وش احسن قدر كاتم عندك

[ابوفزعه]

السلام عليكم ورحمة الله وبركاته


مساء الخير لاعضاء مكشات المحترمين


سؤالي عن احسن قدر ضغط اوكاتم عندكواتمنى المشاركه من الجميع


وابدا بنفسي

افضل قدر كاتم عندي هو السيب الفرنسي وسعر ال10انفار من 280 الى 300 تقريبا

ومن مميزات هذا القدر قطع الغيار المتوفره بكل الاسواق

[متاخر]

خل عنك ما مثل الكاتم الصيني وارد السيف او بادريق

رخيص وكد ومد :)

[راعي الغــتمه]

مساكم الله بالخير

والله تبي الصدق او ولد عمه


الصدق مامثل الصيني ممتاز وعلى كيفك
وقطعه متوفره بكل محل

وانا مجرب الاثنين والافضل الصيني

وتقبل تحياتي

[أبو يوسف]

وارد السيف ممتاز

والسيب حلو بس قطع غياره نار


مع التحية

[ابوفزعه]

واحترم راي كل واحد منكم


يقول المثل لولا اختلاف الاذواق لبارت السلع

وكل واحد يبدي رايه


وكل مقتنع باللي يستخدم

[ذيب البر]

انا اقول مامثل التيربو الالماني كد ومد وذق وسو الي تبي لك وللزمن بس عيبه انه غالي

لكن ترى قطعه متوفرة عند الوكيل وخذ ابو ساعة توقيت وتدعيلي


انا جربت السب كان يطلع ريحة غريبة في الاكل سبحان الله وعجزت القى حل

وانا ما اعمم هذا على قدور السب يمكن يكون البلا من قدري واخر شي

مرجوم بالمطبخ ولا استعمله

بس عيب التيربو له عصا تضيق عيلك بالعزبة الي هي الممسك

واذا كان فيه نوع ثاني من التيربو بدون عصا ما ادري

تحياااااااااااااااااااااااااااتي

[حد السيف]

السلام عليكم ورحمة الله وبركاته
الغالي ابو فزعة
اسعد الله اوقاتك بكل خير يالغالي
هذا الرابط يمكن يفيدك
http://www.mekshat.com/vb/showthread.php?s=&threadid=7275
ويعتبر من المواضيع المميزة في خيمة مطبخ مكشات البري
لك مني احر الدعوات بالتوفيق والسداد

محبك اخيك
حد السيف

[ابوفزعه]

اشكرك ياذيب البر على مشاركتك في موضوعي هذا



:eek: :confused: اخوي حد السيف اشكرك على هذا التنبيه ويعطيك العافيه

[شعيب الوسوس]

الصيني افضل شي على الاطلاق

[الربذي]

الأصل كُتب بواسطة متاخر
خل عنك ما مثل الكاتم الصيني وارد السيف او بادريق

رخيص وكد ومد :)

[راعي العزبة]

القدر الكاتم المفضل لدي هو : ( والله أني ما أدري وش أسمه:D :D ) لكن صناعته ألماني وله عصا من قدام

لكن له مميزات ماتقارن بالملايين وهي // أن هذا الكاتم مستحيل بل لو تموت(:D :D )ما ينفتح حتى يخرج جميع البخار الداخلي وهذا أمان لايعوض أبداً ليشششششش لانه لو أنفجر لاقدر الله طير وجهك(عاد من زين الوجه):D :D :D وهذا التنبيه خوفاً عليكم وشكراً

[ابوفزعه]

شعيب الوسوس

الربذي

راعي العزبه


مشكورين على المرور

[ابو شكاع]

قبل اسبوع اشتريت قدر كاتم الماني اسمه silit اعتقد كذا اسمه .... سعة 6.5 لتر بسعر 500 ريال ....ريال ينطح ريال ....عليه ضمان 30 سنة .....قلت لهم طيب لو اجيب الكاتم خربان عقب 29 سنة و 11 شهر و 29 يوم وعلى آخر ليلة من اعوام الضمان تصلحونه او لا ...قال نعم

كان عندي صيني ...وبيني وبينك خطير ....مرة يعمل البلف ومره ما يعمل .... طبعا اغلب استخدامنا له في البيت

شكرا لك

[ابوفزعه]

الف مبروك القدر وتطبخ فيه كل ماتشتهيه نفسك انشاء الله


ومشكور على مرورك

بس بيني وبينك غالي شوي

[الضاري]

خل عنك ما مثل الكاتم الصيني وارد السيف او بادريق

رخيص وكد ومد :)
:good: :good: :good:

[ابوفزعه]

الضا ري


مشكور على الرد ورايك وراي كل الاعضاء انشاء الله مبروك

[ابو شكاع]

لاوانا اخوك مهوب غالي شوي

الا قل غالي جدا

لكن وش نسوي

ندور المضمون ............ وممكن فيه مضمون وارخص ...... لكن خلها على ربك .......... الوالد الله يرحمه كان يردد مثل ويقول

يارخص المال عند الفقرا...............
شكرا لك

[محمد النجدي]

السلام عليكم ورحمة الله وبركاته

المعذرة على التأخر في الرد ولكن الشباب ما قصرووووووو

اما وجهة نظري فهي :BUTT1: :BUTT1: :BUTT1:
ان كنت تبحث عن الأرخص فاتجه الى الصيني , اما ان كنت تبحث عن الجوده والصحة فإن قدر الضغط يجب ان يكووووووون من نوع( الاستان استيل) اي ليس من الالمنيوم لانه خطير على المدى البعيد ثم يليه قدر التيفاااااال ثم الألمنيوم وعلى حسب الشركة الموردة

والسب من النوع الاستان ستيل انا افضله لكن سعره غاااااالي وودي اني وكيله كان اهدي كل واحد في هالمنتدى واحد او اثنين :heart: :heart: :heart:


واااااااسف على الاطاله . :good2: :good2: :good2:

[ابوفزعه]

محمد النجدي

مشكور على مرورك وعلى المعلومات القيمه

[خوي النشاما]

السلام عليكم ورحمة الله وبركاتة
لا تدور غير الهندي (هوكانز) وبس بسرعة الطبخ ولامان وقل الخراب واصيانه
وهذا راياي وشكر

[خوي النشاما]
[___________]