المساعد الشخصي الرقمي

مشاهدة النسخة كاملة : الفيتو.. قبل.. وبعد صور


الفيتو
09/08/2004, 05:34 AM
بسم الله الرحمن الرحيم
السلام عليكم ورحمة الله وبركاته
مساء الخير يا جماعه اليوم طرى علي طاري فكره يمكن
جديده وتعجبكم انشاء الله والأيام الزينه
نبا نجد دها على الحول داير ودربن نباه يسمح الله أموره انشاء الله
حبيت اطلعكم على صور لي قبل وبعد أترككم مع ..................

قبل
..مضحى .. وحباري مربوطه ببعضها حتى ما توهن
وتموت نحتفظ بها حيه أكثر وقت ممكن لان
ما كانت تطري علينا الثلاجات الحافظه
مدري مهيب متوفره ههههههههه
http://www.mekshat.com/pix/upload/images5/mk8575_az.jpg
بعد
مضحى .. في أحد الشعبان وكل شي من فضل ربي
متوفر . صيد وجمعة نشاما الضلع وعل
و دقداق وبران والسهل ظبي
وحبارى وأرنب وكروان
. وهذا الفيتو بعد نزوله من الضلع
لسان حاله يقول اه لو ما لكت البندق
كان علوم ! شفت لي شوفه فالظلع لكن بكره
انشاء الله اعوضكم

http://www.mekshat.com/pix/upload/images5/mk8575_azz.jpg
قبل
طير رفيقي اسمه الرادار .. الله من مرة تل ولقط التراب ودغر
حبارى ما إنتبهت له الا هو عايم في راسها .. وطيري
اسمه المعجزه . كان تسمحون لي بهالكذبه قرناس
وحش من يوم نقلته لين درجتله الحبارى تسعه
ايام وعاشر يوم صاد ويوم ونهاية اليوم
الثاني عشر كان مانيب ناسي تساوى
مع أعلى طير في عدد الصيدات.
سموه الربع المعجزه ..
ما يستاهل الاسم ؟
يا جماعه الطيرين ذي قرضن الحباري ذيك السنه
http://www.mekshat.com/pix/upload/images5/mk8575_zx.jpg


بعد
نعمه وحباري .. وعسى الله لا يغير علينا
ويتم علينا نعمة الأمن والأمان
والصحه في الأبدان
ويعيننا على شكره
.. http://www.mekshat.com/pix/upload/images5/mk8575_bzz.jpg
قبل
هول الليل .. أكيد تذكرونه الجيب يشيل الطيور والعزبه
وجروتين وباقي مكان فاضي ضد العجاج والمطر ..
هاك اليوم الفيتو محد قده حباري وأرانب الطير
صايد والبندق صايده والسلقه
صايده هههههههههه
http://www.mekshat.com/pix/upload/images5/mk8575_cz.jpg
بعد
أجهزه وطيور لحاقه وفكس ودلع الله يديم النعمه
على الجميع ,,هالحر يا جماعه ما قد فكيت
سبوقه في جرة حبارى الا حطيتها
فالعليقه .. بس خساره مات !!
http://www.mekshat.com/pix/upload/images5/mk8575_czz.jpg
صقر
09/08/2004, 05:44 AM
السلام عليكم

مشكور اخي الفيتو على هذا الموضوع.

وموضوع رائع عن القديم والجديد ومقارنة ممتعة بس ذيك الايام السيارات تقطع الظهر من المطبات ولكن الصيد واجد ما ترجع مفلس أبدا.

والله يعوض عليك طيرك اللي مات.

وبارك الله فيك.
معمرها
09/08/2004, 06:27 AM
بسم الله الرحمن الرحيم
وعليكم السلام ورحمة الله وبركاته
يعطيك الف عافيه
اخي
((( الفيتو )))على المقارنه بين الجديد والقديم

وشـــــــــكـــــــــــــــــــــرً
*القبطان*
09/08/2004, 06:30 AM
اخي العزيز الفيتو
السلام عليكم ورحمة الله وبركاته
فكرة رائعة جداً
وصور اروع
ايام زمان الصيد وفير والخير كثير
والايام هذي نعم الله علينا زادت من سيارات واجهزه واسلحة
الحمد لله على كل حال
رحال
09/08/2004, 09:18 AM
اخي العزيز / الفيتو

بارك الله فيك اخي الغالي وموضوع رائع وصور اروع بين القديم والجديد او بين الماضي والحاضر .

نتمنى ان نجد لديك باقي من هذه الصور الرائعة .

وتقبل تحياتي يالغالي
اخوك بوخليفـــــــــــه
بوصقر
09/08/2004, 10:11 AM
ماشالله عليك ياالفيتو والله انعشت الخيمه تسلم يمينك

والله هيضتنه بهصور العجيبه واذا عندك زود لاتبخل

والسبوع الجاي بعون الله اشل الشاهين اتونس به لان الحر والرطوبه في قطر زهقتنه الله كريم
الجنوبي
09/08/2004, 10:20 AM
السلام عليكم ورحمة الله وبركاته
مقارنه ممتعه بين زمنين مختلفين ....الله يعطيك العافيه اخوي الفيتو

.............................................. الجنوبي
أبو ظبي
09/08/2004, 10:33 AM
الصراحة الصور تفتح النفس لا والصيد والصور القديمة أكثر روعة
أبو رداد
09/08/2004, 01:23 PM
بسم الله الرحمن الرحيم

السلام عليكم ورحمة الله وبركاته


الاخ العزيز الفيتو ... مشكو على هذه الصور الجميله ... وياريت تعلمني كيف قدرت تنزل الصور الفوتوغرافيه ...
السمح
09/08/2004, 01:40 PM
فكرة حلوة مررررة أخوي الفيتو

مقارنة بين الماضي والحاضر .. اجترار الذكريات ومقارنتها بالوضع الحالي تنقل المتصفح من زمن إلى آخر بشكل عجيب .

والله ذكرتنا وشوقتنا لسنين مضت .



واسمح لي فقد أعجبتني هذه الصورة من صورك وعملت عليها بعض التعديل

http://www.mekshat.com/pix/upload/images/mat/mixd/mk8575_bzz.jpg

تسلم على هالموضوع الرائع .

أحلى تحية
اعقاب
09/08/2004, 01:59 PM
الأصل كُتب بواسطة > رحاااااال<
اخي العزيز / الفيتو

بارك الله فيك اخي الغالي وموضوع رائع وصور اروع بين القديم والجديد او بين الماضي والحاضر .

نتمنى ان نجد لديك باقي من هذه الصور الرائعة .

وتقبل تحياتي يالغالي
اخوك بوخليفـــــــــــه
أيام العبور
09/08/2004, 02:31 PM
تسلم يمينك اخي (الـفـيـتـو) علا الصور الزينه








الله ياوقتن مضى واستحله
ميراج
09/08/2004, 04:55 PM
السلام عليكم ورحمة الله وبركاته

الفيتو بين الماضى والحاضر مشكور مشكور مشكور

صراحه فكره رائعه بيض الله وجهك
الباهي
09/08/2004, 05:43 PM
رائع يالفيتو كروعه الصور

تسلم وماقصرت وجعلك على القوه

اخوك
الباهي
الرماي
09/08/2004, 06:02 PM
الف شكر على هذا الموضوع الجميل والتعليق الرائع
والترحال بين الماضي والحاضر والقديم والحديث
موضوع جميل وصور اروع
رعد الجنوب
09/08/2004, 06:45 PM
السلام عليكم ورحمة الله وبركاته

اخوي الفيتو صورجميلة ورائعه وخاصة الصور القديمة
واتمنى وضع تاريخ هذه الصور واماكن الصيد
وننتظر منك المزيد ومن جميع الاخوان الاعضاء
لعرض الصور القديمة .

سلامي للجميع.
طيرحوران
09/08/2004, 07:46 PM
تسلللللللللللللللللم والله على هالصور اللي تشيوق والحمدلله على هالنعمه اللي حنا فيها عسى الله لايغيرها تحياتي
الفياضي
09/08/2004, 08:30 PM
الأصل كُتب بواسطة معمرها
بسم الله الرحمن الرحيم
وعليكم السلام ورحمة الله وبركاته
يعطيك الف عافيه
اخي
((( الفيتو )))على المقارنه بين الجديد والقديم

وشـــــــــكـــــــــــــــــــــرً
قشاع الرمث
09/08/2004, 10:57 PM
الأصل كُتب بواسطة طيرحوران
تسلللللللللللللللللم والله على هالصور اللي تشيوق والحمدلله على هالنعمه اللي حنا فيها عسى الله لايغيرها تحياتي
هاوي مقناص
09/08/2004, 11:51 PM
بسم الله الرحمن الرحيم..............


:good: :good: :good: :good: :good: :good:




اخي الفيتووووووووووووو مشكووووووووور وماقصرت يالغالي ،علي هالصور الرائعه ،


وميزت بين صيد زمان اول ،وتالي .


وعسي الله يوفقنا حنا وياكم ،بالمقناص الجاي .واللي بعده.


وشكرا مره اخري اخي الفيتو.



اخوك :الخشــــــــــف
fhd97
10/08/2004, 02:34 AM
السلام عليكم ورحمة الله وبركاته
ما قصرت يالفيتو ومشكور على الصور الرائعه
ولله الحمد والفضل والمنه بين الماضى والحاضر
فعلا اول مليون نفر فى السياره ولا تحس بضيق والعفش والعزبه والطيور
وحنا مع شيابنا وبالكثير سيارتين او ثلاث ومستانسين
الحين كل ثنين فى سياره واجهزه لاسلكيه وجى بى اس ولله الحمد
من الامور اللى نذكرها اول ما طلع الماجلان كنا اول نلتزم مع الشياب ونباريهم فى السيارت
ودايم هم فى عيونا نشوفهم ولا نباعد
الحين متى ما قمت من النوم كلمهم واحداثيه وتجيهم فى دقايق

الله يجزاك خير يالفيتو على هالصوره الطيبه
الفيتو
10/08/2004, 06:05 AM
السلام عليكم ورحمة الله وبركاته
صباح الخير يا جماعه
الأخ .. صقر
أسعدني إنك اول من رد شجعتني ياطويل العمر على قرايت الردود..الله لا يفجعك
في غالي صادق المواتر القديمه كنا نتهاوش على المركب قدام وهالحين
مع الوارد التالي ود ك تمشي على رجولك ولا تركبها
تسلم يا خوي

الأخ .. معمرها
تسلم ياراعي مكه المكرمه والعفو ما سوينا شي لو دريت
انك بتشوف الموضوع إجتهدت
فيه أكثر

الأخ ..القبطان
تعيش الرايع والله اللي مر على الموضوع شرواك
واللي يعجبك هو المبارك أشكرك على
تشجيعك لي

الأخ .. رحال
محال . محال . محال . ما نرضيك يا بو خليفه مدام
هالمجهود المتواضع أعجبك أبشر باللي
يسرك
يــــــــــــابــــــــــو خــــــــــــلــــــــــيــــــــــفــــــــــة

الأخ..بو صقر
يا سلام عليك يا بو صقر انت اللي وجودك في الموضوع
سبب انتعاشه ما ينرد لك طلب بو صقر منتب رخيص
ابشر باللي يعجبك ..ليتك تشيل الشاهين وتجينا
فالحجاز براد لك ولطيرك. ومدري لو اني
سمعت الليله من واحد من الربع صايد
كراون اربه يدلنا مكانها ونهد د
الشاهين جميع

الأخ .. الجنوبي
تسلم والممتع مرورك على الموضوع يالنشمي بس
الله يعينك على هالجيب وعلى فكره فيه صور
على اخو جيبك وانشاء الله ترى النورقريب .

الا خ ..أبو ظبي
أنا مبغى الا الصراحه ويوم تجي منك هذا واحده
من امنياتي والثانيه اسولف معك على
المركا اوسع خاطرك لين يجون
ربعك مدري وش اخرهم
عن الجلسه اللي اكثر
من رايعه

الأخ ..أبورداد
العفو يا طويل العمر .. ابرك شي يوم
جازت لك .. الطريقه ترى
ما نيب محترف بس
حسب ما جبتها
1- امسح الصوره على الماسح واحفظها على نظام جي بي جي بعدين سمها بحروف انجليزيه واحفظها
في المستندات
2- افتح الفوتو شوب
3- رح لكلمة فتح واطلب الصوره من المستندات , حط الماوس على الصوره بالأصبع الأيمن يطلع حجم الصوره افتحه وحط الحجم 550 واحفظها على الرقم
4- خلاص ما فيه اربعه رح لمكشات ونزل الصوره والصق الرابط تطلع لنا صور المحاربين القداما عفواً الصقارين القداما..

الأخ ..السمح
تعيش يالنشمي على هالرد الزين لو ما توقعته ما نزلت الموضوع
وأنت تمون الرجل ما يشاور في حلاله تغييرك للصوره
طلعها جميله وهي منول لك عليها واجد

الأخ ..إعقاب
بارك الله في أيامك . أقول وين راح إعقاب أخاف
ما درى عن الموضوع بغيت اتصل
على .. بس معرف احد فالشرقيه
بس الحمدلله طمنتني بردك

الأخ ..ابوليالي
تعيش وتسلم ويسلم من جابك
الله على وقت مضى فات ياحسين وعزي لمن ..... شعنه

الأخ .. ميراج
العفو العفو العفو ووجهك أبيض عارف
يا ميراج الطير اللي مسميه
المعجزه لو كنت أعرفك
قبل سميته ميراج

الأخ .. الباهي
يا مرحبا ترحيبة الأرض بالمطر
.كل ما نزلت صوره وأنت
على بالي أقول عسى
الباهي يشوفها
ابغى أجننك
فيتو غريب يبغى يجنن أخوه

الأخ .. الرماي
الف . الف عفوا كلامك زين والزين ما يطلع
منه الا زين لو سمح لي الوقت علقت
على كل صوره أكثر من شانك
لكن خير انشاء الله اوريك
صور تعجبك

الأخ .. رعد الجنوب
تسلم على مرورك وردك ورايك هو الراي
وعسى الربع يقرونه ولا يقصرون باللي
عندهم وانت اولهم ورغباتك أومر
وابشر بنزل موضوع يتكلم
عن رحلاتي وتواريخها
وأما كنها ولا ابغى
أحرق الفيلم

الأخ .. طير حوران
تعععععععععععععععيش شرفتنا بمرورك
والقصد توسيع صدرك و القراء
والله يعز الاسلام
والمسلمين

الأخ .. الفياضي
وعليكم السلام العفو ما سوينا شي
بس الحمدلله اعجبك المجهود
المتواضع كنت متردد
بس هالحين
تشجعت
تعيش

الأخ .. قشاع الرمث
مرحبتين مشكور على مرورك والله انك
صادق الله لا يغير علينا من
زود في زود علينا
الحمد والشكر

الأخ ..الخشف
العفففففففففففففو انت الرايع لانك مريت على
الموضوع وعسى الله يوفق الجميع
فالمقانيص الجايه
والعفو مره ثانيه
وثالثه

الأخ .. fhd97
تعيش وتسلم مرورك شرفني يا راعي النوم ههههههه
صادق الجهاز سحب البساط من تحت الدلايل
بنسبه كبيره والمقانيص من اول زينه
وهالحين زينه بس وين النشاط
والفضوه وروح المغامره
يا خوي غد ت مشكور
والله يجزانا
ويجزاك خير

..........................
والسلام الفيتو
http://www.mekshat.com/pix/upload/images5/mk8575_w.jpg