لا تحقر الحلبي ( قصة )

[أبو فالح]

أحبتي مسايير منتدى خيمة الصيد البري :
السلام عليكم ورحمة الله وبركاته .
في يوم الأثنين الماضي ‘ اتصل رفيقي على جوالي بعد صلاة العشاء وهو يصيح : الحق .. الحق ‘ قلت: خير أنشا الله ‘
قال الناس اكلت الصيد ونت أمتمبل أبيتكم ‘ قلت :لا يبعدي مهب أيو فالح اللي يتمبل ‘ وعدك الفجر ؛ قال رفيقي: إلا نمشي الليلة ‘ قلت الليله الليله يالله هالحين مرن ‘مرن رفيقي وخذنا العزبة والفرش ‘ و11كيلو قهوة ‘
وثلاث قنيان حلوه ‘ مالك به طويلة، مشينا تالي الليل ، ومرحنا باول المظهور، وركبت الجوال على صلاة الفجر ، رن الجوال وقمنا من النوم،
أخذ رفيقي يطوي الفرش ونا جمعت حطب وشبيت ضو ، وخذت أصلح القهوة ، صلينا الفجر وقرينا الورد ، ولا هاذي القهوة زاهبة ، تقهوينا لنا وجه ساعة ،
يوم سمرنا روسنا ونتهينا ، أخذت تالي القهوة وصبيته أبقارورة صحة ،علشان القاه لاصكن راسي ، المهم حركنا من النفود مع طلعة الشمس ،
وبعد ما مشينا حوالي كيلو ، ولا هذا فرق (النحم) يفقع من الأرطى ، يوم شفناه تخوبلنا ، جب البارود ، رد البارود ، وثرالفرق أبعد ولا أمدانا عليه ، لكن ما عليك رفيقي اشعثه با الموتر ، وطردي وراه، الفرق أعدده حوالي ثلاثين 30 نحمه ، المهم شفت الفرق يبي يكسر يم أطعوس أكبار ،
قلت مابه فايده ما دون الحلق إلاَ اليدين ،ونا أطلع مع الدريشه والسوبر قدامي ، ومحط الديك يوم شنقل ، الفرق يوم شاف زعيمه خرقه ضاعت مراجله ، قلت ها الحين لعبتي ، ونا أرمي الفشقة الثانية وجدع 6 نحم ، والفشقة الثالثه جدعت 4، والفشقة الرابعة وافقت أن الفرق كسر ونا أرمي ويهل 13 نحمة ،
بقي من الفرق 8 نحم ، ها ذولي أقطعن الخط اللي بين أبا الدود وقبه، ثم أرجعن مرة ثانية ، وخذن يدورن فوق الزفلت ، وهن يفتحن سنه ، قال رفيقي إيخلف الله راحن علينا ، قلت : عين خير الهوا نسري ضروري يطبن ، ما راح على كلامي خمس دقايق إلاَ هالثمان جايات أمسهمات ، وياقعن على أسلاك الكهرب ، منهن 6 أمتراجنات ، وثنتين عنهن أشوي ، قال رفيقي : وش الراي ، قلت :الراي عندي وجه الموتر على الست ، يوم زان المرمى ، ونا أعطيهن أفشقة وحده ، وكلهن يطيحن ما بهن رطب الحلق ، باقي ها الثنتين طارن مع صوت الرمي ، والمشكله مرماهن عسر ، يوم زان المرمى عليهن ولاهن مبعدات حوالي كيلو ونصف ، قال : رفيقي وش الراي تبي نلحقهن ، قلت : الراي عندي ، عطن ثلاثه تحت الصفر، قال : وش تبي تسوي ، قلت أصبر وتشوف ، ونا أحط االفشقة في بيت النار ومغط السوبر عليهن وهن أمجفيات ،ورفعه فوقهن 3 متر ، ونا أرمي ، وهن يا جماعة الخير يجمدن أمحلاتهن ، أخذنا أشوى لما وصلناهن ، يوم لقطهن رفيقي قال : لو أنا مانب معك ، مستحيل أصدق أن ها ذولي تو مصيودات ، يا بو فالح صا يرات أخرق والحلبي لا عبنبهن لعب ، قلت يا خلفهم : أنا دايم أقولك .. لا تحقر الحلبي .:D

[هاوي مقناص]

بسم الله الرحمن الرحيم....................




اخي ابو فالح مشكووووور علي هالقصه الرائعه ،، وعسي الله يوفقنا حنا وياكم لما يحبه ويرضاه.

وماقصرت يالغالي.



اخوك :الخشف

[الرماي]

ماشاء الله اللهم بارك

صيد طيب وسرد ولا اروع


الف صور على هذا الموضوع الرائع

[صاروخ]

اخوي ابو فالح
شكراً على هذا السرد
ولكن لاتفتح مجال للكذب
فتسقط قيمة المنتدى
وتكذب عليك كذبه :no2::no2:

[قشاع الرمث]

السلام عليكم ورحمة الله وبركاته

الله يهنيكم بصيدكم .

بس عندي كم سؤال :
1/ وشلون النحم وقع على اسلاك كهرب :confused:

2/ وشي هالبارود الي لحقت الصيد كيلو ونص :mad:

3 / وشلون الجول زاد اول شي تقول ثلاثين والي صدت حول الاربعين
( لايكونن فرخن فوق اسلاك الكهرب;) )

بس والله برميك غطيت على( جمس بوند)

اتمنى انك تا خذ ردي بصدر رحب .



:mad: :mad: :mad:

[أبو فالح]

السلام عليكم ورحمة الله وبركاته

# حياتي الخشف : شكرا لك .

# الرمادي : غلطتي ما كان معي الة تصوير .

# الصاروخ : لقد تعمدت أن يكون هذا الكذب واضح جدا ، فهو للتسلية والضحك ، والأجمل أن يتراوح المنتدى بين طروحات مختلفة .
أخيرا صاروخ قلبي لي رجاء خاص ، تكفى شل ها اللي ايتوعدن با صبعه . صراحة ما قدرت أقاوم .

# قشاع الرمث : ورا ما تقول يا بو فالح سا لفك من أوله إ لى اخره كذب أبكذب

:mad: .

_ سالفة النحم وشلون ياقع على السلك ، أنا معك ماهي عادته ، لكن أنا أعلمك ليش وقع ، يارمثوثي ها كل يوم وافقت طردناهن عقب سيل ، والأسلا ك مليانه منا قع .

_ وسالفة وشلون أجمدن على بعد كيلو ونصف ، أنا أعلمك الأسباب ، أولا : الماصوره تسوق، ثانيا : الفشق قوي ، ثالثا : أنا أعرف أرمي ، رابعا : طف النور ، خامسا : عين خير .

_ وسالفة وشلون زادن أنا أعلمك ، أولا : حلت البركه ، ثانيا : من لقفك تعدهن ، ثالثا : أقر توقيعي .

[قشاع الرمث]

السلام عليكم ورحمة الله وبركاته



ما اقول الا ايه:) :D ;)

[* ولد الديمن *]

السلام عليكم ورحمة الله وبركاته:

تسلم على هالقصة.....:p





قال الرسول صلى الله عليه وسلم(ويل للذي يكذب ليضحك القوم)

[الضاري]

بصراحة تصلح مشرف لخيمة القصص ...

أنت :good:

[((( الحر)))]

اخي الغالي ابو فالح...!!!

لولا مبداء الكذب لقلت لك..... رائع × رائع × رائع × رائع...!!!

تسلم يا خلفهم........ وياخليفة حفرلوجيا...!!!

اسجل كامل اعجابي باسلوبك المشوقك بارك الله فيك...!!!

اخوك............................((( الحر)))...!!!

[عاشق الصفاري]

الأصل كُتب بواسطة ((( الحر)))
اخي الغالي ابو فالح...!!!

لولا مبداء الكذب لقلت لك..... رائع × رائع × رائع × رائع...!!!

تسلم يا خلفهم........ وياخليفة حفرلوجيا...!!!

اسجل كامل اعجابي باسلوبك المشوقك بارك الله فيك...!!!

اخوك............................((( الحر)))...!!!

[حد السيف]

السلام عليكم ورحمة الله وبركاته
ابو فالح
اطلب منك ثنتين
الاولة خذ معك دربيل ياخي وصلنا الحالبي وحنا ورا النفود
الثانية ركب كاتم صوت ازعجنا الرمي من قوة صوت بندقك وبعدين حاول تصيد ببندق اقلمتها قصيرة والحبلي وصلنا وصوت البندق ازعجنا ماخلانا نصفر
خذ حسابك الواضح انك بواردي منتب بسيط

محبك اخيك
حد السيف

[أبو فالح]

عاشق الصفاري

لا تنطل من أحد .

حد الاسيف

أحس أنك شاك في كلامي .

[حد السيف]

السلام عليكم ورحمة الله وبركاته
معقولة حشاك لالا
ابوفالح يسولف ويبهر ويزيد الكيلة
ويكذب ابد لا جحيييد وامر بعيد لا حشاك محشوم من الشكة
للامام سر
وعلى فكرة حد السيف مهوب حد الاسيف

محبك اخيك
حد السيف

[برقن سرى]

الله يوسع صدرك بالعافية

ويحفظك من كل شر

[مدلّه الرعيان]

السلام عليكم ورحمة الله وبركاته

اخوي / ابو فالح ، يازين الهرج بالصيد لو هو خــــ ـ ـ ـ ـ ـ ر ـ ـ ـ ـ طـ ـ ـ ـ ي ، على كل حال يمدحون كثر الأرانب ها الايام . ! ! ! ! ؟ ؟ ؟ ؟ .
وش رائيك لو تعطينا او تسرد علينا قصة عن صيد الغزلان والوعول اللي صـدّ تهن بالنبّــاطه ! ! ؟ ؟ .
بصراحة ، يا ابو فالــــــح ، انت رائــــــــــــــــــــــــــــــــــــع :bounce:

وتقبل تحيات اخيك / مدلّه الرعيان

[الطبيب]

الشجر اللي فقعن منه النحم هو ارطى والا سمر ؟؟؟؟؟

لان النحم على خبري ما يقع الا على الطلح ولا يداني الما

ويقولون انه اذا شاف الماء يدوخ ويطيح لحاله !!!!!!!

والذمه على الراعي ....... اقصد الراوي

ولكن فعلا لا تحقر الحلبي

وانتبه لا يتهمونك بانك انت اللي طيحت المكوك كلومبيا هاك السنه !!!!!

لان الى الان ما لقو احد يلصقون به التهمه

وانت ما شاء الله عليك شوزنك نووي

======

الرساله وصلت يا ابو فالح وبشكل واضح وصريح اذا كان ما تقصده هو ما في بالي

====

همسه :-

قد يندفع بعض الشباب للتعليق او التقريض او حتى التقريع لابو فالح

لكن اقرءوا ما بين السطور

الموضوع اكثر من رائع ويستحق القرائه اكثر من مره

هذا والله اعلم

والسلام ختام

[طعه]

السلام عليكم ورحمة الله وبركاته
اللة يزوجك

[السمح]

سلمت والله يابو فالح
وسلم الفكر اللي أنتج
وسلمت الأيادي اللي كتبت الموضوع
نحن فعلاً بحاجة إلى مثل هذا الطرح المميز واللي ما يصدر إلا من المميزين
وإذ أنسى لا أنسى موضوع : السنافة (http://www.mekshat.com/vb/showthread.php?s=&threadid=22243) مما يدل على أننا أمام شخص يعرف كيف يوظف الكلمات لتتمازج مع الفكرة كي نحصل في النهاية على مواضيع رائعة .
ننتظر المزيد من هذه الدرر الجميلة من ناظم الدرر .

أحلى تحية

[صقر]

السلام عليكم

ههههههههههههههه

ابو فالح والله اني بالكاد كملت القصة من الضحك....... أجل 11كيلو قهوة!!! :D :D

تسلم على هالقصة ، والله كني اشوفك متصدر المجلس والشباب منبهرين بين مصدق ومكذب..

مشكور على امتاعنا بهالقصة وننتظر المزيد من هالقصص .

وبارك الله فيك.

[الربذي]

السلام عليكم ورحمة الله وبركاته
اخوي ابو فالح شدني بصراحة كثر الردود قلت افتح الموضوع الا
1-واصب القهوة بقرورة صحة ابيها لاصكنى راسى ؟؟؟قلت حشاء ماهو بصاحي شرب القهوة كيف ماهو روي عطش
2-11كيلو يامجرم الى اخبر 5و10و50 بس
3-بصراحة قطعت الشك باليقين يوم قلت اعمدت كهرب والكارثة كيلو ونص حشي مدفع وبعدين لوهو ضلع يالله تشوفة وشلون نحم 000000
لكن شديتنا شوي وتكفى يابو فالح لاتقرض الصيد 000000000000000000:good:
وقصدك وصل;) ;) وليس هناك تجنى على احد 00000والله يحفظك




اخوك

[أبو فالح]

Wsws

شكرآ لك .
......................

الضاري :

ونت بعد .
........................

الحر :

أنا يكفين فخر ... خليفة حفرلوجيا .... ولكن ، أرجو عدم التعبير بلفظ (خليفة ) لأن الخليفة يخلف من قبله ، يعني يكون حفر لوجيا أنتهى...... أدري أنك ما قصدك ، لكن أنا حبيت أتفلسف أشوي .
......................

عاشق الصفاري :
شكرآ لك .
.....................

حد السيف :

صراحة أنك تبالغ .
........................

أبو راشد :
آمين وجزاك الله ألف خير .
......................

مدله الرعيان :
غزلان أبنباطه .... أنا ما أحب الكذب .
......................
الطبيب :
- خبرك في محله . وبا النسبه للمكوك صراحة أني ذال ، لكن ما عليك ، أخوي طلع الأول .
- بشأن وصول الرسالة ، أنا لا أدري وشو اللي في بالك ، لكن رجائي ألعب أرضي .
- ............................
طعة :
آمين ... آمين ،، لكن ترى الدعاء يحتاج تفعل السبب ، يعني دبرن يا أحسن واحد با المنتديات .... يا بطل العالم .
........................
السمح :
عباراتك الجميلة ، وسام في عنق أبو فالح ..... وسام لا يقل عن جائزة نوبل .
- توقيعك غلية في الروعة .
.....................
صقر :
- أنا فخور بردك الباسم .
- أدري 11 كيلو ، أمتشاويهن ، لكن بصراحة : ما نوينا نقعد أكثر من يوم .
- بدون نقل والرزق على الله .
........................
الربذي :
صدقت والله ، القهوة كيف ماهو روي عطش .
- شكرآ لك .

[حفرلوجيا]

:D :D :good: :good:
مثل هذا الموضوع حقيقة.. يصلح لكل المواسم.. فقط للرفع ..
لجلب المتعة لمن لم يطلع عليه.. أو الاستمتاع من جديد..
====
خاص بابو فالح فقط :)
يا ليت يكتب هذا الموضوع مرة أخرى لنرى الفرق بين:
لا تحقر الحلبي ..... قبل العرس .. وبعده ;)

[دله وفنجال]

السلام عليكم...
وينك يابو فالح عجل علينا تراك ابطيت بلغيبة وعسى المانع خير...

[الشاقي]

هههههههههههههههههههههههههههههههههههههههههههههههههه

يا حليلك يا بوفالح
صدرك اوسع من الدهنا بارك الله فيك
يوم قريت سالفتك اكدت انك تبي تقول قمت من النوم

[الشاقي]

مكرر........

[Shawly]

اي والله هذي السواليف اللي توسع الصدر يا أبوفالح

بس أحس أنه مهب كيلو ونص يمكن يزولك وأنا أخوك







مع التحية...

[asd6244]

:D :D :good: :good:

مثل هذا الموضوع حقيقة.. يصلح لكل المواسم.. فقط للرفع ..
لجلب المتعة لمن لم يطلع عليه.. أو الاستمتاع من جديد..
====
خاص بابو فالح فقط :)
يا ليت يكتب هذا الموضوع مرة أخرى لنرى الفرق بين:
لا تحقر الحلبي ..... قبل العرس .. وبعده ;)
للــــــرفع

[نـجم الـشمال]

اخواني اقرأوا القصة او الراواية بشكل رأسي وحاولوا وشوفوا وش يطلع معكم مادري انا غلطان والا اتوهم

[بن محفوظ]

عليك بالعافية ... والحمج لله اني مانيب بنحم عندك ...

يوم قلت 3 تحت الصفر حسيت بالبرد ...


ههههههههههههههههه

بارك الله فيك ابو فالح على الاسلوب ..


وننتظر جديد رميك يالبواردي

[الوانيت1]

أحبتي مسايير منتدى خيمة الصيد البري : السلام عليكم ورحمة الله وبركاته .
في يوم الأثنين الماضي ‘ اتصل رفيقي على جوالي بعد صلاة العشاء وهو يصيح : الحق .. الحق ‘ قلت: خير أنشا الله ‘ قال الناس اكلت الصيد ونت أمتمبل أبيتكم ‘ قلت :لا يبعدي مهب أيو فالح اللي يتمبل ‘ وعدك الفجر ؛ قال رفيقي: إلا نمشي الليلة ‘ قلت الليله الليله يالله هالحين مرن ‘مرن رفيقي وخذنا العزبة والفرش ‘ و11كيلو قهوة ‘ وثلاث قنيان حلوه ‘ مالك به طويلة، مشينا تالي الليل ، ومرحنا باول المظهور، وركبت الجوال على صلاة الفجر ، رن الجوال وقمنا من النوم، أخذ رفيقي يطوي الفرش ونا جمعت حطب وشبيت ضو ، وخذت أصلح القهوة ، صلينا الفجر وقرينا الورد ، ولا هاذي القهوة زاهبة ، تقهوينا لنا وجه ساعة ، يوم سمرنا روسنا ونتهينا ، أخذت تالي القهوة وصبيته أبقارورة صحة ،علشان القاه لاصكن راسي ،المهم حركنا من النفود مع طلعة الشمس ، وبعد ما مشينا حوالي كيلو ، ولا هذا فرق (النحم) يفقع من الأرطى ، يوم شفناه تخوبلنا، جب البارود ، رد البارود ، وثرالفرق أبعد ولا أمدانا عليه ، لكن ما عليك رفيقي اشعثه با الموتر ، وطردي وراه، الفرق أعدده حوالي ثلاثين 30 نحمه ، المهم شفت الفرق يبي يكسر يم أطعوس أكبار ، قلت مابه فايده ما دون الحلق إلاَ اليدين ،ونا أطلع مع الدريشه والسوبر قدامي ، ومحط الديك يوم شنقل ، الفرق يوم شاف زعيمه خرقه ضاعت مراجله ، قلت ها الحين لعبتي ، ونا أرمي الفشقة الثانية وجدع 6 نحم ، والفشقة الثالثه جدعت 4، والفشقة الرابعة وافقت أن الفرق كسر ونا أرمي ويهل 13 نحمة ،بقي من الفرق 8 نحم ،ها ذولي أقطعن الخط اللي بين أبا الدود وقبه، ثم أرجعن مرة ثانية ، وخذن يدورن فوق الزفلت ، وهن يفتحن سنه ، قال رفيقي إيخلف الله راحن علينا ، قلت : عين خير الهوا نسري ضروري يطبن ، ما راح على كلامي خمس دقايق إلاَ هالثمان جايات أمسهمات ، وياقعن على أسلاك الكهرب ، منهن 6 أمتراجنات ، وثنتين عنهن أشوي ، قال رفيقي : وش الراي ، قلت :الراي عندي وجه الموتر على الست ، يوم زان المرمى ، ونا أعطيهن أفشقة وحده ، وكلهن يطيحن ما بهن رطب الحلق ، باقي ها الثنتين طارن مع صوت الرمي ، والمشكله مرماهن عسر ، يوم زان المرمى عليهن ولاهن مبعدات حوالي كيلو ونصف ، قال : رفيقي وش الراي تبي نلحقهن ، قلت : الراي عندي ، عطن ثلاثه تحت الصفر، قال : وش تبي تسوي ، قلت أصبر وتشوف ، ونا أحط االفشقة في بيت النار ومغط السوبر عليهن وهن أمجفيات ،ورفعه فوقهن 3 متر ، ونا أرمي ، وهن يا جماعة الخير يجمدن أمحلا تهن ، أخذنا أشوى لما وصلناهن ، يوم لقطهن رفيقي قال : لو أنا مانب معك ، مستحيل أصدق أن ها ذولي تو مصيودات ، يا بو فالح صا يرات أخرق والحلبي لا عبنبهن لعب ، قلت يا خلفهم : أنا دايم أقولك .. لا تحقر الحلبي .:D



http://www.mekshat.com/pix/upload/sign/images/mk52776.gif . .http://www.mekshat.com/pix/upload/sign/images/mk52776.gifhttp://www.mekshat.com/pix/upload/sign/images/mk52776.gif . .http://www.mekshat.com/pix/upload/sign/images/mk52776.gifhttp://www.mekshat.com/pix/upload/sign/images/mk52776.gif . .http://www.mekshat.com/pix/upload/sign/images/mk52776.gif http://www.mekshat.com/pix/upload/sign/images/mk52776.gifhttp://www.mekshat.com/pix/upload/sign/images/mk52776.gif . .




http://www.alnwady.com/stock/images/smilies/21_20.gif http://www.alnwady.com/stock/images/smilies/21_20.gif http://www.alnwady.com/stock/images/smilies/21_20.gif






http://www.alnwady.com/stock/images/smilies/050103gig_prv.gif http://www.alnwady.com/stock/images/smilies/050103gig_prv.gif http://www.alnwady.com/stock/images/smilies/050103gig_prv.gif http://www.alnwady.com/stock/images/smilies/050103gig_prv.gif http://www.alnwady.com/stock/images/smilies/050103gig_prv.gif http://www.alnwady.com/stock/images/smilies/050103gig_prv.gif








هه ههههههههاااا ههههه
أضحك لله سنك
ياااااااااااااااااااااااااااااااااااامن عين أبو فالح
وووووووووووين دنياه ......................//////.

[نشمي الحوطة]

ههههههه .. السالفة فيها نظر يبو فآلح

[طير آلفلآء]

ههههههههههههههه

[a1Ruwais]

ههههههههههه

[العبيطلي]

يا بو فالح / الونيت1 جاب ثمانيه كوريين يضحكون عليك وش السبب ؟

[ابو امنه]

الله يعطيك العافية يابو فالح

[escape_man]

اخي الغالي ابو فالح...!!!

لولا مبداء الكذب لقلت لك..... رائع × رائع × رائع × رائع...!!!

تسلم يا خلفهم........ وياخليفة حفرلوجيا...!!!

اسجل كامل اعجابي باسلوبك المشوقك بارك الله فيك...!!!

اخوك............................((( الحر)))...!!!


صدق ان الكبير كبير

هذا اسلوب النصيحة ولا بلاش

ابوفالح .. انا مثله .. بس لا اخفيك القصة جايزت لي .. ودي انها بسمرة على نفيدات وشابين الضوية والساعة وحده من الليل هههههههه

[a7md al-q9em]

ههههههه اجل 12 كيلو قهوهـ

الله يجزاك خير يابو فآلح..

[قناص عسير]

اهلين اخوي ابوفالح صدقني ما فهمت شي من القصه علشان كتابتك بالهجه المحليه مير عاد الله يوفقن ويوفقك لما فيه الخير

[الصقاااار]

مشكور على الموضوع

[الوانيت1]

يا بو فالح / الونيت1 جاب ثمانيه كوريين يضحكون عليك وش السبب ؟



http://www.asriran.com/files/fa/news/1388/8/20/121308_777.jpg

.................................................. ..........

........................................... :D :D :D :D :D

نبى تعليق صاحب الموضوع ...............////.
.

[عاشق هدبها]

وانا اقول وشي النحمه اللي طاحت فوق التنده وانا امشي بالطريق
اثره لكم؟
هههههههههههههههههه
ما قصرت يبو فالح
امتعتنا