مـــعـلومات ومـواقـف عــامــه مـنوعـــه مـرّت عــلي،،,,,,,

[ربع خالي]

بسم الله الرحمن الرحيم


بعض المعلومات والمواقف اللتي مرت علي فيما يخص صيد الحباري,,,,
1-أطول مسافه لطرد الحباري والامساك بها بالسياره من غير هدد طير كانت 27كيلو في اليمن في شهر 3 ميلادي وجابها الرجال لنا,,,
2-اطول مسافة طلع لطير واحد من اخويانا كان ثلاثه كيلو وشوي وكانت الصيده حبارى ,,,
3-اطول مده لطرد الطير للحبارى كانت 9 دقايق وعرفنا الوقت بالرجوع للتصوير(صادها) ,,,,
4-أكثر عدد صيد في يوم واحد كان 117حبارى في منطقة الدرو باليمن وبسبب هذا الصيد اعلن امير الحمله انتهاء الصيد والرجوع للديار,,,
5-اكثر عدد صدناه في مدة اسبوع وسياره واحده كان 48 حبارى في محافظة شبوه باليمن,,
6-أكثر عدد صاده طيري الخاص في موسم واحد كان26حبارى,,,
7-أكثر عدد صاده طيري في يوم واحد كان 7حبر,,,
8-أكثر عدد حبر شفته بالجول كان 18حبارى,,,
9-أسبق حبارى مرت علي اطردنها اربعة طيور مشهود لهن بالسبق ومايهد الطير الابعد رجوع الاولي وكان حجم الحبارى اكبر من الكروان بشوي,,,
10-أشهر طيور عندنا بالامارات في عهد الثمانينات كانن كالاتي(فلاح =حر)للمغفور له بإذن الله الشيخ زايد بن سلطان ,,,(عزّام =حر)للمغفور له بإذن الله الشيخ حمدان بن محمد آل نهيان,,,(جرّاح =شاهين)للمغفور له بإذن الله سعيد العتيبه,,’’’’’,,,,’’’’’,,,’’’’’,,,,
تمت ولله الحمد بعض ماجادت به ذاكرتي,,,,
واتنمى من اخواني الاعضاء طرح مامر عليهم من معلومات او مواقف للفائده واكتساب الخبرات والعلوم الغانمه,,,,
تحياتي

[جـرح الشمـال]

ماشاء الله عليك
لاتسالني وانا اخوك انا اللي امس ناسيه
لكن اليمن فيه حبارى؟؟؟؟ اول مرة ادري!!!!!
الف شكر لك على هالطرح الرائع
وتقبل مروري وتحياتي

[شنقاري]

الله يعطيك العافيه

ومثل ماقال اخوى اول مره اعرف ان اليمن فيها احباري

[عوق الخريش]

بسم الله الرحمن الرحيم ,,
السلام عليكم ورحمة الله وبركاتة:
حياااك الله أخوي الغالي : ربع خاالي ,,
يعطيك العاافية والله يبيض وجهك ياكحيلان على هذا التقرير والمعلوماات ......لآهنتـــــ,,,
حمستنا والله للمشااركة معك معني والله ناسي أكثر الموااقف التي مرت عليناااا فى المقانيص ,,,
1_ أطول مساافة طردة فيهااا حبارى أيضاّ مثلك 27 كيلو حتي نزلت قدامي فى تلعة وهدينا عيها وجابهاا الله ؟
2_ ابعد مسافة طلع طير كان طير ولد عمي فلاح وكان الطير معي قانص فية في منطقة وعرة جداّ وكانت المسافة كيلو واربعمائة متر ؟
3_ أطول مدة هدد كان هدد لطيري فرخان قبل 3 سنوات وكان مدة الهدد 7 دقائق ؟
4_ أكثر عدد صيد حباري فى يوم كاان 9 حبااري فى السعودية ؟
5_ أكثرعدد صدنااه فى أسبوع كاان 13 حبارى فى السعودية وعددالسيارات 7 ؟
6_ أكثر عدد صادة طيري فى موسم كان 12 حبارى داخل السعودية وكان معي طير أسمة ذيااب ؟
7_أكثر عدد صاادة طيري فى يوم 3 وايضاّ كان طيري ذيااب ؟
8_أكثر عدد شفتة فى الجول كان 37 حبارى سواء وأيضاّ 22 سواء وايضاّ 18 سواء وداخل السعودية ؟
9_اسبق حبارى مرة على مالحقة ولاطير ولاهد عليها ولاطير لأنهااا ماعطتنا فرصة من السبق هههه ؟
10_ أشهر الطيور التي مرة علينااا كثيرة والله ماأحصيهاااا لآعندنا ولاعند أخوينا غض النظر عن طيور الشيوخ ؟


تحياتي لكـ...وشكراّ,,



أخوكـ



( عوق الخريش )

[عزيز2100]

السلام عليكم

اخوي ربع خالي

وما شاء الله عليك على هالصيد

و الله يوفقك يالغالي

[ربع خالي]

البرفسور::: حياك الله ياخوي يكفي شرحك لمسميات اجزاء الطير وهذا يكفي بحيث اني استفدت واستفاد كل من زار موضوعك ورايتك بيضاء ويكفيني مروك,, واليمن ياخوي فيها الحبر ولكن,,,,,,,,,,؟؟
شنقاري:::عسى الله يعافيلي حالك ومالك ومثل ماقلت اليمن فيها الخير ولكن,,,,,,,,,,,,؟؟
عوق الخريش:::لاعدمناك وبيض الله وجهك والهقوه جت بمحلها لاخلا ولاعدم,,,,,,,,,.
بيض الله وجيهكم وماقصرتوا
تحياتي

[هواي داورد]

27 كيلو يعني بعد منه ومزرعتنا ههههههههه

مشكور على المعلومات واول مره ادري ان اليمن فيه حباري

[hawwamT]

الله يعطيك الف عافية على المعلومات الثمينة من قلب الحدث...يعني مرت عليك انت وليس يقولون وما يقولون...أما انا أعجب طير مر علي ..معي ألحين يقرنس بكر..ماشاء الله عليه يهد على ...على ..الرهو الاكحل...والله متردد اقولها لشيء في نفسي...يالله الله يستر ويحفظ طيوري وطييوركم....

[راعي غضبان]

بسم الله الرحمن الرحيم


وعليك السلام ورحمة الله وبركاته

بعض المعلومات والمواقف اللتي مرت علي فيما يخص صيد الحباري,,,,
1-أطول مسافه لطرد الحباري والامساك بها بالسياره كانت حبارى هد عليها واحد من الربع الهدد له ويتحدى بالصفري رفعها بالسياره ويمكن كيلوين وانا نرفعها والخد سهل في مطيح عرق ويوم ارتفعت هدطيره شافت الطير قامت تروح وراها والطير ماقصريوم وصلها وقربها بطل وحول للارض سيده ويمكن اربعه عروق بخببهن الي قطعنها يمكن اربعين كيلو واخفيناها فوق بعد
2-اطول مسافة طلع لطيري سلطان عندي من يومه فرخ سنة1414ومات بعد عشر سنين كيلو او اكثر شوي
3-اطول مده لطرد الطير للحبارى كانت 5 دقائق لطيري غضبان خرب عاصي ومافيه قدام فر فوقنا لين ارتفعن وحولبه وايضا مات العام في الربطه
4-أكثر عدد صيد في يوم واحد كان في السعوديه لحالي سيارتي 3حباري وخويي الي معي 2 واما مع الشيوخ في يوم واحد 40 داخل الحدود
5-اكثر عدد صدناه في مدةاسبوع داخل الحد السعودي 20 حبارى لي بسيارتي
6-أكثر عدد صاده طيري الخاص في موسم واحد كان سلطان الي مات 23في سنة 1418 وطيري نواف 16 في نفس السنه
7-أكثر عدد صاده طيري بكر وحش عام 1412 في يوم واحد كان 3
8-أكثر عدد حبر شفته بالجول كان 9حباري في الحدود السعوديه
9-أسبق حبارى مرت علي اطردنها يمكن اطردنها الجو كله طيور ماقدر اعدهن بس يوم اهد الشاهين والله ماشوفها ومن تحت لين ذابت في محلها الي اخفيتها فيه لقيناه ماتجي 2 ذابحتها
10-أشهر طيور عند والدي وعندي كان جزاع 1402لبوي ممدوح لبوي 1408وبعده شلاح وعندي طير وافي حمر ادهم 1407 ودخلت وظيفه واعطاه الوالد واحد من الشيوخ وبعدين اعطاني طير الوالد بداله طير فرخ وضاع في وقت الكراوين وبعده مثلوث اشقر فرخ مغلطاني وصاد حباري ثنتين وضاع بالعرمه وبعده شاهين فرخ اوضاعت هادها على خرب اخر الوقت وقت الكراوين وجاها عقاب وعلى وجهها الى هلحين وبعده بكر وحش صافي نحره كاتم الله من السبق صاد ثلاث في يوم وشكله جته عين ذاك الوقت مانعرف الاقلاع الداخلي وعمل فيه عمليه راعي معزاء يعني غنم وبقر ماهوا راعي طيور بس ذاك الوقت مابه الى هو في شارع الاحساء في الملز واذبحه وانا مداوم وداه الوالد شافني خايف عليه ماابي اوديه وبعده بيتي بكر اشقر صافي واسمه نواف سواء شي خيال والله انه لحق شي مرتفع جدا وطلع على اليد وسبق وهديته مع اخويا شيوخ عقب اطيورهم وعلموا معازيبهم وشبوا علي وعيت بس الوالد ذل عليه بعه وانا ابوك ويجيب الله اطيب منه لانهم ارسلوا لبوي ناس واستحى وخذوه مني 60 الف ريال وين الستين ذاك الحين وبعده سلطان جاني فرخ ومات عاشر ونواف ثالث وسلطان فرخ ونواف بعته خامس بيتي طلع وبعته مايلحق وبعدها غضبان غضبان السعد وبعد مات العام وبعده الي معي حشار بيتي وبشار فرخ يطلع بكر واربعه غيرهن على علوم طلع ولحوق وبنشوف عنهن هذه السنه والشايهين واجد حربه وسعره للوالد غدت وعمرها سادس من يومها فرخ عندنا واخر شاهين عمشاء الي مامر علي شاهين مثلها وعقبها ماعاد شريت شياهين الى لغيري
تمت ولله الحمد بعض ماجادت به ذاكرتي,,,, والله كتبنا معامله والله ذكرتني وخليتني اشغل ذاكرتي الي موقفه لها سنين والله وذكرتني بطيور غاليه على قلبي والف شكر لك وموضوع دوخني جدا ولك مني جزيل الشكر

[أبو__خــالــد او الوافي]

مشكور والله يعطيك العافية

[ابو امنه]

الله يجزاك خير على التقرير الجميل والممتع
موفق خير يالغالي

[بو غازي]

السلام عليكم ورحمه الله وبركاته
الربع الخالي:الله يعطيك العافية على الطرح الجميل.
فعلا معلومات قيمة ومفيدة.

[ابو سلطان898]

الله يبيض وجيهكم اخوي ربع خالي وعوق الخريش وراعي غضبان معلومات طيبه
ووافيه من رجال وافين والله ودي اشاركم بس انا انسى كثير من المواقف لكن ابشاركم بهالموقف
هذولي طيرين كانن عندي قبل سنوات يفرعن على التكيه جنب بعض ويطلعن سوا ولا يتشابطن ابدًا
http://www.mekshat.com/pix/upload03/images121/mk122493_oaz+mshor.jpg

[مشبر البران]

الله يعطيك العافية على الموضوع المفيد

[ربع خالي]

عزيز2001:: وعليك السلام والرحمه وتسلم على مرورك , لاعدمناك,,,
هواي داورد::ههههههههههههه اسعدني مرورك يا اخوي , نعم بها الحبر,,,
حوام::عسى الله يعافيلي حالك ومالك ,, وعسى الله يخليلك غاليك وطيرك ويستر عليك وعلينا,,,
راعي غضبان:: وش أقول؟؟ وما اقول ياغير عسى الله يطول بعمرك وبعمر غاليك ومغليك , عيني عليك بارده حاولت احصي الطيور اللي ذكرتهن وعجزت (وعمل فيه عمليه راعي معزاء يعني غنم وبقر ماهوا راعي طيور) ههههههههه, ربي يعطيك الصحه والعافيه,,,
بومتعب:: مرحبا مسهلا ولاشكر على واجب يا اخوي وبيض الله وجهك,,,
ابو امنه::اللهم آمين ويجزيك بالمثل والاجمل مرورك يالغالي,,,
بوغازي::وعليك السلام ورحمة الله وبركاته,عسى الله يعافيلي حالك ومالك, وانت الاجمل بمرورك ,,,
لاخلااااااااا ولااااااااعدم وبيض الله وجهيكم
تحياتي

[ذراع الذيب]

السلام عليكم ورحمة الله وبركاته
مسيت بالخير ياربع خالي,,,
والله يعطيك العافيه ويبارك فيك ومشكور على هالموضوع الطيب,,
ونستنا يالغالي,,,

[ربع خالي]

ذراع الذيب:: وعليك السلام والرحمه يالسنافي و عسى الله يباركلك في حالك ومالك و موضوعي يطيب بمشاركتك لاعدمتك,,,
تحياتي

[أبو أمين]

موضوع طيب ومفيد من شخص لديه من الخيره ليس بالشئ البسيط

شاكر لك

[حامد الحنيني]

مشاء الله صايدين وفايدين انا الظاهر اني فاقد الذاكره ياله اذكر الموسم اللي فات واللي اذكره 12 فقط اللي شفنهى وهذا اللي اذكره ,

[ربع خالي]

أبو أيمن:: طاب حالك ومالك لاهنت و الخبره يا اخوي موجوده ولكن مالنا غنى عنكم وكل يوم نتعلم الشي الجديد , وعسى الله مايضيع هقوتك في هالمزيونه,,,
حامد الحنيني:: فالك الخير يا اخوي وبإذن الله ترجع الذاكره وتشاركنا في صيدك لاعدمناك,,,
تحياتي

[المري]

ماشاء الله اول مرة اشوف هالموضوع..

1- اطول حبارى طردناها 72 كيلو !!!!! ووقعت قدامنا وكان الوقت بعد المغرب يالله نشوف

ولا حصلناها , والصباح حصلنا ثرها طايره !!!

[أبو أمين]

72 كيلو!!!!!! والله لو واحد غيرك يابو معيض اني ما اصدقه
ياخوي هذا سفر ماعاد هو بمقناص

اهم شئ اربكم طرحتوها.

[ربع خالي]

المري:: مرحبا ومسهلا وإنت الصادق يا خوي, ولكن للتأكيد هي المسافه 72 والا 27,,,
أبوأيمن::مرحبا باللي مصدق اخوياه ولايدخله الشك فيهم,,,
تحياتي

[محمد الفهيد]

الله يعطيك العافيه على هالموضوع
فعلا كل رد يبي له موضوع لحاله

ومتابعين له ياغالي
وياما أعضاء طلعوا شيبان 1406- 1409
وينا ووينهم هههههههههههههههههههه

تحياتي لك ياغالي

[ربع خالي]

محمد الفهيد::ايييييه هين يابوجاسم ياماعليها من الديون وتوفي , بيي اليوم اللي بيجيك الرد مثل ردك هذا ههههههههههههههههه , مابك اقصور يابن فهيد والمعرفه عند الكبير والصغير عسى الله مايصغر مقدارك ,,,,
تحياتي

[أبو يزيد 11]

السلام عليكم
موضوع لايمكن تمر علية بدون لاتشارك فية

من المواقف اللى مرت على وأتمنى أن الذاكرة ماتخونى وأرويها كما حدثت بأذن الله وعلى الله التوفيق:
1- هدينا فرخة بحرية على خرب طيار ماهو بعيد عنا ومشهود لها بالسبق ولا ردت الخرب وراح على وجهة وطرحت (عزلت) الشيهانة عنة وحنا نطرد بالسيارات من تحتة ودعيناها وحولت ومن ثم هدينا (لحقنا) فرخة بحرية ثانية علية وطلبتة وهو ماهو قريب لكن نشوفة وطلبتة وطردت ولحقت وردت الخرب والخرب يغز خشمة سما وهو يروح ويرقى وأختفى عن عينى والله يالربع أنى مأدرى شوفى قصير ولا لا لكن عزلت عنة الشيهانة الثانية ودعيناها وهد خويى قرناسة خلوية على الخرب وأنا أصيح علية وأنخاة أقولة تكفى لاتهدها تراها غدت الخرب مأشوفة سما وهو يفرع عنها ويقول وأنا بعد مأشوفة والرزق على الله بسم الله وهى تطلع وتطلب الخرب اللى واللة ماشوفة بالعين الا واحد بالدربيل يقول أشوفة وهى تهد وتقعد ترقى فوقنا وهى ترتفع لين غدت بالحجم مثل العصفور من كثر ماهى مرتفعة وهى تطلب وتلوى جناحها وحنا نسوق على وجهتها مانشوف لاحبارى ولا شيهانة لكن من ألارتفاع اللى ارتفعتة الشيهانة درينا أنها بتبعد وحنا نسوق ونمشى بالسيارة مسافة 10 كيلو وطول هالمسافة أقول لخويى وقف خلنا نشغل الجهاز ويرد ويقول ماراح نستفيد شى من الجهاز بهالمسافة خلنا نمشى على وجهتها أحسن أصبر شوى وهو يمشى كيلوين وهو يشغل الجهاز وهو يضرب صوت الجهاز تحت قريب عندنا يمينا وأنا أتباشر خير وحنا نمشى حول الكيلو الا هذى الشيهانة صايدة الخرب .
رجعنا عاد وقصينا أثرنا نبى نعرف المسافات وكانت كالتالى:
مطراد الشيهانة الاولى 6 كيلو وعزلت عنة
مطراد الشيهانة الثانية 4كيلو وردتة وطردت 3 كيلو وعزلت عنة
مطراد القرناسة 13 كيلو وصاااااااد ت الخرب
المسافة اللى قطعها الخرب 6+7+13=26 كيلو طيار
القرناسة غدت منة على خرب عاصى بمقناص ثانى
الموقف الثانى
حر قرناااس طلع وهديناة وهو يهد على عقاب موقع قاعد يعلف لة حمامة أن ماخاب ظنى والعقاب يطير ويرمى حمامتة وينحاش على وجهة والطير يطلب العقاب ويترك الحمامة وكان الطير مرتفع شوى والطير يحول ويطق العقاب لهو كاسر جناحة ويطيح العقاب والطير يقعد يطقطقة ويلاعبة وحنا نروح لة و نحذف لة حمامة ويحول عليها والعقاب ماهو بعيد عنة ومرينا على العقاب الا هو يحاول يطير منكسر جناحة أخذنا طيرنا ومشينا .
وسلامتكم

[ربع خالي]

أبونادر:: بيض الله وجهك ياخوي كتمت النفس وانا اقرا سولافتك والموقف اللي جاكم هههههههههههه كاني جاريلي كيلو ,, هذا والله النوماس ليصاد طيرك من بعد هدد الطيور ,, وعسى الله يعوض راعي الطير بطير ن أحسن منه . وعلى طاري العقبان السوالف عنها كثيره مع الطيور, وتسلم على مشاركتك لاعدمناك ,,
تحياتي

[taag1]

الله لايهينك ياراعي الفكره عزالله انها تنحسب لحساب الربع الخالي امتعتونا جميع الله لايهينكم .,.,.,

[أبو يزيد 11]

ووجهك أبيض ياربع خالى ياللى من الطيب والعلم الغانم مانت خالى أشهد بالله أنك صدقت طيرك لصاد عقب فروخ الشياهين أنها تسوى الدنيا ومافيها
وأشكر لك موضوع المميز

[مراسل الخير]

الله يعطيكم العافيه وموضوع جميل.

[ربع خالي]

taag1::لاهانك الله يا اخوي , وبيض الله وجهك , والفضل لله ومن ثم لأخواني في طرحهم لبعض المواقف التي مرت عليهم وهذا ماجعل الموضوع ذو فائده لي ولكل من شاهده,,,
أبونادر:: تسلم يا اخوي والسنه هذي شد حيلك للحباري الشرد وادهل الطير لايكون له عذر,أسعدني مرورك,,,
مراسل الخير::عسى الله يعافي حالك ومالك ومرورك هو الاجمل يامراسل الخير لاهنت,,,
تحياتي

[الفيتو]

بسم الله الرحمن الرحيم
السلام عليكم ورحمة الله وبركاته
صباح الخير ياخوي / ربع خالي

ماشاء الله تبارك الرحمن
تصدق معلومات اغلبها مفاجئه لي وخصوصا علوم (شبوه )
اشكرك جزيل الشكر .. ونشكر الربع اللي اثروا الموضوع
بمشاركاتهم
موضوع جميل
:good: :good: :good: :good: :good:
*
والسلام
الفيتو
الحجاز
28/8/1430هـ

[ربع خالي]

الفيتو :: حياك الله ياطويل العمر ومرورك يشرفني , ولكن الطمع في الكريم غنيمه.. واللي يصيد الحبر بالصيف ماضنيت ان ماعنده مواقف مع الصيد والعلوم الغانمه,ونطمع بمشاركتك لاهنت,,,
تحياتي