الي راح لسوق الخوبه يدخل ....

[تمياط]

بسم الله الرحمن الرحيم

السلام عليكم ورحمة الله وبركاته

انا ودي اروح الخوبه ان شاء الله السبوع الاول من رمضان

والي راح السنه ذي يقولي كم اسعار الشياهين ؟؟؟

ومتى يبدى الوقت تماما ومتى ينتهي ؟؟؟

ويقول كم اسعار الطيور كلها الي شاف؟؟؟

وشكرااااا
وكل عام وانتم بخير على قدوم شهر رمضان الكريم

[عوق الخريش]

بسم الله الرحمن الرحيم ,,
السلام عليكم ورحمة الله وبركاتة:
حيااك الله أخوي : عاصم الحربي ,,,
’’’ كل عاام وأنت بخير وصحة وسلامة ’’’
والله ياكحيلان مااعندي خبر عن سووق الخووبة وأتمناء يكون عندي علم أفيدك ,,,

تحياتني لكــ....وشكراّّ,,

أخوكـ

( عوق الخريش )

[النداوي712]

اخوي عاصم السلام عليكم
انا كنت فيه الخميس الي مضى واخذت المشوار وللأسف بس تعب
من ناحية الشياهين اذا انت تبي والله الاسعار نفس اسعار السوق الي في الرياض او اغلى شوي
ومن ناحية القطى فلجوز على 40 ريال وانا اشتريت منه
ومن ناحية القمري الجوز في 10 ريال
والسوق ما جاء فيه كثير مثل ماكنت ماخذ فكرة عنه الي جاء وكرى 4 وحدهم الواحد 3500 ريال وحوش فيهن 2 طيبات
وجاء شبات قليله من الشواهين وعلى 1700 ريال شبابيط ولا باعوا بالقيمه هذه
واخيرا المكان بعيد مره والطيرق غثيث والجوا حار موت ورطوبه والسكن شبه معدوم
والنصيحه لوجه الله لا ترووووووووووووووووووح وتعذب نفسك
وارجوا اني وضحت لك الصوره كامله
وطبعا هذا كله من وجهت نظري انا

[النداوي712]

والوقت من 5 الفجر بعد الصلاه مباشره الى الساعه 10 صباحا

[تمياط]

طيب فيه ناس تقول الشياهين رخيصه على 250 او 300 !!!!!!

[أبو_خالد]

طيب فيه ناس تقول الشياهين رخيصه على 250 او 300 !!!!!!


الكلام هذا غير صحيح

[تمياط]

اجل كم الاسعار الصحيحه يالغالي؟؟

[النداوي712]

الخوي الكلام الي قلته لك كله صحيح والله ماجاك الى الصحيح والي يقول 250 مع احرامي له انه غلطان

[لعّاب المنايا]

طيب فيه ناس تقول الشياهين رخيصه على 250 او 300 !!!!!!


عاصم هذاك من اول الاربع شيايهن بـ 800 ريال
وبكرتون يحطونهن وفاتحين للكرتون تنسيم هواء ,,,\
هالحين اسعارهم اسعار الرياض وغيره عرفوا الشغله وانا اخوك ...

[الهواوي 502]

عااصم... الطيوور هنااك زي قيمت سوق الريااض

تعاال سوق الرياض وامش من القصيم الساعه3 الفجر وتلقى شواهين طيبه ان شاءلله

والله يرزقك بالنادر

[راعي غضبان]

ماقصروا الشباب افادوك والشهر مبروك عليك وكل سنه وانت طيب

[راع الطيب]

طيب فيه ناس تقول الشياهين رخيصه على 250 او 300 !!!!!!

كانت الاسعار هااااذي موجوده بس قديمممممممممممم قبل سنين قبل ماينشهر سوق الخوبه
والا الان لاوالله اسعار فووووق مثل سوق الرياض والطايف

ونصيحه مني لك لاتشتري حيوانات من طيور وارانب لانها تموت ماتاخذ ايام الاوهي ميته اذا كنت ناوي تربيها بس اذا بتاكلها بنفس الوقت هاذا شي ثانيه

[سيف الظفير]

اذا سعر الشواهين بـ 1700 و اكثر اشتري من الرياض او من الصقاقير وارتاح من عناء السفر

[صاحب نوماس]

اذا تبي نصيحتي اسمع كلامي وكلام باقي اخوانك المكشاتيين لاتروح الاسعار نفس الشي تقريباً وان افرقت
افرقت 100 وإلا 50 ريال بعد

والله يوفقك

[مشبر البران]

والله ما عندي علم

[مولع الصيد]

أخوي عاصم الحربي
أولاً صدق اللي يقول رخيص وصدق اللي يقول غالي لأن السوق غير ثابت ..

بالنسبة لي أنا كنت بالسوق قبل اسبوعين
وبالنسبة للشياهين أنا لقيت خمس فروخ شياهين بـ 1500 ريال يعني الوحده بـ 300 وهذا سوم وهو يبي يبيع بـ 2000 ريال الجملة لكن ما تسوى ريال شكلهن جني عش ..
وحصلت شياهين وسط الوحده بحدود 1400 - 1600 ريال
ولقيت وكارى أقيامهن 1500 و2000 والوكارى فيهن طيب وفيهن ردي
ولقيت حبارى وسمان ووبران وونيص ولقيت نوع من أنواع النمور .. وثعابين ..

وصراحة السوق اللي بيتكسب وبياخذ كمية من الطيور والحيوانات يحصل المكسب أما اللي بيجني عصله ما هو محصل إلا المشوار ..
ولا تنسى ان السوق يوم اسبوع زين وثلاث أسابيع وسط ..
وإذا بغيت أي استفسار عطني رقم جوالك وأعطيك العلوم بالتفصيل ..

وللجميع فائق تقديري ،،،

[ابونايف الروقي]

السلام عليكم

بسال عن الارانب والوبران والقطا والحجل كم اسعاها وهل هي متوفره في السوق ؟

[مولع الصيد]

السلام عليكم

بسال عن الارانب والوبران والقطا والحجل كم اسعاها وهل هي متوفره في السوق ؟


الأرانب برية ما شفت شيء
الوبران الواحد بـ 100 ريال وصغار .. وبالنسبة للوفرة مالقيت إلا واحد يبيعهن وحاط اثنين في خيشه وثلاثه ثانيات في خيشه أخرى ويوم طالعت إلا واحد من الثلاث ميت لكنه صغير جداً وحادهن بـ 400 ريال الأربعة .
القطا والحجل ما شفت شيء

[ربع خالي]

السلام عليكم ورحمة الله وبركاته

حيالله أهل العلوم الغانمه , يا اخواني جزاكم الله خير علومكم عن اسعار الشواهين ضيعتبي والاكيد ان كلامكم صحيح ولكن انا ما استوعبت هذي الاسعار (((وبالنسبة للشياهين أنا لقيت خمس فروخ شياهين بـ 1500 ريال يعني الوحده بـ 300 وهذا سوم وهو يبي يبيع بـ 2000 ريال الجملة لكن ما تسوى ريال شكلهن جني عش ..
وحصلت شياهين وسط الوحده بحدود 1400 - 1600 ريال))) ,, يا الربع انتم تقصدون الشواهين اللي انا اعرفها والا غيرها ,,, أرجو الافاده والتوضيح ربي يسلمكم,,,
تحياتي للجميع

[مولع الصيد]

الشواهين الجبلية نقصد
وبالنسبة للخمسة كلهن تبوع
أما الثانيات اللي بـ 1400 - 1600 شياهين وسط لاهن اللي تقول ماورهن شف ولاهن اللي تراداها ..
وبالنسبة للأسعار كلن على كيفة تجي واحد يقولك هذي مسيومه 1400 وهي مسيومه بأقل وعدم معرفتهم للطيور هو اللي خلاهم يطلعون اللي ما يسوى وينزلون اللي يسوى ..
لأني لقيت نوع من العقبان قلت له هذا وش يالشاطر قال صقر جبلي هههههههههههه
وهناك يبعون جميع انواع الطيور الجارحة والناس شرايه وهذا اللي خلاه يختلط الحابل بالنابل
تصدق لقيت واحد يبيع طير البومه ههههههههه والأكبر من ذلك أن واحد شراه ويتفاخر به هههههههههههه

أقول لا رحت هناك تشوف الهوائل ..لكن ما تستاهل أحد يتعنالها
اما بالنسبة اللي قريب أو رايح يتمشى من الأساس لجبال الجنوب فالأفضل أن يمر ويستطلع ..

[ربع خالي]

مولع الصيد:: جزاك الله الف خير وبيض الله وجهك , ماقصرت يا أخوي,,
ولي طلب يالربع , اللي عنده صور للشواهين اللي يقصدهن اخوي مولع الصيد , ينزلهن في موضوع مستقل ويكون بالصور وتحديد السعر التقريبي لكل حجم من هذي الشواهين , للمعرفه وأنا أول واحد بيستفيد من هذي المعلومه الجديده علي ,,,,
تقبل مروري
تحياتي

[فيصل الدشاش]

يفديونك الاخوان

[yasser1389]

انا كنت اجيها من قبل 7 سنوات وكنت اشري جمله الشيهانه بخمسمائة ريال وهالحين تعلم ابو يمن اول ما يهرج يقول 2000 ريال لو على شبط

[حامد الحنيني]

الله يعينك كيف بعدين الشياهين ماتمسكهى ب3000 ريال الاسعار فوق فوق...

[تمياط]

مشكورين وماااااقصرتم جزاكم الله خير وشكرااااااااااا