ابي اعرف الطير طلع ولا لا

[ولد السبع]

السلام عليكم

انا جاني طير هديه من واحد من الربع ماهو راعي طيور اهداه واحد

ومايعرف عن الطير شي يقولون الطير صايد على حسب الكلام الي يجيهم

الطير صاد عندي اكثر من وحده ولله الحمد وصاد في يوم 2 حباري لاكن السوال ابي اعرف الطير طلع ولا لا جربته مره وركد على التكيه يمكن ثلث ساعه وبعدين اطلع شوي وحاول يطلع من الدريشه الي وراء السايق ومسكته وهو مطلع الطير محط حتاء والله اني شككت فيه الطلع لاكن انا قريب من صبخه قلت يمكن مطلع طير بحر وخاف اهده ويروح وراء الصبخه وماعاد اقدر عليه.... المره الثانيه صت حبارى وعزلتهاء لواحد من الربع حيه وبعدين كلمني الرجال وقال ماهو بقادر يجيني صار عنده شغل وهديت الحبارى بعد ما حطيت عليها طبعن لزقه المهم الطير طلع من الدريشه بسرعه الي جنب السواق .....

والله انه حيرني ابي جواب اهل الخبره

[كلما نسنس]

وعليكم السلام ورحمة الله وبركاتة
مساك الله بالخير اخوي ولد السبع
وش المطلوب الحين طال عمرك؟؟؟

[بوعفسه]

اخووووووووووووي انت مو نقول شفته علي الحباره صايدها وحد من ربعك وطلع عليه يعني الطير يطلع بس الطلع الخووووووف ما يعرفه احد خير صقار الطييير انت تقووووول طلع بس ما تدري علي شنو الطير يبين طلعه وطلع الحباره غييييير يكون فيه الطير يكون غير الطلوووع كله وانت اذا شايفه طلع علي حباره لي صايدها رفيجك شفت وجه الطيييير عدل هذا يكون طلع الحباره وهذا لي اعرفه انا طلع الحباره غير كل الطلووووووع لي يطلع عليها يكون مميز فيها الطير ويعرف صقار انه طيره طالع علي الحبيره ويكون الطييير دايم مرتكز وفي مكانه لي يطب فيه يعني الحباره خامر او مضيع الطير

[عاشق]

ان شاء الله طلاع بس جرب على بعيد ان قدرت تعزل شي من الحباري
وان لقيت جره فرع وفالك الذبح

[garah]

اخوي
دامك فكيت الحبارى الي عزلتها لخويك وخليتها تدرج انت قسها لنفسك
اذا الحبارى راحت مع الشجر وتحاول تلبد عن الطير وانت هم رحت لك مسافه يعني
ابعدة عنها اقل شي نص كيلو وطيرك طلع عليها وهد على طول هدد على الحبارى ماميل ولا خالف
معناتها طيرك طلع على حبارى وكاد
بس اذا فكيت الحبارى وقدام خشم الموتر مايجي 20 متر او اقل ومافي لا شجر ولا شي وطلع طير وهديته
معنقد انك جربت طيرك لكي تشرط للناس انه يطلع
ولك تحياتي
وهذى مجرد راي لخبرتي بالحياة
فأن اصبت فهو من الله
وان اخطيت فهو من الشيطان وقل المعرفه والخبره

[حامد الحنيني]

الاخوان عطوك العلم كانك مدرج الحبارى من بعيد
وطلع الطير وهد معنتهى طلاع اهم شئ بعد المسافه وانك تكون من هاد بارض مكشوفه
وشكرا.

[راعي غضبان]

على كلامك اخوي انشاءالله انه طلاع ومبروك وجربه على حبارى من الروض انشاءالله لالقيت جرتها فرعبه وانشاءالله انه بيطلع عليها والف شكر لك

[ابوو دغش]

مشكور ع المعلومات

[shaheen70]

جربه السنه وبيبين أفعولة (المواري أحيان تبين)

[مشبر البران]

الله يوفقك