المساعد الشخصي الرقمي

مشاهدة النسخة كاملة : Deer ونيت (استفسار)


-MOHAMMAD-
18/08/2009, 10:37 PM
بسم الله الرحمن الرحيم

السلام عليكم

اخواني واحبابي

انا شفت في شوارعنا سيارات جديدة اللي هي ديير ونيت وانا كنت ابحث عن ونيت للبيت والبر والمزارع ... وكنت ابي مستعمل هايلوكس ولا ددسن ولا حتى اسوزو غمارة ومالقيت طلبي لانها شوي مرتفعه مدري ليش خاصة الهايلوكس

ولقيت هذا الونيت الصيني هل احد جربه او هل احد يعرف شئ عنه من ناحية السعر او الجوده او الضمان

او حتى الوكيل وين موجود فيه في الرياض ؟؟
-MOHAMMAD-
18/08/2009, 10:58 PM
http://up.nokiagate.com/uploads/01aed1f43c.jpg
-MOHAMMAD-
19/08/2009, 01:30 AM
انا سمعت انها مكينة هايلوكس؟؟ ما مدى صحت الكلام؟
الوسيطاء
19/08/2009, 04:15 AM
لايقربك ابعد عنه انا ما استخدمته ولاكن من قريب لي كان مدير الفرع ببريده يقول حراميه

وناس ماتخاف الله وطبعاً استقال من عندهم لانه يعرف من الحلال والحرام ولو كان بقطع الرزق
-MOHAMMAD-
19/08/2009, 05:02 AM
لا حول ولا قوه الا بالله

الله يجزاك خير ننتظر باقي الاعضاء اللي جربو ونشوف وش مشاكلها
هواي البرr
19/08/2009, 05:15 AM
اخوي انا اعرف الدير زين زين وانصحك لاتقربك مجربينها .... السعر الحين يمكن من 35000 الى 40000 بس انصحك انصحك لاتشتريها الهايلوكس صحيح غالية بس تويوتا لك وللزمان ... وهي الدير تقليد هايلوكس عمر التقليد ماظبط
تحياتي لك ونتمنى لك ان تجد الموتر اللي يرضيك ....والله يوفقك
هواي البرr
19/08/2009, 05:18 AM
المكينة مكينة سوزو

الوكالة بطريق خريص الرسام للسيارات
كبسولة2
19/08/2009, 08:28 AM
فيه واحد عنده زي الي في الصورة

ويمدح فيها ويضيع المدح !!!!

وكم مرة أواجه في جيزان قادم من الدمام عليها يتصيد طيور وارانب

يقول سيارة عملية جداً بس حافظ على زيتها وأمورها الأخرى ماء بطارية

تعيييييييييييش معك
لن أمل من العطاء
19/08/2009, 08:56 AM
مكينتها مثل مكينة الهايلوكس 85 بالضبط

الهايلوكس مكينتها 3y 2 ليتر
وهذي 5y بخاخ وطاره هواء فقط لا غير

اذا انت تعتني بالسيارة وترفق بها خذها واذا حق كف وجلد لا تقريب منها شوف لك هايلوكس مستعمل بنفس السعر
محمد بن سعيد
19/08/2009, 10:04 AM
اعرف واحد متفكك عليه

خلك على الهلي وإلا الددسن ازين لك واحفظ لدراهمك
البرااااوي
19/08/2009, 10:09 AM
http://www5.0zz0.com/2009/03/01/14/576313990.jpg
-MOHAMMAD-
19/08/2009, 08:51 PM
هذاني جالس ادور هايلوكس ولا ددسن غمارة طاره هوا ولا مكيف ولا لقيت وحدودي 30 او اقل او اعلى شوي على حسب النظافة ...


وجزاكم الله خير
كبسولة2
20/08/2009, 03:11 PM
30 ألف تجيب لك ددسن غمارة 2006 مكيف طاره هواء نظييييييييييف بالراحة
هواي البرr
20/08/2009, 11:44 PM
السيارة شارينها والى الان معنا والمكينة سوزو ليست بهايلوكس على حسب الصورة اللي انت حاطها....
-MOHAMMAD-
21/08/2009, 12:14 AM
كبسولة انا مدور غمارة ددسن مكيف وطارة هوا ما لقيت ؟؟ طبع اهم شئ النظافة

انا دورت حول 25 مالقيت لو كان 28 لو وصلت 30 لو كان نظيف مره اخذته بس مالقيت

والى اللحين ادور الله يجزاكم خير الاراء مختلفة بالنسبة للديير
-MOHAMMAD-
21/08/2009, 12:15 AM
السيارة شارينها والى الان معنا والمكينة سوزو ليست بهايلوكس على حسب الصورة اللي انت حاطها....

كم لكم شارينها ؟
فارس العمور
21/08/2009, 01:16 AM
30 ألف تجيب لك ددسن غمارة 2006 مكيف طاره هواء نظييييييييييف بالراحة

صعب تحصلها بـ 30

انا معي غمارتين 99 تسام مني بـ 27500 ريال وانا ماعرضتها للبيع ومن اكثر من شخص وجااااادين

فكيف 2006 بهالقيمه ؟
هواي البرr
21/08/2009, 01:29 AM
يمكن 5 سنوات وانا اقولك تجلس معاك ايه...بس الصيني يبقى صيني وانت تعرف..الصيني والكل يعرف الصيني يبيله ترفق بها مو يتحمل مثل التويوتا

شوف بعلمك بدوم معاك بس مو مثل التويوتا يعني التويوتا تكرف وتكرف ويجلس معاك سنين طويلة ما يتاثر اما الدير الحين لها 5 سنوات لو نمشي بها 300 كيلو نرجع سطحة عرفت والحقيقة ياخوي مثل ماقال العضو الكريم ..لن امل من العطاء..
انه تعتني بها وترفق بها بتصير زينة معاك والله يوفقك..
كبسولة2
21/08/2009, 12:36 PM
صعب تحصلها بـ 30

انا معي غمارتين 99 تسام مني بـ 27500 ريال وانا ماعرضتها للبيع ومن اكثر من شخص وجااااادين

فكيف 2006 بهالقيمه ؟

أخوي أنا لأقي كابرس موديل 90 مسيوم بــ 28 ألف وصاحبه حاده بــ 35 ألف !!!!

ولاقي ددسن 99 غمارتين نظييييييف مكيف طارة هواء محدود بــ 20 ألف ريال

ولاقي أخوه مسيوم بــ 17 ألف ريال

وأزيدك من الشعر بيت أخي شاري قبل فترة ددسن 2007 طارة هواء مكيف نظيييييفة

بــ 34 ألف ريال

ماأردت قوله سياراتك ليست تقويم أم القرى لكي تحكم على الأسعار ؟؟؟؟؟؟؟؟

بالتوفيق لك
أبو مسفر
21/08/2009, 01:33 PM
السلام عليكم
اخي محمد
اؤيد هواي البر في كلامه
وانا من واقع تجربة دير 2005 غمارتين - اشتريتها لابوي مدري وش اللي مرغبه بها - لقيتها خسارة على قيمتها

1 - الطبلون باهت وتقول لها عشر سنين واقفة بالشمس وكل شوي يتطلق ولازم تضطر تربطه بمسامير براغي خشابية .
2 - لا من المعزا وولا من الضان مرات تدور قطع غيار لها تلقى قطع الهايلوكس موديل 90 وفوق ومرات من 2002 وفوق ومرات حتى الهايلوكس ما تركب .
3 - الموتر شبه جديد 2005 ومع ذلك قد غيرت : الدسك والكلتش - طرنبة المساحات - يد جميع القزاز بلا استثناء - المرتبة بكبرها يوم ربطت فرامل وانا موديها للصناعية ما دريت الا وانا منسدح ورا وعلى دربي اروح للحداد ولحمها وتنطلق ولحمتها ثانية وأخيراً رهمت لها مراتب مفصولة من التشليح .
مع الن الموتر ما قد ركبه احد غير ابوي وما يمشي في اليوم اكثر من خمسة كيلو فقط من البيت الى المسجد -.

فنصيحة لك وانا اخوك فر من الدير فرارك من الاسد
وترى الثلاثين الف تجيب لك ددسن او هايلوكس ماشية مع العالم واذا بغيت تبيع ما تخسرك واجد
ولو تدور جمس قطع عشرة مكيف تماتيك من 94 وفوق يؤدي الغرض ارخص بكثير
وان حدت تلقى بالمعارض ونيتات يابانية ابرك من الدير مثلاً : المازدا والمتسوبيشي
هواي البرr
22/08/2009, 12:57 AM
السلام عليكم
اخي محمد
اؤيد هواي البر في كلامه
وانا من واقع تجربة دير 2005 غمارتين - اشتريتها لابوي مدري وش اللي مرغبه بها - لقيتها خسارة على قيمتها

1 - الطبلون باهت وتقول لها عشر سنين واقفة بالشمس وكل شوي يتطلق ولازم تضطر تربطه بمسامير براغي خشابية .
2 - لا من المعزا وولا من الضان مرات تدور قطع غيار لها تلقى قطع الهايلوكس موديل 90 وفوق ومرات من 2002 وفوق ومرات حتى الهايلوكس ما تركب .
3 - الموتر شبه جديد 2005 ومع ذلك قد غيرت : الدسك والكلتش - طرنبة المساحات - يد جميع القزاز بلا استثناء - المرتبة بكبرها يوم ربطت فرامل وانا موديها للصناعية ما دريت الا وانا منسدح ورا وعلى دربي اروح للحداد ولحمها وتنطلق ولحمتها ثانية وأخيراً رهمت لها مراتب مفصولة من التشليح .
مع الن الموتر ما قد ركبه احد غير ابوي وما يمشي في اليوم اكثر من خمسة كيلو فقط من البيت الى المسجد -.

فنصيحة لك وانا اخوك فر من الدير فرارك من الاسد
وترى الثلاثين الف تجيب لك ددسن او هايلوكس ماشية مع العالم واذا بغيت تبيع ما تخسرك واجد
ولو تدور جمس قطع عشرة مكيف تماتيك من 94 وفوق يؤدي الغرض ارخص بكثير
وان حدت تلقى بالمعارض ونيتات يابانية ابرك من الدير مثلاً : المازدا والمتسوبيشي
حنا والله ياخوي مثلك 2005 ونفسه كل يوم فيه خراب يعني مافيه شيء فيها ماصلحناه...
ابعد عنه ..
-MOHAMMAD-
22/08/2009, 05:03 AM
على كلامكم يا اخوان ما عندنا معايير جودة بتاتا مررررره وبقوه كثير اعرفهم راحو اوربا

وجابو منتجات صينية لاكن جودتها ماشاء الله عاليه كأنها ياباني او مقاربه لجودتها على الاقل؟؟

صراحة كل يوم اتعجب
الهوى الباقي
24/08/2009, 01:26 AM
بعد التحية انا معي دير موديل 2008 غمارتين لكن للأسف خيب ضني فية اذا مشيت علية فوق 120 سواء في الليل أوفي النهار وشغلت المكيف ترتفع الحرارة فوق النصف وإذا هديت تنزل الحراره على الربع وديته للوكالة وقالو نبي نفك البلف حق الحرارة قلت فكوة وماضبطت الحرارة سألت كم واحد معهم نفس الموتر قالوا نفس المشكلة وكذلك الفرامل ماتمسك زين نصيحة ابعد عنة وترتاح ..

اسف على الإطالة ...
ابو البر
25/06/2010, 01:13 AM
السياره ما عليها كلام ....لها معنا الحين فوق ثمان سنين
ولا عمرنا اشترينا قطع لها ونقول سياره دير / دايم نشتري قطع هايلكس.

بالمناسبه الآسم ما يضر .........هي هايلكس الآسم فقط متغير .

والحقيقه اشوف البعض يعير الصينيين او الهنود بصناعة السيارات.
مصنع كفرات ما عندنا ولا زلنا نكابر ونضحك على الدول الصناعيه والنوويه
........تحياتي .
dodge-ram
25/06/2010, 02:59 AM
لالالالالالالالالالالالالالالالالالالالالالالالالا لالالالالالالالالالالالالالالالالالالالالالالالالا لالالالالالالالالالالالالالالالالالالالالالالالالا لالالالالالالالالالالالالالالالالالالالالالالالالا لالالالالالالالالالالالالالالالالالالالالالالالالا لالالالالالالالالالالالا

لا تفكر بعد

كله خرابات و اصوات يعني سنه ما يكمل
قطب 999
25/06/2010, 11:31 PM
عض شليلك .