اللي عنده خبر عن المحول الكهربائي (يوكوهاما)

[داود الهاجري]

أسعد الله مسائكم ياشباب بكل خير
نريد تجربتكم وخبرتكم عن المحولات الكهربائية التي تشبك بالسيارة حيث بحث عن هذا المحول لأن اللي عندي عطلان مايتصلح وذهبت محلات بشرق الرياض محلات أدوات البرية ولقيت نفس ذلك ياباني بس السعر يختلف من محل إلى محل أخر نحو محل الفراسة لأدوات البر حصلته 110 وبرق الحياء 135 والعليان اللي على طريق خريص 170 وعند نوعيه نفسها اللهم الكرتون يختلف لونه من الخارج 155 السعر مايهمني بس أخاف أنه اماراتي صيني لأن بصراحة ماعرفت أفرق بينهم كلها مكتوب عليها صنع في اليابان ونفس الشكل ونفس النوعية ياليت أهل الخبرة يعطونا من خبراتهم
وشكراً للجميع

[سطام vip]

بسم الله الرحمن الرحيم

السلام عليكم ورحمة الله وبركاته

اخوي عليك بالي عند برق الحيا (يوكوهاما)عليه ضمان سنه ياباني

وانا اشتريته من عندهم من سنه او اكثر ب145 ريال

والحين اكيد نقص سعره

ومحولك القديم وش فيه وش المشكله لا ترميه كل شي يتصلح الا اذا كان لسعودي

عطه هندي والا بنقالي وشوف تلاقيه من بكره شغال عنده زي الحلاوه

بس طالما انه لسعودي يقولك لا خربان ما يصلح

هذا رابط يمكن يفديك والله يكتب لك الي فيه الخير

http://www.mekshat.com/vb/showthread.php?t=175735

تقبل مروري والرد ودمت بحفظ المولى

[هاوي ددسن]

مثل ما قال اخوي سطام عليك ببرق الحيا انا شاريه من شهر منهم لكن تاكد انه 300 وات و220 لان فيه 110 والماركه يوكوهاما

[ابولولو]

اخوي معي تايون له اكثر من سنه ونصف زي الحلوه الطحنيه ههههه امزح بس خذ 220احسن للكهرب والاخوان فادوك وموفق خير واحرص التهويه تصير كويسه اهم شي للمحول

[ترهيم]

السلام عليكم


ياخوي مافيه شي مايتصلح اذا كان الجهاز كله تجمعه انت من لاشيئ .. بعلمك اغلب اعطاله ...

اول شي الفيوز شيك عليه اذا سليم فيه صفيحه ستيل جايه على شل حرف L مشوك عليها قطعتين او ثلاث مربعه واقفه كيف تعرف انها عطلانه الاول بحرق واضح عليها او جهاز هل يصلها الكهرب او لا .

النقطه الثالثه وهي اغلب الظن البورد نفسه يعني بعد فتح الجهاز طلع الشريحه الخضراء كامله واقلبها من تحت تشوف التوصيلات الي في البورد رايح تلقى احدها محترق رح لاقرب اجهزه الكترونيه وخله يلحمه لك سلك خارجي يربط بين النقطتين .. ولاتعطيه اكثر من ريال او ريالين عن قولت ماسوي شي :)

اما عن جهاز يوكوهما الجهاز القديم الاصلي نفس ملمس الجهاز الخارجي اذكره خشن ونزل بعده واحد مقلد بس املس ..

[سوبر VTC]

هلا و غلا اخوي
انا عندي تقريبا 5 محولات و كلهن عقب فتره يخربن
اللي يجيك كرتونه احمر اسود اخضر برتقالي تقريبا 6 انواع و لاتدري وش الاصلي

صلحتهن كم مره و خربن

اللي يخرب المكثفات حقات الكهرب قيمه المكثف تقريبا عند قطع غيار الكهرب ب10ريال
لكن يخرب مهب اصلي :no2:

سالت كهربائي سعودي و خبره و انصحن بمحول ياباني اصلي :good:
طبعا سعره ب180ريال
طبعا يجي 3 مقاسات للوات انا اخذت اصغر مقاس
طبعا شريته من السنيدي اللي معي يجي 3 انواع
كبير 400وات
وسط تقريبا 300 او 250وات
صغير 200وات و هذا شريته ب180
هذي صورته


http://www.mekshat.com/vb/../pix/upload01/prof004/mk53291_mmgm11.jpg http://www.mekshat.com/vb/../pix/upload01/prof004/mk53291_bgbtb222.jpg http://www.mekshat.com/vb/../pix/upload01/prof004/mk53291_mghmmn33.jpg

تبي اي محول يعيش معك لا تحمل عليه فوق اللازم
اذا حملت عليه فوق اللازم تخرب المكثفات و مهما تصلحه يخربن المكثفات
مثلا اذا كان هو يعطي 200وات
انت لا تشغل عليه الا 100 وات هذا الافضل و لاتعدا بالكثير 120وات
و هن توفيق بعد الله

((فائده))

اذا شغلت عليه تلفزيون و طفى او قطع المحول
جرب هذه الطريقة
افتح المحول و طفه كرر هذه الحركه 5 مرات فاكثر بعدين شغله و شغل التلفزيون مباشرة
ميزة هذه الحركه انه يكثف لك الكهرب بعدين يدفع لك مرة واحده
مثل كتاوت النور و مرواح كهرب السيارة
مايذبح المحول الا بدايه التشغيل فقط
مثل ماطور الكهرب بالبر

[ابوفهد 1]

معلومات قيمة أخي سوبر VTC
والمحول اللي ذكرته موجود في البطحاء
وأيضاً عند محل الرحلات بالمروج

[الرسيفر]

والله ي جماعة أنا بخاطري محول 220 أعلى وات وأبد هو مهب خسارة
بس أنا محتار أبي النوع الزين مو مشكلة السعر الغالي ثمنه فيه

[سوبر VTC]

والله ي جماعة أنا بخاطري محول 220 أعلى وات وأبد هو مهب خسارة
بس أنا محتار أبي النوع الزين مو مشكلة السعر الغالي ثمنه فيه

المحول اللي انا شريته يجي اكبر منه مقاسين
المقاس الكبير يعطي تقريبا 300وات و طالع

[شقرااااان]

مشكووووووووووووووور

[البوعينين99]

والله ي جماعة أنا بخاطري محول 220 أعلى وات وأبد هو مهب خسارة
بس أنا محتار أبي النوع الزين مو مشكلة السعر الغالي ثمنه فيه

توجد محولات تصل لـ2000 واط لكن اسعارها تتفاوت حسب الميزات والجوده