موقف اخر طريف بالعراق>2>2>2>

[فارس قطر1]

في احد القنصات وكانت في بداية شهر 11 ميلادي كنا قانصين العراق ومع طلعتنا الصبح شار على صديق نروح مكان جاة من كم يوم ويمدحة قرب وادي الابيض ، المهم رحنا انا وياه سيارتين ، انا الحالي وهو معه خوية وباقي الحملة اتجهت جنوب عنا المهم قنصنا ولقينا بالوحدة والثنتين وصدنا منها على العلم ان القاع صار صيدة خفيف ووقفنا وزينا غدانا وتغدينا وقبل العصر حركنا طبعا من بعد الظهر مالقينا شي ويوم جا وقت العصير زينا شاهينا ونسولف والمخيم عنا مايبعد 20 كيلو الا وبذي السيارة هايلوكس بيك اب دبل غمارة فور ويل جاية علينا تمشي على قولة الشباب مليووووون ، قلنا هذول سلابة وخصوصا واحد راكب ورا والمعروف بذيك الديرة ان اغلب هذي السيارات فيها سلاح 500 في حوض السيارة المهم ركبنا سياراتنا وقلنا الردة نصف المرجلة ههههههههه وينك يالمخيم بس يالربع انشهد ان الاستيشنات مواتر والله معاد شاف اغبرتنا ـ
المهم وفي اليوم الثاني وحنا طالعين بكل سيارات الحملة تقريبا 7 سيارات الا وهذا الموتر الي لحقنا امس واقف على الشارع ونازلين منه 3 اشخاص وواحد منهم معاه اسلاح نوع رشاش ، تقدم خوينا الي كان معي يوم ماجونا امس وراح لهم يشوف ايش قصتهم وشوي الا وهو نازل حق سيارتهم وقربنا علية ،،
شتوقعون ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
معاهم فرخ شاهين وحش طارحينة يبون يبيعونة وما عندهم الخبرة القوية بالطيور ، المهم خوينا شرا الطير منهم برخيص حيل ورحنا للمخيم عشان يريحة وقسناة يالربع15.5/15.5 وافي
وسمحولي على الاطاله عليكم

[garah]

والله ياخوي فارس قطر
الأرزاق تجي يمك وانت تنحاش منها
هههههههههههه
الله يوفقك ويرزق
واتوقع يوم من الايام
انك بتهد طيرك على حبارى
ويوم تناضر الا فيه فرخ شيهان
وحش محول من السماء على الحبارى
ههههههههههه
وقتها اقولك اعتزل الصقاره هههههه
وموفق خير اخوووي

[ALNDOIE]

مشكور على المواضيع الجيده

[أبو__خــالــد او الوافي]

مشكووور وما قصرت
ولا تحلامنا من جديدك

[جملا2008/]

الله ستر عليكم وجت على خير هههههههههههههههه

[hawwamT]

الله يعطيك العافية...

[صاحب نوماس]

اخوي زين ماسويت الاحتياط في هالامور واجب بعض الاخوان يقول خلنا نشوف وش عندة وش تبي فية لايذبحك الذلة زينة

وقالوها العرب اول ( من ذل سلم )

[عزيز2100]

ههههههههههههههههه

ويرزقكم من حيث لا تحتسبون

الله يعطيك العافية على الموضوع

وننتظر جديدك

[راعي غضبان]

مشكور وماقصرت والله يوفققك هذه السنه مثلها بس انتبه لاتوقف لواحد ثاني وهو مامعه شاهين قاطع طريق وانشاءالله ما يجيك الا الخير والله يوفققك الصيد والفيد وتقبل مروررررررررررررررررررررررررررررررررررررررررررررررر ري

[الفيتو]

بسم الله الرحمن الرحيم
السلام عليكم ورحمة الله وبركاته
صباح الخير ياخوي /فارس قطر1

وش سالفة فروخ الشياهين ؟؟؟ ليتكم ما انهزمتوا كان مروحين
بحباري وفرخ شاهين
الله يكون من الأيام اللي ماتنسى
وإلا ليتكم يوم جوكم إن كم إن كم إن كم إن كم
يارجال الا الحمد لله على السلامه
وش يضمن ان امس كان معهم فرخ شاهين يمكن فرخ بلجيك
الله يكفيكم شرها
مشكور على السالفه
*
والسلام
الفيتو
الحجاز
30/8/1430هـ

[دلوع الهوى]

مشكووووووور وماقصرت بس لو انك صبرت اشوى كان اشتريت الشاهين ههههه

[راعي ندقان]

علا مقال الشاعر العافيه طيبه والجنه الجنه رزقن وجايك وتستاهل الخير

[راعي صعيب111]

والله انهم يدرون وين تروحون وترجعون


مخفينه قال لازم انشب على الخط

واحد من الربع ضيع فرخ شاهين فيه ريشه مشتغلت وذكله طير عند
عراقي يوم جاه طلع طير مهب طيره شراه جابه الدوحه طلع بسم واحد فيه
شريحه كلم راعيه وحلف من الطير للعم الطير حاشر حباري

[ذيب السدرية]

قصه رائعه صراحه ونستنى

[فارس قطر1]

الله يمسي الجميع بالخير ومبروك عليكم دخول الشهر الفضيل
حبيت اشكر كل من تفضل وتصفح وعلق على الموقف وعز الله انها كلمات طيبة من اوجية طيبة ، يمكن البعض يستغرب ان اكثر ما تكلمت عنه هي افروخ الشواهين وللعلم احنا في قطر من جربنا حباري العراق وسبقها وفعل الشواهين فيها اعتمدناها اعتماد كلي معانا في المقناص ، وماقول ان كلها تنجح ولكن اغلبها ناجحة ، والموقف الي كتبته انا اعتبرة موقف طيريف في بدايتة خوف ونهايتة طير ـ وصدقوني ياخواني اعتقد اغلب الحاظرين وانا متأكد انه حصل لهم مواقف وودة يقولها بس انها من غرابتها يخاف محد يصدقة وكل شي جائز ، ولكن انا اوعدكم اني كل فترة اطرح موقف سواء حصل لي او لأحد الاصدقاء يكون موقف طريف وخفيف ويفتح النفس لين ايطوف عليكم ال 30 من اسهيل .

[قرناس ارامكو]

الله يعطيك العافية أخوي / فارس قطر1
على هالسوالف الحلوة الي تنومس
صايدن وفايدين
وعساها دوم أن شاءالله
أخوك قرناس ارامكو

[حامد الحنيني]

ههههههههههههه
يارجال غبرت الرزق وراك وانت حطيت رجلك
صحيح لياقيل ما للعبد الا اللي يقسمله ..
تسلم اخووووي على القصه والله اني استمتعت وضحكت اضحك الله سنك ....

[مشبر البران]

مشكور وما قصرت والله يعطيك العافية
مرة ثانية لا تنحاش من رزقك
أصبر أعرف القصة أمش
لا صار قاطع طريق هذا شي ثاني

[الصبيحي22]

اسلام عليكم ورحمت الله والله يااخي الكريم اني اقراء وخيف من النهايه بعدين كانت نهايه طيبه وقلت يارب اخوالراجل مايصيبه مكروه وسلام

[مرهف]

الله يعطيك العافية والحذر واجب أخي فارس قطر

[مراد منصور]

شكرا على الموضوع و تقبل مروري.