المساعد الشخصي الرقمي

مشاهدة النسخة كاملة : استفسار بخصوص حراره الباترول


ابومعاذالنجدي
27/08/2009, 06:27 PM
السلام عليكم ورحمة الله وبركاته
مـــــــــــبروك عليكم الشهر اللهم احعلنا من صوامه وقوامه
الموضوع عند احد الاصدقاء باترول مديل 96 مشغله في الحراره
مركب مراوح كهرب سبارو ومن قدام مراوح تبريد حق المكيف
الحراره على الربع بس المشكله اذا دخل النفود ترتفع الحراره تصل الى النصف واذا شد على الموتر
تعدا النصف علما ان احد المراوح الاماميه حقت التبريد ما تشتغل
وش رايكم في ترجيع مروحته الاصليه هل تضبط مع الحراره
الديتر ممتاز نظيف مويه خضراء والله حترنا معه
وسلامتكم
صقر20
27/08/2009, 06:34 PM
تعدا النصف علما ان احد المراوح الاماميه حقت التبريد ما تشتغل


مراوح السوبارو أفضل من مروحة شد البلد ولابالفرق
كانكم بالرياض يبومعاذ وصفت لكم ورشة كهربائيين باكستانيين
يغير الدينمو حق المروحة وأنت واقف بـ 100-120 ريال
ترى هي السبب 100بالمية
ابومعاذالنجدي
27/08/2009, 08:03 PM
بيض الله وجهك اخوي انا بالقصيم
عاشق نجد ،
28/08/2009, 02:57 AM
حرارة الباترول بالنفود عادية انة ترتفع واي موتر كذا حتى التايوتا اذا دخلت النفود مع العسر شوي ترتفع حرارتة
سوبر VTC
28/08/2009, 03:25 PM
و عليكم السلام و رحمة الله

حياك اخوي ابا معاذ

اي موتر بالنفود يحتمي و تاصل النص خصوصا عند شبك الدبل الثقيل و ينطبق الكلام على الدبل الخفيف

على كلام الاخوان المروحه الثانيه الاماميه ما تشتغل الا اذا احتمى الموتر مره
يعني وصلت حول الاتش او قبل الاتش

بعدين جانا حر هاليومين مهب طبيعي
و لا تنسى الحر قبل شهرين
الفتك النيسان وصلت حرارته فوق الخطين يعني على الثلث
الله يرحمنا برحمته

اذا حبيت تشيك على موترك
مر على الكهربائي العثيم بصناعيه الرواف

موفق
talal2002l
28/08/2009, 05:24 PM
يعطيك العافيه
ابومعاذالنجدي
28/08/2009, 07:50 PM
بارك الله فيك يا اخوان
سوبر VTC
28/08/2009, 08:09 PM
بالنسبة للماء
المحلول خله يحط 2لتر او 3لتر بالكثير
لانه زيت مركز و مخصص للصدا و التجمد
لو زاد عن 3لتر راح تحتمي السيارة
اعرف شخص راعي مرهمات جيوب
ما يحط الا مقطر فقط يقول ابرد له
ايضا هو راعي ورشة و خبره

الحل

تحط جالون تويوتا الاحمر تلقاه عند العبيدان بالشارع التجاري
مخلوط و جاهز و مكتوب عليه لا تضف ماء

او انك تحط محلول اي سي ديلكو الاحمر تحط
ثلثي الجالون فقط و الباقي تصب مقطر

حل اخر

دام انه حاط مرواح لازم يحط حساس الماني على درجه 85 يشتغلن المرواح اذا وصلت الحرارة 85

اخبر احد الربع ركب غطاء اديتر استكر برتقالي اخذه من الوكيل و ركبه لسلقه باترول
اذا وصل سرعه 120 يحتمي و تعدا الحرارة فوق الخطين
رجع للوكيل وبدله و اخذ غطاء لكن بدون استكر
و نامت الحرارة :good:

البلف
حساس جدا للحرارة
اذا كان فتحه ثقيل فان الموتر يحتمي لان الماء ما يدور بالسرعه الكافيه

بما انك مركب مرواح سوبارو
يفترض ان تخرم البلف فتحتين كل فتحه ريشة دريل 4ملي
و هذه طريقه العثيم

الفائده منها
عشان المرواح تسبق للماء الحار
و تشتغل عشان تبرد الاديتر قبل ما يفتح البلف
لان الحساس يقرا الماء الحاء اثناء خروجه من عند الفتحتين
و بالتالي تشتغل المرواح
ابومعاذالنجدي
30/08/2009, 02:25 AM
ابشركم يا اخوان زان الموتر وكان السبب هي المراوح اسبارو غيرناها وركبنا مروحته الاصليه وزان
الحين حرارته فوق الخط ما تصل الى الربع والله الحمد والمنه بارك الله فيكم اجميعا
راعي جيوب
30/08/2009, 03:13 AM
زين ماسويت أخي ابو معاذ النجدي مافيه زي شد بلاده أبو عيون صغار أبخص يقدر يجيبه من المصنع مراوح كهرب والله أعلم (وتقبلوا رأي المتواضع أخواني الكرام)
راعي الفتك 9
30/08/2009, 03:37 AM
المراوح دايم أقوله لصغاير فقط أو للبور
د ك م 586
30/08/2009, 04:50 AM
المراوح افضل تبريد في حال وقوف السياره
اما في حال التطعيس والمشي بالنفود المستمر مافيه افضل من مروحة البلد لانها تسحب هواء اكثر من مراوح السوبارو والسبب انها تدور مع دورة المكينه
د ك م 586
30/08/2009, 05:00 AM
اخبر احد الربع ركب غطاء اديتر استكر برتقالي اخذه من الوكيل و ركبه لسلقه باترول

اذا وصل سرعه 120 يحتمي و تعدا الحرارة فوق الخطين
رجع للوكيل وبدله و اخذ غطاء لكن بدون استكر
و نامت الحرارة :good:



بالنسبه لغطاء الاديتر كل ماكانت السسته اللي بين الربلتين خفيفة الضغط كانت الحراره اقل لان الاديتر مايحجر الحراره داخله ويطلع الزايد للقربه والعكس صحيح
بعض الاحيان استغني عن البلف (الربله التحتيه ) بقطعها وذلك للمواتر اللي مالقيت لها حل في الحراره وفعلا تخف الحراره بشكل نسبي ولكن مع ملاحظة ان الموتر لابد ان يكون مشيول منه بلف الحراره وفي نفس الوقت لابد من ملاحظة ماء الرديتر لانه راح ينقص نقص بسيط بسبب التبخير المستمر الى قربة الماء
VTC2008
30/08/2009, 03:40 PM
طيب ابو معاذ ابي المراوح اذا كانت للبيع 0534442730
الحرب20091ي
12/09/2009, 09:59 PM
زود رصات الرديتر والله ولي التوفيق