المساعد الشخصي الرقمي

مشاهدة النسخة كاملة : اين انتي ياوزارة التجاره وياحماية المستهلك من طمع الطامعين(تجار الفشق)


رمش الغزال
17/08/2009, 11:16 AM
بسم الله الرحمن الرحيم

السلام عليكم ورحمة الله وبركاته
اخواني الاعزاء راعين القنص بالشوازن وش رايكم بسعر فشق الشوزن الحين حنا باخر شهر 8 هجري يعني قبل صيد القميري بشهر وصل الصندوق 2600 ريال معقول:confused: علما اني شاريه قبل اسبوعين تقريبا 2000 ريال شوفوا الفرق كم؟؟ يعني اذا بدا الصيد بكم يصير سعره ؟؟لا ويقول التاجر وقت رواتب الحين:mad: ؟؟؟؟ معقول والله ان فشق الدك احسن وجمعت فوارغ للدك وانا ماقصدي قطع ارزاق او او او لا الشي بالعقل قبل اسبوعين بسعر والحين بسعر خوفوا من الله وش هالجشع ايه انت خف من الله وارجوا من الاخوه الاعضاء الافصاح عن سعر مشتراهم لك تعم الفائده وسبحانك اللهم وبحمدك عدد خلقك ورضانفسك ومداد كلماتك. اخوكم من القصيم..
النداوي HZ2AF
17/08/2009, 11:23 AM
أحسن شي قدم فيهم شكوى
لوزارة التجارة :D :D :D




تقبل مرور أخوك النداوي
قناص الرباع
17/08/2009, 11:27 AM
ماأحد جبرك .... تقنص
والمثل يقول/ من بغا الدح ماقال اح ...... وبعدين لانا سنتين وهو مانزل عن 2200 ولاكن اوصيك

بع البندق واجلس احسن لك .....
ابوشجاع911
17/08/2009, 11:34 AM
أحسن شي قدم فيهم شكوى

لوزارة التجارة :D :D :D






تقبل مرور أخوك النداوي




هذا هو العلم اللي يجمد على الشارب
عليك بهم وترا الوزير مايقصر بيطلع معك شخصيا ويادبهم
:mad: :mad: :mad:
:( :(
:p
صامل الهدات
17/08/2009, 11:55 AM
الحقيقه اعجبني موضوعك يارمش الغزال لاكن انا بعارضك

انا ودي ترجع اسعار اول يوم كانت الدسته ب300

والا تصير طلقة الشوزن ب100

عشان نلقى صيد اذا قنصنا

وعشان نصيد الي يكفينا ونخلي الباقي

وعشان تنقرض عادة اي شي يتحرك ارمه

وتقبل تحياتي
نحال الجبال
17/08/2009, 12:07 PM
السلام عليكم التجار لعبين فى حسبتنا فى كل شى ولاحسيب ولا رقيب والى يقول اجلس فى البيت شكله من الى يبيعون الفشق
ابو هلال2008
17/08/2009, 12:16 PM
يازين الساكتون بي 4 ريال
ابن عكاش
17/08/2009, 02:25 PM
عليكم بالركادة وترى الـ80 تسد للي راكد واللا الخرازة ماعليها قصور واغلب اللي معهم شوزن تلقاه يضيع نص الفشق بدون صيد بس الدعوى وناسه
وانت يا قناص الرباع نبي نشوف لك صرفه يالوايلي
ابو امنه
17/08/2009, 05:32 PM
الله المستعان
موفق خير يالغالي
تاميلون
17/08/2009, 06:27 PM
بسم الله الرحمن الرحيم


السلام عليكم ورحمة الله وبركاته

اخواني الاعزاء راعين القنص بالشوازن وش رايكم بسعر فشق الشوزن الحين حنا باخر شهر 8 هجري يعني قبل صيد القميري بشهر وصل الصندوق 2600 ريال معقول:confused: علما اني شاريه قبل اسبوعين تقريبا 2000 ريال شوفوا الفرق كم؟؟ يعني اذا بدا الصيد بكم يصير سعره ؟؟لا ويقول التاجر وقت رواتب الحين:mad: ؟؟؟؟ معقول والله ان فشق الدك احسن وجمعت فوارغ للدك وانا ماقصدي قطع ارزاق او او او لا الشي بالعقل قبل اسبوعين بسعر والحين بسعر خوفوا من الله وش هالجشع ايه انت خف من الله وارجوا من الاخوه الاعضاء الافصاح عن سعر مشتراهم لك تعم الفائده وسبحانك اللهم وبحمدك عدد خلقك ورضانفسك ومداد كلماتك. اخوكم من القصيم..



السلام عليكم ورحمة الله وبركاته
اخي رمش الغزال
انت تطالب وزارة التجاره
ووزارة التجاره ليسى لها علاقه عن منتج يباع في السوق السوداء
وعن أرتفاع اسعار الفشق فهذا الشي متعارف عليه كل سنه
( وأذا كانت المنتوجات الاستهلاكيه وهي الاساسيه في حياة المواطن لم تستطع وزارة التجاره السيطره
على جشع التجار فما بالك في منتج يباع في السوق السوداء )
وأنا ما الومك ولاكن اقول الله المستعان
وتقبل مروري
رشيد22
17/08/2009, 06:33 PM
ام صكمه تسد الغرض لاصار الشعيب خالي
عاشق الفتك 20
17/08/2009, 09:39 PM
يا خوي انا شاريه في شهر 7 .......1750 ريال وشوله تشتري با الموسم اشتر قبل الموسم اما الي عندهم واصطات في الجمارك هاذا مدرا عن احد
crozman
17/08/2009, 10:29 PM
يقولون (دواء الغلا الترك)
بتقول ماقدر اتركه ابي اقنص
خلاص قلص استهلاكك وبدل الصندوقين صندوق
وبدل الصندوق نص وتركد بالرمي
ماحد راضي بالغلا بس خل بعض الناس تركد
وحركات الهياط والمزايد تقل
سفاح القميري
18/08/2009, 09:06 PM
غلطان اشتريته انا لقيت صندوق 1800ماشتريته اشتريت صندوق1500
سفاح القميري
18/08/2009, 09:08 PM
احن شي سويته قدمت شكوى ههههههههههههه تعجبني
مدور الخيرة
19/08/2009, 03:11 AM
ودنا انه ماينزل وودنا انهم مايفتحون محلات

عقب ماشفت شي خلاني اقول ليتهم مايفتحون محلات ابد ولا ودي يرخص

لقيت شباب مضيعين صندوقين بيوم واحد على رمي (( ما هب ودب قدامهم )) يعني رمو حمام قيسي (قوقسي) ورمو عصافير ورمو علب ببسي بالهوا ورموا علب ماء صحه بالهواء


قلت ليه كذا ؟ قالوا شرينا الفشق بــ 1550 وطلع فشق ماهو زين ,, طبعا الكلام هذا من ايام الشتاء

ويوم جا وقت القمري قالوا تخبر لنا فشق ؟ قلت لا وقابلتهم بعد كم يوم قالوا اشتريناه بــ 2400 قلت تستاهلون


باختصار (( ليش ماتشتري خارج وقت مواسم الصيد .؟ )) يعني خايف ينتهي تاريخ الفشق ؟؟؟!!!


اشتر فشقك وخله عندك يجيه يوم ويطلع
الشمالي550
19/08/2009, 04:23 AM
مشكور يارمش الغزال فعلا موضوع يستحق المناقشه فيه لاكن كل الي ردو عليك يتصيدون بسكتون ماهم راعين فشق اشريه غالي انا وياك اهم شي نستانس
جابر98
19/08/2009, 06:05 PM
الحقيقه اعجبني موضوعك يارمش الغزال لاكن انا بعارضك



انا ودي ترجع اسعار اول يوم كانت الدسته ب300


والا تصير طلقة الشوزن ب100


عشان نلقى صيد اذا قنصنا


وعشان نصيد الي يكفينا ونخلي الباقي


وعشان تنقرض عادة اي شي يتحرك ارمه


وتقبل تحياتي


والله انك صادق وأيد كلامك الطيور اصبحت على وشك الانقراض بسبب الصيد الجائر الي ما له اي معنى او سبب
دهران
19/08/2009, 06:09 PM
الموضوع مقفل .....

الرجاء قراءة شروط الكتابة في المنتدى

شاكرين لكم تفهمكم