طيري الحر التام [الأرشيف]

yasser1389

21/08/2009, 03:08 AM

ياالربع عندي حر ما شاء الله عليه 17/17 صايد الحبارى والكروان لكن على الملواح مجنون لدرجة انه مايجي على الملواح يجي عليا غير ابعد عنه الين يتعبني قبل لايتعب هو وسبق ما يعطيني فرصه اللي عنده حل يتفضل

كلما نسنس

21/08/2009, 04:44 AM

حياك الله اخوي ياسر
مافهمت عليك
كانك تقصد الطير يشرشر عليك
حاول تجلس وتحط الشلوو باالأرض ((تطمع الطير ))
بعدين تكمل الملواح وان رجع وشر سوي نفس الحركه والله يعينك
وتقبل مروري

مطامر

21/08/2009, 05:07 AM

ياسر السلام عليكم
طول الخيط اللي مربوط فيه الشلو بحوالي 5 امتار وطيرك ذكي ويعرف انك تبغا تسحبه للجهه اللي انت فيها
فبعض المرات لا تسحبه وراح تشوف انه ما يصيبه لانه يتوقع انك تسحبه باتجاهك
وفيه طريقه ثانيه وهي انك تربط خيطين بالشلو بطول 5 م تقريبا بجهتين متعاكستين واللي يلاعبه شخصين من الجهتين وكل مره تسحب الشلو باتجاه مختلف
وانصحك ان طيرك ماتضعفه زياده لان الطير اذا جاع احيانا ما يشوف ومكن يصدم الارض
الله يوفقك وارجو اني افدتك

ذيب السدرية

21/08/2009, 05:08 AM

الحل انك تهده على حمام افضل لك

..@القناص@..

21/08/2009, 06:15 AM

يفيدونك الاخوان

راعي غضبان

21/08/2009, 06:40 AM

افادوك الشباب ماقصروا الله يبيض اوجيهم

yasser1389

21/08/2009, 04:30 PM

والله ماخليت عنه شي لكن هو ذكي سويت فيه الحركات اللي تقولون عنها مره ضربه الحبل لكن ربك ستربغى ينكسر.

garah

21/08/2009, 05:52 PM

ان شاالله هذى حلك لطير الي يضرب على الشلو
وتخاف عليه ينكسر ولا يتعور ولا يضربك انت المشلوي
وانا جربتها مع عدة طيور لاشلويت لها تجي بين الحمامه وبيني
وتضرب المربط الي رابط فيه الحمامه وقتها تقول الله يستر
وصرت احيانً لاشلويت لطير ماامون على راعيه وسو الحركه معي
صوتت لراعيه وقلت فكني من طيرك ههههههههه
واحيانً ماتحس الا الطير يضرب بجناحه رجلك
ولا تشوفه يضرب ويتعلق فيك
وهذي كلها ترجع لغشامة الطير على الملواح ولا زويان( الجوع)
يخليه ينعمي
المهم مالك بطويله وانا اخوك
خذلك مربط مترين إلى ثلاثه واربطه بالحمامه
وشلو للطير وخل الحمامه من تشوف الطير يهد عليك خلها بالارض الين يقرب منك
10 إلى 15 متر وثم اسحب الحمامه واحذفها وخلها تسبح مع الهوا على اتجاه الطير وقتها
الطير راح يتجه للحمامه الي كنها طايره واذا قرب لها اسحب الحمامه بتجاهك وقتها
الطير يروح يقلب للسماء وهو يناضر للحمامه الي على الأرض واذا رد كرر الحركه معه
وهذي احسن طريقه لكي يسلم طيرك من كل أذى واذا خلصت وتبي تمسكه سو الحركه ولاكن بحركة بطيئه لجل الطير يمسكه بالجو وينزل على الأرض من غير يتسبب لملوع ولا ضرب على الأرض
وكذى ترحم نفسك وترحم طيرك هههههههههههه
واذا مافهمت من كثر الكلام لاجاء الوقت مر علي واشرحلك ميدانياً هههههههههه
وكل عام وانت بخير
ومبروك عليك الشهر

عضو العزبه

21/08/2009, 06:58 PM

الدعو بالسناره زين للطير اللي يدعم بالارض او بصاحبه وحاول تمسحه كله فوق والسناره عباره عن عصا طول متر او اكثر مربوط فيها خيط التلواح ويفضل يكون الخيط قصير عن التلواح العادي

بو هاشم

21/08/2009, 07:12 PM

والله و انا اخوك عندي طير مثل حالتك
والله اني جربت معه جميع الحركات
تنفع معه اليوم وبكره اهو يشوف لك حل مع حركاتك
يعني يقولك سوى اللي تبي ول الوعد قدم
قمة ادعيه بالسياره عشان مايتعور
وهذا اسميه ذكاء في الطير يستاهل الاحترام على الدهاء

حربي511

21/08/2009, 07:29 PM

حامد الحنيني

22/08/2009, 12:56 AM

عطوك العلم الاخوان...

feras19

22/08/2009, 01:49 AM

ههههههههههههههههه عجيب

راعي اللزقز

22/08/2009, 02:30 AM

مسهم بالخير جميعاا ابغى ازود على كلام الربع وليس تنقيصا فيهم
وهي ياطويل العمر عط الطير شلو هواء وارتح والا عطه الشلو في الرقه يعني اذا جاك لاتحرك انت عشان يدري انك منت خايف منه واذا جا على الشلو ارفعه فوق عمودي
الطيووور واجد اللي تجيك لين تضرب راسك لاكن تفيد هذي الحركه معهم
ام كانه يطرررح الطير قبل لايجيك فادعه من بعيد واذا وقع ثاني مرره خل الشلوو في حظنك لايشوفه شوي وبعدها ابعد ولوحله

yasser1389

22/08/2009, 03:17 AM

مساكم الله بالخير الطير الي ينطح راعيه له طريقتين بالملواح الاولى تطويل الملواح ويكون
عند شجره صغيره بحيث انك تغطيها بفرشه والا فروه وتكون
في جهه والملوح في جهه وذا جاك الطير اسحب الملوح خلف الشجره والا الرمثه الثانيه بلجو حبل طويل واحدمحترف
اخوي العزيز مره شلويت لطير وعندي شجره ضرب فيها الطير وانكسرت رجله صارت متدليه وراه مسكين والله كان غالي عليا لكن لاحول ولا قوه .خلاصة القول الطيور مثل الرجال

ابو امنه

22/08/2009, 10:51 AM

الله يعينك مبارك عليك الشهر وتقبل الله طاعتك