موقف طريف بالعراق >>>>>

[فارس قطر1]

سنة 1997 حصل لي موقف طريف بالعراق جاتنا رخصة القنص للعراق فجأه وانا كنت ماني مستعد فعتذرت للربع ، وصمم صاحب الحملة اني اطلع معاهم ووعدته اني بع اسبوع بجيهم وفعلا ذيك الايام كان العراق امااان المهم بعد اسبوع عقدت النية وشلت معي اطيوري فرخ حر منغولي وحش وفرخ شاهين وجرناس شاهين بيتي وطلعت من قطر الساعة 3 العصر ومع اذان الفجر انا كنت بالحديثة ومع طلوع الشمس الا وانا في الرويشد ريحت اشوي عند احد الاصدقاء في الرويشد والعصر دخلت العراق ، طبعا ما كان في اتصالات مع الربع بس كان الوعد في النخيب ، تبون الصدق انا سبقت الوعد بيوم كان موعدي معاهم الاربعاء في محطة بترول النخيب ولكن انا قضيت شغلي بدري وسبقت الوقت المهم دخلت ووصلت المحطة قريب المغرب وسالت العامل في المحطة وقال ماجاني اي خليجي ، جاني الليل وانا الحالي ، قلت مالي الا اطلع على طريق كربلا كم كيلو وطفي الانوار ومشي مسافة ومسي والصباح رباح // وفعلا مشيت حدود 30 كيلو وطفيت انوار السيارة وهزعت ايمين الشارع مشيت تقريبا 2كيلو ونزلت بين احزوم وفجاة شفت قرية صغيرة او بيوت او شي ماعرفتة قلت اقرب عليهم وشوف تتوقعون من طلع ــ عزبة ربعي الي انا عانيلهم نزلت عليهم ولا هم يصلون العشا // على العلم انهم ليومنا هذا مهب مصدقين اني لقيتهم صدفة ، وانا العالم الله اني ادور المزبن لين الصبح بس ربك الهادي ، والحمدلله قنصنا وهدينا وصدنا وضيعنا نص الطيور 0 بس رحلة من رحلات العمر

[عاشق الخرج]

صدفه خير من الف ميعاد

الحمدلله على السلامه ويالله العقلان

[طير. شلوى]

صح لسانك ههههههههه

[راعي غضبان]

وعليك السلام وصدفه فعلا حير من الف ميعاد والنيه زينه وحولت على ربعك والف مبروك الصيد والله يعوض عليكم الطيور الي غدت والف شكر لك

[ابو امنه]

الحمد لله على السلامه فعلا صدفه خير من الف ميعاد
موفق خير يالغالي

[مشبر البران]

زي ما قالوا الأخوان
صدفة خير من الف ميعاد

[نواف نجد]

صدفه خير من الف ميعاد

الحمد لله على السلامه

[__ابوهلا__]

الحمدلله على السلامه
بس بغير شي
صدفه اخير من مليووووون ميعاد

[عكشات]

الله يعطيك العافيه على الطرح الجميل
بصراحه تبقى ذكرا خالده

[hawwamT]

دايم التوافيق في السفر من الله ..والنكادة والغربلة من عيون الناس...
موقف طريف فعلا..ولا يعرفه الا اللي مر فيه...شكرا الف شكر على السالفة..وياريت فيه مواقف اخرى تكتبها لنا...

[صاحب نوماس]

الحمدلله على الوناسة والصيد

[أبو عبد الوهاب]

سبحان الله .فعلاً موقف طريف.

[الحركساب]

موفق خير والله سبحانه الهادى
الحمد لله على توفيقه

[عزيز2100]

الله يعطيك العافية

وتلقى هالذكريات احسن الذكريات

[قلب ذيب]

حلوووووووه انك تطمر على خوياك .
مواقف المقناص واحداثه تبقى محفوره في الذاكره .
على فكره ماكان عندك ( سي بي ) ! وهو من اهم ادوات المقناص .
شكرا لك .

[ذيب السدرية]

أنا لو منك كان قلت لهم حاط معكم شريحه تحدد موقعكم واللي بيلقاها بعطيه اياها خلهم يسهرون الليل يدورونها ويحرسونك بالمره ههههههههههههههه



أمزح معك ياخوي بس قلت بما ان الموقف طريف نرد رد ظريف

[الضيغم]

::



::



الله اكبر عزالله موقف رهيب ياغالي ..


هههههههههههههههههههه والله مضحك للغايه ..


يالله سبحان اللي أرسلك لخوياك بلا درايه منك ولا معرفه بمكانهم خصوصا وأنك مواعدهم بوقت غير ذا الوقت وعند محطه لنت مواعدهم عند حزوم مثلا ولا ضلعان ولا شعبان ..



ولاكن ربك القادر على كل شيء سبحانه ...

الله يوفقك ياغالي , ويرزقك أنت وربعك الأجواد الطيبين ..

مثل ما قال الأخ العزيز إذا كان فيه مواقف جميله مثل كذا لا تنسى أخوانكـ ..
هذي المواقف تنحكى ويسولف بها بالسمرات والطلعات ..


وبالتوفيق للجميع ..


::



::