مقناص خارج السعوديه

[فالح العرجي]

السلام عليكم ورحمه الله وبركاته
صباح/ومساء الخير لجميع اهل مكشات مشرفين واعضاء
الصراحه انا ناوي هالسنه على خير ان كنا من الحيين ان حنا
نقنص خارج السعوديه مثل السودان او مصر او اليمن لكن وش
الطريقه هل تخرج الطيور من السعوديه وترجع لسعوديه مره اخرى
وهل الدول الثانيه تقبل دخول الطيور
وهل فيه تصريح من دولتنا السعوديه للمقناص خارج الدوله
افيدونا ياهل الخبرات الخارجيه
وماهو شرط الدول التي ذكرتها انا في الاعلى اي دوله فيها
صيد وامان
وشاكر لكم جميعا

[ربع خالي]

يفيدونك ان شاءالله اهل التصاريح , اما في مايخص الامان فأولها ديرتك ,,, اما الخارج فأعتقد مصر والباقي شد حزامك والكلاش تحت راسك وانشد مجرب يا اخوي ,,,,,

[حامد الحنيني]

يفيدونك الاخوان انشاء الله...

[راعي غضبان]

يفيدونك ان شاءالله اهل التصاريح , اما في مايخص الامان فأولها ديرتك ,,, اما الخارج فأعتقد مصر والباقيوي شد حزامك والكلاش تحت راسك وانشد مجرب يا اخوي ,,,,,عزالله صدق اخوي ربع خالي والف شكر له ولك والله يوفقنا وياك

[عاهد بن علي]

الله يوفقكم

الله يستر عليكم

[محمد النعيمي]

الله يوفقك

[فالح العرجي]

السلام عليكم ورحمة الله وبركاته
صباح /ومساء الخير يالربع
اخواني ربع خالي -حامد الحنيني -راعي غضبان
عاهد علي - محمد النعيمي
بيض الله وجيهكم وشاكر لكم على مروركم الحلو
واما ان كان الدعوه بيجي فيها كلاش لا والله ديرتي
الله يعزها ودول الخليج امين لو ما اصيد الا وحده في الموسم
ومبروك عليكم شهر الخير والمحبه والمغفره رمضان الله يعوده
علينا اجمعين اللهم امين
اخوكم / فالح العرجي

[فارس قطر1]

السلام عليكم جميع مرحبا اخوي العرجي ـ اخوي انا من عشر سنوات تقريبا اذا ما كان اكثر اقنص مصر مرتين بالسنة والحمدلله امان وطمان
بس انا اشتري اطيوري اهناك اوحوش وماشالله عليهم يصقرونها صقارة صقاقير خبرة والحمدلله قلة ماخاب طير عندي
اما بخصوص الرخصة مافية بس دام لقروش تمشي الحال فهي الرخصة بعينها
وذا بتودي طيرك ممكن تودية وترجعه عن طريق البحرين وروحة الطير ورجعته تكلف 5000 الاف ريال بس تهريب وبنج مش رسمي والدخول مضمون لكن ياخوي الطير يتعب حيل ولا بترجع عافيته الا بعد اسبوع
وعساني فدتك والسموحة على الاطالة

[عوق الخريش]

بسم الله الرحمن الرحيم ,,
السلام عليكم ورحمة الله وبركاتة:
حيااك الله أخوي الغالي:فاالح العرجي ,,,
والله ماعندي خبرطاال عمرك عن الموضوع ومعلومااات كاافية والله مااعندي الله يوفقك ,,,
تحياتي لكــ.....وشكراّ,,

أخوكـ

( عوق الخريش )

[افزعواله]

فالح حياك الله وابقاك اذا نويت اليمن يامرحبا بك فوق الراس ولا عليك شر انشاء الله تقنص وتعود لهلك سالم غانم الا ماكتب الله فلا اعتراض على امره علينا اوعليك ولا عاد حد يهاب اليمن ابشرو بها زينه لا تشيلو كلاش ولا غيره بانكفيكم ههههههه اليك تحياتي ..اذا صملت راسلني على الخاص................

[جملا2008/]

الله يوفقك ان شاء الله

[عزيز2100]

الله ييسر امرك

ويوفقك ان شاء الله

[ابو امنه]

موفق خير يالغالي

[العراك]

انا جربت مصر امان في كل مكان

[شقرااااان]

ارخ الريال وابشر بالخير