المساعد الشخصي الرقمي

مشاهدة النسخة كاملة : من قد مرت عليه هذي الحاله؟؟؟؟؟


صقار مبتدئ
21/08/2009, 10:07 AM
السلام عليكم ورحمة الله وبركاته و كل عام وانتم بخير و تقبل الله منا منكم الصيام والقيام
حبايبي امس خرجت بعد العصر كالعادة اتفقد طيوري و ندرب الشيهانه الجديده الله يبارك فيها
الا الجبليه في الصاله ماهي في المربط و اخوي الصغير وتفقد صدرها و رجولها و يقلب الريش ؟؟؟؟
سألته قالي الوكريه اليوم بغت تذبحها بس الله ستر شبصت عليها اليوم و بغت تذبحها!!!
الوكريه صنيعه وهاديه جداً بس يوم اعطيتها العلف قامت تكوبر عليه مدري وش السبب احد عنده علم احد مرت عليه مثل هذي القصه وش الحل في نظركم ولكم جل احترامي و تقديري
مغــادر
21/08/2009, 10:22 AM
السلام عليكم ورحمة الله وبركاته
هذي والعلم عند الله انها فتنه من الجبليه يوم قربت منها وشي طبيعي في الطيور تستفرس من الطيور الثانيه حتي بعضها بعد الهدد والفتنه على الصيده يتغير على راعيه ويمكن الا بغا يمسح وجهه عقب مايعزله من الصيده يمكن مايخليه وهو قبلها ماشي ابرك منه وان شاءالله انها بسيطه ,,,

اخوك مغـــادر ,,,
جـرح الشمـال
21/08/2009, 10:38 AM
ماقصر مغادر
صقار مبتدئ
21/08/2009, 10:50 AM
طيب اخوي (مغادر) الله يعافيك و الله خايف عليها ان تتغير طبوع الوكريه لانها راكده تنصحوني اني انقلها هل اليومين و خليها تهد مع العلم انها حاذفه الموس
ولا الزها باجوع لين تعرف ان الله حق وتحترم جارتها(الجبليه)ههههه
راعي غضبان
21/08/2009, 11:19 AM
والله وانا اخوك ماهي جايته الا انها حاسه بالجوع ولوانه صنيع ماتسويها تاكد من صنعتها واكرمها غدى وعشاء والله ماعادتقول للجبليه شي والجبليه مادام تحومر لها لانها تدري ان الطير الي جنبها يبيها لازم تحومر لان الوكري ناويه تجيها وانشاءلوصلت حدها من الاكل ماعاد تحرك ساكنه ولاتطلعها مادام موسها ماضف مع الريش والف شكر لك
عروق الدهنا
21/08/2009, 12:35 PM
ماقصروا الاخوان


تحياتي
صقار مبتدئ
21/08/2009, 01:42 PM
والله وانا اخوك ماهي جايته الا انها حاسه بالجوع ولوانه صنيع ماتسويها تاكد من صنعتها واكرمها غدى وعشاء والله ماعادتقول للجبليه شي والجبليه مادام تحومر لها لانها تدري ان الطير الي جنبها يبيها لازم تحومر لان الوكري ناويه تجيها وانشاءلوصلت حدها من الاكل ماعاد تحرك ساكنه ولاتطلعها مادام موسها ماضف مع الريش والف شكر لك
حياك الله اخوي الغريب اني عالفها ذاك اليوم و هجمت على الشيهانه بعد ما علفت لكن كلامك صحيح الجوع سبب رئيسي و الله يعين عليها ومشكور على المرور
@قرناص@
21/08/2009, 03:17 PM
اخوي خل طيورك صنيعه وابعدها عن بعض وان شاء الله مايحصل شيئ //

والاخوان ماقصرو
الجراح11
21/08/2009, 04:33 PM
اخوي اكرم طيورك واذا ماتغير طبع الوكرية اربطه لا تخليها طلق بالمربط
ذيب السدرية
21/08/2009, 06:52 PM
أنا من رايي تربط القوي وتطلق الضعيف {يعني ضعيف الشخصية موب ضعيف الحال}حتى ولو كانن مصطنعات أما انك تطلع الوكريه بدري عليها أقل شئ لين ينتصف الموس
وعسى الله يوفقك تقبل تحياتي
بو هاشم
21/08/2009, 06:58 PM
حل هذي المشكله انك تبعدهم عن بعض
لان من الطبيعي ان احد فيهم يفرس الثاني من الجوع او الحذاره
والله يستر على طيورك انتبه له زين تر ى الموسم على الابواب