قصيده موجهها لصقار البحرين .......صقار الأسياح

[صقار الأسياح]

السلام عليكم ورحمة الله وبركاته:
هذي قصيده موجهها لصقار البحرين الأخ جابر بن حويل تحكي واقع الصقاقير بالوقت هذا

ياجابر الأيام ماهي على الكيف
قامت تصافقنا جنوب وشمالي

والصيد من عامين غايب ولاشيف
ماب البراري غير حمر الثعالي

نسرح مع الغبشه ونرجع مناكيف
نقطع بها درب الوعر والسهالي

ياما طلعنا عالي الضلع والنيف
وياما تلاقينا بروس الجبالي

وياما بحثنا للحبارى مع الريف
نقصها حتى يحل الزوالي

ويطلع معك بالوقت عشرة ملاقيف
كلن يقول إن الحبارى حلالي

واللي يخفف من عنا القلب تخفيف
خوت هل الوقفات طيب الرجالي

هذا على العزبه وهذا على الكيف
يزلها في طيبات الدلالي

ونسهر على قول القصيد وسواليف
ونأمل على بكره بصيدن خيالي

ونقوم مثل اليوم الاول ملاهيف
ونعيدها كل الليال التوالي

عن حالة الصقار قدمت تعريف
وللي يخاصمني فتحت المجالي

هذا وانا مالي عن الطير تحريف
هوايتن بليت به من خوالي

ياحيف كيف اسلى عن الطير ياحيف
اللي مخاشرني بعيشة عيالي

قد قالها بدر الحويفي مراديف
الطير بقلوب الصقاقير غالي

واسندت للي يكرم الجار والضيف
بن حويل اللي طويل السبالي

جتكم تحياتي وشوقي مع الصيف
يالله عسى حالك ماهو مثل حالي


اخوكم / صقار الأسياح

[عوق الخريش]

بسم الله الرحمن الرحيم ,,
السلام عليكم ورحمة الله وبركاتة:
حيااك الله أخوي : صقاار ألأاسيااح ,,
كل عاام وأنت بخير وصحة وسلامة ,,,
يعطيك العاافية والله يبيض وجهك ياكحيلآن على القصيدة الجزلة ....لآهنتــــ,,,,
صح الله الساانك وأبوعلى يستااهل ورجاال كفو وعلومة غاانمة ومن عرب غنيين عن التعريف ,,
لآتحرمناااا من موااضيعكـ وقصائدكـ,,
تحياتي لكـ....وشكراّ,,


أخوكـ

( عوق الخريش )

[ربع خالي]

صح الله السانك وبيض الله وجهك على هالقصيده وخويك يستاهل لاهان ولاهنت ,,,
ياخوي تعال الرمله والمقسوم من الله بتعينه لازاحم ولامزحوم , وان عينت الحبارى خلها يوم ويومين وانت بارد قلبك ,,,
تقبل مروري
تحياتي

[@قرناص@]

مشكور على القصيييد وصح لساااااانك ..

[صقار الأسياح]

عوق الخريش
علكم السلام ورحمة الله وبركاته
وكل عام وانت بالف سلامه
وبيض الله وجهك وابو علي ما يحتاج
وصح لساااانك
ربع خالي
صح بدنك وبداية شهر 11 بحضر عندكم ما دام ما فيه مزاحم بيض الله وجهك
@قرناص@
صح بدنك

[قرناس ارامكو]

صح السانك وبيض الله وجهك

[مشبر البران]

صح لسانك
وابو علي يستاهل

[الفيتو]

بسم الله الرحمن الرحيم
السلام عليكم ورحمة الله وبركاته
مساء الخير ياخوي / صقار الأسياح

الشهر عليك مبارك وتصومه وانت طيب والله يجعلنا وياك من المقبولين
والمعتوقين من النار

قصيده جميله وتشكي ويشكي الحويفي ويشكون ناس واجد
لكن نقول عسى الله يجيب الوسم المبكر ويعم البلاد
ويرد الصيد مثل ماكان واكثر
الله كريم وقادر

وبن حويل يستاهل يسند له قصيد وخاصة فالطيور
والمقناص
*
والسلام
الفيتو
الحجاز
2/9/1430هـ

[ربع خالي]

والله مرحبابك من ممشاك لملفاك انت ومن معك ’’ ولي الشرف طال عمرك’’’
تحياتي

[راعي غضبان]

صح لسانك قصيده في محلها والله الصيد قل واما الثعاله عيت تنقرض كل شوي ناقز في وجهك والف شكر لك والشهر مبروك وكل عام وانت بخير

[صياد الرمله]

صح السانك وبيض الله وجهك

صياد الرملة

[بو هاشم]

صح لسانك ولسانه
وبيض الله وجهك على القصيده

[عزيز2100]

اولا : مبارك عليك الشهر

ثانيا : صح لسانك

ثالثا : هالبيت شب نار بفلبي

ونسهر على قول القصيد وسواليف
ونأمل على بكره بصيدن خيالي

تقبل مروري

[فهد الهلالي]

صح الساتك اخوي صقار الاسياح والله يعطيك العافيه على هذه القصيده الجزله
والمعبره والتي تحكي عن واقع عشاق البر والقنص والطير
وماكتبته في هذه القصيده الا من واقع معايشتك لهذه الهوايه المحببه الى نفسك
بالرغم من قلة الصيد وندرته
بارك الله فيك اخوي صقار
والله يحفظك وتقبل تحياتي

[أبو إبراهيم !!]

صح لسانك يا بو علي
والف شكر لك ،،،

[جرير]

حياك وصح لسانك
على هالقصيده اللي جرت بعض الصقاقير لخيمة الشعر
لا تحرمنا الزين