يالنشما ياربع مكشات ياهل البنادق افيدوني؟؟ ضروري

[الصيد ولعه]

يالربع لا هنتو انا اببي بندق زينه والله اني احترت والبيكال فيها عيوب واجد سمعت عنها وكم حدود البيلجيكيه ام خمس طبعن وشراييكم انت بالبلجيك عطوني ارائكم تكفون يالنشاما مطلوبين:(

[كنق صيد]

والله يا خوي انا مثلك سمعت ان البيكال فيها بعض المشاكل

من حيث التشوك والزم بس البلجيكية ماعندي عنها خبر

بس ان شاء الله الاخوان ما يقصرون معك وراح يفيدووونك ان شاء الله

[قناص خلاوي]

البيكال زينة وتقوم باللازم خصوصا اذا جنبت الفشق اللي ضغطه عالي

البلجيك ماهيب واحد فيه انواع اسعارها بحدود 4000
وفيه بلجيك يتعدى الـ 10000

واذا كانت دراهمك واجدة نصيحتي لا تتعدى الاكستريما2 ، او ، البانلي سوبر بلاك ايقل 2

[abadi]

البيكال عندي وحده توني شاريه و رميت فيها اكثر من 200 فشقه ممتازه بس للي يعرف للشوك ام بلجيكي ممتازه في كل نواحي وزي مقالو اخوي الاكستريما2 ، او ، البانلي سوبر بلاك ايقل 2 ماعليه كلم ارقد وامن

[ابو زمه]

اخوووي البيكال لا تدوور غيررره طع شوري البيكال لك وللزمن

ومن ناحية مشاكلها ولله ياخووي ما عمري شفت احد يسبه اخووي البلجيك مافي مثله ابد ولكن اكثر الي تحصلهن اللحين مواصيرهن من باكستاان ولا تركيا ترهيم او حقاات ام وحده لان اي بلجيك تخش تنشرا وتوخذ ماصورته وتنبااع تبي رايي لا تدور غيير البيكاال ومن غير مدح انا قبل معي سوبر ايطالي وفي واحد معه بيكال ونطلع للقوقسي ورمي باروده احسن من بارروودي


اخووي خذ نصيحه بريداوي ولا تاخذ نصيحه هاوي

[كنق صيد]

اخوي ابو زمه ما دامك تنصح با البيكال

هل فيه حل لتشوك لان اللي يخليني اصرف النظر عنها المشكله هاذي

والاخوان في مكشات يحذروون من التشوك 660 وينصحون با التشوك690

بس 690 ما يوجد فما هو الحل برايك

نبي ناخذ نصيحتك يا البريداوي ونترك نصيحه الهاوي

تحيااااااتي لك

[ابوسعودد]

الله يكتب لك مافيه خير