لـكل دار طريقه في الصيد

[ربع خالي]

اخواني الصقاقير,, لكل ديره طريقه للصيد فيها وانا من عرفت المقانيص وانا في الربع الخالي ,, بمعني مالي حاجه في تطبيع الطير بالركاده في السياره لسبب بأن القصص واضح واغلب الصيد ارانب وماتحتاجلها طير يكشف في السياره ,, يعني من تربع الارنب كشف عن الطير وهد وبما ان النيه على الله بمقناص الشمال ودي اروض الطير على الركاده بالسياره ,, علما بأن الطير ينقل ثنو ,,,,, وكان عندي طير والله يالربع ماعلمته ياغير من حاله ركد بالسياره ومن اول ماكشفت عنه كان راكد ولا يرف جناحه الا على صيده وكان عندي من يوم هو وحش , يعني مانقله شخص قبلي ,

سؤالي كيف اطبّع الطير على الركاده في السياره



(الطير جير)

تحياتي لكم

[@قرناص@]

اخوي الي اعرفه ان الطير تعوده على الموتر والتكيييه تعلفه فيها ويجلس فيها مده .. لاكن

الصقاقير يفيدونك ان شاء الله بخصوص ركادة الطير //

[حريب الياس]

اخوي خل الطير يعلف على التكيه و لا تنزله عن التكيه من 3 الى 4 اياام و ان شاء الله يركد

[ربع خالي]

تسلم وبيض الله وجهك ولكن ان تم يكفخ والطير كبير جرم وقوي اخاف يتأذي,,,

[عروق الدهنا]

ودي اني افيدك

بس انا اقنص الارض اللي تقنصه

ونادر ما اقنص شمال

مقناصي كله بالرمله

والاخوان ماهب مقصرين انشاء الله

تحياتي

[أبو أمين]

اخوي الربع الخالي والغالي في نفس الوقت

هذي طريقه انا مجربها يامحاكيك وثلاث ايام والطير ركد ركاده تامه واذا عيا يتبرقع ما ابرقعه الا على التكايه

هذا يا طويل العمر لا جا الوقت مسيان يعني الشمس خلاص بتغيب رشه بالماء غرقه ببخاخ الماء وفرعبه ودوجبه ولا يكون معك احد في السياره ثم اعطه العلف على التكايه وخله يتعشى عليها وكررها ثلاث ايام وبتشوف النتيجه ان شاء الله

امل اني افدتك

[حامد الحنيني]

عطوووك العلم الاخوان...

[((السنياري))]

طرق واجد

1

بعد عشى الطير فرعه على التكايه وخله يتوعد عليها والا تحارشه الا اذا كافخ الطير برقعه

2

اخر موسم المقناص اربط الطير على التكايه ولاحض مرش الطير وين يكون لين يركد على التكايه
لان رح يكسر ريشه من كثر ماراح يكافخ وبفضل اخر الموسم


اذا الطير نزر اتعب عليه بتدهيل لان الطير النزر مراح يركد لو تسوي شنو له

والله يوفقك

[shaheen70]

الله يبارك فيك أخوي على الموضوع الي أعرفة أنك تعشي الطير دايم على التكية وتخلة مفرع على كل وقت وبيفيدونك الي أخبر

[ربع خالي]

قرناص:: جزاك الله خير ولاهنت ياخوي,,,
حريب الياس:: بيض الله وجهك وان شاءالله اجرب الطريقه,,,
عروق الدهنا :: تسلم ياراعي الرمله وان شاءالله نستفيد وياك من اهل الخبره,,,
أبوأمين:: هلا بالغالي , الله لايحرمنا من شورك لاهنت ياخوي,,,
حامد الحنيني::تشكر ياخوي على المرور والمشاركه لاعدمتك,,,
السنياري:: مرحبا ومسهلا , والانسان طبعه العجله ياخوي , وين انا والصيف عسى الله يعودنا عليه ,, لاهنت على المعلومه,,,
شاهين70:: بيض الله وجهك ياخوي , ولاعدمناك,,,
تحياتي لكم

[بحرة حوشان]

صبحك الله بالخير
ماقصرو الاخوان
وانا ابعطيك طريقه انشالله اني اتوفق بتوصيل المعلومه
1-تلوح للطير وتهلكه بالملاعب(تشقلبه بالملاوح لين يهلك)من تعطيه الملواح عطه شي بصيط من العلف وبرقعه واركب الموتر والطير على يدك وخل خويك يدرج الموتر وعلفه على يدك (كرر هالشي اربع خمس ايام)
2-الطير لايطيح من يدك انقله ليل ونهار وسهره لاتخليه يرقد وقت نومك خله بالديوان عند التلفزيون طبعن مبرقع وطول على الصوت
3-خل الطير طول ايام التركيد يكون محتاج لا تكرمه
4-عقب ماداوم على هالشي اربع او خمس اوست ايام او يمكن اكثر على حسب تجاوب الطير تعشيه على التكايه بالموتر ولا تعشى تخليه يمرح مفرع بالموتر معى تغريقه بالما البارد وتخلي هوا الشمال يأدبه اربع خمس ايام على هالمنوال انشالله انه بيركد
مع العلم انه الطير ان ماركدته وهو فرخ وبكر صعب يركد
والله يفقك بمقناص الشمال
وسلامتك يالنشمي

[ربع خالي]

اخوي ثامر ما اقدر اجازيك الا بالدعاء يالسنافي عسى الله يطول بعمرك وعمر من يعز عليك وبيض الله وجهك لاعدمناك وابشر باللي يطبق كلامك , ولافي باقي الاعضاء قصور عزالله انكم خويا المحتاج , ,,
تحياتي

[لعّاب المنايا]

الربع ماقصروا
وشوري عليك وانا اخوك إن اخترت لك الطريقه المناسبه من اللي ذكروها لك الربع
لا تسويها إلا آخر الوقت قبل الربطه حتى لو تكسر شي من الريش إلا هو عالى الربطه
أما اول الوقت قد يتكسر شي من ريشه ويتعبك وانت توك ماقنصت ... هذا رأيي وانت لك الاختيار

[بحرة حوشان]

اخوي ربع خالي
يعسى الله يسر امرك
وانت تامر ياللخو

[راعي غضبان]

اخوي ربع خالي صباح الخير الاخوان ماقصروا بس انا ودي مثل مقالوا الشباب واظيف ان الطير الي مابعد ركد بيتعبك وبيتعب نفسه ويتملع من الكفخان داحل السياره وبيتكسر ريشه ويمكن يقعد مده ماركد والملوع تزود فيه وتاخذ مده والملوع ماراحت منه ولاعاد يونسك خاصه والطير سبوق والله ان يتردا طياره وياخذ وقت مارجع الى وضعه الطبيعي وكانك تبي تركده احسن شي قبل المقيض نهاية الكراوين تسويبه مثل ماقالوا الشباب والله هذه نصيحه مني خله بكيفه يكافخ ويتملع اهم شي يركد ويعلف على التكيه لين تقوم تركب السياره ماعاد يقول شي مع كثر النقل والف شكر لك والله يوفققك الصيد والفيد وتقبل مرورررررررررررررررررررررررررررررررررررررررررري وتحياتي

[ربع خالي]

لعّاب المنايا:: لاهنت ياخوي وان شاءالله اكون من اللي يسمعون النصيحه , ولكن ودي أجرب ولاني بشاد عليه ولولا الحاجه ما خليته يكفخ ويتعب حاله ,,,
ثامر العنزي:: اللهم امين وعسى الله مايامر عليك ظالم وبيض الله وجهك,,,
راعي غضبان::هلابك ياخوي , احزنتني على الطير وانا بعدني مانقلته , عموما بيض الله وجهك وماقصرت, ومثل ماقلت انا بجرب معاه وان شاءالله يتسخرلي ويطاوع ,, و ان ماطاوع حيل الله اقوى , وبشوفلي طير طلاع ,,,
تحياتي

[نواف نجد]

صبحك الله بالخير
ماقصرو الاخوان
وانا ابعطيك طريقه انشالله اني اتوفق بتوصيل المعلومه
1-تلوح للطير وتهلكه بالملاعب(تشقلبه بالملاوح لين يهلك)من تعطيه الملواح عطه شي بصيط من العلف وبرقعه واركب الموتر والطير على يدك وخل خويك يدرج الموتر وعلفه على يدك (كرر هالشي اربع خمس ايام)
2-الطير لايطيح من يدك انقله ليل ونهار وسهره لاتخليه يرقد وقت نومك خله بالديوان عند التلفزيون طبعن مبرقع وطول على الصوت
3-خل الطير طول ايام التركيد يكون محتاج لا تكرمه
4-عقب ماداوم على هالشي اربع او خمس اوست ايام او يمكن اكثر على حسب تجاوب الطير تعشيه على التكايه بالموتر ولا تعشى تخليه يمرح مفرع بالموتر معى تغريقه بالما البارد وتخلي هوا الشمال يأدبه اربع خمس ايام على هالمنوال انشالله انه بيركد
مع العلم انه الطير ان ماركدته وهو فرخ وبكر صعب يركد
والله يفقك بمقناص الشمال
وسلامتك يالنشمي
لا زم ارشه بالما على شان يركد

[ابو امنه]

ماقصروا الاخوان
موفق خير يالغالي

[قنيص غير]

عطوووك العلم الاخوان...

[صاحب نوماس]

اخوي ربع خالي راحت عليك للموسم بعد القادم

لان بداية تعليم الطير على الطلع راح يكافخ اكيد وراح يتكسر منة ريش

لان اغلب الطيور نعلمها حنا وقت الكراوين

ويتكسر منة ريش وبالذات الذنيبا

انا ماانصحك اول الوقت مرة الا اذا تقول اذا تكسر منة ريش عندي غيرة هذا شي ثاني


والله يوفقك يالغالي

[عتيج الصوف]

جميع ما قالو الشباب من طرق مفيده ... بس ليتك مسويها قبل الربطه ... او سوها بالمستقبل قبل الربطه