مشاهدة النسخة كاملة : لاصحاب اليوكن 2008 اش رايك
البريد الحر
27/08/2009, 08:05 PM
السلام عليكم ورحمة الله وبركاته
اخواني زوار مكشات انا عندي يوكن 2008 وخربت عندي المساعدات قدام
ابغا نصيحتكم لي هل اغير من الوكاله او فيه مساعدات مناسبه وارخص
افيدوني جوزيتم خيراً
كبسولة2
27/08/2009, 09:56 PM
خذها من خارج الوكالة أرخصلك
قمة افرست
27/08/2009, 11:25 PM
مسرع تخرب الله يعين
اعتقد الموديلات الجديده تختلف القديم البدايل ياكثرها
اذا انت بجده في كيلو 9 محل مختص مايبيع الامساعدات وارخص عن الشركة بالنص
ان شاء الله تلقى المطلوب عنده
البريد الحر
28/08/2009, 02:49 PM
شكراً لكم اخواني انا من القصيم اخوي وعرف محلات كثيره تبيع مساعدات
لكن السؤال هل يضر السياره او لا افيدوني
نوخذه البحرين
28/08/2009, 03:54 PM
طيب وش سبب خراب المساعدات ؟ السيارة جديدة 2008 ؟؟؟
عموما نصيحتي لك دام ان سيارتك جديدة انك تركب الأصلي !!
وافضل تركيبة بالوكالة او بورشة خبرة
لأن المساعدات لها قياسات وميزانية معينة ، اذا ما ضبطت خذ انواع الاصوات والرجه بالسيارة
أبو LAMeS
28/08/2009, 05:53 PM
السلام عليكم ورحمة الله وبركاته
اخواني زوار مكشات انا عندي يوكن 2008 وخربت عندي المساعدات قدام
ابغا نصيحتكم لي هل اغير من الوكاله او فيه مساعدات مناسبه وارخص
افيدوني جوزيتم خيراً
إذا كان الضمان ساري المفعول فالضمان يشملها
موفق..
سوبر VTC
28/08/2009, 06:02 PM
تاكد من الضمان
فيه محلات متخصصه بالامريكي
العبيدان بالشارع التجاري و صناعيه السليم
الغنام عند حقين الكفرات
ايضا محل الشعار بجنبه
اتوستار بطريق المدينه بجنب تقسيط سيارات الراجحي
موفق
ساري 111
28/08/2009, 09:43 PM
الموتر جديد !!
وش سبب خرابه ؟؟
وكيف عرفت انه خربت ؟؟
mtc_959
28/08/2009, 10:07 PM
عزيزي الامريكي عندك نوعين لايعلى عليهم جبريال ومورانو اثنينهم تحصل عندهم احسن من حق الوكاله وانا انسان مجرب
القاسي جبريال وفيه بعض الانواع تقدر تعدل فيه يعني قاسي وسط ناعم مره
والمورانو حليوم ناعم وجيد
واسعار الاثنين ارخص من حق الوكاله وعليهم ضمان بعد
سوبر VTC
29/08/2009, 05:43 AM
عزيزي الامريكي عندك نوعين لايعلى عليهم ومورانو
والمورانو حليوم ناعم وجيد
واسعار الاثنين ارخص من حق الوكاله وعليهم ضمان بعد
المونرو ممتاز جدا و يركب للشيروكي
تحصله عند الغنام نفس وصفي السابق
متخصص بالجمس و الشيروكي
سوبر VTC
29/08/2009, 05:43 AM
الموتر جديد !!
وش سبب خرابه ؟؟
وكيف عرفت انه خربت ؟؟
ياحبك لكثر الاسئله :D:p
و الله من الشرافه :j
عابر سبيل933
29/08/2009, 06:17 AM
اخي البريدالحر لاتركب بسيارتك الاشي اصلي ابعدعن الرخيص المخيس بس انتبه تشتغل بالوكاله غالين ماادري على ايش عماله زي الي برى خذاصلي وركب بورشه معروفه شغل نظيف اي مدينه لابدانك تحصل ورشه شغله نظيف اسأل خوياك بالشبه -وانايمكن اكون بمدينه بعيده عن مدينتك لذلك مااقدر اقول لك الورشه الفلانيه
أخوي الله يحفظك اول شيء تأكد من المساعدات عندك
هل هي عادي ام نظام هيدروليك؟؟
ويختلف يوكون عن يوكون في المساعدات
لاتحسبهم كلهم سوا
انا معي موديل 2000 وجيت اشتري مساعدات قالوا هات رقم الشاصي
عطيتهم رقم الشاصي قالوا مساعداتك نظام هيدروليكي
والمقصود بالنظام الهيدروليكي :
((يعني ثابت على ارتفاع معين ، واذا حملت على السياره حموله ثقيله يرتفع هو من نفسه ويثبت عند الارتفاع المعين))
واليوكون 2000 مااتذكر بالضبط لكن سعره اتذكر حول 1200 ريال للوحده
ورحت محل جبريل وقالوا تبي نفس المقاس حق شد البلد؟
قلت نعم
وخذتها الثنتين بمايقارب 180 ريال
ورحت ركبتها لكن للأسف نزل الموتر شوي عن اول :(
وتوني مركب كعكات :(
فا نصيحة اخو لك
اذا الضمان منتهي او مايشملها
لاتركب الا عند الوكاله دام ماشاء الله موترك جديد
لانك لو ركبت من برا
راح تحس بفرق + لون المساعد يجيك ابيض او غيره
تحيتي لك
البريد الحر
31/08/2009, 05:04 AM
شكراً لجميع من ابدا رأيه كلٌ بإسمه
ولكن ياخوان والله اني ازدت حيره الله يجيب واحد معه نفس المديل ومجرب الله يعين انا وصيت واحد لبالبيد الي في الرياض ولاحصلت لا ومثل ماقال اخوي برقم الشاصي مادر ليش التعقيد هذا
وشكرا لجميع زوار الموضوع
عندك محلات واجد وارخص من الوكيل
مثلا عندك محل التقوى ((ماادري عن قطعهم اصليه او لا))
لكن انا قد شريت منهم قطع لليوكون يقولون نفس حق الوكاله بس حنا نجيبه ((يعني اصلي))
وهم متخصصين في سيارات جنرال موترز خاصه
مرهم وش كان عندهم 2008
وهذا رقمهم في صناعية ام الحمام
4883241
كلمهم بكره ان الله احيانا
وسألهم
اذا قالوا مافيه قل شوفولي بالفروع الثانيه
يطقون الكمبيوتر او يكلمونهم ويعلمونك
موفق اخوي :)
البريد الحر
11/09/2009, 10:08 PM
شكراً لجميع الزوار
احب ان افيدكم اني رهمت مساعدات قدام
وهن مساعدات مرسيدس وركبتهن كلهن الاثنين مع المساعدات ب600 ريال فقط عند السيف الي بالصناعيه ببريده والحمدلله الى الان ماشي ممتاز
تصدقون رحت للوكاله وقالولي الواحد ب 2050 يعني الاثنين ب 4100
والله العضيم استغلال قيمت سياره
ابو ريان1881
12/09/2009, 01:30 AM
انصحك تبحث عنها عند العجلان بالتشليح
سوبر VTC
12/09/2009, 02:07 AM
و الله نطل و استغلال و استغفال
اجل 4000 و كسور :mad:
بقيمة ال4000
تركب مكينه لجيب
طيب ما حصلت مساعدات عند الغنام او العبيدان ؟
البريد الحر
16/09/2009, 03:46 AM
هلا بخوي سوبر VTC واشكر لك مرورك
بنسبه للغنام وين موقعهم والله انا مريت الشراع واكسترا والمحلات الي حولهم ولا حصلت
لكن اذا تعرف محل لو بالرياض بس بدون ماجيب الاولات
وشكراً لجميع زوار الموضوع
التل الصامت
30/11/2009, 10:29 PM
الاخوان فيهم الخير راح يفيدونك وانا ما عندي علم بالموضوع والله يوفق الجميع
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir