مشاهدة النسخة كاملة : سؤال لأهل الخبر (تكفووووووووووووووووووووووووون)
السلام عليكم ورحمة الله وبركاته
بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
إخواني أعضاء مكشات
أرجوا منكم التوضيح لأخيكم المبتدئ بعض الأمور
أنا مبتدئ في الصيد في البحر
وعدد مرات طلعات الصيد لي في البحر 4أو5مرات
ودائما أصيد في منطقة القرية على السيف
ولا أصيد سوى 3أو4 سمكات صغيرة تقريباً(في حجم كف اليد أو أكبر بقليل)
1-أنا أستخدم خيط قياس 021.ملم فهل تنصحوني بتغييره؟
2-بالنسبة للميدار قياس 11؟هل هوجيد أم لا؟
أدري أني ثقلت عليكم بس تحملوني شوي
أين يقع أفضل مكان للصيد على السيف في بحر القريّة؟
وماهو الطعم المناسب للصيد في تلك المنطقة؟
وكيفية ربط الثقل والميدار في الخيط؟
وما هو الوقت المناسب للصيد هناك؟
ومشكورين وماقصرتوا ونخدكم في الأفراح إن شاء الله:rolleyes:
MARINE
06/08/2004, 07:01 AM
كيف حالك اخوي سلاح ان شاءالله بخير
اولا: خيط مقاس21, ملم صغير شوي استخدم 35, او40, ملم.
ثانيا: ميدار رقم 11كبير بالنسبه للمنطقه اللي انت فيها استخدم رقم12 او 13اشوف انه مناسب.
ثالثا: انا اللي باسألك وين تصيد في القريه داخل منطقة ارامكوا او بره واذا كان داخل ارامكوا
سينير او جونير لانه في فرق شوي ....
رابعا: الربيان ممتاز في هذه المنطقه.
خامسا: طريقة ربط الثقل ربطه عاديه بس الميدار له ربطه خاصه تحتاج لشرح مرئي.
سادسا: انا شخصيا افضل حداق الليل حق الشعري صيد النهار ماجربته في هالمنطقه الا نادر.
سابعا: اعذرني على الاطاله واذا تبي شئ احنا حاضرين. :D :D :D
اخوك
MARINE
:heart:
الرماي
06/08/2004, 10:19 AM
ماقصر الاخ ((MARINE)) في هذي المعلومات
بس خل يكون في معلومك لو انك تملك احسن انواع الادوات ما تصيد الا الي قاسمه لك ربك
والصيد بالبحر وفقه
والصبر اهم شي فيه
السلام عليكم ورحمة الله وبركاته
أولا أحب أشكرك أخوي MARINEمع أن اللسان يعجز عن شكرك
وجزاك الله كل خير
ماقصرت والله
وبالنسبة وين بالضبط فأنا أصيد عادة في داخل منطقة أرامكو في قسم الجونير
وأنت وش نصيحتك لي أصيد في الجونير أو بره؟
وتراني أصيد بالخيط (القبة)الكويتية
وبالنسبة للطعم أخلي حبة الربيان كاملة وإلا نص وإلا أقل شوي
إسمحلي ياغالي مصختها شوي
بس مثل ماقلت تحملني
أخوي الرماي
والله كل كلمة قلتها حق
وهذي نصيحه أشكرك عليها
وجزاك الله عنا كل خير ياغالي
MARINE
07/08/2004, 04:45 AM
حياك الله اخوي سلاح
وانت ابدا مامصختها ولاشئ وانت تستاهل
ابقولك شئ اذا تعرف احد يدخلك السينير يكون افضل
لان هناك اعرف مكانين حلوين، اما بالنسبه للطعم اشوف انك تصغره شوي يعني ربع الربيانه واقل شوي
اذا تعرف احد في السينير مثل ماقلت لك خبرني وبوصف لك المكان...
نعم وصدق اخوي الرماي ماراح تاخذ الا اللي قاسمه لك ربك
والله الله في الصبر، واهم شئ لا تتضجر والله يوفقك من كل قلبي.
ومشكور اخوي الرماي على المشاركه.
اخوك
MARINE
:heart:
جزاك الله خير أخوي MARINE
ماقصرت ياغالي
وراح أدور واحد يدخلنا قسم السنير إن شاء الله
يعني مو صعبة بإذن الله
أنا في ناس قالوا لي
شفت الجلسات تمشي من عندها حتى تنتهي راح يجيك مثل الطريق الترابي يقولون إمش فيه شوي وبعدبن وقف هناك وصيد على كيفيك
هذا والله إلي قالوا لي الشباب
وأمس كنت في العقير والله عج وغبار وهوا والبحر في حالة جزر يعني الصيد مافي أما
حتى الدق على الطعم مافي
إذا تعرف مكان في العقير بعد أكون شاكر لك
لأن العقير ميناء وشاطئ وين الأحس وفي أي مكان بالضبط؟
وماقصرت ياغالي
وإن شاء اله نقدر نخدمك في يوم من الأأيام
وأي شئ توصي عليه أنا حاضر وممنون
MARINE
07/08/2004, 01:20 PM
حياك الله اخوي سلاح
ابقولك شئ بالنسبه لداخل السينير فيه فرضه
في نهايتها جهة اليمين هناك نحدق حق الشعري في الليل وبعض المرات
في اليسار نرمي دريات حق الهوامير هذا شئ
الشئ الثاني فيه شبك يكون عند اخر مظله على يدك اليمين وانت متجه للبحر
ادخل داخل شوي يعني يوصل لك الماء الى البطن او فوق شوي احدق هناك ان شاء الله انك بتعين خير
بس لازم يكون معك عصاة صيد وانت تستخدم خيط عادي كذا بتتبهذل
والله يوفقك ان شاء الله
اما بالنسبه للعقير ماعندي اي فكرة عن المناطق وبأسأل لك خالي هو محترف حداق
لاني كنت اروح معه دائما هناك كان يصيد له سبيطي او ان كثر ثلاثه في اليوم واحجامهم حلوه...
وحياك الله في اي وقت...
اخوك
MARINE
:heart:
جزاك الله خير أخوي مارين
بصراحه إستفدت منك أشياء كثير
ومثل ماقلت لك أي شئ تامر به أنا حاضر ياغالي
MARINE
08/08/2004, 11:57 AM
حياك الله وبياك اخوي سلاح وحنا مانبي غير نعين ونعاون ونوسع صدور بعضنا البعض
واذا تبي اي شئ انا تحت الخدمه مو فوقها.......هاهاهاهاها:D :D :D
اخوك
MARINE
:heart:
الغربي
10/08/2004, 07:26 PM
اخي العزيز سلاح
احسن صيد من الساعه 4 عصر الي بعد المغرب ومن الساعه 3 الفجر الي الساعه 7 تقريبا والله اعلم
جرب ميدار اكبر وخيط 70 او 80 وجرب السلس اذا تبي الكنعد
MARINE
12/08/2004, 05:16 AM
كيف حالك اخوي الغربي
اما بالنسبه للكنعد فكلامك صحيح بس الوقت هذا ماهو وقت كنعد استنى كم شهر
وروح وسع صدرك هناك حق الكنعد الكلام موجه لك اخوي سلاح
واعذرني اذا ماجات المعلومه براسي
اخوك
MARINE
:heart:
مشكوووووووووورين إخواني
والله ماقدرنا ندخل إلى قسم السنير لكن رحنا للعقير وصدنا لمدة ساع ونصف
وجانا إتصال طارئ هذا إلي خلانا ما نكمل صيدنا
وصدنا تقريبا 6 أسماك حاقول
وثلالث نوعها غريب علي
تدرون أول مره أصيد فيها
وتجدونها في موضوع مستقل إن شاء الله
طحنون
30/08/2004, 06:13 PM
السلام عليكم ورحمة الله وبركاته
هلااخوي سلاح كيف حالك
اترك عنك العقيراضاهرانك تقصد القريه يعني شاطي ارامكو ترى الصيد فيه نادر جدا
اطلع من القريه واتجه الي الزبنه قريبه منك تقريبا 6 كيلولين يجيك مركز حرس الحدودالزبنه
وتشوف قدامك طعس كبيرجدا بعد ماتمر على المركزتعده ب200 متر تقريبا وتلقى راس على شكل منعطف
لاتوصل الى نهايه الراس في وسط المنعطف موقع زين للحداق للسبيطيه جميع الاحجام وشعوم ماهي سهله
وبالتوفيق
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir