للبيع تانكي سل ستيل للباترولات مايصدا ابداً الحق

[D I K T O O R]

سلام عليكم ورحمة الله وبركاته

مبارك عليكم الشهر


مساكم الله بالخير

وش اخباركم ان شاء الله بخير

عندي تانكي ماء سل ستيل اانا مفصل وكلفني تقريباً فوق 1000 ريال

التانكي كله سل ستيل حتى اللتلحيم

ولايصدي ابداً

ملبس رصاصي

سعته تقرياً 100 لتر او 90 لتر

يركب على الباترولات من 97 وتحت هذا اكيد
ومن 98 وفوق اتوقع يركب لئني شفت مقااسه تقريباً يركب

والتانكي يكون سدح بالشنطه

والسوماات

وصلت 300 و 500 و 700 لكن ماندري وش نقول

وعطونا سوماتكمم من جديد وانا منب طمااع

[عزوز2002]

الله يرزقك البيعة اللي تسرك

[عطيب الشوق]

السلام عليكم ورحمة الله وبركاته

تقبل الله منا ومنك صالح الاعمال والله يبارك لك في مالك وعيالك واعمالك

تبيعني بـ 350 ياشيخ انا مسير على شايبي في الرياض خلني امرك واركبه بالمره واسافر للشرقيه الله يجزاك خير كانك طعتني فهذا رقم جوالي اتصل والله يكتب اللي فيه الخير 0545099259

اخواك ابو سعد

[D I K T O O R]

جزاك الله خير

لكن 350 شويه بحقه يالغلا

والله مكلفني فوق 1000 ريال

[عطيب الشوق]

400 ريال يا ابن عمي واستعنا بالله

[D I K T O O R]

سومه طيبه من رجال طيب

بس عليك شوي

والموقع الرياض

[VIP-503]

الله يرزقك البيعة اللي تسرك

[D I K T O O R]

الله يرزق الجميع

وماقصرت على مرورك

[برق الوسيطاء]

اخوي وش نوع الباترول باب او بابين

[عطيب الشوق]

يا دكتور اول مره اشوف دكتور يتعب الناس ههههه الله يجزاك خير هذي 450 ريال والله المستعان ورقم جوالي عندك في اول رد لي والله يكتب اللي فيه خير لي ولك

[D I K T O O R]

عطيب الشوق
جزاك الله خير على هالسومه

لكن عليك بعد شوي

وتراني جااد لكن بـ 450 وهو مكلفني فوق 1000 ريال تحس انه شويه بحقه

[D I K T O O R]

اخوي وش نوع الباترول باب او بابين


شنطة الباترول تفرق بين الباب والبابين ؟؟

يعني كلها واحد الضاهر

[برق الوسيطاء]

صدقت الشناط زي بعض بس الجوع تخبر
طيب التانكي مبطي عندك سليم يعني مابه ظربات ولا طعجات
وهل التانكي من داخل مقسم

[D I K T O O R]

سلـيم ماشاء الله

[ترهيم]

شنطة الباترول تفرق بين الباب والبابين ؟؟

يعني كلها واحد الضاهر

لا وانا خوك تفرق .. شف الباب الواحد المرتبه الخلفيه وين واصله وشف البابين وينها :) إلا اذا تبي تسفط المرتبه الخلفيه مادري يمكن ..

لو تحط الطول والعرض والارتفاع يكون افضل لانه يمكن يركب علي الاندكروزر اذا الطول 117 سم والعرض 107 سم يجي على الاندكرزر اذا نقصنا اربعه سانتي في الطول والعرض عشان الحلق حق التثبيت .

[D I K T O O R]

المقاسات

العرض 102 سم متر
والطول 52 سم متر
والسماكه 21 سم متر

هذي المقاسات تقريباً

[D I K T O O R]

رجاء شباب اي سومات حطوها هنا

ونعتبر اخر سومه هي اللي بالموضوع

[abo-lma]

السلام عليكم ورحمة الله

يادكتور هل يحتاج ربطه بمسامير في السياره يعني شغلة دريل وخلافه

وكم وصل السوم علشان نعرف

موفق خير

[D I K T O O R]

ابو لما حيااك الله

يالغلا هو فيه مسمارين بس لكن اذا تعبى التاانكي مستحيل يتحرك والسبب بيكون ثقيل

والسوم واصل 500 بالموضوع الثاني

[عطيب الشوق]

السلام عليكم ورحمة الله وبركاته

يا دكتور انت باقي على علمك الله يجزاك خير ويرحم والدينا والديك
هذي 600 ريال والله يعين ان وافقت رقمي عندك في أول سومه لي

تحياتي
ابوسعد

[D I K T O O R]

لك رساله على الخاص

والسوم واصل 600

احد له نظر ؟؟ احد عنده زوود

[D I K T O O R]

السوم واصل
600
خلاص ترنا قريبين مررهـ يالغالين