المساعد الشخصي الرقمي

مشاهدة النسخة كاملة : لاصرت امخير بين هدد احبارى ولا طرح فرخ شاهين؟؟؟؟؟؟؟؟


فارس قطر1
20/08/2009, 12:15 PM
قصة حصلت لي سنة 1998م كنت على وشك السفر للمقناص في العراق وقبل السفر بيوم شريت جرناس شاهين شروط سبق وصايد ، وصدفة جاني تيلفون احد الاصدقاء لاقي احبارى ولكن اطير من بعيد وضيعونها ويلقونها المهم طلبني الرجال اني انا الي اهد عليها ويستعجلني بسبب كثرة القوانيص في القاع ، وانا بتجاهي له اتصل بي صديق واخ عزيز وقال عندي فرخ شاهين وحش اسعفني بحمامة ماعندي وقال ماعندي حمامة ولا اشبكة وحضضني الطير ؟ ، والمشكلة اتجاة الحبارى عكس اتجاة الطير الوحش ،، ويش الي صار اتوقعون ؟؟؟؟
الجذع المتحرك
20/08/2009, 12:23 PM
اتوقع انك تروح للي عنده الشيهانه والحباري يجيب الله غيرها
garah
20/08/2009, 12:24 PM
ماشاالله يافارس قطر
حظك طيب وان شاله دووم
انا اتوقع والعلم عند الله
انك انت طلبت لفزعتين طلبت تهد على حبارى
وطلبت فزعه تشبك فرخ شيهان
والي اتوقعه انا انك تركة الفرخ ورحت وهديت على الحبارى
بس بشر عساك صايد هههههههههه
هماش
20/08/2009, 12:36 PM
هقوتي ان الحبارى اقرب من الطير
الظاهر انك هديت ماشبكت
مشبر البران
20/08/2009, 12:49 PM
اتوقع انك خليت الحبارى ورحت للطير
جـرح الشمـال
20/08/2009, 12:52 PM
اتوقع انك ارسلت الجرناس مع واحد من الربع وهد على الحبارى
وانت رحت وشبكة الطير
وطرحت الثنتين
راعي سنار
20/08/2009, 12:59 PM
اتوقع انك طرحت الثنتين:good:
صقار الأسياح
20/08/2009, 01:00 PM
اتوقع رجعت تبي تشبك الشاهيين وراحت ليكم وخسرت الثنتين
الفيتو
20/08/2009, 01:21 PM
بسم الله الرحمن الرحيم
السلام عليكم ورحمة الله وبركاته
مساء الخير ياخوي / فارس قطر1

ماشاء الله تبارك الرحمن , مادام مؤشرات حظك طيبه
اتوقع هقوة اخونا البرفسور . ولو اني خيرت بين الثنتين
ماجنبت عن فرخ الشياهين ...
*
والسلام
الفيتو
الحجاز
29/8/1430هـ
ابو امنه
20/08/2009, 02:21 PM
اتوقع انك رحت لفرخ الشاهين
موفق خير يالغالي
طير. شلوى
20/08/2009, 02:21 PM
والله اني اتوقع يافارس قطر1 انك صايدهم ثنينهم لنك حضك حلو
فارس قطر1
20/08/2009, 02:24 PM
مشكورين على المشاركة >>
الواقع ياخواني اني فضلت الحبارى على الفرخ والي جاعلة اني باكر بطلع للعراق وبي اجرب طيري وللعلم انه في ذلك الوقت ما معي اشبكة بس كلمت واحد من الربع يروح لخوينا ويوديلة اشبكة وانا رحت للحبارى وللاسف مالقيناها ضاعت ، ورجعت حق خويي راعي الفرخ وبشركم انه صادة واول ماجيتهم لقيتهم امهدينة وجاني ركض ويحطة بكرسي السيارة الي ورا ويقول الله الي جابة لك حق مقناصك بالعراق ، حلفت علية وطلقت مايجيني ، والحمدلله الطير دخلناه على ولي عهد قطر ويرد عنه 70 الف ريال للرجال والله يرزقة ويرزق الجميع انشالله
جو الشيخ
20/08/2009, 02:41 PM
الله يعينك ذيك اللحظه بأخذ القرار
اما الفرخه او الحبارى
بس بشر عن القرناسه اللي ضحيت بالفرخه عشانها
عساها بيضه الوجه بمقناص العراق
ابوفارس 5350
20/08/2009, 06:01 PM
لوني في مكانك اخترت الشاهين ههههههه
والحباري ممدي عليها انت رايح العراق تبي تعين حباري واجد
والطير صدفه ممكن ما تكرر لك
عزيز2100
20/08/2009, 09:32 PM
يعطيك العافية على المواضيع الرائعة
راعي غضبان
20/08/2009, 10:51 PM
لوني محلك بروح للحبارى عشان تجرد الشاهين وتصيد لاجيت العراق لينها والمه الشاهين لاقيها رجال ولاهي لك للرجال الي لقها كان تبي تفزعله بحمام علشانه اندبك ماعنده شبكه ولا حمامه هذه مرجله منك والا الحبارى اولا وين وانا في السعوديه بلقاء حبارى ماتعوض وبالنسبه لي انا والله افضلها وهي الحبارى على جميع الطيور واتوقع انك بتروح للحبارى وان امداك على خويك بتجيبله حمام وشبك والا كلم احد اخوانك ولد عمك يوديله حمام وانتهت المشكله وتصيدون الثنتين والف شكر لك والله يرزققك هذه السنه بالحباري والفرخه البحريه السوداء الوافيه 16 وزياده والله يرزققك من عنده وتقبل مروررررررررررري
shaheen70
21/08/2009, 01:41 AM
والله الشاهين أحسن والحباري متلاحقين
ذيب السدرية
21/08/2009, 08:01 AM
لو انك متأخر بالاجابه كان قلتها عنك لأنك عطيت الرجال اللي طلبك للحبارى كلمة انك بتجيه والرجال لايمكن يتراجع عن كلمته الاولى الا اذا حداه الموت في بطن الحوت
محمد الفهيد
23/08/2009, 12:50 PM
يامرحبا ياراعي قطر

وللأسف جاوبتنا
وانا بيني وبينك كنت بقول الله يستر عليك من القلبه والسرعه
والحمدالله انا كنت بسوي نفس الشي بطرش واحد يرسل الحمامه
وبلحق اجرب مهد طيري على الحبارى

وتستاهل الطير وياغالي ورايتك بيضا
قنيص غير
15/04/2010, 11:58 AM
يعطيك العافية على المواضيع الرائعة