دعوه للشعراء المشاركه واختيار اجمل بيت في الوصف للطير [الأرشيف]

مشاهدة النسخة كاملة : دعوه للشعراء المشاركه واختيار اجمل بيت في الوصف للطير

فهد الهلالي

19/08/2009, 02:38 PM

السلام عليكم ورحمه الله وبركاته
اخواني الافاضل
معنا في خيمه القصايد المكشاتيه نخبه من الشعراء الشباب الجيدين والمتميزين في كتابة القصايد المكشاتيه
فالمطلوب من كل شاعر ان يكتب ثلاثه ابيات او اكثر في وصف الطيرفقط شرط بان يكون جديد حتى ولو اختلفت القافيه
كما امل من الشعراء المشاركين تسجيل حضورهم وعدم نقل اي بيت من قصيده سابقه او منقوله
وينظر بعد ذلك الى اجمل بيت في الوصف للطير وسوف يتم تثبيته
ارجوا من الجميع التفاعل
والله يحفظكم

مـاجـد الحـمـيـد

19/08/2009, 03:13 PM

مشرفنا العزيز / /

هذا الشغل ولا بلاش . . بادره طيبه . . خصوصا ان هذه الخيمه تضم نخبه . . من الشعراء المتمكنين

اتمنى ان يسمح وقتي للمشاركه

بالتوفيق للجميع . . / /

فهد الهلالي

19/08/2009, 06:09 PM

هلا بك اخوي ماجد والله يسعد اوقاتك بالمسرات
لاشك بان هناك نخبه طيبه يعشقون الحرف والكلمه
نتمنى التفاعل وننتظر البدايه من احد الشعراء
او من عندك ياخوي ماجد الحميد
وفق الله الجميع
تحياتي

صقار الأسياح

19/08/2009, 09:19 PM

يا مشرف الخيمه نلبي نداكا == تبي تواصيف الطيور الجميله

شفي على التكيه بليا حراكا == ما هو بجير من الطيور الأصيله

عليه طولان الشوارب تباكا== ما يقدره راع الفلوس القليله

وسلامتكم واطلب من الأخوان ان كلن يحيب على كيفه إلا الأخ شقران على ابياتي

يوسف الخليفة1

19/08/2009, 10:02 PM

بارك الله فيك أخي الفاضل الشيخ مسكين والشكر الجزيل وصح لسانك صقار الأسياح وحياك ربي

فهد الهلالي

20/08/2009, 12:42 AM

صح السانك اخوي صقار الاسياح واشكرك على تفاعلك مع هذا الموضوع
ابيات جميله وفقك الله
تقبل تحياتي

فهد الهلالي

20/08/2009, 12:46 AM

بارك الله فيك أخي الفاضل الشيخ مسكين والشكر الجزيل وصح لسانك صقار الأسياح وحياك ربي

بارك الله فيك ياخي يوسف الخليفه تواجدك معنا مصدر فخرنا
نطمع في مشاركاتك بهذا الخصوص
فانت قلم لايجف ابداعه
تقبل تحياتي

أبو فهد العيد

20/08/2009, 05:37 AM

فهد الهلالي

20/08/2009, 12:14 PM

كلن على بدعه يوصف غرامه

..........................وكلن على ليلاه يبدع قوافيـــه
وجدي على الي شبـّـكو له حمامه
......................حر ٍ عليه شدود فارس تـــــحـلــّيه
أشعل غتر كنه سحاب الغـمـــامه
......................اليا اسطعت شمس المغيب بمواميه
ستة طعش طوله جليله عظامه

.....................والعرض زايد نص هذي مــحــاريــه

صح السانك اخوي ابو فهد العيد
وبيض الله وجهك على هذه الابيات الجميله
لقد رسمت لوحه شعريه في وصفك للطير
ياليت اكملتها بيتين فقد شديتني بهذ الوصف الرائع
ال شكر والف تحيه
(رائع يا رائع)

جـرح الشمـال

20/08/2009, 01:24 PM

مشكورين على الفكرة وصح لسان الجميع

صدوق المخاييل

20/08/2009, 01:27 PM

السلام عليكم ورحمه الله وبركاته

اولاً أشكر مشرفنا الغالي.. على هذا الطرح المميز..
ويشرفني أن اشارك أخواني بأول مشاركة لي وأتمنى أن تستحسن رضاهم .

أنا هوى بالي عديم الوصايف = حراً غريب وكايدات مواريه
طرح الشبك ماقلبه كل حايف = هو منوه اللي للمعازيب يهديه
أشقر قصير كراع صافي وكايف = كاشف ولون الراس كالزبد احليه
راع الولع لاشاف هاك القحايف = يشوش راسه وتصافق طواريه
من شافه بعينه يناديه (نايف ) = حيثه شبيه لسيدي بكل مافيه
ساطي وشجيع ومعتلي بالنوايف = سيف يهابه كل منهو طمع فيه
قلته وانا ماني من اللي يضايف = اللي يهين النفس من شان يعطيه
والعذر مني للرجال العرايف = أن كان شفتو في كلامي مشاريه

جرير

23/08/2009, 11:36 AM

صدوق المخاييل

صح لسانك
روعه توصيف جميل
وتسلسل شعري مميز
وينك يارجل يجي منك الكثير
فلا تحرمنا

ذراع الذيب

23/08/2009, 08:31 PM

السلام عليكم ورحمة الله وبركاته
مسيتم بالخير جميع,,
والله يعطيك العافيه ويبارك فيك يالشيخ مسكين,,
على الموضوع الطيب واشاركم بقصيده للشاعر حمود الرويعي وهي من افضل القصايد,,
,في وصف الطير والبركه فيكم ان شالله ,
ياطير ريشك زان عن ريشك العام
وامن المواري فيك عشرين شاره
وراعيك من كثر الهواجيس مانام
مخنوق من جو البلد والحضاره
القيض خلاني من البيت لزام
ولاني من هوات السفر والتجاره
تجارتي شوفك مع ربع احشام
في خايع عشب البسيطه خضاره
بأول دخول الوسم والغيث مرزام
والليل زاد بحسبته عن نهاره
وكلٍ بقلبه علم والرب علام
وراعي الولع فكره على الطير داره
لاصرت ياطير السعد وافي ٍ تام
ولاصار صقارك يعرف الصقاره
طيرٍ عليه الوصف للصيد جزام
هو غاية اللي عاشقين النداره
جثل المناكب والنحر منه قدام
افهق جناحينه خذت بالصداره
هبرٍ مجسه مايجي ريش وعظام
يفرق على وصف الطيور بجداره
ومفرع بياض الراس قطعه من الخام
واللي بقى خالط حماره شقاره
يقصر من الشبرين من رؤس الاقدام
وعرضه غلب طوله بزين ومهاره
واكفوفه الحرشا على الوكر تنظام
وألا استدار ..الوكر ضيق مداره
بوزه عريض ومنخره مبرم ابرام
طلق الحجاج وعين مثل الشراره
عاري خفيف الريش ضاري وضرغام
اجرد وفيه من الدقوق بغزاره
إليا نطحته كنه الغيم لا هام
وإليا قفيته شفت نيران واره
مشددٍ يلفت نظر كل سوام
ودق بشليله مثل جمر الزقاره
من عاتقه تلقاه متزين وزام
كنه يشخصها بوسط الزباره
وله صيادٍ لا من ضرب مدمي وسام
مثل الرصاص اللي مضبط عياره
افحج مسرول هجر ملموم مقدام
من وين ماجيته صخاه ووقاره
ولا قيل تلاب ٍ ولا قيل ردام
معاودي صاملٍ في طياره
العام فرخ وهالسنه بكر عزام
مثل الشجاع اللي براسه نعاره
يستاهل التقدير مني والآكرام
لأنه خوي الدرب وقت المناره
ما جاني من الترك وإلا من الشام
عطية الدبوس رجل النماره
يسلم ولد سلمان من شر الايام
واللي بعد بالطير ساق البشاره
اعذرونا على الاطاله

عوق الخريش

24/08/2009, 12:51 AM

بسم الله الرحمن الرحيم ,,,
السلام عليكم ورحمة الله وبركاتة:
حيااك الله اخوي ومشرفنا الغالي : الشيخ مسكين ,,
كل عااام وأنت بخير طااال عمرك ,,,
يعطيك العافية والله يبيض وجهك ياكحيلان على الموضوع المميز المتألق ......لآهنتــــ,,,
موضوع صرااحة يستحق المشااركة ولآكن والله مدري ويش اعطيكم طاال عمرك ,,
وأخواني الشعراء ماشاء الله عليهم ماخلولي مجاال ولاوصف ,,
ولآكن عندي أبياات من قصيدة وحبيت أشارك فيهااا,,

واليوم أباصف طير يقل شروااة
ببيوت دام القاف عجل مسيرة

أباصفة لوكنت فى الوصف مجزاه
كامل كمال الزين والله يجيرة

نواف من سمها ياكيف سماه
نادرعلية ألوصف صقرالجزيرة

لآشفت زولة جالسٍ فوق مركاه
كنة زعيم القوم فوق العشيرة

اغتر نحرمن فرة العنق لدناه
وزود الغتار أخضاب حنا يحيرة

ولا الظهر من لهبة النار تشعاه
كنة علية البشت يسبل حريرة

أمطرزٍ سبل الغطاوي على أجواة
ولآ الذهب كنة يخالط نجيرة

صافي عمد ريشة من أعلاة لقصااة
ودق المواسي كملت لة نظيرة

والراس كن أبصافي الزبد غطاه
والعنق كنة عنق ريم الوعيرة

أقحوف عينة فية الغار غماة
عين العديم اللى عيونة شريرة

بارز نحر زورة من العرض واساة
من منسرة لى معلفة مع نحيرة

متفهق الجنحان من عرض ثنداة
ولاالمناكب شامراتٍ تعيرة

شبرين من بوزة ألى كف ماطاه
وشبرين لالم الجناحين غيرة

هجرٍ قصير الساق والريش يكساة
افجح أمسرول والمخالب شطيرة

وسلامتكم الى أخر القصيدة ,,,

\

وآعذروني على القصور

تحياتي لكـ.....وشكراّ,,

أخوكـ

(عوق الخريش)

فهد الهلالي

24/08/2009, 02:20 AM

السلام عليكم ورحمة الله وبركاته

مسيتم بالخير جميع,,
والله يعطيك العافيه ويبارك فيك يالشيخ مسكين,,
على الموضوع الطيب واشاركم بقصيده للشاعر حمود الرويعي وهي من افضل القصايد,,
,في وصف الطير والبركه فيكم ان شالله ,
ياطير ريشك زان عن ريشك العام
وامن المواري فيك عشرين شاره
وراعيك من كثر الهواجيس مانام
مخنوق من جو البلد والحضاره
القيض خلاني من البيت لزام
ولاني من هوات السفر والتجاره
تجارتي شوفك مع ربع احشام
في خايع عشب البسيطه خضاره
بأول دخول الوسم والغيث مرزام
والليل زاد بحسبته عن نهاره
وكلٍ بقلبه علم والرب علام
وراعي الولع فكره على الطير داره
لاصرت ياطير السعد وافي ٍ تام
ولاصار صقارك يعرف الصقاره
طيرٍ عليه الوصف للصيد جزام
هو غاية اللي عاشقين النداره
جثل المناكب والنحر منه قدام
افهق جناحينه خذت بالصداره
هبرٍ مجسه مايجي ريش وعظام
يفرق على وصف الطيور بجداره
ومفرع بياض الراس قطعه من الخام
واللي بقى خالط حماره شقاره
يقصر من الشبرين من رؤس الاقدام
وعرضه غلب طوله بزين ومهاره
واكفوفه الحرشا على الوكر تنظام
وألا استدار ..الوكر ضيق مداره
بوزه عريض ومنخره مبرم ابرام
طلق الحجاج وعين مثل الشراره
عاري خفيف الريش ضاري وضرغام
اجرد وفيه من الدقوق بغزاره
إليا نطحته كنه الغيم لا هام
وإليا قفيته شفت نيران واره
مشددٍ يلفت نظر كل سوام
ودق بشليله مثل جمر الزقاره
من عاتقه تلقاه متزين وزام
كنه يشخصها بوسط الزباره
وله صيادٍ لا من ضرب مدمي وسام
مثل الرصاص اللي مضبط عياره
افحج مسرول هجر ملموم مقدام
من وين ماجيته صخاه ووقاره
ولا قيل تلاب ٍ ولا قيل ردام
معاودي صاملٍ في طياره
العام فرخ وهالسنه بكر عزام
مثل الشجاع اللي براسه نعاره
يستاهل التقدير مني والآكرام
لأنه خوي الدرب وقت المناره
ما جاني من الترك وإلا من الشام
عطية الدبوس رجل النماره
يسلم ولد سلمان من شر الايام
واللي بعد بالطير ساق البشاره

اعذرونا على الاطاله

هلا وغلا في اخي العزيز ذراع الذيب
والله يعطيك العافيه على نقل هذه القصيده الجزله للشاعر حمود الرويعي
فصح السانك وصح السان الشاعرحمود
والحمد لله على توفيقه حيث ان هذه الخيمه فبها شعار كبار يتجاوبن في ابداعتهم في كتابه الشعر حيث ان الحرف لايجد معوقات في اختياره لجمال الكلمه بارك الله فيهم
وهم من هواة وعشاق القنص بالطيورمما سهل الوصف في قصايدهم
كذلك معنا منهم يتذوقون الكلمه والقصيده الجزله والطيبه لعشقهم لهذا اللون من القصيد فهذا يدل على سعة ادراكهم وحسن اختيارهم
صح السانك اخوي ذراع الذيب وتسلم على هذه المنقوله الرائعه وننتظر منك المزيد
تقبل تحياتي

أبو رداد

30/08/2009, 02:59 AM

فكره طيبه ........ سلمت أيدك ياطيب
ليتني شاعر .... الطير الي في توقيعك يستاهل قصيده هههههههه
صح لسان الشعراء .... وفي أنتظار باقي الاخوان

راع الولع

30/08/2009, 11:07 AM

يامل قلب دق به كل طاري

طواريٍ باقصى الضماير تتله

وشفق على شوف الفضا والبراري

لا صار معه مشببٍ مسند له

خطو أبلج لملاقف الصيد ضاري

جدع الضريبة بالسهم عادةٍ له

قرم بوجهه للمروه شواري

رايه سديد وكل درب يدله

ماهو حضيبي مزاجه تجاري

ليا عقدت الراي عود يفله

أول نهارك يعجبك ما أنت داري

مار البلا تالي نهارك تمله

أبا امدح الطيب ولاني مداري

واللاش لا خايف ولا حاسب له

الفرق باللي ياصلون المحاري

وإلا الردي شرهات مثلي تزله

أبي خويٍ ضاريٍ بالمساري

ماهو مهينٍ يرقد الليل كله

ومعنا قطامي يصيد الحباري

لحّاق لاكوبر له الخرب شله

خطو اشقر جثل من الريش عاري

افحج مخاليبه سوات الاهلة

به دق ريش مثل دق الخزاري

مهدف ورا مناكبة متقلة

منخر وبوز فيه عدة مواري

يحتار به راع النظر لا فطن له

مهوب كفاخ طفوق زعاري

طلعه حقاق ان شافهن ساوقن له

لا شافهن متطاولات المذاري

عقد وحق الطلع والسير تلة

يحول اللي طار منهن اجباري

ذباح للي يوم هد سجدن له

يازين طلعه بالضحى والعصاري

لامن خشنات الغلب خيشن له

هذيك والله منوتي واختياري

لو كل من يطلب لزوم حصل له

لو ان حظي مع مزاجي يباري

سجلت له صفحة وفا بالمجلة

ما لي هدف بالسوق بايع وشاري

قلبي ذعاذيع الهوا ولعة له

انا غرامي مع فجوج الصحاري

وشوف الرجوم النايفات المطلة

لا شفت بالريضان نقع وخباري

راح الزعل والبسط حل بمحله

بارض بها للصيد عينه واثاري

فيه القطا تلقى فروقه محله

مهامل تردم شجرها الذواري

نبي لنا فيها وناسة وفلة

يازين شبة نارنا بالغداري

والكيف ابو صالح جلس وارتجلّه

والما مفوح في نظيف الغضاري

وصفر يجاذبهن على جال ملة

وصاحب لهن تقول ماخذ حذاري

وفنجالهن يجلى عن الكبد علّة

واللي على مثلي من الناس زاري

لاسامع قوله ولا مصغي له

وافخر بحبي للصقارة واماري

ورزقي على اللي كون الكونكله

مشاركة مع اخواني
وهي للشاعرالكبير/بدرالحويفي من يمتاز بوصف الطير

صدوق المخاييل

30/08/2009, 09:34 PM

يامرحبا بالي يجيب الجزيله== ترحيبتن تشفي النفوس وكدرها
حطيت من بين القصايدنفيله==من واحدن صم القوافي صخرها
انااشهدانك يالحويفي دليله==لاعمست الاارييا وضاعت بصرها
غطاس لجات البحورالطويله==غياهبن تنقى شرايد ادررهها
والقول دون الفعل ماله ذبيله==يقطعك يارجلن احباله قصرها000000

بيض الله وجهك اخوي راع الولع
عزالله انك تعرف اتجيب القصيد مشكور يالحصان0

رقاب الضرابين

31/08/2009, 03:22 PM

السلام عليكم ورحمة الله وبركاته
هذه مشاركتي كتبتها في نصف ساعه على عجاله عساها تعجبكم

الطير لاصار اللحم كل جله = وزنه ثقيل ويتعب الناس شيله
مبروم برم ويعجب العين كله = مثل الزبد راسه تعلى مسيله
وعين العديم الي فقد غالين له=وراعيه ما دور بغيره بديله
منسره سيفٍ من جرابه تسله=والاالظهر برق ٍرسى من مخيله
متفهج الجنحان ما فيه عله = اللون الابيض غالبٍ في شليله
سوه على الخرب المذير يشله=سبق وشجاعه نادر ٍ كل جيله

راع الولع

01/09/2009, 02:27 PM

اخوي العزيز صدوق المخاييل
بيض اللة وجهك ولا عليك زود يالنشمي

شَعَّـاااال

02/09/2009, 04:07 AM

علومكم طيبه

لا هنت اخوي الشيخ مسكين على هالموضوع الطيب

ولي باذن الله عوده

تحيآتي

@قرناص@

02/09/2009, 10:22 AM

ليتني شاعر لآبدعـت في وصف الطير ،،

وصح لسان الجمييع ،،

ولآهـنت على الموضوع الطيب والطير يستاهل اكـث ر ،،

فهد الميموني

02/09/2009, 02:06 PM

قصيده خارج التحدي
في احد الرحلات ماحالفنا الحظ بشي ومما يبدوا انه ماكان فيه عبور على الشرقيه في ذالك الاسبوع وكان اخوي ابومعيض المري قانص نفس المنطقه وكذالك ماحصل شي هوا وربعه من ضيقة الصدر ارسلت له البيتين الأولات بس... وارسلي يدعي علي ويتشره وبعدين كملت القصيده وارسلتها مرره ثانيه وكنه رضي علي وطاب خاطره والابيات طلعت من ضيقت الصدر وقلت الحيله فقط لاغير يعني صدفه .....

يــارب ارزق علــــي خـربن"مـلكع******** من عــــقب فـرخ الـجيــــر خارم
نصف الغلب طـــايح وظهره مرقع******** اسرع من الكدري لياجاك عـازم
زعل علي الرجال::mad:
واخـــذ عن اللــي بزينــــــه مـطبع********* مـايلـتفت للـــوح لصـيـــــد لازم
وشخصت بالدربيل وللـريق تجرع********* يامنتهى شكواي والطير جــازم
وجيته على خربنً من الراس يجرع******** لافــاده طياره لياصـــار هـــــازم

:D وسلامكم :p

سالم غانم

04/09/2009, 05:00 AM

للطير يالصقار بالريش مغواة **** والجاهل الي باكثر الريش مفتون
للحر والشبوط ماكر ومجناة **** والفرق بالافعال لو هم يطيرون ...

عاشق الوكار

05/09/2009, 05:41 AM

فهد الهلالي

05/09/2009, 09:15 AM

السلام عليكم
مساكم الله بالخير
موضوع رائع وصحيح وتستاهل يالشيخ مسكين

عشر انجوم على هذا الموضوع
واحب ان اقدم لكم ابيات لضيعة طيرن لي

ياطير يالي فالسماء تعلي الحوم
سلم على طيرنا اللي فقدناه
طيرن فريد النوع وغالي السوم
يالله رجع لنا حبيبن فرقناه
دمعتي نزلت على خدي اليوم
لجل عزيـــزن عدمـنـــاه

وسلامتكم

ارجو ان الابيات نالت اعجابكم

صح السانك اخوي عاشق الوكار
لاشك بانها قصيده معبره والله يعوضك خير منه ان شاءالله
القصيده طيبه
ولكن قد يكون ضعف الاملاء لم ياتي بها بالوجه الصحيح او كما ينبغي
حيث احدث بها كسور
محاوله طييبه وانطلاقه موفقه مع الكتابه والاستمرار ستكون الافضل باذن الله
تقبل تحياتي

عاشق الوكار

06/09/2009, 04:44 AM

فهد الهلالي

06/09/2009, 05:02 AM

السلام عليكم

شكرا على توضيحك
لي بيتين نصح اقول فيه

ياللي شريت وضاح لاتستعيبه =اسئلة واسأل عن طـيـبـه
هذا طيرن عزيزن وانا خبريبه =يوم يصيدالخرب ويجيبه

وسلامتكم

تقبل مروري
http://www.mekshat.com/pix/upload/sign/images/mk121446.gif

صح السانك اخوي عاشق الوكار قصيده حلوه كمضمون للتعبير
اما بالنسبه للوزن يحتاج لها تعديل
كما امل ان لاتجعل صدر البيت وعجزه على قافيه وحده مثل لاتستعيبه00طيبه-----خابرينه
يجب ان يكون الصدر قافيه ---والعجز قافيه اخرى
واحب ان اقول لك انت مشروع شاعر قادم بس تحتاج الى القراءه للقصايد اكثر
وتكثر من الكتابات حت و ولم تكون ذو وزن جيد مع الممارسه ستكون على افضل حال مع الاحتفاظ في كتاباتك
وبعد فتره تجد الفرق بين القديم والجديد
واناء في خدمتك عن اي استفسار على الخاص او العام
اتمنى لك التوفيق والله يحفظك

طهطام

06/09/2009, 03:12 PM

يابو وليد القلب كثرت طواريه000 باهت شبوحه بين هذي وذيه
دايم مع اهل مجيرمه في مساريه00 بالمملحه ولا ورا الخالديه
في حروة اللي ناصلات(ن)ثناديه0 هميلع(ن)من ندر(ن)صيرميه
لاطار مقفي كن لمعة مواسيه00 برق(ن)كشح بالمزنه العقربيه
واليانطحته كن سطعة خوافيه00 بدر الدجى بالليله الخرمسيه
والراس الابيض جل رب مسويه0 مثل الزبيدي بالفياض العذيه
من قصايدي القديمه وسامحنا عن القصورياشيخ مسكين:j

عاشق الوكار

06/09/2009, 08:49 PM

مشكور يا الشيخ مسكين موضوع ممتاز ونصح ممتاز

http://www.mekshat.com/pix/upload/sign/images/mk121446.gif