مشكلة شوزني موضحه بالصور .. أرجوا المساعده يا أخوان

[المرعضي]

السلام عليكم ورحمة الله وبركاته


أسعد الله أوقاتكم أيها الأعزاء بالخير والطاعه ومبروك عليكم شهر رمضان ..

اعاننا الله واياكم على صيامه وقيامه وجعلنا واياكم من المقبولين .. أما بعد :


عندي مشكله بشوزني العزيزه وحبيت أعرضها موضحه بالصور ليتضح الأمر


لأهل الخبره في هذا المجال والذي أرجوا من الله ثم منهم مساعدتي في أمري ..

قضينا من الفصحى ونجي للعاميّه .. :D .. أقول يالربع .. شوزني أم خمس من

نوع البلجيكي أم شجره .. كنت أرمي طيار وبأحد الرميات تفاجأت أن البارود

ماجدعت القفش برا .. المهم أقعد أناظر فالنتّاش ولاحظت ان حديده صغيره قد

طاحت منه ولاأدري وينها لساعتكم هذي .. للأسف منطقة الرمي كانت وعره

وبحثت في مكان الرمي عن الحديده مرات عده ومالقيتها .. كنت ماني مقتنع أن

البلى من هالحديده اللي طاحت .. قمت ونظفّت البارود وغيرت الفشق وماخليت

شئ الا سويته بعدها أيقنت أن المشكله منها .. من عقب طيْحة هالحديده الفشقه

تنشب داخل الماسوره وغير أطقّها بيد العفريته عشان تطلع .. مابطوّل عليكم ..

سؤالي .. هل من حلول تجعل البارود ترمي القفش برا ؟


هذي صوره عامه للنتاش والفراغ الواضح فيه هو مكان الفقيده .. :(


http://ahmd1408.googlepages.com/20090816336.jpg




وهذي صوره لمكان الحديده ..


http://ahmd1408.googlepages.com/20090816337.jpg






بانتظاركم ..

[مخاوي الخوي]

اخوي والله ماني خبره بالبلجيكي بس الشباب فيهم خير وبركه يفيدونك بس ترى الصور مو مره واضحه .

[المرعضي]

بالنسبه للصور .. خبرك الأمكانيات متواضعه مهنا غير الجوال .. :p

وحاولت أوضّحهن أكثر من كذا بس الجوال مايجي على الكيف ..

بيض الله وجهك يالغالي على سرعة التفاعل .. وبانتظار الأخوان

[إًلْقَنْإًصْ]

والله مامن خبره بالبلجيكي اخوي بس اكيد لوكانت من الحديده الي طاحت راح تلاقي لها قطع غيار انشالله.

[الرّمااااي]

واضح ان النتاش انكسر وضروري تغييره ولايوجد حل اخر وشكرا

[sss123]

وين موقعك اخوى

[ابو سفيان]

ما شاء الله تبارك الله
اخوي العطل بسيط جدا انكسر النفال وهذا مو عيب جدا جدا
روح للبيطار وقله يركبلك وحده جديده
واشرط عليه انها تنفل الخمس الطلقات كلها دفعه وحده دون ان تنكسر وخذ طمانه عليها ان كان بيفصلك وحده جديده
وان كان فيه حقت بلد يسير احسن
وان ما حصلت القطعه ارسلي على الخاص وارسل مع اي احد من اقربك وا اصحابك يجيبها من الطائف وصلحها عندكم
وتاكد برضه من الابره
واي خدمه انا جاهز

[المرعضي]

حياكم الله يالربع كلن بأسمه .. وأعتذر منكم لتأخري بالرد ..

اللي ينشدون عن موقعي .. الموقع بالشمال في منطقة الجوف

والحديده اللي طاحت يبدولي أن معها الزنبرق الصغير اللي يدخل بالخابور ..

أبو سفيان جعلك تسلم يالذيب عزالله كفيت ووفيت يالنشمي ومانبي نتعبك معنا مير هالبيطار اللي أنت تقول عنه

وشهو اذا أمكن توضيح ؟ لأن المسميات تختلف من منطقه لأخرى ..وبالنسبه للأبره أمورها عال العال ولله

الحمد .. وبانتظاركم اخواني

[ساكتون هواء]

انا صارت لي مشكلة مثل هذي
اخوك اساكتون

[البيطار]

يمكنه أنا البيطار المقصود :)
يمكن يقصد " دكتور السلاح "
و الأمر سهل إذا تعرف أحد رايح الكويت
وصه يجيبلك هالقطعة و منتب بلش بالتركيب إن شاء الله

[المرعضي]

أشكر للجميع مرورهم ..

أخوي سكتون هوا .. دام صارت معك نفس المشكله .. هل لقيت لها حل ؟

مودتي

[ابو امنه]

موفق خير يالغالي

[ابو سفيان]

البيطار معندس السلاح او الي يصلح السلاح في محلات تصليح السلاح وتلقي الزنبرك بعد
واحنا خدامينك يباشه