كشاف عملي للرحلات البريه ( يوجد صور )

[هداج]

هذا هو كشافي المفضل لأنه عملي واقتصادي لايحتاج الى بطاريات بل يشحن بالكهرب في المنزل او بواسطة شاحن السيارة ( على الولاعة ) اترككم مع الصور

http://www.mekshat.com/pix/upload/images5/mk9510_P8050858.JPG



http://www.mekshat.com/pix/upload/images5/mk9510_P8050859.JPG

[ابوفزعه]

وبصراحه انا من الناس اللي استخدمت هذا الكشاف وارتحت من شراء البطاريات

وله الحين سنه كل بعد تقريبا شهر اشحنه مره وهو حسب استخدامك له


مشكور اخوي هداج تيماء


واما اذكر اني خذيته ب80 ريال

هل هو الى هالحين على نس القيمه والا نزل سعره

[الروضة]

مشكور أخوي أبو فزعه
بس ليتك تذكر كم سعره وماهي صناعته ؟ وكم يستمر النور متواصل بدون ماتطفيه ( يعني هل يستمر ساعة متواصله وهوباقي على قوته ؟
والسلام

[الروضة]

أرجو السموحة على الغلط
السؤال موجه لصاحب الكشاف ( هداج تيماء ) ولايهون أبو فزعة :love2::looney:

[الرماي]

مشكور على هذا الموضوع

[هداج]

اخوي ابوفزعة الله لا يفزعك بمكروه قيمة الآن من 80الى 70 لكن يقول الهندي اللي انها اشتريته منه انه ماعاد يجي معه شاحن سيارة
بالنسبة لأخوي الروضة هو صناعة يابانية من نوع GEEPAS اما بالنسبة لمدة استخدامة بشكل متواصل ماجربت ذلك لكنه ما راح يصل الى ساعة متصله

[اعقاب]

السلام عليكم ورحمة الله وبركاته

جزاكم الله خير على التوضيح بالصور والاسعار

والكشاف وذ ف ياليت تبينون لنا وين نحصله يباع

[سهم الشمال]

وما قصرت يا هداج تيماء على هالمعلومة لكن الله لايهينك ايهم اقوى اضائه الكشاف المعروض او كشاف المقلايت .

شاكرين تعاونكم ياشباب ...........................:light:

[ابو شكاع]

اسمع ياخوك ياهداج تيما ء

انا استعمل MAGLITE من سنتين وهو امريكي الصناعة سعره ب120 ريال

لكن هاللي حطيت صورتة باين عليه حلو

بعدين صناعة يابانية اذا هو جيد ومتين

الصراحة اذا ما يجي معه شاحن سيارة فما يصلح خصوصا للي بيكشت لايام مهوب ساعات

طيب قوة اضاءته كيف؟ قوي او ضعيف ؟

كم ياخذ وقت بالشحن ؟

شكرا لك

وهلابك

ولاهنت

[هداج]

اخوي ابو شكاع بالنسبة لقوة الاضاءة فهو قوي لحد انها تصل الى حوالى مسافة 300 متر اما بخصوص مدة شحنه وهو فاضي ( فارغ من الكهرباء ) فتصل الى 3 ساعات تقريباً .

[هداج]

اذا ما جاء معه شاحن سيارة تستطيع ان تولف له شاحن عند فني الكترونيات وسبق لأحد الأخوة عمل ذالك

[الروضة]

أمس أنا عند السنيدي للرحلات وحصلت نفس الكشاف هذا وصناعته ياباني وسعره 75ريال لكن بدون شاحن سيارة بس شاحن بيت
السؤال هل إذا جبت شاحن جوال وشبكت راس شاحن البيت فيه ينفع ؟
وحصلت واحد بشاحن بيت وسيارة وعلى حجر عادي لكن نوره لك عليه !
والسلام

[هداج]

اخوي الروضة هذه الطريقة تنفع وفيه طريقة اخرى وهي انه يباع في السوق محول كهرب من 110 الى فولت صغير الى 9 فولت و7فولت على سبيل المثال ويوجد في رأسة اربع مقاسات منها واحد يركب في الكشاف المذكور ( سعر هذا المحول 10 ريال فقط )

[متاخر]

كشاف جيد وسعره معقول بس ما قالت لنا ياخوي اضائته زنون زرقا ولا صفرا عاديه ؟

وعلى طاري شاحن السياره استغرب ان فيه احد للحين يستعمل شواحن 12 فولت مع انها بيطئه بالحيل
يا اخوان ريحو انفسكم وثبتو بمواتركم محول كهربا كويو ياباني يحول من 12 فولت لل220
وتقدر تشغل عليه 200 واط وتفلها ان بغيت لمبات وتلفزيون ورسيفر وتشحن بشاحن البيت كاميرت الفديو وكاميرت الدجتل وجوالك وكشافك بسرعة اعلى

[أبو يوسف]

مشكور اخوي هداج تيما على الموضوع والصور
ولا أزيد على كلام الاخوان


مع التحية

[مقدام النت]

الصور ماطلعت ؟؟