مشاهدة النسخة كاملة : احد يفزع لي بالراي ( عن سعر اللاندكروزر vx 2209
شعيب الجزر
23/08/2009, 10:54 PM
السلام عليكم ورحمة الله وبركاته
والشهر مبارك على الجميع
عندي مية الف ريال وناوي اشتري لاندكروزر 2009 vx
طبعا الباقي راح ادفعه اقساط
والمية دفعة اولى
احد الاخوان نصحني بمعارض الفلاح واحدهم نصحني بالشورى
واحد قال البازعي !
وش الراي احد يفيدني وين القا اقل سعر واقل اقساط
وانا رجال تعبت وابي الفزية لاهنتوااا
شاهين999
23/08/2009, 11:11 PM
الإجمالي بعد خمس سنوات 300000
شعيب الجزر
24/08/2009, 12:31 AM
مشكور اخوي شاهين بس ما فهمت عليك
ابرق نثيل
24/08/2009, 04:17 AM
مثال يوضح ان تقسيط السياره فوائده مرتفعه ولا ينفع :no2:
الافضل منه انك تاخذ قرض مرابحه على الرتب على سبيل المثال 60 الف وتقسطها على مده 3 سنوات والفائده في حدود 7000 تقريباً تطلع عليك السياره ب 172 وسعرها كاش 165:D
بينما في تقسيط المعارض بيطلع عليك ب 219 :no2:
سعر السـيارة: 165500 رس
لنتائج تعتمد على المدخلات التي قمت بإدخالها.
الدفعة المقدمة ر.س.: 44,651
الإيجار/القسط الشهري ر.س.: 3,000
مدة العقد (شهر): 36
الدفعة الأخيرة ر.س: 66,580
إجمالي التأمين ر.س: 21,722
إجمالي التكلفة ر.س.: 219,231 شامل التأمين
http://www.uis.com.sa/UISWebSite/Takseera_ar.aspx
لذلك القرض افضل والله اعلم
شعيب الجزر
27/08/2009, 07:29 PM
مشكور اخوي
واللي عليه قرض ويقسط من الراتب 4000 رياااااااااااال ؟؟
ما فيه بنك يعطي قرض مرابحة وانا علي قرض لبنك ثاني وانا اخوك
لكن الربع واجد وابشرك المبلغ انحلت مشكلته بقرض من اخ عزيز شروااااك
الله لا يهينك ولا يصغرك
مد رجولك على قد لحافك انصح بالابتعاد عن القروض
ابو ناصر2020
28/08/2009, 03:37 AM
الله يفتح لك يارب ابواب رزق مانتظرته ويرزق الحلال ويسد دينك ودي كل مسلم يارب
والله يطعمك خيره ويكفيك شره يارب مقدمن
وان شاء الله الاخوان راح يعطونك خبر على السعر
راعي المجهم
28/08/2009, 04:27 AM
يالله لا تبلانا ولا تحدنا على الدين
ماله حادك يامسلم تحط قيمة عمارة في حديدة تنقص قيمتها كل سنة
OoابوتميمoO
28/08/2009, 05:29 AM
انقز للمعارض يابعدي
وخذ معك ورقه وقلم وريح عمرك
دله وفنجال
28/08/2009, 05:30 AM
السلام عليكم...
ونا اخوك الشباب صادقين مالله حدك على الدين ونت تقدر تجنبه ...
معك 100000 ريال هذي تجيبلك موتر جديد بقراطيسه وجيب من احسن مايكون او خذلك مستعمل شي بصيط او نضيف لو موديله اوشكله من الأولات..
كل واحداً منا وده بلجديد ووده بكل موتر زين ورزه وكثير منا يقدر ياخذ بلاقساط بس مالله حد على الطلايب ووقفت الديانه على البيبان ولا دقدقت تلفونات البنوك كل شوي ...
مد رجليك على قد الحافك والقسط الي يبي يطلع عليك انت اولا فيه من البنوك أتدور على افلوسه ...
الله يفتح عليك ويرزقك...
راعي المجاهيم
28/08/2009, 05:42 AM
لا تروح دراهمك في سيارة مهما تشتري فيه احسن منها
شف اللي يقضي حاجتك والتوسط زين و انا اخوك ( مجرد رأي )
بو خليفه
28/08/2009, 07:46 AM
انا عندي عدة اقتراح
100 الف تجيب لك باجير فل كامل من الامارات بسعر 96 الف ريال صناعية يابانية سعره 96 الف ريال فل كامل درجة اولى
اذا كان تبغي لاندكروزر 2009م الافضل تأخذ قرض نقدي من البنك بالباقي و تشتري كاش من معارض النسيم او البازعي او عبداللطيف جميل ايهما سعر اقل والكاش عند عبداللطيف جميل هو اقل سعر
للعلم السيارة
لا يوجد عليها ضمان سواء من البازعي او عبداللطيف لأن من شروط الضمان الصيانة حتى يكون ساري المفعول
.أبوعبدالرحمن
28/08/2009, 10:28 AM
وانا اخوك فكر زين قبل ما تطيح بالاقساط
وهذي نقطة
النقطة الثانية اذا 4000 ريال ثلث راتبك خلاص ما تقدر تاخذ أي شيء بأقساط ابدا وهذا الشيء من مؤسسة النقد
وراح يشكون على اسمك بشركة سمه
يعني اختصر السالفة وشف لك فورنتشر والا باثفندر والا اكسبلورر والا مونترينو ميركوري والا اف جي والا باجيرو والا في اكس ار مستعمل والا باترول فتك مستعمل والا اللي انت تشوفه
ونصيحة ابعد عن التقاسيط ووجع الراس
وانت اللي تبي تقسط واعلم بحالك اكثر منا\
ولا تنسى الاستخارة
انا انصحك تاخذ بالكاش الي معك يوكون 2008 او 2009 دفرنسين لو كان اقل نوع
حال الدنيا وانا اخوك ربك اعلم بها
بكره والا بعده تنحد على مبلغ من المال ثم تبيع سيارتك توك شاريها وتنقص منها مبلغ وقدره ثم تطق يد على يد
نصيحتي لك
ترا الراتب اعتبره هو الدم بالعروق بعد الله سبحانه وتعالى
لو يجيك جرح عظيم ممكن يروح ربع دمك
يعني لو تجيك حاجه لازم تدفع دراهم يكون راتبك على الاقل يكفيك
نصيحه فكر
ترا كنت انصح واحد قريب لي ولا سمع الكلام
وهذاهو الان الله يرزقنا ويرزقه ويفتحها بوجهه عايش على السلوف وطق البيبان :(
حتى خرابات سيارته مايقدر يصلحها للاسف :(
نصحنا ولك الاختيار تحيتي :)
راعي جيوب
28/08/2009, 07:35 PM
وين رحت ياشعيب الجزر ترى نصايحهم في محلها وأنت الرأي لك والله يوفقنا وأياك
عاشق الرفاليو
28/08/2009, 07:56 PM
نصيحه لوجه الله ترا الحديد مافيه فخر ابحث عن موتر علي قد المبلغ اللي معاك ولا تحمل نفسك هم الدين @ اهلك او اولادك هم اولاء وخل فلسك لليوم الاسود او شف لك اي استثمار ينفغك للمستقبل مثل قطعة ارض او اي نشاط اخر
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir