب ... بس عيبه يفجر مخك .. وتعاف الطلعه كلها ..

الطرق كثيره وافضها التانكي يكون خارجي عشان مايفجر راسك بريحة البانزين .
تقدر تفصل تانكي وتركبله طرمبة بانزين كابرس او جمس وتبقى مشبوكه وزر خارجي نفس الي يستخدم في الاكباس حقت الاناره يوصل الكهرب لطرمبه ويضخ البنزين عبر هوز تركبه بالتانكي ..
هذي ياجماعه فكره جات راسي .

الطريقه الثانيه .. مجرب من قبل صديق لي موتره باترول نزل تانكي الوكاله وركب تانكي جمس وصار التانكي عن اثنين .. فيه نزول بسيط من الخلف بس باعتقادي انه غير مؤثر خصوصا ان التانكي اصلى وكاله ولا يتاثر .
icom1969
27/08/2009, 02:16 AM
اهم شى البنزين فى البر
عاشق الفرعه
27/08/2009, 04:04 AM
أفادوك الأخوان
قطب 999
27/08/2009, 03:39 PM
خذلك تانكي حق كروزر 97 فيه 45 لتر وفيه طرمبه ترهملها بحيث انها تعبي تانكي السياره الاصلي بس يبي لك ورشه صح حتى ما تتوهق
monsixnet
27/08/2009, 03:46 PM
خذلك تانكي حق كروزر 97 فيه 45 لتر وفيه طرمبه ترهملها بحيث انها تعبي تانكي السياره الاصلي بس يبي لك ورشه صح حتى ما تتوهق

فكره جيده بس اهم شئ ان تأرض التانكى اذا ماكان معلق فى شاص السياره. يعنى توصله فى الارض بسلك علشان تفرغ الكهرباء الساكنه اللى ممكن تكون سبب رئيسى فى نشوب حريق..... حمنا الله
عاشق نجد ،
28/08/2009, 02:19 AM
افضل جركل بلا منازع هومثل الجركل اللي يجي بالباترول لكن نوعة امريكي اصلي ماريتة اذا فتحت غطاة تحصل فية لي شد بلد اي تفك الغطا وتركبة عكس بنفس السنة وتصب البانزين بالسيارة وميزة النوع هذا مافية ريحة للبنزين ابد وجودتة ممتازة
الستانس
21/12/2009, 12:32 AM
السلام عليكم ورحمة الله وبركاته
حياك الله أخوي
يوجد في المحلات المتخصصة للرحلات
جيك حديد مثل اللي يركب على الباترول من الخلف
وهي من مخلفات حرب الخليج وجديدة ومضمونه
ولها غطاء محكم
أسعارها في المحلات والغرابي
غالية تصل إلى 100 ريال بدون قاعدة
وفيه محل في الغرابي بجوار فندق أبا الخيل
محل يبعها بحدود 25 ريال
وسعته 20 لتر
وهذه صورة تقريبر له



تقبل تحياتي


يبيلنا ختة لها المحل نشوف وش عنده

بس الله لا يهينك اخوي دغيم ياليت الوصف
نثرية
21/12/2009, 11:02 AM
اذكر عند ساكو أنواع حلوة اعتقد انه 20 لتر بس مصنوع من الفيبر ويجي نفس الغطاء به محقان سعره تقريبا 120
hargan22
21/12/2009, 09:37 PM
اذا تبون جراكل 20 و30 لتر فيه بلاستيك بلاش ومحكمه جدا
انا مجربها اشتر برميل كلوركس او مطهر من محلات المنطفات
منها توفير غي القيمه ومنها فايدة جركل مضمون تحياتي
خشم العرمة
22/12/2009, 05:27 PM
ياخوان الرجاء الانتباه التعامل مع البنزين يبغاله حذر يعني بعض الاخوان تفضلوا واقترحو ان صاحب الموضوع يشتري جوالين بلاستيك سواء السوداء او غيرها وهاذا خطاء بارك الله فيكم

البنزين ماده سريعة الاشتعال والتبخير فيجب على الجالون اللي بيكون فية البنزين انه يكون قابل للتمدد ولايكون الشي هاذا الا في الجوالين الحديد او المعدن لذلك ترون في توانكي البنزين او حتى الجوالين الصغار علامة ضرب او زائد تكون داخله على جوى وهاذي فائدتها انه في حالة تمدد غاز البنزين يكون فية مجال ان التانكي او الجالو يتمدد معة ولاينفجر لاسمح الله
الامر الثاني يجب يكون فية مجال للتنسيم لو فتحه صغيرة جدا في اعلى الغطى

بالتوفيق للجميع
الدبل الثقيل
22/12/2009, 05:32 PM
وعليكم السلام ورحمة الله وبركاته ....

فيه عند ساكو جالون بلاستيك مقوى ومخصص للبنزين اذا سكرته زين لوتقلبه مايخر ... وأكبر مقاس 23 لتر وسعره حول 80 ...
وجزاك الله خير ..
أبوعبدالله202
22/12/2009, 06:42 PM
اخوي يوجد في ساكو جراكل لونها احمر بلاستيك مقوى ومحكمة ويوجد بها (محقان )اذافكيت الغطاء
تشيل من 25-30لتر